January 20, 2010

قانون رقبة الانترنت




مش عارفة ليش الكل زعلان و مفقوس

و يولول على الحريات الضائعة

اللي بيسمع بيقول ما كانش في رقابة

كل عمرنا و في رقابة بس هلا اعلنوها


همة شايفين و ساكتين

سامعين و سامحين و مسامحين

سامحين بمواضيع و بيمرروا و بيقولو يالله ما حدا قاري ورق

و كلهم هالاكم واحد اللي بيقراو و بيكتبوا
و الباقي عالتشات و مواقع التزبيط
و المواقع الاخرى اياها
و اخرين بيلعبوا فارم فيل عالفيسبوك
و شوي قالبينها طوش مين احسن رابر بالزرقا

بس شكلوا الموضوع تطور شوي
و صار في للانترنت صوت
و صار صعب يتركوا الامور تتطور
لانه الانترنت صارت دولة تانية
و فيها سكان
و الناس بيقضوا وقت طويل
و بيكتبوا و بيقراو

هلا ابو صلاح الدكنجي عنده ويب سايت
و ام مراد الخياطة عندها فان بيج
اي اشي بالعالم اله ويب سايت

يعني الامور فلتت مرة وحدة

و يمكن يا جماعة هادا الموضوع اله علاقة بالحادثة الاخيرة
ما غيرها
انه كان الها اساسات على مدونة

و يمكن يا جماعة هم شايفين اشياء نحنا مش شايفينها
مستحيل نعرف كل شي و نقرا كل شي

احكيكلم اشي
انا عارفة و متأكدة انه مش هدفهم تعليق انكتب او موضوع او تنفيسة
مع انه صراحة و بيناتنا
في مواقع اللي بتلاقيها بتنكش مخ و بتهوي و بتهول
و بتسمح و بتشجع تعليقات
الحقيقة نحنا ما منرضاها

و بالاخر بيكتبوا على قاع الصفحة
الموقع غير مسؤول عن الكلام المكتوب هنا
و هدا الكلام و المسبات تعبر عن راي اصحابها
و احنا ما النا خص ولا منتدخل

روحو على هاي المواقع و شوفو الكلام المكتوب
اي موضوع مهما كان تافه بيقلب اقليمية و طائفية و عنصرية
و كله بيفكر انه متخبي
بكتب كلمتين و بيروح بيكمل صرمحة عالنت


متزكرين قبل سنتين بشهر سبتمبر 2007
مش صارت نفس القصة
و كتبتنا و ما كتبنا
و جلالة الملك قال لا رقابة


معناتو في اشي صار

المهم
نشوف الموضوع بزاوية نضرة مشرقة

المزيد من فرص العمل الان متاحة للشباب و الشابات

امن انترنتي
شرطة مرور عنكبوتية
(هاي مش مسبة... ها
صاعقة سايبرية
وحدات امن مركزي تويتري
مظليين فيسبوكيين
مشاة ماي سبيس
اما لينكد ان فتابعة لوزارة العمل
و الكل يقدم هناك

و يمكن بوكرا نلاقي جروب عالفيسبوك

نعم للرقابة الانترنتية
و الانضمام
تلقائي
(انا ما قلتش اجباري



يمكن موضوعي يلخمكم
و تقولو انتي مع مين
معانا ولا مع التانيين

انا كمان ضايعة بالنص
انا مع حرية الكلام
بس في ناس بيزيدوها
و ناس بيستغلوا الحرية

انا ضد التكميم و التعتيم
لكن بحاول اشوف الموضوع من كل النواحي

اتمنى انه القانون لو اجيز
يكون واضح شامل ملم
و اللي بيكتبوه يكونوا عارفين عن شو عن بيحكوا
لانه جماعة الانترنت ناس تانية
هية نفس الناس اللي بتشوفوها بالشارع
بس عالنت غير
فلازم تكونوا انتو غير

و تصبحون على خير
مصطلحات وردت في الموضوع

مفقوس: نسبة الى الفقوس كان في لعبة منضرب بعض عالراس و منقول اليوم عيد الفقوسة

يولول: بيقول وله وله...كلمة عاطلة

التشات:برامج تسمح لك ان تتحدث مع بنت الجيران بدون ما اخوها يعرف

التعليقات:كلمات تكتب بعد قراة موضوع واهم اشي اول واحد بيعلق و الباقي بيوافق بدون تفكير

مواقع التزبيط: اي منتدى عربي

المواقع اياها: ما غيرها

فارم فيل:لعبة على الفيسبوك بتعملك مزارع و بتخليك تفلح ارض وهمية

الفيسبوك:منطقة زي دوار عبدون يوم الخميس بالصيف

رابر:الراب اي كلمة بتغنبها و بتصير تتف عاللي قدامك

فان بيج: صفحة عالفيسبوك بتقول لصاحبك يعملها عنك و يلم الناس و بتعمل حالك مش عارف

تنفيسة:هوا بيطلع ليريّح صاحبه و ممكن يقرف اللي حواليه حسب نوع التنفيسة

صرمحة عالنت:نفس صرمحة الشوارع بس اسرع

التكميم: عكس ما يفهم البعض هي :حطني بكمك ولا تتركني عند امك

التعتيم:تعمل جو رومانسي



تنويه: العنوان رقبة و ليس رقابة و مش غلط مطبعي

12 comments:

nido said...

your words speak volume ya mala2aet! The best part was فرص العمل
haha...
Keep these posts coming, I'm glad you're back :)

Yazid said...

i think we have control of ourself, we dont need a new law, and its not a even a new law! they didnt bother to make a new one! they just put it in el manshoorat wel matboo3at law :S
that sick!!
kol wa7ad feena 3ndo ra8abeh 3a 7alo
o eza msh 3ajebhom el a5bar el 5a6a2 3ala el mawa8e3 el e5baryeh
ya 3ammi 23malo 8anoon lal sha3'lat el 3'ala6 msh teeje teshmal kol eshe
o 8anoon el ma6boo3at y3ne m3 el 3elem 8anoon fadfaad kteer y3ne ma bte3raf mn wain momken tenmasak 3a kelmeh enta mfakkerha 3adi o hyeh m3 el le3eb bel 8anoon tetla3 eshe 3'alat o be7aseb 3leha...
eshe besem el badan bsara7a!

Rula A. said...

التشات,, مواقع التزبيط,, الفيسبوك
These are my favorite :)

Mala2e6 said...

Nido
I am as many still don't know what do they want

anyway i have a lot to say about
this subject

thanks Nido

yazid

انت عارف و انا عارفة انه نحنا
تربينا و تعلمنا على الرقابة الذاتية
حتى لما كننا مفكرين ما حدا بعرفناعالنت كنا برضه نعمل حساب

كلامك مزبوط الموضوع مبهم و القانون فضفاض
جدا

رولا
اهلا فيكي منورة

Ali Alhasani said...

Nice words, I loved the part where you described that most people go to facebook and play games and chat while we have blogs and read a lot.

This is the difference between who takes internet seriously and who takes it for CRAP.

Mala2e6 said...

and the ones taking the internet seriously are the one intended by this law..unfortunately
thanks Ali and welcome to al manshar

Hareega said...

Agree one hundred percent
I linked you

LotusGem said...

يسلم ثمك (اصابعك) مش عارف

انا عندي سؤال. ليش في قانون للنشر اصلا؟ الكتروني ولا غيره؟

ليش ما يكون الواحد مسؤول عن الحكي اللي بيحكيه سواء بنشر أو غير نشر ويمشي نفس القانون.

يعني اللي بيسيء وبيغلط عالناس بيتعاقب نشر ولا ما نشر. واللي بيحكي رأيه بادب ما حدا الو عنده. ما كل واحد حر برأيه

Mala2e6 said...

Hareega

ma ana 2oltelak law ana mish ana kan fakart ana inta

thanks 7aree2a mnawer il manshar

ساري

ليش في قانون اصلا لاي اشي؟

لانه في بشر ما بنفع معها الحكي اللي انت بتحكية

في ناس لازم تقولهم في قانون و بيعاقب اذا عملتواهيك

متل ما انا قلت القانون موجود و الرقابة نحنا نمارسها ذاتيا
بس في ناس تجاهلوا هالشغلة و خربوا

اهلا يا ساري زمان و الله

Nidal said...

hahahaahahahahhaa :D
that was hilarious :D bto7for o btezra3 2rd wahmeyye ..
w zay ma 7akeate 2le besma3 be7ke 2no kanat 2abel ma ye3lenoo 2lbalad 6a33a w gayme ... ppl just want smthn to go agains and criticize these days

LotusGem said...

هلا يا ستي

انا متابع ولو اني ما بعلق كثير.

انا كان قصدي انو هالناس اللي ما بتراقب نفسها وما تحترم الناس تتعاقب بقانون واحد. ما في داعي لواحد للنشر وواحد للحكي العادي.

Mala2e6 said...

Nidal..thanks for your comment w ahla w sahla beka

Sari

و الله انا فاهمة عليك و معك حق بس فس ناس بلزمها تقولها في قانون لانه لو ما قلت هيكبيقولو ماحدا قال شو بعرفنا