January 18, 2010

Review Avatar ريفيو فيلم


ريفيو ل 4 افلام

Avatar الفيلم الاول

الفيلم خيالي علمي و هلا يمكن الكل شافه بالسينما
اول انطباع الواحد بياخده انه المؤثرات السينمائية عالية جدا
بالاضافة انه فيلم ثلاثي الابعاد ثري دي
يعني بتشوف الناس مدورة مش مسطحة

بيحكي الفيلم عن الامريكان الاشاوس اللي بكل زمان و مكان بحاولو ينقذوا
الكون لانه صراحة لو ما عملوا هيك منموت كلنا
الزمن في المستقبل و الرحلة لكوكب باندورة
مش بندورة ولا بنضورة
سيبكم من الاكل شوي و ركزوا معي بالمفيد

الكوكب علية مادة خام الكيلو منها بتسوى 20 مليون عالارض
و بالنسبة الهم هية مرمية عالارض ما بستعملوها

طبعا لانه كوكب تاني نحنا البشر ما منقدر نتنفس علية عملوا العلماء من
الحمض النووي للعلماء بالاشتراك مع احماض النافي

نافي اسم الناس اللي عالكوكب
لونهم ازرق طوال كتير و الهم ذيول
و مش اي ذيول
منرجع للذيل النافي كمان شوي
و شعرهم ينتهي بخلايا عصبية
مهمة جدا

بيعملوا ما يسمى الافتار

وبالنسبة لنا نحن مستخدمي الانترنت
الافتار منعرفه الا و هو الصورة الرمزية التي تعبر عنك في المنتديات و المواقع

وهيك بيكون الافتار في الفيلم
جسم ازرق بدون حياة او مخ
حتى يدخل العقل الانساني الجبار اليه

نكمّل
بموت واحد من البعثة بيحل مكانه اخوه التوأم المشلول اللي بيشتغل بالمارينز
بسهوة مش متلهم مش عالم
طبعا بتطبل الدنيا انه شو جايبين لنا
بس لانه حمضه النووي متل اخوه الميت
جابوه

ما النا بطول السيرة
الاخ بس يدخل بجسم النافي
(بطريقة علمية مستقبلية بتعرفوها بس تكبروا كتير)
بيحس انه رجع يمشي بحس بالحرية و السعادة
و متل كل الافلام

هوة البطل
بتعرفوا كيف الافلام الامريكية بكونو ناس عايشين الالاف السنين
و فجاة بيجي واحد امريكي بيعلمهم كيف يكبسوا كبسة الضو بالحيط
و بتتغير كل حياتهم

اما الشعر النافي
ينقلك و يسمح لك بالاتصال بطائرك الخاص
عن طريق خيوط عصبية شديدة الحساسية
للاتصال بالشجرة الام ايوا
و يستعمل على ما اعتقد للتزاوج

لانه مشهد التزاوج اللي صار تحت الشجرة بين النافية و الافتار شطبه جيمس
بس رح يكون موجود على نسخة الدي في دي

سبب حذفه انه
خاف يطلع تصنيف الفيلم و يصر للاعمار فوق18
و كانت حركة ذكية من جيمس و مش غريبة عنه
لانه الفيلم لغاية الان طبش البليون
ما خسر جمهور واسع من اللي تحت 18

السينما بامريكا و اوروبا
اذا الفيلم تصنيفه 18 لا الاهل ولا موظفين السينما بيقبلوا يدخلوا الاولاد
مش متل عنا
بيكون فيلم رعب بتلاقي نص السينما ولاد

الفكرة الرئيسية للفيلم

الفيلم من المخرج الرائع الرهيب جيمس كاميرون
و الفيلم مش بس غزاة فضاء و دوواوين مؤثرات
الفيلم عن
الامريكان و كيف بيخلوك تحس انهم منقذي الكون
مش مهم شو الثمن المهم يجيبوا المادة المطلوبة
و لو على حساب تدمير كوكب جميل
و هيك حياتهم على الارض معنا

السيطرة على المواد الخام باي طريقة
خصوصا المواد الاساسية متل النفط حاليا
التعالي و الفوقية الامريكية

في لقطة من اللقطات عند تدمير الشجرة الام
التي تعطي الحياة للجميع عن طريق شبكة كبيرة
قلبك بيوقع
و يمكن تبكي
و هاي الشجرة تمثل الطبيعة اللي دمرناها
و النافي هم ناس لونهم ازرق يعني برضة الفيلم بيورجي عنصرية الامريكان
نحو اي لون غير الابيض
(نحنا بالنسبة الهم مش ابيض على فكرة
تقيمي

فيلم رائع انا بعطية تسعة و نص على عشرة
(ع اساس مهم كتير انا شو بعطي بس اجا عبالي استعمل الجملة )

تنويه
اكتشفت اني بحكي كتير لذلك
بقية الافلام بتيجي في موضوع اخر منعا للملل
ترقبوا كمان 3 افلام
كل واحد احلى من التاني

(اعلان)
الذيل النافي الان متوفر بالاسواق
بالوان مختلفة
الازرق الرئيسي و الفوشي و البيتنجاني
و مقاسات مختلفة
و في خاصية الاهتزاز الصامت
للموظفين و الهزيزة

التوصيل مجانا


8 comments:

Summer said...

حلو
انا حبيت الفيلم. رأيي انه (حتى لو رأيي ما اله قيمه( لو العرب عملوا فيلم زيه اكيد راح يكون بطل الفيلم عربي و منقد العالم كمان....ليش لأ؟ بس يا ريت يعملوا لو ربع الفيلم

Mala2e6 said...

سمورتي انا حبيته كتير و رح احضره كمان مرة
بس انتي عارفة اني لازم اتفلسف شوي
مرئيها

:D

نحنا العرب لو عملنا فيلم
اكيد بكون بطولة عادل امام
(بطل السينما الاوحد حتى لو صار عمره 90 سنة)

و رح يقول لما يشوف الطيور دانا بخاف م الكلب
و انا اعيط
و بالاخر يمكن يسحب الكوكب كله على شبرا و يشتري اكم توكتوك بدال الطيور

مواصلات

رجل من غمار الموالى said...

السلام عليكم
تحياتى يا أنستى
عرض رائع للفيلم
الفيلم وصلنا على الهارداتأحد أصدقاؤنا الأردنيين أيضا استطاع تحميله
مش عارف إزاى لكن تمام

سنراه قريبا
شكرا على عرضك الذى سيكون بمثابة إضاءة لنا
تحياتى

Mala2e6 said...

اهلا بك
لكن ان اتتك فرصة لمشاهدته في السينما كثلاثي الابعاد سيكون اجمل
شكرا لمرورك

Whisper said...

الفيلم بجنن جد
طبعا الدعايات و اول 10 دقايق من الفيلم راح علينا و احنا بنضحك من تأثير صدمه ال
3D

احلى شي في منظر انهم برمو قنبله خلال المعركه, حسيتها طلعت من الشاشه و اجت جوا علبه البوشار, اخوي بحكيلي انا عند هاد المنظر حسيتها جاي علي فزحت راسي هههههههههه

بصراحه...لو الفيلم بدون هالتأثيرات ما بروح احضره لاني ما بحب افلام المخلوقات الغريبه وهالقصص كتير :$

Mala2e6 said...

بتعرفي انه كنت بدي اكتب موضوع منفصل عن الثري دي و شو عملت بالسينما؟
فكرك ليش بدي احضره كمان مرة؟
قضيتها و انا العب بالاشياء اللي بتطير الزغيرة بحاول امسكها
الدعايات الثري دي احلى اشي في فيلم اسمه عالم المحيطات
مش معقول
بس انا حسيت انه فيلم افتار كان نص ثري دي
لانه في مشاهد كنت اقيم النضارة و اشوف عادي خصوصا مشاهد اللي بالسفينة الفضائية
انا كمان ويسبر مش كتير بحب افلام هيك يعني بيناتنا تقوليش لحدا لهلا ما حضرت لورد اوف دا رينغز ولا ميتريكس
ولا بدي احضرهم
اول مرة شفت ثري دي كان فيلم كريسماس كارول
قلبت بنت عمرها 3 سنين
و كل الفيلم اقول ياااااي
و اضحك بصوت عالي
بس انا حبيت البنت بفيلم افتار و طريقة كلامها
لازم ارجع كمان مرة اشوفه

Yazid said...

One of the best movies ever :)
cheers for the 3D cinema !! :D

i loved it :)
btw you're a spoiler dont you ever write about a movie and say what happen :S if i read your blog before i watched the movie i would've got mad :S:S :P

anyways good movie :)

Mala2e6 said...

يزيد

الفيلم ساعتين و اربعين دقيقة و شو ما كتبت ما بكون سبويلر

انا مسكت حالي ما اكتب

لو شفت ريفيوز قبل
لسة في اربع افلام جاي

نصيحة
احضرهم بعدين اقرا

اهلا يزيد منور يا باشا