January 29, 2010

Amreeka فيلم أمريكا




امريكا

فيلم من قصة و اخراج شيرين دعيبس

يعرض الان في سينمات عمان سيتي مول
وللاسف ما شفت اقبال عالفيلم

او يمكن الوقت اللي رحت فيه ما كان من تبع ابو اقبال
(كان في تسعة بالسينما نحنا كنا ستة منهم
الفيلم حلو

ما رح اكتب كتير عنه عشان ما تقولو حرقت الاحداث

بطلة الفيلم نسرين فاعور و اسمها بالفيلم منى

ست مطلقة وعندها ولد اسمه فادي عايشة مع امها
فادي
شاب امه بتاخده على امريكا ليتعلم منيح
و لانها خايفة عليه
فادي متل كل شاب بعمره
حمل قيم و اخلاق و يجد في امريكا ضدها
طبعا بيصير صراع داخلي بين الثقافتين و بين حب اي انسان للشعور بالانتماء

و اذا بدك تنتمي لبلد بدك تصير متل اهلها او بدك تتعب كتير لتحافظ على ثقافتك و مبادئك

ام منى
انا كتير حبيت ام منى تمثيلها طبيعي و يمكن مش تمثيل يمكن قالولها تصرفي متل ما بدك
كتير طبيعية و بس تشوفوها بتزكركم بكتير ستات بعمرها
من ناحية النق و اه يا ايدي و طبخت و تعبت وين رايحة
و خود يا تيتا معك هالخيارات عالطيارة

اخت منى رغدة الممثلة هيام عباس و زوجها واولادها
عائلة فلسطينية عايشة بامريكا زوجها نبيل طبيب ناجح
عندة تلات بنات وحدة مراهقة و هي سلمى و تنتين زغار
عايشين بايلينوي من 15 سنة
رغدة تحن للبلاد كتير و
لما بنتها سلمى تقولها نحنا بامريكا بترد و بتقول بهدا البيت نحنا بفلسطين

بداية الفيلم حلوة كتير و بتقهر كتير
مصورة بالضفة الغربية
(كنت اتمنى المقطع يكون اطول
و منشوف معاناة منى على الحواجز
عند الجدار
و سقاعة و زناخة الاسرائليين و كيف بيعاملو العرب

منى جامعية و موظفة بنك و برضة منشوف لمحة عن شغلها
المهم منى بتجيها فيزا لامريكا وبتقرر تسافر
لانها قرفت و صارت تخاف على ابنها
هاي مشكلة اهل الضفة نبقى و ما نتركلهم البلاد
و لا نضل نتعرض لسفاهتهم و ظلمهم
منى بتسافر
بما انه توقيت الفيلم ايام الاجتياح الامريكي للعراق
منشوف كيف تغيرت معاملة بعض الامريكين للعرب
العنصرية و الحركشة
منى بتتعرف على مدير مدرسة ابنها و شو بيكون احزروا؟
يهودي
بس الفيلم بيورجي انه اليهودي الغير اسرائيلي برضة يعاني من العنصرية ضد الاقليات
و هوة يتفهم منى و بيساعدها

الفيلم بخليكم تبتسموا مرات كتيرة لما تشوفو مواقف بتصير معنا كلنا
اكيد لو حضر الفيلم شخص غير عربي ما رح يفهم بالزبط شو عم بيصير

مثلا شو اول اشي منعمله لما نسمع صار زلزال بلوس انجيليس؟
منتصل باهلنا بشيكاغو الساعة 3 الصبح نتطمن عليهم

اخت منى بتتمنى ترجع عالبلاد و منى بتقولها البلاد مش متل ما انتي بتعرفيها


المخرجة جيدة جدا في شوية غلطات بالفيلم المفروض ما تمر عليها لانها امريكية فلسطينية
يعني لما اخت منى اللي عايشة بامريكا من 15 سنة بتشوف واحد شعره ازرق و خازق شفايفه بتستغرب
المفروض انه هاي شغلات عادية يومية الها
بس معلش كل فيلم في هيك اشياء
التمثيل رائع عن جد واقعي جدا طبيعي غير متكلف
مثلا
شعر منى متل اي ست عربية شعرها قصير و بتحاول تلمة بمغيطة و بطلع دنبة زغيرة
منى مش نيكول سابا ولا هند صبري
منى ست فلسطينية عادية مليانة شوي
زوجها تركها عشان وحدة ازغر و انحف


الفيلم عن الوطن و الانتماء

دايما نقول لكل انسان وطن يعيش فيه الا الفلسطيني فوطنه يعيش فيه
الي ما حبيته بالفيلم انه خلص بسرعة بس ادى المهمة و الرسالة


تحضروه او لأ؟
انا بقول لازم تحضروه

و اشي مهم
الفيلم مكتوب انه يبدأ الساعة تسعة و نص و طلع انه ببدأ تسعة
اسألوا قبل ما تروحوا

و لأ ما صرت تخصص ريفيو بس بحب اكتب



5 comments:

NasEr said...

i didn't write my review cuz i didn't want to criticize this one for some reason,though i enjoy doing that.
i went on the second night,and there were 10-20 ppl max i think.
i encourage ppl to go cuz its not bad, but not great either.but go and support the film and its makers.

Mala2e6 said...

Naser

i really want to know now what you think..please review.

maybe i can see things from a different angle

thanks Naser.

Hareega said...

It's on Netflix for free

(well not exactly free, you have to pay 16/monht to get Netflix)

nido said...

yea we watched it on Netflix too :)we loved it! My husband doesn't usually enjoy Arabic movies, but he loved this one! He lived in Palestine for sometime when he was a teenager and the movie made him talk about his own experience over there.
It's a must see movie, a simple one with an important msg delivered.
I meet people who've been living here for decades and they feel the way Raghda does in the movie, Exactly the same...

And like you said, il isra2ileyyeen were really zinkheeen! their behaviour is sick ya3ni :s

Mala2e6 said...

Hareega

I went to the movies and paid 6 jds per ticket..i know i couldhave got it for 1 jd DVD but we were going anyway so it was the best choice

Nido

I relate to the movie although I have never lived in the west bank or the states,so I am sure those who did will find it even more interesting

I felt so sad when i saw how Palestinians are treated,my cousin often told me how she commutes daily from Ramalla to Jerusalem but i neverthought it was this ugly