كلام دواوين

اكيد مش رح اكتب عن دواوين الشعر

و لا عن دواوين الخليج اللي هية عبارة عن مجالس لاجتماعات الشباب

دواوين الاردن

اول مرة سمعت و عرفت عن الدواوين كان من سنه و نص يعني نزلو موضة متل موضة نكت الانذال و المحششين و قلنا فورة و بتعدي

طلع انه الدواوين الها ناسها و الها كمان لغتها الخاصة

فلان ديونجي

مش عارفة اذا ديونجي اله علاقة بضريب المواس او الزعلطي او الازعر يعني ثقافتي الديوانجية لا تتعدى اكم كليب صوتي سمعته عالموبايل فا بعتذر لكل ديوانجي اذا انا اخطأت الفهم

الفاظ ديوانجية

طقققققققع

من الاخــــــــر

كرت ابيض

ع راصي(هية راسي يعني رأسي بس تلفظ راصي لذا اقتضى التنويه)..ع راسي كل الكراسي

يا كبيــــــــــــــــــر

برطع لاهربدك

بفقعك بوكس بخلي دينيك يرنّو و سنانك يطلعو فرصة

بفقعك موس من الصرة للغرة

بعمل بوجهك عرس و بعزمك علية

عمرك شفت موس بتكزدر ع وجهك؟؟؟

فانتاستك عالبلاستك

مرتب عالمكتب

وظعك زنون

و غيرها من الالفاظ الغريبة العجيبة اللي نصها مسبات و شتائم

من وين بتيجي هيك الفاظ و مين اللي اسس الحزب الديوانجي؟و من هم الاعضاء؟