September 13, 2007

و اسمعي يا كنة

الحلقة الخامسة من مسلسل مزعل و سهى


*******


قعدت ام مزعل مع جارتها ام زهدي ياكلو بوب كورن و ينمو عالكناين

Image Hosted by ImageShack.us


ام مزعل: بيجن و بيروحن و ما بيتحركن من محلههن... فنجان القهوة ما بترفعة من محله.. و قال شو بتتوحم بنت وزنة.. اما هظيك اللي بدبي من باب اشقع لباب ارقع


ام زهدي: و شو بدنا نساوي ..كتبة و انكتبت علينا


ام مزعل: و انا بتعرفني حنونة و طيبة وبحبهن مثل بناتي بس اللي ما اله حظ لا يتعب ولا يشقى


ام زهدي: و مزعل بينهرش عليها ؟؟بكولهاش تكوم تساعدك


ام مزعل: مزعل؟يا حوينة تربايتي بتصيح فيه هظاك الصوت بيطيح من محله

اي اذا بدخل بوطي يبوس ايدي بتقولو بوس الايدين ظحك عاللحى.. انا كنت لمن اشوف عمتي ام جظعان اوطي و ابوس ايدها


ام زهدي: مبيريح بكولّها لميسون كنتي وينك بظرب عليكي بترديش بتكولي بالسوك في هناك سيل


ام مزعل ضربت على صدرها و قالت: يا غبرة؟ سيل بنص ايلول ؟؟؟عمرها ما صارت... ليش هي شتت مبارح


ام زهدي: لا ا شتت ولا اشي.. بكولك دنيا اخر وكت..عاد كلتلها تيجي توخذني انزل ع السيل و لبست الشبشب البلاستك و حظرت حالي و ما اجتش كلت يمكن غركت الحزيطة رجعت اظرب عليها ولا بتكولي كاعدة عند امي بشرب كهوة


ام مزعل: تقولي فش قهوة ببيتها


ام زهدي: بكولها شو صار بالسيل وين وصل ظحكت و كالتلي انه هية كانت بالسوك بتشتري اواعي

Image Hosted by ImageShack.us


ام مزعل: بيشبعنش..بنت وزنة ما بسمع الا دايرة بالسوق ويا ريت عاجبهااشترت بخمسين نيرة هظاك اليوم


ام زهدي:كني سمعت كركعة جوة... في حدا ؟ ييييي مرك زلمة


ام مزعل:هاظ مش زلمة.. هاظ عربي جوز بنتي كفى.. اجت من الصبح و لما صار وقت الغدا قلتلها تظل و اجا جوزها تغدى و فات تسطح شوي


ام زهدي: هيههي و انا بكووول ...فكرتك يا ام مزعل مش كليلة ..بنتك كفاية كيف جوزها معها


ام مزعل:جوزها ؟؟.يالله يسعده جابلها ساعة ع عيد ميلادها بخمس تلاف نيرة.. اشي جخة


ام زهدي:يا كشلي و لويش هالكد غالية؟


ام مزعل: الغالي للغالي هي بنتي قليلة ؟؟ بقدرش يزعلها ...بحبها ...كلمتها ما بتصير ثنين ..هاي الرجال.. مش مثل جوز نهاية موريها الويل

بتجيش عندي مرة مرتين بالاسبوع


ام زهدي: هو بعده مثل ما هو ؟


ام مزعل: و شو بدو يغيرو.. حظوظ ..مش بقولو حظ المليحة فظيحة و حظ الرمايم قايم


ام زهدي: بدي اكوم... ابو زهدي بكون سكر الدكان


ام مزعل: تو الناس... قاعدات ... اقعدي نحظر دا بولد مبارح بروك تجوزت
ام زهدي: اخرى مرة؟
ام مزعل: ابتقدرش..طواعين يزمنها
ام زهدي: بكيت اكول لميسون شوفي ها لبروك كديش كوية و حماتها ستيفني مسكينة
وقفت ام زهدي لتروّح
ام مزعل: وين قايمة لويش مستعجلة
ام زهدي:بدي اكلي عجة
*******
هذا البرنامج برعاية

منوش هني للقطايف

B.G.U

33 comments:

Bos6ar Gadeem said...

انا لسا ما قرأت الحلقة
بس اجيت أحكيلك ... رمضان كريم .. وكل عام و انتي بخير
والله يقدرك على واجبات الشهر و يتقبل منك كل عباداتك .. والله يسعدك

Summer said...

very nice ya sit mala2e6...i understood all of it except:
طواعين يزمنها
What does that mean?
where do i apply to be one of sponsors to your manshar?? lets talk! :)

Mala2e6 said...

amjad
كل عام و انت بخير و ينعاد عليك بالصحة و العافية

بعدين صبونصر لازم تقرا ولا ثقة؟

summoor
كل سنة و انتي سالمة
طواعين يزمنها

طواعين جمع طاعون و هو مرض انقرض و كان فتاك
يزمنها
زم يزم باللغة الاردنية هو يحمل
نقول زمت العيل اي حملته
و هنا ام مزعل بتدعي على بروك

و انتي يا روحي صبونصر حلقات المطبخ

يو دونت هاف تو ابلاي

Qwaider قويدر said...

معلش بالله ممكن الدي في دي مع ترجمة بالعربي او الانجليزي
:)
كل عام و انتي بخير

Mala2e6 said...

qwaider

كل عام و انت بخير و ينعاد عليك

بس يخلصو الحلقات بعملهم سينديكشن و بنزلهم دي في دي
ولا يهمك

orangee said...

وك ملاجط من وين بتجيبي هاظ الحشي أي آني عايش باربد وبسمع الناس بتحشي هيش بس أبقدرش أكتب بوست مثل هيش, لهلأ ما بدريش شيف بحكو اربداوي مع إني إلي سنين باربد, وبنفظح إذا قعدت مع ناس اربداويه أبفهمش عليهم وشو بسولفو, هاظي الفقرة اللي كتبتها عصرت مخي لطلعن معي.....لووووووووول
حلقة حلوة كتيير شو هالإبداع هاظ

Bos6ar Gadeem said...

والله عندي 2 محاظرات ورى بعض اليوم :-( ... بس باليل على رواق بقرأ الحلقة انشاء الله..
وكوني سبونسور .. بدي دحش عقله بالمسلسل .. دبريله دور مهم :-) كل شي ولا عقله

Mala2e6 said...

orangee
loool..

برافو و الله زبطت معك اللهجة
هلا اكيد انا بيني و بينك يعني مخبصة و مدخلة الشمالات عالجنوبات بس ما حدا داري او بيتغاضو شوي كتر خيرهم

و الحقة الجاي منجيب شخصية كركية لاضفاء المزيد من النكهة

شكرا اورانجي

amjad
يعطيك العافية
يا زلمة صرت جاي مرتين
يعني كل الحلقة بتقراها بدقيقة
lool
ولا يهمك كصبونصر بيطلعلك ندخل عقلة
يمكن بالاول يكون شخصية ثانوية بس بعدين بعطيه دور مهم

Bos6ar Gadeem said...

لوول
أنا جاي أقرا الكومنتس

بعدين أنا بعدني صايم تحكيش معي :-) - معصب

أكيد دور ثانوي
يعني بده يكون رئيس بنك عقله ؟

Mala2e6 said...

يعني انا هلا استوعبت انك مش بالاردن

عقلة رئيس بنك؟
خيالك واسع

لول

استنى لنشوف شو بدو يطلع عقلة

و ان شاء الله في الزيارة الرابعة بتكون قرأت الحلقة

Bos6ar Gadeem said...

لووووووووووول
لا والله لسا
مش جاي عبالي أقرا
بعد 15 دقيقه عن الفطور

و بدي أحضر حالي

انتظار مؤقت said...

حبيت اسلم و اقولك كل عام و انتي بخير و رمضان كريم مبارك عليكي الشهر و اشتقنالك
تحياتي

Bos6ar Gadeem said...

لوووووووووول
"ي بدبي من باب اشقع لباب ارق"

حظ المليحة فظيحة و حظ الرمايم قايم

جوز بنتي كفى


هضول نهفه
:-)

خصوصا اسم كفى
زمااااااااااااااااااااااااااااان ما اسمعته


بس عندي تعليق

اللهجه مش لهجة أهل اربد .. هاي لهجة الضفة الغربية .. مع خليط لمنطقة بشمال فلسطين ..

صح ؟

Mala2e6 said...

انتظار مؤقت
ramadan kareem welcome back..hope u had a wonderful vacation

amjad
و اخيرا
و بعد عدة محاولات مضنية

اللهجة طبعا كل حرمة من محل

ام مزعل بتقدر تقول سلطية متقلطة

و ام زهدي مبين و بدون شك من قرى فلسطين

لانه اللهجة الربداوي بعرفها بس ما بتقنها الا ااذا استعنت بصديق

يعني مرة شفت معجم ربداوي اظن على اربد نت و الكلمات كانت صعبة

اما بالنسبة ل كفى و باقي بنات ام مزعل

اختيار الاسماء ما كان عشوائي

بتعرف بالاردن لما الست تجيب اول بنت بمشي الامر التانيو بمشي مع امتعاض
التالتة بيبلش الخوف و تبدا العيلة بتسمية البنات من التالتة و طالع باسماء متل
نهاية
كفاية
كفى
مشان الله بكفي بنات(هدا اختراعي)

يعني محاولات من العيلة لوقف الفيضان البناتي

و ام مزعل عندها 7 بنات

ف كفى جاي الخامسة

ح الرمايم قايم و ام مزعل نسيت انه بنتها(كفاية) حظها منيح يعني بتترك موضوع بنت و بتخش عالتاني و بتنسى الاول
و اللي بتقبلة لبنتها ما بتقبله لكنتها
اذا كان منيح
ساعة بخمس تلاف

و الليي بتقبله لكنتها ما بترضاه لبنتها اذا كان عاطل

يعني لو جوزها مصخها خماسي بتقول زلمة رجال بس لو جوز بنتها عمل هيك بيكون ابن ستين... بيستاهل الدبح

و هكزا الحياة

Bos6ar Gadeem said...

طيب اسمعي

هسا فهمت هذول اللهجات من وين
بس شيتني عليكي بتخلطي شوي بلهجة الفلسطينية

بعدين .. شكرا على معلومة الاسماء .. هسا .. و بعد معاناه 30 سنه افهمت ليش دار عمي يقولوا لبنتهم- اللي اسمها مسجل بالحكومة زينه- و ينادوها كفا
:-)
بس زبطت معاهم .. اجاهم بعدها 3 اولاد .. كلهم أكبر مني

جايه تحكيلي عن الامراض الاجتماعية .. اذا بدك بحكيلك مسلسلات .. كلها صارت عندنا بالقرية من هالسوالف

على فكره: اليوم حكيت مع وحدة و مدحت فيكي كثير :-).. بس مش حاكيلك مين .. الا اذا بتدفعي شلن

Mala2e6 said...

زينة كفا؟
يا حرام

بتحكي مع بنات؟ يييي


(مرض اجتماعي تاني)


بس شلن؟


اعتبرو وصل

ياللا قول

Bos6ar Gadeem said...

لوووووووووووووول
سموووووره ... الشيف
:-)

Téméraire V5.0 said...

Paix sur les Fils d’Abraham

Bahloul said...

والله برافو عليك يا ملائط...بتحكي عنهم كأنك كنت كاعدة معهم... أنا خلص قررت أطلب رسميا إني أكون سبونسر و يكون إلي دعاية بنص الحلقة بالزبط لما تصير قمة الإثارة...;)

Mnoosh said...

اسا عنجد ليش الحماة ما بتحب لكنتها متل ما بتحب لبنتها؟؟؟

ع سيرة كفى.. بنت عمي اسمها كفى ولنفس الاسباب المذكورة انفا :) رقم 6 اجت وبعدها اجا ولد ذكر..
بس انا بقول البنت بتسوى 10 ولاد!

vagueraz said...

كل عام و إنت بخير بمناسبة شهر رمضان :)
تحشيش هاد المسلسل :)
إلى الأمام :)

Mala2e6 said...

amjad
انت و الشيف سمورة تجيبون في سيرتي؟ يا للهول
و تعملون جلسات من وراء ظهري؟
ويلاااااااه

temeraire
i visted your blog and read all what you have written.what you say makes sense ,but i dont think that it will work.i am not a pessimist but history taught us alot.I wish that one day we can all live in peace especially that we share alot of religious and historical backgrounds..i hereby pass on ur message and hope for the best.nice logo

bahloul
شكرا لدعمك للمنشر و المسلسل و لكن الوقت المطلوب محجوز لشركة بي جي يو
شو رايك نعطيك وقت الذروة في الفوازير؟

mnoshty
بتعرفي شو كان العنوان قبل ما اغيره؟
كان
الوجة وجو حنة
و القفا قفا كنة
و هدا مثل عن انه الحما بتضل حما حتى لو بنتها كانت كنتها (طبعا مستحيل هالحكي بس حتى يورجو انه العلاقات تغير بتغير المسميات

الصراع الازلي على قلب الرجل المسكين

و اللي بترضاه الحما لبنتها ما بترضاه لكنتها
و العكس صحيح

كفى اجت بعد ست بانت كان لازم يسو الولد اللى اجا بعدها بدري

لول

طبعا و البن هالايام غير زمان لا كانت عالة على عيلها و اخوانها هلا بتقدر تعيل نفسها و عيلتها كمانماديا و معنويا

الله يبعتلك حما نغشة تتسلي معها

vagueraz
احلى رزان تسلمي
و كل سنة و انتي بخير ينعاد عليكي

Bos6ar Gadeem said...

و اعملنا مؤامرة كمان
و بنا نقطعلك حبل الغسيل

Hani Obaid said...

Thank you, I really enjoyed that.

Particularily how well you wrote the accent, and whenever they start saying Amthal Sha3biyeh.

sweetlikearose said...

يعني انتي عارفة رأيي بكل كتاباتك
روعة صراحة .. بدخل على الموقع عاقدة الحاجبين بطلع بضحك ...جد يعطيكي العافية :)
بالنسبة للراعي انا بحاول انو ياخدلو بسطار جديد ..لأنو خلص هلا صار يطلع راعي رسمي .. يعني المغنيات والممثلات بعطوهم لوك جديد ... يعني احكيلنا معاه كلمتين :)
:: واحد بحاول يقنعو وهو ولا هو هون .. بيفنع بكيت الشكلاتة؟؟ ::

sharkooseh said...

looooooool hadol banatha zay banat jaretna wa7deh kol youm betnot wel tanyeh ma betbayen :P
bas anyway yedrabo el joz menhom la ba3ad :P azdo om zohdo o om mez3el :P

Mrs. Al Ramahi said...

great as usual :) ultele fi sail walla sale ..

wonders said...

lol 3ajabne el SALE :) lesathom 3ayshen the bold and beautiful by the way!!

Mala2e6 said...

amjad
مؤامرة؟
سمور بدها تقطع الحبل
و امجد
(موسيقى تصويرية من فيلم الحنك_جوز بالانجيليزي
و اهون عليكم؟
(موسيقى من فيلم البؤساء)

hani obeid
اهلا و سهلا بك في المنشر منور يا باشا
و شكرا لتشجيعك و مرورك

bara2
و الله يا براء انا بنبسط انه بس تيجي هون بتضحكي
و بالنسبة لمسيو امجد الراعي
الرسمي يعني
صراحة انا كنت بدي احط صور الرعاة الرسميين فوق بس قلت يا ربي يعني اللي داخل عالمنشر يلاقي بوحهة بسطار و بعدين كيف بدي افهم الناس انه هدا صبونصر
قوليلو
في بسطار عنابي على فوشي و اخضر مصفر يلبق على الوان المنشر
بس هوة مش فاضي قاعد بيعمل على مؤامرات و مع مييين
مع شيف سمر

sharkooseh
حريم فاضية
لا وراها ولا قدامها بتسلوا بهالبشر
و لا
كمان بروك ما خلصت من النميمة و القر و النق

mrs ramahi
سيل
ما بتعرفيه؟
اللي هوة متل سقف السيل
هناك السيل على اصوله
اكيد اخدوا كلمة سيل من هناك

wonders
وندرز
ما انا عارفة انه لسة شغال
و اله معجبينو
و انا بسال من وقت لوقت
بروك هلا مرت مين
و اللي لسة بتحضرو
بتقولي رجعت لريدج
و الله بساس الحاوية انضف منهم
كانه اميركا ما فيها الا دار ابو ريدج فورستر

Bahloul said...

ok mala26 ay ana btsharraf akoon sponsor lal manshar 7'ososan fe bramej shaher ramadan.... ;)

Bos6ar Gadeem said...

:-) لا والله ما بهون علينا
أصلا اذا انقطع . أنا مستعد أظل واقف و ماسكه تا ينشفوا الغسيلات ولا تزعلي
موسيقى تصويرية - فلم حب على ظهر الحيط
:-)

Mala2e6 said...

لول
راح علي فيلم حب لى ظهر الحيط شكلو رومانتك رعب اكشن

الله يسعدك يا امجد انا عارفة ما بهو عيكم

Anonymous said...

hehehe,,
hiiii kefkoooon??

walahi 7elo kteeer, thxxx d7ekt kteeer. badna kamen plzzzzz.. ramadan kareeeeeeem, inshalla ben3ad 3alikon :)


jumana:)