دليل البنت الشلبية في المسائل العاطفية
بعد ما قرأت موضوع براء عن صاحبتها التي اشبعت خدودها لطماَ لانه سعيد النصبة حبيب القلب تركها
هذا الموضوع خلاني افكر جديا
يعني النا سنين نناقش الحب من كل الاطراف و مين بحب اكتر من مين الشاب اكثر اخلاصا ولا البنت و كل هالقصص
صار لازم نوضع بعد القواعد و الاساسيات و الحلول
و استعنت بكتاب"دليل البنت الشلبية في المسائل العاطفية للكاتبة المميزة صاحبة القلم البلاتيني و محطمة الارقام القياسية في الالعاب الاولمبية الحائزة على جائزة عزوز للاداب ..ملائط غسيل
و الان مع مقاطع من الكتاب المشهور الذي تفوق على كتاب الرجال من جبل المريخ و النسوان من جبل عمان"
"الفصل الثالث: باب اه يا قلبي الولى جرح لي قلبي
بكت و وولولت و صاحت اه اه يا قلبي
تركني الخاين الغشاش
مشهد ان لم نراه يوميا نسمع عنه الاف المرات
في كل ثانية في العالم يترك شاب حبيبته
(احصائية من مركز الاحصائيات الحديث _قرب دوار الكيلو
ماذا تفعل الفتاة حين يتركها حبيب القلب؟
قبل ان تبدا بالنواح( او بعد لا فرق
تتوقف
تمسح دموعها
و تغسل وجهها
تغسل مرة اخرى
( في اشي طالع من مناخيرها
و تجلس لتحاسب نفسها قليلا
عزيزتي المهجورة
اليك بعض النقاط لنسهل عليكي مهمة البحث
حددي الاسباب
اولا: هل تركك فجأة ام كانت هنالك مقدمات و لكن انعمى ظوك ما شفتي؟
هل عملتي عملة سودا طفشته ؟
هل كان يحبك؟ ام كنتم اصدقاء و خيالك هيأ لك انه يحبك؟
هل سبب بكائك انه هو الذي تركك و كرامتك انزعجت شوي؟
ان كان يحبك فعلا هل كنت تحبيه انتي ايضا ام كنتي ماخديته فور غرانتد يعني كشيء مسلم به؟
ان كان هنالك علاقة قوية انتقلي الى النقطة التالية و ان لا
روّحي على بيتك و اتركي الكتاب
لغيرك
تحققي من مشاعرك لتنتقلي الى الحلول
حددي اهدافك
هل تريدين استرجاعه ؟ ام
هل انتي سعيدة انه هذه الخطوة اجت منه و ارتحتي؟
ان كنتي تريدين استرجاعه تابعي القرأة
الان
ننتقل الى فصل جديد من الكتاب
باب: الغلط و الصحيح من غير تلميح
الطريقة الاولى التي ستخطر على بالك
: انا لو حبيبك ما كنتش يوم تسيبني
طريق شائعة جدا و هي المسكنة(من كلمة مسكين
و تحسيسه بالذنب
و هي تبدا بأن تلمي عليكي البنات و تبكي
( و يكون شايفك)
و هذه تخفف عنك و تلك تقول لك ولا يسوى
انسيه
تحطي اغنية دول مش حبايب لابو وديع و يا عمري اه يا قلبي انسى
و تقطعي حالك عياط
ان كنتي من مؤيدي هذه الطريقة
اقول لك
انسي
هذه الطريقة لن تنجح مع الشباب
لماذا؟
لانها من اختراعهم
و هم يستعملونها دائما لاستدرار عطف الحبيبة الهاجرة
قد يشعر بالذنب لمدة ثلاث دقائق لكنه سيهرب
الشباب يخافون من الدموع ولا يعرفون كيف يتصرفون حيالها
لذلك اسهل طريقة عند رؤية الدموع هي الهروب
لذلك اقول لك
انسي
الطريقة الثانية
طريقة افتعال الفرح
اي التظاهر بعدم المبالاة و المغالاة في الضحك الهستيري لكي توصلي له فكرة انك لاتهتمين لقراره الاحمق
غلط
الافتعال و المغالاة في الضحك سيؤكدان له انك رح تموتي لانه تركك
و انك على قد ما بتضحكي بكيتي
لذلك اقول لك
انسي
الطريقة الثالثة
بص بأة عشان تبقى عارف قلبي نسيك و رجعلي خلاص
الاهمال و الزبل التام له
يعني بتدخلي عالجامعة مثلا و بتشوفبة و كانك ما بتعرفية
كمان واضحة و معروفة و قديمة
او تقولي له انا اكرهك
بتكرهيه
يعني في مشاعر ناحيته
رح يعرف انك كزابة لانك مبارح كنتي تحيبه
انسي
الطريقة الرابعة
فيها ايه لو اكلم صاحبك و الم الناس حواليا
التساهل بالتعامل مع فلان و علان
و التباسط بالكلام مع باقي الشباب عشان تورجيه انه في 100 غيرك
غلط
سيقول في قرارة نفسه ان قراره بتركك كان في محله و انك بنت ما بتستاهلي
انسي
الطريقة الخامسة وهي التي ستكون العلاج
كوني عادية جدا و طبيعية
شفتية
قولي مرحبا كيفك و امشي بطريقك عادي و لا كانه كسر قلبك
و لا كأنك بكيتي طول الليل
عامليه كبقية الزملاء
و حينئذ
رح تلخميه لخمه ما لها اخر
رح يفكر و يقول
شكلها ما صدقت اتركها
شكلها عمرها ما حبتني
كأنه القرار عجبها
اجت منك يا جامع
ابصر ليش
و رح يجي
و يقولك مرحبا كيفك
بتقولي
منيحة كيفك انت و بتكملي اللي بتعمليه ولا كأنه موجود
من يوم ليومين على هالرشة رح يجي
و يقولك
انا غلطان و كان في ظروف اضطرتني لها القرار
وقتها
بتكوني عرفتي نوعية مشاعرك نحوه
و رح يندلق دلق
اتقلي
ترميش حالك
خدي وقتك الكرة في ملعبك
**
و لو هذه الطريقة لم تنجح و بقي على حاله و طلع انه كان يتسلى و مش سائل فيكي
ابتعدي تماما عن اغاني اليسا و عمرو دياب و اوعي تسمعي اغنية انا عايش و مش عايش او لو تعرفوه
بتسمعي اغنية I will survive
تلات مرات يوميا قبل الاكل و لمدة عشرة ايام
و العوض بسلامتك
37 comments:
loooooooooooooool
mala2e6 6abeebet el 2ulub el kaseera...
ta7eyye mala2e6...
bs kan lazem te3malilna lamme b3eed 3an elshabab, hala2 b2eru shu katabti w befhamu eltab5a! Y3ni bema3na a5ar en7ara2 elfilem!
So lazem t7uti ta7zeer fo2 enno iza kont shab la te2ra had elpost...
s7?
yiiiiiiiiiiiii
wallahi il 3azeem i wanted to so..nseeeet
بعدين يا نريات كلمة تحذير
و لا تقرا
و للبنات فقط
بتلم شباب اكتر
ما انتي عارفة الممنوع مرغوب
Mala2e6
this is actualy so true, bs elbanat be7ibo yodlo2o 7alhom : p
Allah ye7fazek lal '3alaba
Walahi ya mala2e6 m3alema ye5zi el 3ean LOOOOOOOOOOL
Sho hal 5ebra kolha hadi ya m3alem :D …
O menkom nastafeed setti… bs bte3rafi o ana 3arfeh enno kelmeti hadi ra7 tjebli el 7aki :) bs ba3d arba3tashar sanah 5ema fi sanawi bet2olli a2af… asdi enti sa7 :) o es2al mjareb LOOOOOOOOOOOL, wala fi a7la mn el tabe3eeyeh, bs el a7la enha tkoon meqten3a b heak, 3adi enha tebki, ay el wa7ad law mrabbi besseh bez3al 3aleaha, fa keef bani adam??? Bs Kaman had 7al edenya, o law 7atat fi balah heak.. 5odeeha menni, wella balash enti l2neek 3arfeh el tab5a, 5odooha menni ya sabaya, wlahi enek btekbari b 3eano, mesh be2ollo elli bezeed 3an 7addo ben2eleb deddo?? So 3adi, fatra o bet3addi, elek 7a2 tnakdi, o elek 7a2 tebki, bs ya5ti lemmi 7alek el metbahdel shwai, o masheeha btemshi :D
O hala 3ammi :D
السلام عليكم
احب ان اكون اول المخبولين الي يتعارض معاكي
والاسباب :
الطريقة الاخيرة لا تنجح دائما,
ثانيا: اذا كنت بنت وبحب شب, والشب ما بدو ياني, فينحرق بكاز وسخ لانو في هذه الحالة بيكون حمار, فلماذا اركض ورا واحد ما بيستاهلني؟؟
ثالثا:
سألتي "هل كان يحبك؟ ام كنتم اصدقاء و خيالك هيألك انه يحبك؟"
المشكلة ان الواحد بيسمع عن كتير بنات بس بدهم يتجوزوا, مش مهم مين, بس المهم ما يقولوا عنهم عوانس, عشان هييك كتير بيتجوزوا من غير حب, ونسبة الطلاق وصلت 60 % وهاي مشكلة كبيرة
وكلمة عانس صارة موضة قديمة لان الواحد الايام هاي صار يتجوز على كبر, سواء الشب او البنت, لان الكل صار خريجي جامعات, والشب بدو يكون حالو
وغير هييك, غالبا في الجامعات بتدور البنت على شب عشان يتجوزها, طب هوا لا بيشتغل ولا مكون حالوا ولا شي, طب ليش بيدوروا على هييك وهم, والشباب شو وراهم غير شوية تسلاي وخلاص
سلام
طيب والله العظيم انتي نهفة .... يعني ههههههههههههه نهفة في تعريف لكلمة نهفة؟؟
معاكي حق تكتبي بهالانتقاد لانو بنات هالايام سلامتك .. واليك بعض النوعيات:
نوعيات البنات:
1) تركني ؟؟ طيب خليه يوريني شو بدو يعمل من دوني الله لا يردو .. اصلا منيح فيني الي رضيت اطلع على هيك اشكال .. في غيرو الف ..
2) تركني؟؟ طيب ليش ؟؟ شو انا عملتلو؟؟ يالله والله فكرت بس الحق مش علي ..
3) تركني؟؟ حموت.. لا لا انا ما بقدر اعيش بدونو .. انا من دونو ولا شي .. هو كان كل شي .. هو الحب والحياة والهوا الي انا بتنفسو..
بحب أأكدلك انو كل هالنفسيات تعاملنا معها ... حلك هو الصح .. باختصار الشاب بيحب الملاحقة ... بدو دايما يحس انو هو ملاحق وانها بتحبو ... بس لما توقف ملاحقتو بنجن بيجي دورو يلاحق والمصيبة مو كلهم عندهم كرامة .... او بالاحرى ما عندهم مانع ..
الشباب بس نوعين:
1) شاب بيحب من قلبو وفعلا بحس حالو ضايع لو ترك ..
2) شاب بجيبتو الف وحدة غيرها ومو هاممتو ... لا وبالاخير بس تحكي معاه بيحكيلك اصلا هي كانت متل اختي :)
شكرا الك يا ملائط لانك كتبتي عن هالموضوع الي عنجد بدو حدا يكتب عنو وما بيخلص ... وفشيتيلي غلي زي ما بيحكوها ...
انا شخصيا بحب أقرا و مش كتير من هواة المناقشة..
بحب استمتع بقرائة اراء الناس..
و انت يا ملائط بالذات...
يعني نهفة و حكينا... و بتضحكي كمان حكينا (كل الكلام انتهى)
بس بحكي ابدعتي يا حجة ملاقط :)
Are you going to block all the guys from reading this post?? i think you should because you do not want them to know the sercret for their girlfriends actions in case he decided to leave her!
really funny stuff...where can i pick up the book? you just never know who might need it next!
hahahah
hek 2oltik:)
walahy law sho ely berashom berashom
el 3awad be salamtek
hala
Tamtam
انا بس بحب اخدم يعني
و في كمان كتب تانية عالطريق اخدمة شريحة اكبر من المجتمع
و الله يخليكي يختي
maioush
هلأ نحنا نصحنا
و اللي بدها تتنصح تتنصح
اكتر اشي بزعل هوة فكرة انه كيف قدر يستغني
و الشباب بشبعوا البنات مراجل و بكون مسمعها اكم كلمة على وزن انت عمري و حياتي و بحبك للابد اللي بطلع بعد بوكرا
و هلا بيتش
rozza...فاقد الذاكرة
انت بتقول لا تنجح دائما..طبعا ممكن جدا
لانه كل حالة الها حلها
مش كل البنات زي بعض و لا كل الشباب كمان
انا بحكي بشكل عام
هلأا لو فتحنا جنب المنشر كشك لحل المشاكل العاطفية رح تشوف انه بحل كل مشكلة كحالة منفردة و على حدة
اما الزواج
فانا ما جبت سيرته بس برضه اللي قلته في شيء من الحقيقة بس برضة مش الكل
و شكرا لاضافتك
bara2
الشباب اكتر اشي بيحبوه بالدنيا
هو انه بنت تحبه
لو خسرها حتى لو ما بحبها بزعل
هدا طبعا موضوع الحب من طرف واحد بس بتشوفي فية طريقة تفكير الشباب
هلأ في شباب عن جد مخلصين و بحبو من قلبهم و هدول للاسف بتلاقي طب بواحدة من اللي بيتسلوا
في موضوع تاني منحكي عنه بعدين الاخلاص و الوفاء ..انا طلعت بنظرية بس بدها مجال اوسع من كومننت للرد عليها
و شكرا براء
شفتي موقع المسلسل؟ بيقولو رح تكتبي انتي
بليز فيريفاي
و شكلرا لتعليقك
life
كنت احب تدلي بدلوك في النقاش
اكيد عندك نظرية او افكار
شكرا حياة يسعدك
Summer
سمر
الشباب البلوجرجية هون معلش يقراو و يفهموا و يتنورو
لانهم متل اخوتنا
مش فارقة لو عرفوا السر
و البنات برضه ما بطلعوا حكي برة
هلا المشكلة لو بلوجرجي و بلوجرجية بحيبوا بعض و قرأوا
بس هاي حلات نادرة الا اذا ما بعرف
سمر الكتاب انا ببتعتلك اياه
انتي ما بتشتري
ام العيال
و الله انا عملت اللي علي و الباقي على ربنا
كل وحدة عقلها براسها بتعرف خلاصها
هلا ام العيال
بلا حب بلا هبل .. كله كذب في كذب..
هاي بتزبط في هاده علشان تقهر هداك و هداك مستقتل على هديك و هية مش طايقة ريحتو وزناختو و دالقة حالها على واحد معتوه
و بالاخير الكل بتزوج زواج تقليدي و بيعمل حاله شريف مكة و عمرو ما عمل شي بحياته
خرابيط بخرابيط
حكي فاضي! ... واللا لأ؟
LOOOL
laykonek mar2a bhl2esas :D?
ye26a3hen ma ahbalheen!!
kef 2al Q. bl2a5er zawaj taqlede w qesset 7oob fil el5alfeyeh :P
mr7aba :kiss:
Qwaider
كلامك صج
بس في حالات فردية بتزوجوا بس بالاخر و بعد اكم سنة بيصيروا متلهم متل اللي تزوج تقليدي
انا من ملاجظاتي(مش خبرتي)
الشاب لما يحب عن جد بكون الحب الوحيد بحياته و بكون مخلص جدا
البنت و للاسف لأ
يمكن يزعلوا البنات بس انا شفت حالات البنت بتنتحر عشان شاب
بتنتحر يعني بتدخل مستشفى
و بعدين بتتزوج غيرو
كل واحد يشوف وين مصلحته و متل ما قلت عند براء الحب شغلة كيميائية هرمونية
mnosh
yes3d saba7ek mnoshty
و الله ما دخل
هلا مثلا لا كتبت عن مزعل و سهى
كان ممكن اكون سهى؟
مش شرط
المهم تفتحي عينيكي و تشوفي حواليكي شو بيصير
و الناس بتعلموا من تجارب غيرهم
و هاي موااا عالصبح
loooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooool!
VERY VERY VERY nice post! 3anjad 7ilo hek every song is so right with the examples you put! I like your creativity! Hope many people will benifit in this nice way of explaining this problem :)
looooooool,kaman kteer mazboot el 7aki elli bte7keeh.:)
شوفي يا حجة ملاقط,... انا طبعا ممكن كتير ادلو بدلوي...
ليش لأ...
انا بشوف ان العلاقات بين الشباب و البنات أشي.. واللي بصير عنا بالبلد هاي أشي تاني... (اللهم عافينا)
هون عالم غريب ضايعين بين اللي تعودو عليه و بين اللي بدهم اياه...
كتابك المبجل اكيد مفيد بس سدقيني بدهم فورمات ... اعادة تصنيع من أول و جديد...
و هي دلينا بدلونا :)
life
i know what you mean..but this section of the book discusses everyday common issues..
many concepts changed and love now means money,marriage,cars,shopping..clubbing..etc etc(and etc here is more and more of material things that has nothing to do with love..love was successfuly deofrmed.
mishan allah, i couldn't stop laughing ,the last paragraph, the songs to listen to, that was hilarious..... i love you for this:D
mrs Al ramahi
wallahi ya mrs Ramahi ana asdi khair :D
inshalla yestafedeNNA although i still say this is so general and it does not apply to all cases
Ta2e3
welcome welcome to manshar.i am glad u liked it thnaks for ur comment and visit
Lubna
and i love you..unconditionaly.(this song i will survive is a very effictive for broken hearts,it gives power,uplifts the soul and prepare girls for the next encounter.
hi mala2e6
it's noor again ,first how ru ?
i hope ur ok ,intersting thing u wrote but i guess we r to balme to what happens to us from the guy s it's like we cant wait for them to come and sweepes us off the our feet (bekamn kalam 7lwa)and the girls is hooked i dont really know y we do that or y we fall for that ,it's just life i guess ,but all i ask from girls that they think that they r in love just to take easy (wallah mabestahl ash3'alaa )to lose our haert to a man .am not saying not love or be loved is just to take it easy and safelly.ok see u again.
ahlaaaan noor
i am fine hope u rdoing great
this is for those who are already hooked and ditched,it was just meant for some laughter although from what i have seen many girls do such things hoping to regain what they have lost or just to get back at men
when u r watching from far away u always see better than being so close to something..its like reading a newspaper...u cannot see the letters if u hold it too close to ur face..and i learnt to observe well what goes around
many girls just act in the wrong way and end up losing those whom they loved for silly reasons like misbehaving
its nice to see u here again noor thanks for ur comment
صباح الخير ملائط
اوكي انا حكتب خلال هالاسبوع بعتذر لاني ما دخلت الموقع بس صارت عندي ظروف يالله انشاء الله بتلاقو شي يعجبكم :)
ثانكس سويتي :)
البنت و للاسف لأ
يمكن يزعلوا البنات بس انا شفت حالات البنت بتنتحر عشان شاب
بتنتحر يعني بتدخل مستشفى
و بعدين بتتزوج غيرو
يعني احنا ممكن نلاقيلها عذر انو هي كمان بدها تشوف مستقبلها و مش معقول تستنى فلان او فلان طول العمر و هو مش عم بحرك حاله
بس بنفس الوقت هذا بخلينا نرجع لموضوع كل شي بوقته حلو يعني الشاب اذا عارف حاله مش حمل الجيزة ليش يفوت بالموضوع من اساسه و للأسف انو في بعض الشباب و الشابات علاقتهم ببعض مش صحية نهائياً و كل واحد فيهم بشوف الثاني فقط سلعة ممكن يستفيد منها لوقت محدد و يرميها بعد هيك
funny topic. unfortunately, relations these days, in general, are superficial and childish which is bad. eh allah yehdehom.
:) so nice wallahi...I think this is really effective...
you really should write a book...you have your own flavour, people will love it.
that is a perfect guide, pretty funny too..
Unfortunately there is no right or wrong recipe for relationships, it is all about luck...luck and luck!!
You can listen to the song I posted a couple of days ago.It works too along with I will survive..
bara2
صباح الخير
براء هيني بستنى
ما تطولي
المفروض نزيع الاثنين بس ياللا خدي وقت
;)
تطوليش
na3ouri
ناعوري
في بنات شخصيتهم ضعيفة
ما بدافعوا عن حب بعتبروه الحب الوحيد بحياتهم
بتلاقيهم سلّموا و استسلموا لاغراءات الزوج الجاهز بسرعة
و يا روح ما بعدك روح
طبعا متل ما قلت في شباب كمان بكون لسة عمره 20 سنه و بدرس
او حتى 30 و بتسلى
كل حاله بتقدر تقول خاصة
sel3
اهلا و سهلا نور المنشر
ممكن نقول الزمن تغير و الدنيا تغيرت و المادة بتحكم كل شي
بطّل في مجال للغرام و العواطف اللي مش جايبة همها
و راح زمن بعيش معك على خبزة و زعتر
حتى الزعتر غالي
يمكن ما منقدر نلوم حدا
بس اللي شايفته انه كله ببيع بسرعة و بنسى بسرعة و لحظات البكاء هاي بتستمر لمدة قصيرة..لحين ايجاد بديل
شكرا على الزيارة و التعليق
Gardenia
my favorit flower..welcome and nice to see u here again
thanks..maybe one day i would write a book..but first i have to find a crazy publisher to accept th e risk of such book..
Noura
first of all welcome to al manshar
i don't think ya noura that in these cases luck has a role
its all about understanding yourself,your feelings and not drift away from reality..also knowing your other half well..people seem not to care enough to know or see what their partners feel or want ..all they care about is themsleves and in a relationship where tehre are two persons..this does not work.
i checked the song..yep..it works too..pack yourmemories and leave..i liked it..thanks
lama el shab yetrek el benet lazem te3mal shaghleh men talateh:
1 ma tehtam
2 ma tebki
3 tsa7eb shab a7la meno
o ana 7aseh 7ali 3m ba7ki 3n jad :P
fatoom
مريحة راسك
و انا مغلية حالي و مالفة كتاب عشان تلخصية بجملتين؟
لا يا ماما
لازم تقرأي الكتاب كله
ولا بعدين
بتعيدي المادة
بس ا1ا شافت غيرو معناتو ما بدها يرجعلها
مش رح يقبل
هذا الدليل يا فطومة هوة لاسترحاع الحبيب و فك الكرب و جلب الغائب
ابين زين ابين و ابص في الودع
loooooooool
bas ino iza 7ada tarakne keef ra7 yedaleeli nefs fe? :S
هدا كلام نظري
ما بتحضري افلام؟
ما بتشوفي انه لما واحد يترك وحدة حتى لو ما بتطيئو بتصير بدها يرجع
كرامتها
و كمان الشباب نفس الاشي
بيصير الممنوع مرغوب
و بس يرجعلها او ترجعله..بتقر انه ما بدها اياه او ما بدو اياها
لانهم ثأروا لكرامتهم
كلامك تحشيش...بس مزبوط والله..
والعكس على فكرة بزبط...الشب ممكن يعمل نفس الشيء اذا البنت تركتو...دايما حاملين حمل الشباب...والله صرت متعقد من اشي اسمو نساء!
لا يا عبد
و الله لو قرات التعليقات بتشوف اني بتعاطف مع الشباب
بس برضة لازم يعني اوعي لبنات
و كمان هون انتو الشباب قراتو يعني هلأ لو بنت اجت تفصحنت عليك بتعرفلها
يعني بتكون استفدت من هالموضوع
صح؟
أكييد استفدت من الموضوع..
بس لا أي حدا بقدر يتفصحن علي..مش صعب الموضوع..طول نهارهم الناس يتفصحنو...بطنش بمزاجي بس
ايوة هيك
خليك تقيل
خلص بدي اعمل موضوع خاص للشباب عشان ما يزعلوا
start thinking about the complete book !!
ya3ni law wa7deh tarakha sa7ebha o kar2at elli katbeeto ra7 ted7akelha shwai o thawwen 3alaiha !!
و يمكن تستفيد
يمكن
و يمكن الشباب يفقسوا الموضوع كمان و يصيروا يعرفوا حركات البنات
و كله يصب في المصلحة العامة
Post a Comment