لطشوا الشروال..الحقوا
كلنا منعرف الشروال
و اللي ما بيعرف ..الشروال هوة من الملابس الفلكلورية اللبنانية و السورية
و كلنا شفناه في المسلسلات و العراضات و الزفات
بيلبسوه..طبعا الشباب مش البنات
و لكن
حاليا
و في الاسواق
شروال جدك يا بنت
عند زارا
و الله لما شفته حاولت اكتم الضحكة بس ما قدرت
يعني فلّسوا و بطلوا يعرفو شو بدهم يلبسونا لطشوا فلكلورنا العربي و لبسوا البنت شروال
لما كنت زغيرة و اشوف الشروال على التلفزيون. كنت افكر انه الرجال ( و اسفة للتعبير) عاملها تحته
بس لما تطول الحلقة صرت اعرف انه هالحكي مستحيل يعني ما شفت حدا قرفان او مسكر مناخيرو
و ضليت احتار بسبب هالتفصيلة الغريبة
و نسيت الموضوع لحد ما رحت عند زارا قبل شهر و بالنيو كوليكشن ولا معلّق شروال
و تزكرته
و رجعت افكر
و اللي وصلتله انه الشروال كانوا يلبسوه الرجال الفلاحين
و بما انه ضيق عند الساق وواسع جدا بالوسط فأكيد عشان الفلاح يقدر يتحرك بحرية و يفلح الارض بدون اي معوقات
و بدون ما يتكرفت على بوزه يعني مش رح يلبس جينز لو ويست مثلا
**
**
جدي صار عنده جوال
ع ستي شايف حاله،
بيمسّج بيبعت مرسال للي بتخطر بباله
، مال الجوال وماله
رن وشاله حتى يرد فلتت دكة شروالو
**
انا حسيت انه انسرقنا
يعني فلكلورنا العربي هدا
هلا لو قلنالهم بقولولك هدا مش لبس عربي
هوة يمكن اصلة فارسي او تركي..انا ما بعرف
المهم..الشروال الزاري (اللي عند زارا عندي) ب 65 دينار ..بس
و هاي صورتو من موقع زارا ..فريش
انجوي
**
**
لبسنا شروايل جدودنا
رقصنا ع نغمة عودنا
طرابيش الحمر تلالي
تشمخ بالعالي العالي
اذن
المحطة الجاي الطرابيش
30 comments:
heheheh! aslan sarat el aswa2 maskhara! hala2 ana am not totally against new fashions bas eshi w menno! 3ala fekra sheklo el sherwal ba3do ma wesel 3ala Dubai... :( yeeeeee ra7at 3alay!
would you consider wearing it?
i wont..it looks funny
ramroom..missed you around..nice to see you here again
Loooool, cant wait to see the tarboosh : )
مرحبا:
صدق رسول الله قال: "ولو دخلو جحر ضب لدخلتموه خلفهم " ... مش المهم شو في موضة المهم كيف نحنا نتعامل مع الموضة... لو نزلوا شو ما نزلوا وما اشترينا ولبسنا وقتيها "خاوة" رح يفصلوا الموضة زي ما نحنا بدنا....
kaynkon.blogspot.com
الله يرحمك ياجدي
كان يلبس شروال
بس كمان الشروال مكلف اقتصاديا لأنة بيستهلك 9 امتار من القماش
على عكس ملابس هي الايام الي بتحتاج فقط متر الا ربع من القماش
mashalla btnzali b ahel 3abdoun tat3ej o b3den btro7i t3malo shopping 3a zara :P
perfecto is out unless u start shopping b sog el jom3a
looooooooooooooooooool
Funny!
You know what? May be I will sound boring when i say this, but i prefer the standard, steady all time fashion... things that never change and stay always elligant...
mesh sherwal w yareto zay sherwal ayam zaman! had metfalsefeen 3aleh shwai...
يا جماعة هاد مش اشي جديد... متذكرين بلاطين الباجي؟ و شروال ام سي هامر؟ و بنطلون جينز ابو 22 كسرة؟
w ana shofto kmaan :|
fe meno kman 2assat, 7/8 manfo5 blnoos !
ama hoblan sa7ee7 :@
bs 3ajabone klimatek رن وشاله حتى يرد فلتت دكة شروالو
loooooooool
ba3atet replay :shy:
Tamara
remeber the tv commercial..baskoot sultana hat minno hat..azon..the girl which was nermeen il fe2i was wearing tarboosh...:)it looked nice
كيان
و ليش نستنى حدا يفصلنا موضة
بس المشكلة التفصيل عنا كمان متل ما انا شايفة ما في ابداع ولا كان استفدنا من فلكلورنا و نحنا طورناه
7usam
و الله هاي نقطة مهمة جدا
القماش
صحيح الشروال بدو 9 متر و بدو سنه عالمنشر لول لينشف الا يعني اذا لما ينفرد بينفرد..ما عملري شفت شروال شخصي لاحكم
perfecto
زارا يا عمي يعني المفروض ماركة و اشي بس كله تصنيغ الصين و بس تقولي ايمتى بكون سوق الجمعة
يوم التلاتا؟
عشان اروح
naryat
wala boring wala ishi..i wont wear extreme fashion too
they are out of ideas..and if they stick with standard fashion then they wont have new sales..lazem yetla3i b film kol saneh 3ashan il banat yeshtro
Qwaider
بس هدول يا قويدر غير يعني قد ما يوسعو ما بيوصلو للشروال
mnsoh
توضيح هدول مش كلماتي هاي اغنية هابطة لقيتها و انا بدور على صور
بسعدك
ههههههه
معك حق يطير عقلك ... لانو انا مشرتة وطاير عقلي من الصبح ... بدي اعصب هلا على زارا وعلى العارضة وعلى الي اخترع الموضة وعلى الي بخبص علينا ... واحنا بنمشي وراهم ... كلو كلام البلوجرز صح ... وتعليق حسام كتير حلو ..
قويدر يا زلمة شو جاب لجاب ... يعني الباجي بيضل واسع صح بس اسمو بنطلون ... قصة بنطلون ... اما هادا خليط بين البنطلون والتنورة ... والشروال كمان ...
منيح الي صدمتيني اليوم قبل ما اطلع واشوفو بلاش انصدم بسيارة ماشية على ال 20
ههههههههههههههههههههههههههههه
بتطلبوا المساواة بين الرجل والمرأه
يلا عيشوا, هاي السراويل اجتكم
بس ضايل المرأه هي تتجوز الرجل, وفعلا موجودة في بعض الدول
سلام
ههههههه
صحيح , الشروال و الله شغلة , لهلا بعرف ناس بتلبس شروال , خاصة بالشام مليااان , و عندك الدروز بحبو يلبسو اكتير كمان
مزبوط كلام حسام 9-10 متر بياخد حسب تفصيلتو ,
بعدين الشروال عند زارا شي من الأخر :)
looooooooooooooool! howe wa2afat 3al sherwal? bas honestly its not nice at all! o el moda hay el fatra msh 7ilwe! el tightat bRdo msh 7ilweh..whats wrong with the mormal clothes??? :S :S
bara2
والله ما بعرف اذا رح تلاقيه .هدا شفتخ من شهر اول ما نزلو الكوليكشن يمكن طار..استني تشوفيه عالبنات
كله كوم و حاطين جاكيت ب 105 دنانير حلوة مرتبة بس معها و جنبها و من قماشتها..شورت
مش عارفة مين رح يلبسه
يعني حتى بأوروبا ما بيلبسو هيك
Rozaa...فاقد الذاكرة
مين قال بنطالب بالمساوة؟
طالبوا نسوان زمان عشان حق التصويت
و صوتوا لشبعوا
و حق الجنسية
و اخدوها
نحنا لا
المرة تتجوز الرجل؟
فكرة
مش غلط
يعني هية مين بدها تتجوز غير الزلمة؟
قصدك تروح تطلبه من اهله؟
بتصير
و مالو
كله مساواة
Qabbani
بتصدق ما لقيت صور زي الناس عالنت
كنت بدي ابعت اطلب منك قلت اكيد عندك صور
mrs ramahi
و الله ما انا عارفة
بس الفكرة انه لازم كل موسم تتغير الموضة عشان الكل يشتري
ما بتوفي معهم الموضة الكلاسيك
Very nice post..
when I was young I use to think that they keep their "Zawadeh" in the sherwal,so when they are in the fields working, lunch is already there :)
As for the ones for women, I wouldn't wear it either,it's funny looking.
I like the way you write..
ههههه
ما شفتهم هدول لسسا بس شفت بلوزة فقعتني ضحك عند مانجو.... فيها زي العصفور جنحان تحت الكم.... مش معقول شو بشعة...
و بعدين شو متر و نص يا حسام؟؟
اواعي البنات صارت من بواقي القماش... يعني شبه ثياب :)
ohhh ya3
sho sho laaaa ma weslat la hon
lesa elnas hos be3a2latha
sho dayel???????
kolo beyetla2 bel '3asel
salamy lelmanshar we as7abo
hala
noura
first of all welcome to the manshar..:)
secondly..i used to think so too but i refrained from mentioning it after i mentioned the *other idea * i had. they wouldn't look good next to each other
thanks noura for ur comment and ur visit
life
hayat..ahlan
و الله يختي يا حياة هالديزاينرز بدهم يضحكوا العالم علينا
تزكري معظم الديزاينرز رجال
بس انا لو محلهم..بخدم حالي اكتر كرجل لما بصمم ازياء
يعني تكون شوي فيها انوثة مش 1/4 متر قماش لانه هاي مش انوثة
ام العيال
يسعد مساكي و الله اشتقت لطلتك
وين هالغيبة
شفتي بغيابك شو عملو فينا؟ لبسونا شراويل
و سلام من المنشر و اصحابة الى ام العيال و العيال و يا رب تكونو بخير
i came by here twice and i really did not know what to say about this new fashion!! i guess everyone else said enough!!
آه والله لطشووووه يا ملائط ...
لازم نعمل حملة تدوينية لانقاذ السراويل العربية
:-)
Summer
you should pass by zara and see it for real..khayali..
so if the majority of girls if not all those who passed by here are against this kind of fashion..who do u think will buy such stuff?..akeed someone dying for attention
mnawreh ya summor
7ala
الشراويل بالشين الله يرضى عليكي يا حلا
لو لطشوا السراويل معناتو اكلنا هوا
نورتي المنشر و ضواحية يا حلا
الموضه واحنا وراهم
الحمدالله ان صارت الموضه شروال مش شي تاني
hi mala2e6
my name is noor i just wanted to say i like to read your blog every time i see something new from u ,i really like your style in writing ,it reminds me off my time in amman with my friends in school uyou make me remembeer the old good days with girls when we used set down and talk about movise and soap oprehs and stuff arounds ,keep writing and keep the good work ,waithing for new things from you ,bye
بنت الكويت
حتى لو اشي تاني برضه..بيلحفوا و بيلبسوا
يعني اكتر من الشروال؟
لو بوكرا نزل القمباز الفلسطسيني موضة بيلبسوه
بلاش اعطي اقكار للمصممين
لو نزل القمباز..انا قلت بالاول
noor
اهلا و سهلا فيكي يا نور
و شكرا لكلامك اللي زي العسل و تشجيعك و ان شاء الله تكوني دايما مبسوطة
و شكرا لمرورك و تعليقك
naturalblu
u r welcome
hada ser baini w bain fattoummma :D
ma tdallo t2olo sho fee..:)
I'm seriously thinking of getting back to Salt and collecting all my late grandfather's stuff, it looks like selling saboon nabelsi would bring a fortune these days just because it's old
hareega
also consider ur granmother's 30 meters thawb..or that one is the karaki madraga? i heard once that when washed a woman;s thawb might take the whole line of manshar..:D
لوووووووووووووووووول جد اسمه شروال ؟! إممممممم ييييييييييي تخيلي يبطشوا السراويل هيهيهيهيهي مصيبة
:)
مش قلت لك يا حلا
لو سرقو الشو اسمو
السراويل
كان حصلت مصيبة شعبية دولية
تدخلت فيها كوندرا ليزا
و مجلس الامن
و طالبوا باسترجاع ما سرق
الشروال الدرزي الشامي مع الزنار الأبيض والشوارب المعقوفة...الله واكبر
Post a Comment