بالله تصبو هالقهوة
علاقتنا بالقهوة علاقة وطيدة
القهوة بتدخل تقريبا بكل احداثنا الاجتماعية
الجيدة و السيئة
من جاهة عرس لجاهة عطوة لانتخابات برلمان لازم فنجان القهوة العربية يكون موجود
بدي استعرض موقفين للقهوة..
موقف اجتماعي مش موقف باصات
الموقف الاول
شاب يخسر حياته بسبب طيش اصحابه في السواقة
واحد بيقطع الشارع بيطير من الدنيا.. بسبب سيارة مسرعة
و ركض
العيلة بتنلم
و بيروحو لعيلة المفقود و بيطلبوا عطوة
و اللي ما بعرف العطوة هية عشان ما يروح واحد بفورة دم و يقتل حدا من العيلة التانية
و بيلموا الجاهة الكريمة و عادة بحاولو يجيبوا ناس بتمون على العيلة المصابة او ناس الها وزنها بالمجتمع
تخجيل يعني
و قبل ما يبدأو بالكلام بصبوا القهوة
صب القهوة اله اصول
و الدلة بتنحمل بالشمال على ما اعتقد و الفنجان باليمين
و القهوة لازم تكون ساخنة
و لو ما كانت ساخنة عيب و اكبر عيب تقول: قهوتكم باردة
ممكن تقول القهوة بدها تسخين او القهوة دافية شوي
انا قلتها مرة لوحدة و تبهدلت و بعدها صرت اشرب القهوة و انا منطمة ساكتة
المهم
نرجع لموضوعنا
بتقوم الجاهة بطلب العفو عن ابنهم المسؤول عن الحادث
و اهل المسكين و خجلا و تخجيلا بقولولهم: اشربوا قهوتو.. اللي جيتوا في صار
و بيروح دم المسكين
بعدها او معها بعملو صلح عشائري
و بوقعوا اوراق
بتنازلو فيه اهل المفقود عن دم ابنهم
و تاني يوم بنزل بالجريدة شكر للجاهة الكريمة و لاهل المسكين
و انتهى
***
مرة وحدة بعرفها كانت مع ابنها الزغير وبحاولو يمروا من ورا سيارة صافة
السيارة تابعة لشخص مهم..ال يعني
الشوفير رجع بالسيارة و كان رح يدعس الولد و صارت الام تخبط عالسيارة لتنبه الشوفير لانه ما كان معها مجال تتحرك
و اجت بتقولو: كنت رح تدعس الولد
بقولها الشوفير:: يا ستي..راس ماله فنجان قهوة
طبعا اكل النصيب
هلا
يعني هدا كل اللي منسواه؟
حياتنا..ارواحنا راس مالها فنجان قهوة
***
الموقف التاني
جاهات طلبة العروس كمان بتبدا بفنجان قهوة
برضه بلمّو وجوه الخير
و فلان شيخ و علان وزير و ابن عمي الدكطور و ابن خالي المحامي
و بيدخلوا على بيت العروس
و بتنصب القهوة لراس الجاهة
عيب
عيب اي حدا يشرب قبل ما يطلبوا و يحصلو على الموافقة
و بيحط الفنجان عالطاولة و بيقول الكلمتين اياهم
و بيحكون عن ابنهم النظوة
اللي بيكون قاعد زي الشوال
بستنى الموافقة
و هوة عارف انهم موافقين
(بتكون صاجبته من 3 سنين
و كمان
لانه الجاهة ما بتيجي الا بعد الموافقة المبدئية
و بيقولهم كبير القعدة: اشربوا قهوتكو
و ترتفع الزغاريت
(و هدا موضوع تاني بحكي عنه بعدين)
و مبروك
البنت راس مالها فنجان قهوة
اكيد ما رح يضمن لها المعاملة الحسنة ولا رح يضمن لها الحياة اللي بتفكر فيها بس هيك العادات
**
قصة صارت
واحد اجنبي متزوج اردنية و عايش بالاردن من زمان
عربياته مكسرين شوي
راح مع الجاهة يطلب لابنه عروس اردنية
اجا الشاب اللي بيصب القهوة و صب للاب فنجان
الاب قالله: لا لا لا انا ما بشرب قهوة
طبعا الكل صار يضحك لانهم عارفين انه مش قصده اشي سيء
**
النتيجة
لو كنت ساكن بعبدون و جوة قصر بترجع لايام الشق و القبيلة لما يصير اشي
بعدنا بمجتمع العشائر و القبيلة و يمكن هالاشي منيح
..
و ياللا..صبوا هالكابتشينو و زيدوه هيل
***
30 comments:
يا سلام على فنجان شاي
بدي اقوم اسوي شاي
لأني ما بشرب قهوة ابدا ابدا ابدا
الا السادة لأنها للسادة
يسلمو ايديكي
ملاااائط
معلهش العتب على النظر
بس
مافهمتش حاجة
ايه علاقة القهوة بده كله
ممكن تنزلي بوست ملحق... يشرح البوست السابق
اعتقد العيب فيا
او ...
في فنجان القهوة المغشوش اللي شربته
2aaaaaaaaaa5 ya mala2e6....
bte3rafi eno ana men wara hal2ossa bakrah el2ahwe welsada belzat?
2bel fatra twaffa shabab tnen b7adith sayyara kan sababo wa7ad 6ayesh kteer w hamel, w bekol 2estehtar mawwat-hum w wadda ahlo jaha, w ra7 7a2 elshabab bfenjan ahwe...
Wallahi lw 2ebni, wala 7ada bemun 3alai as2e6 7a22o...
kef befakru hadol? shu jahat w wujuh kareeme w mesh 3aref shu?
kul elwujaha2 bedhum ykunu 2awjah 3end elwa7ad men 2ebno?
ma azon!
7usam
بس رج تشربها لما تروح تطلب عروس..اوعى تقولهم بدي شاي
بيعيدو نظر يا حسام
اكتب بالرصاص
مجتمعنا الاردني مجتمع لا يزال يحتفظ ببعض العادات القبلية القديمة
و منها القهوة
و اخميتها
متل ما قلت في البوست
لمل عريس عايز يطلب عروس
لازم يجي معاه مش بس اهله لا كمان 100 شخص او اكثر او اقل
لطلب يد العروس
و ما بشربوش بااول شربات
بيشلربوا القهوة
و كمان لو حد عمل حادتة و مات الشخص
لازم جاهة
و لازم القهوة
عشان طدة بيقولو راس مالك فنجان قهوة
يعني ممكن اقتلك و اجيب جاهة و يشربوا القهوة و اطلع انا منها
يا رب تكون الامور وضحت
انا عارفة في فرق بالتوقيت
قصدي بالعادات الاردنية و المصرية
naryat
thats why i wrote this
مبارح عم نحكي بالموضوع
و كمان صار حادث راح فيه شاب و طار حقة و اللي طيره هيو داير بتزعرن
الشاب كان عمره 27
الله يرجمه
و لا كانه كان موجود بالدنيا
انا وصيت العيلة لو متت بحادث لا سمح الله
و كان السبب شخص غريب
و كان الحق مش علي::يعني مش تياسة سواقة مثلا او قطع شارع بالغلط
ما حدا يسامج
مع اني شخص متسامح بس بهالقصص بحس ايما في ظلم
سبحان الله يا ملائط بنت حلال
من يومين كنا عن نحكي كيف تركنا روح العادات و التقاليد و الي في مجملها رائع و تمسكنا بالقشور على الفاضي ..و منها الجاهه و فنجان القهوه
و عجبي
تعرفي، مرات بيبالغوا بقصة راس ماله فنجان قهوة هية الحقيقة مش هيك
حتى مع القتل الخطأ(حادث سير مثلا) لسة في الدية و توابعها. انا بحكي من تجربة مريرة الله لا يورجيها لحدا
و رحمة الله عليك يا بسّام .. كان اليوم صار عمرو 30 سنة
لكن .. قضاء ربنا
Thanks for this post ya mala2e6. good points...we still do live in this tribal society that needs to hold on to tradition and customs...i like it even it it is only a façade! at least something to hold on to from the old times.
Tamara
العادات و التقاليد حلوة بس لسة في عنا تمسك باشياء قديمة ما عادت تنفع مع التطور الاجتماعي و السياسي و الفضائي
اللي بيغلط ليش ما يحاسبه القضاء بدال ما يرتعب و يلجأ للعطوات و الصلح؟
لسه عنا مسألة التأر و لو انها مش مبينه كفاية بس هدا سبب العطوات
و سبب فنجان القهوة
اشتقتلك يا طمطم
Qwaider
كل عيلة مرت بتجربة يا قويدر و الله يرحم بسام و كل الشباب اللي ماتوا ضحايا تهور و اهمال غيرهم
بتعرف عنا شغلة انا كنت مفكرة انها انتهت
الجلوة
و الله ضحكت بس سمعت
يعني هاي ايام بيوت الشعر و البدو زمان متل ما منشوف بالمسلسلات البدوية
اللي بيقتتل بيجلو عيلته
مش بيجلوها يعني بفيري
بيخلوهم يرحلوا عن مضارب القبيلة
بحملوا هالخيمة و بطلعوا
حماية الهم و للعيلة التانية و للقبيلة
طب هلا و نحنا عايشين ببيوت حجر
و لسة عنا اشي اسمه جلوة
بتصدق؟
انا لهلا مش مصدقة
Summer
yes dear summer despite our technological evolution..we still live according to old tribal rules..which is sometimes good..when you are dealing with with persons who only relate to this kind of law.. i love our old traditions..but not in that context..it scares me ya summer..that one day i would have to stand there anddrink a cup of coffee for a loved one..
walla la al3an .9*(**()(_)..(msabbat hay)
tayeb betsad2i ya mala2e6 eno elshabab eli 7aketlek 3anhum fi wa7ad fihum abelma yetwafa w hu ghar2an bedammo 7aka las7abo: "ma tday3uni bfenjan 2ahwe"!!!!
Bs lamma kol 3asha2er el Ordon yetda5alu, w 2ahel el 2az3ar ma y5alu 7ada 2ela ywass6uh belmawdu3, w yiju yemken 3ashar jahat, 2ahel elshabab eli twaffu 3'asbet 3anhum byetnazalu w humme 2ummahat-hum wara 3m byebku w 2albhum 3m yet2a66a3...
ana sara7a ba2ul eno el7a2 3al wujaha2 elli betwassatu b2eshi zolom...
wel3asha2er zalmeen... zalmeen kteer behadi eltaree2a..
انا بالجاهة تبعي بدي اوصيهم ينزلو اسكيمو ام الشلن
و يحكولي بوظتك ملحوسة
الله يرحمهم كلهم
اكيد التسامح و الرحمة اشي كويس
بس الناس يشربو قهوة و يرجع الطايش يتزعرن و يدعس كمان ناس هيك صار تساهل او اهمال
و المال السايب بيعلم السرقة
naryat
انا عارفة الشعور اديش مؤلم
و بقهر
و بحسسك انه نحنا ما منسوى قشرة بصل
و الجاهات يا نريات مش بأيديهم كمان
يعني لما واحد يوقع بمصيبة و يجي يطلي من الناس يوقفوا معه ما بقدرو يرفضو
الدنيا كلها سداد و دين
يعني اللي بيرفض بيجي يوم و بيحتاج حدا جنبه ما بيلاقي
الحل بأيد الحكومة
القانون يمشي عالجميع
القانون يحمي القاتل قبل المقتول عشان ما حدا يلجأ للقانون العشائري
بس هدا حاليا مستحيل
و في ناس يتقولك القانون العشائري رحمة ولا كانت الناس قتلت بعض
7usam
اقولك اشي
و ما بدي اذكر اسماء بس قصة صارت قبل اكم سنه
شباب قتلوا شاب..طخ يعني
و اخدوا العطوة خاوة
يعني غصبن عن اهل الميت لانهم من الناس الواصلين
اهل الميت ما قدروا يعملوا اشي
بس فكرك دم الشاب راح؟
في عدالة تانية يا حسام
اللي قتلوا ماتو بعدها بفترة قصيرة
..و برضه حادث و بدون عطوة ولا جاهة
اما الاسكيمو الاحمر
تخيل مثلا شيخ من الشيوخ اللي رايحين يطلبوا و ماسك اصبع اسكيمو بأيده و بقول جايين نطلب بنتكم
هيهيهيييي
LOL
ملائط رح اعتبرك المرجع التقليدي للعادات و التقاليد ههههه
و صحيح الدلة بالشمال والفنجان باليمين , و عيب تعطي ضهرك لضيوف يعني اذا بدك بتشتغل على الريفيرس
ودائما الكبير اول , و لو ما بيعرفو بيسئل ابل ما يفوت ,
و بجاهة العريس القهوة مرتين مرة بعد القبول و مرة بعد كتب الكتاب ,
اذا كان بنفس الجلسة ,
: )
يعني كنتي حتلمي بنات البلد علي بسبب "الفرق بين الاردنية والسورية"
انا لن اتكلم, حسيب الموضوع لما يجيكي عريس وتقولي ما بدي لا جاهة ولا قهوة
وانا حلم الموضوع ومش حناديلك صاحبي الكركي
طبعا ما تفهميش الكركي غلط, لان صاحبي حيجيبلك قهوة فرنسي, وهاي بتتقدم بالجاهات في فرنسا
:-)
بحب اذكر انوه يوجد علاقة كبيرة بين الشباب والقهوة, لانني مرة سمعت انو الشعب الاردني اكبر مستهلك للقهوة في الوطن العربي
ونسيت اقلك
ما بدك تعزيني عشان اصبلك القهوة؟
بالله تصبو هالقهوا وزيدوها وسقوها للنشامى عظهور الخيل.......مع تحيات معلم القهوة ابو شاكوش
qabbani
يا عمي انت المرجع
و الله هاي معلومات انا ما بعرفها لانه اظن ممنوع حريم يصبوا قهوة بالجاهات
و عقبال جاهتك ان شاء الله انت و كل الشباب و البنات
Rozaa...فاقد الذاكرة
بفرنسا اظن اظن بقدموا لاتية او اسبرسو
الله اعلم
زمان ما حضرت جاهة فرنسية من ايام نابليون يعني
و الكركية احسن ناس
..بس ليش اعزيك يا فاقد الذاكرة بعيد الشر؟؟
Abu shakush
و النشامى نلاقيها و نحيها ويلك ياللي تعاديها يا ويلك ويل
قهوتنا للاجواد اول بادي للي ناره وقادي بظلام الليل
و بالله تصبوا هالقهوة و زيدوها هيل
COFFEE is my addiction! It runs through the viens instead of the blood balki :) coffee is the solution for all compensations and agreements. Caffeiene is what matters, nescafe, arabic coffee, turkish coffe, cappacino, the darker the better!
الموضوع اله وجهين ، يعني بكل الاحوال هو عبارة عن قضاء و قدر
بس لما يكون الحادث نتيجته زعرنة و قلة حيا فأكيد هذا اكبر ظلم لاهل الفقيد ، اما اذا كان الحادث خارج عن سيطرة المتسبب فالامور بتكون اهون من هيك و بصير في اخذ و عطا
Naryat
على ما اعتقد اني عرفت الحادث يلي بتحكي عنه اذا كان هو نفسه يلي صار بالبيادر فأنا بحكي كمان انه كان نتيجة زعرنة و برادة وجه و طار شابين يا دوبهم متخرجين للأسف
هههههههههه
طيب انا ما بحب القهوة شو اعمل بحياتي العلمية والعملية يعني؟؟
بعدين فعلا كلامك صح ... شي بقهر: على فنجان قهوة العالم ماشية ؟؟؟
بتعرفي انا ما كنت منتبهة لولا انتي كتبتي هالبوست الظريف ..:)
النسكافيه دخيل على العرب هو مو قهوة عربية شو مالك ما بنفع...:P
كل قهوة واعراسنا ومشاكلنا محلولة...
قبل كم يوم كنا رايحين جاهة عشان ابن خالي ... وصبولك هالقهوه وهات اقنعني اشرب ... اول ما حكيت ما بشرب الكل اطلع علي ... بالاخير اخدت هالفنجان وغمضت عيوني واشرب منو شوي ورجعتو من غير ما حدا يشوف...:)
Na3ouri,
أكيد عرفتو، صار قريب من بيتكم... و راح فيو أحمد و جانتي الله يرحمهم... شباب متل الوردات... و عنجد متل الوردات... واحد كان الاول على دفعتوا و جائزة التميز بتستناه، و واحد كان على وجه خطبة...
و البلاش ما أحكي اللي ضربهم و هو بيتزعرن هيو هرب... و ما نفذ اشي من المكتوب بالصلحة... و الكفلا وقعوا من هون و هي وجه الضيف...
لما القانون العشائري بدو يمشي بدو يمشي عند زلام... مش ولاد زغار...
واللي بدو يشوف مثال على الظلم اللي بتسبب فيو فنجان القهوة أحياناً يتفضل:
http://www.ahmad-hakuz.com/
Mrs Al ramahi
mnawra ya mrs ramahi..but coffee is not that good..one cup is enough daily or maybe just two ;)
na3ouri
ما هدا اللي بحكية يعني لو اشي صار قضاء و قدر خلص الله يشامحهم
بس لما يكون اهمال و زعرنة و يفلتوا اشي بيقهر
bara2
و الله ما كنت اعرف انه كمان البنات بنجبروا يشربوا القهوة في الجاهات هاي اول سمعه
بس انا بحب القهوة العربية
زاكية
naryat
i am so sorry for ahmad and jantee..i took a look at the site..alla yer7amhom..
so sad to lose ones life because someone is being irresponsible
هو الحدث كلو لو تسمعي بتقولي هي اول مرة بسمع هالسمعات ... لا ، لازم تشربي قهوة عند بعض الناس وما ترجعي الفنجان فاضي ... ديري بالك .. تسلحي في المعرفة لما تواجهي العدو:)
OK, so I am *supposedly* writing a paper on alf layla w layla (ballah ma toktobilna el layla ra2am 1002?) elmohem, I am barely done and I had to procrastinate o this:
"""walla la al3an .9*(**()(_)..(msabbat hay)"""
made my day...
Thanks,
bara2
looooooool
ساتسلح بموس كباس و قرن غزال
احسن يمكن
شكرا عالمعلومات براء
Saned
يا سند كان قلت ساعدناك بالكتابة
اللي يوفقك و يديم عليك الابتسامة
good post!
lubna
thanks,,its an outcome of a bad experiance..i think most of the families of jordan went through this situation onew way or another
very true indeed!
bas ta3leek z3'eer, bel 3atweh iza el rafadu el jaha el gahweh ma btensharab ..
اكيد
بس بتعرف انه جاخات العرس ما بيجو الا اذا متأكدين من الموافقة اما جاهات القتل الغير عمد و العند و الحوادث فهاي لهلا ما سمعت عن جاهة انرفضت
شكرا زيكا للمشاركة و الزيارة
Post a Comment