February 08, 2010

توجيهي 2010 و نظرية المؤامرة



قرفتونا و زهقتونا

الكلام موجه للناس



..حاشا لله

ولادنا و توجيهي و قاعدين تصيحوا عالتلفزيون
الحكومة اجتمعت و
اعتذرت
خلص



شو صار يعني
غلطة
سهوة
وين المشكلة

الوزارة كان قصدها المصلحة لعامة
عشان الناس تقز من التوجيهي و تسحب ولادها من المدارس
ما هوة هيك هيك ما رح يطلعلهم جامعات
بسحبو ولادهم
وعلى الصناعية
و الاعمال الحرة على الاشارات
و يمكن اعمال الاعمار والبناء
(المزيد من المولات
و هيك الحكومة تتخلص من العمالة الوافدة
و ينزل معدل البطالة و نحتفظ بسيولة
و الدينار بيصير مدعوم
وبيصير عنا مولات اكتر
عشان ولادنا يتصرمحوا يوم الخميس فيهم بعد ما يخلصوا شغل بالصناعية
بعد نظر
و عملا بالمثل جحا اولى بلحم ثوره
و ما بحك جلدك الا ظفرك
وهذا الشبل من ذاك الاسد

و الوزارة بتقول انه العلامات على الورق صح
بس ادخال العلامات على النت كان في خطا
و الناس بتقول ما عنا ثقة بالوزارة
وواحد من خريجين 1970 طالب باعادة تصحيح اوراقة
فعشان ما نرجع نغلط مرة تانية شوية نصائح اقبلوها بروح رياضية
****

الرجاء الاستعانة بالة حاسبة لا تتبع اي وزارة اخرى
(اتصالات كهربا مي

لكن برضه للاحتياط

تنبيه الى اللي بدهم يعيدو جمع علامات التوجيهي
لا يوجد ضرائب مضافة
فلس الريف مش على ورقة التوجيهي
دينار التلفزيون على فاتورة الكهربا مش على الجغرافيا
دينار الجامعة بتسحبوه من فاتورة الموبايل مش من علامة الفيزياء
الكناسة والحراسة و المجاري مش على امتحان التغذية
لا يوجد حساب مدوّر

توكلوا على الله

في حال تم ادخال المعلومات مرة تانية على الانترنت
الشاشة هي اللوح الزجاجي اللي قدامك و بتشوف عليه
لوحة المفاتيح تحت تشبه كبسات التلفون

الماوس اله كبستين و عجل
العجل غدار انتبه
احرص على ان تضغط على زر تشغيل الكومبيوتر قبل البدء


الله من واء القصد





6 comments:

Whisper said...

ما شاء الله عليكي
كفيتي و وفيتي و فشيتيلنا قلبنا :)

Mala2e6 said...

لسة حاسة قلبي ما انفش منيح

بس ما بدي ينفش اكتر لينفش معه راسي

:D

لبنــــــــــى said...

بالفعل احنا دايما ظالمين الحكومة و الوزرا
احنا ما بنشوف ابعد من مناخيرنا فيما هم شالوا المناخير لما يتعبوا حالهم

Mala2e6 said...

jafra
و صاروا يشوفو احسن بس هيك بطلوا يشموّا

و مرات حاسة الشم مهمة كتير
خصوصا اذا في اشي فاسد

ان شاء الله يسترجعوها

اهلا جفرا شكرا لمرورك

Mohammad Bahloul said...

salam mala2e6 ...

esma7eely a3mal comment hoon w agool eno el7ag 3la sha3ebna ... yes elwazarah 3'el6at bs so2al z3'eer halla kol hadool el 6ollab maskeen w 3alamathom ra7at 3aleehom w elly sar lazem yjeeb 82 w ho jayb 72 w mesh 3aref sho ... sa7 fee nesbet 3'ala6 w hada dayman mawjood ... w sa7 fee nas btenzalem bs km nesbethom ??? ... y3ny ya nas ana beddy agool deero balko 3la wladko w la t7amloohom foog 6agethom w ma teejo 3la sanet el tawjeehy w tef6ano eno 3andkom awlad .... el7ayah mesh heek w el7ayah ma btentahy 3end el tawjeehy... w yama nas 3adat tawjihi w mashalla 3aleeho hassa ... ya jama3a meshan Allah 3'ayroo el attitude ta3ko ...

sorry 6awalet bs wallah nefsy afesh 3'olly w a7ky ...

Mala2e6 said...

محمد
لما كتبت الموضوع كان اول يوم النتائج
انا طبعا معك في ناس ساقو فيها و فكروا بالميمعة تزبط معهم
كل اللي شفتهم بعد هيك على التلفزيون ولادهم اوائل

بس انا سألت ناس عندهم توجيهي قالولي الغلط مش عند الكل

المشكلة طلعت من مادة العربي ما بعرف كيف دمجوها تلخبط الميزان

بغض النظر من هلا و طالع كل ما طلعت نتائج رح يصيروا الناس يشككوا فيها
متل ايام تسريب الاسئلة
و اللي لسة بتتسرب

شكرا محمد و احكي متل ما بدك
نو ليميتس