جبال السيليكون العربي

اول ما تسمعوا كلمة سيليكون

هل يخطر ببالكم التكنولوجيا و الانترنت ؟

اكيد لأ

بخطر ببالكم اشياء منفوخة

شفايف

خدود

....

الى اخره

و المصيبة العظمى انها موضة منتشرة انتشار رهيب

صار في اشي اسمه حفلات الضخ"

و هي مجموعة ستات بنلموا و بيجي الضخيخ

و عادة مش دكتور ولا من يحزنون

و يملأ الفراغ

و المصيبة الاعظم انه ما حدا سال شو السيليكون

ولا شو مكوناته او مضاره

المهم النتيجة

بتلاقي الوحدة بتحكي وشفايفها بتحركوا زي كانها بتدبلج

و اذا ضحكت وجهها ما بفرد ولا بزيح من محله

رح احكي بس عن الشفايف و اللي بتوقع اشي تاني رح ينفقس

بس تشوفو افلام قديمة كتير شوفو كيف كانت موضة الشفايف الرفيعة

لدرجة انه الممثلات كانوا يخططوا جوة الشفايف لتزغر

و الوحدة بتكون تحكي زي العصفور

و الشفايف الرفيعة كانت دليل رفع المركز الاجتماعي الارستقراطي

هادا زمان

يعني

اذا رجعت موضة الشفايف الرفيعة

رح يصير عنا فائض في مخزون السيليكون

هلا العكس

بدأو موضة السيليكون الفنانات

لما صارت الشفايف الورمانة موضة

و بما انه اهم اشي اللوك

كله صار ينفخ

و طبعا لحقوهم نساوين البلد المريشات

و حاليا نص بنات البلد سيليكون

صرت تمشي بالمول

(لانهم ما بمشو بالشارع يمكن بخافوا يسيح

وكانة شارع بمطباته واقف قدامك

و اذا بالغلط خبطت بوحدة بتطج و بترجع محلك

هاي وادي السيليكون المعروف

صار جبال سيليكون

و نحن السباقون و في المقدمة

صورة رمزية لمستقبل الشفايف

شكرا على الصورة سوسو