حكاية عمان
حكاية بدت زمان
قبل ما تولدوا يا اخوان
حكاية عمان
قبل البنيان
قبل ما يدخلها حجر معان
قبل ما تطلع جسور الحديد بعمدان
كان في شارع خرفان
و طلعة الشابسوغ
و طلعة المصدار
و الشوبينغ بشارع بسمان
و السينما ما كانت بمكة مول
ولا زارا
ولا برايم
كانت سينما الخيام و الحسين وزهران
بس هادا مش كتير زمان
عمان مش شوارع و طلعات
ولا دواوير و بيادر و نزلات
ولا جبال ولا تلات
ولا كوفي شوبس
ولا مولات
ايمتى منفهم عمان شو بالذات؟
عمان ليست في القلب
عمان هي القلب
وشوارعها الشرايين
عمان حب معبي قلوب الملايين
مشوار طفل زغير بين الدكاكين
زغروتة عرس على البلاكين
يا الله يا عمان شو بحبك
بحب هواك و ارضك
بحب مطرك و شمسك
بعيش حاضرك
و بشتاق لبوكرا معك
و احن الى أمسك
و لما افيز
بتمنى انام بحضنك
الله يحميكي يا عمان من عيون الحاسدين
الله يجعل ايامك معطرة فل و ياسمين
قولوا معي
اميييييييييين
15 comments:
اميييييييييين
امييييييييين يا رب
اعجبتني جمله
"عمان ليست في القلب
عمان هي القلب "
فعلا معبره و كفّت و وفّت :)
الحمد لله عالسلامه وكتير طولتي الغيبه :(
Hamede :) kaman ameen
Whisper
كل ما طولت كانت الرجعة اصعب
استحيت كل مرة بغيب و برجع صارت حركة زنخة مني بس و الله ما الى غنى لا عنكم ولا
عن المنشر
شكرا همسة
على الرغم من اني ما سكنت بعمان وانا في الجامعة بس هالمدينة الها معزة خاصة بقلبي وبالنسبة الي اجمل مدينة في العالم وبستنا اللحظة اللي اعيش حياتي فيها, فعلا عمان هي القلب
كتير حلو
اشتقنالك يا ملائط
Ahmad Hamdan
حاولت احط شاعري بكلمات ما قدرت
قد ما اقولك بحب عمان بحب كل شي فيها حتى الاشياء اللي بتعصبني مرات
احلى مدينة بالعالم
و ان شاء الله يا احمد يتحقق حلمك
شكرا الك و اهلا منور المنشر
sumooor
يعني كان لازم اكتب اشي عشان اشوفك؟
اشتقتلك كتير
لف يو
موا
Kalam kteeer 7ilo!! kal 3adeh :D
nidooooooo..wow it's been so long,how's the little princess ? missed you
The best thing about this post is that you are back :)
Sorry Mala2et bas 3alla2et el mouse.
lol 3ala 7sabek..thanks Gardenia walla sert a5jal minkom,you are all so nice
والله يا ملائط ذكّرتيني بعمّان و عشقي القديم.. اللي ما راح انساه
اسف على التأخير.. بس جد اشتقنالك كتير كتير
الحمد لله على سلامتك :) منورة
Qwaider
كل مرة بقول ما رح ارجع اغيب
و بس اغيب بحس انه جزء كبير مني ضايع
دايما بشتاقلكم
تانكس قويدر
سلام سبيسيال لميوش
Tamtam
يا اللههههههههههه ما احسنكم كلكم و الله الكم وحشة طمطم
كيفك و شو اخبارك
انا اللي كنت اعملكم جريدة المنشر هلا ما بعرف اشي عنكم
شايفة الزمن
شكرا كتير
Post a Comment