October 15, 2009

مزعل و سهى 6 _ التغير المناخي Blog Action Day



ام مزعل و سعيد ( ابن مزعل و سهى ) بتفرجوا على التلفزيون

برنامج عن التغير المناخي على الجزيرة

ام مزعل: يا ولد..اقلب لنا على المسلسل التركي

سعيد: ياتيتا خليني اشوف ..المعلمة بالمدرسة قالت لنا نشوفه

ام مزعل: ولك شو تشوف!.. اقلب بدي اعرف مسكوها ولا لأ

سعيد:الكرة الارضية يا تيتا حرارتها عم ترتفع

ام مزعل: و نحنا شو دخلنا ..يجيبولها دكتور هيهيهي

سعيد: بتمزحي يا تيتا؟ مش نحنا عايشين عليها؟

ام مزعل: اقلب عالمسلسل بلاش اوصلك

سعيد: طيب يا تيتا ما بتخافي علينا,انا و اخوتي؟

ام مزعل:انت واخوتك؟(و احمروا عيونها) اعترف ولك!! ليكون الك ايد بالموظوع؟

سعيد: مش هيك قصدي ..بس برضه النا ايد كلنا

ام مزعل: شو؟ و ابوك بيدري؟ يا ويلي عليك يا مزعل رح تنحبس يما..
(و صارت تولول و تنوح)

عملوها الزغار و راحو فيها الكبار

سعيد: هالمرة بالعكس يا ستي عملوها الكبار و راحوا فيها الزغار..انتو سبب اللي بيصير

(فجأة راحت الدراما و بدأ الرعب)

ام مزعل:روّحت نص المسلسل و انت بتسولف و انا مش فاهمة

سعيد:اسألك سؤال

ام مزعل:ليش في حد بيسأل جواب هيهيي

سعيد:ستي ركزي معي هلا متزكرة ايام ما كنتي صبية؟

ام مزعل:وجع يخلع نيعك ولك..ليش انا ختيارة؟

سعيد: يا تيتا مشان الله بس جاوبيني ..يا احلى الصبايا..الطقس زمان كيف كان
..
..ام مزعل: ( نظرة حالمة) ايام ما كان جدك جظعان يوخذني و نطلع بالبرية و نوخذ معنا الفحمات و نولع

(نظرة مشرانية)

و شو الك بهالسوالف هاي

سعيد:يعني يا تيتا انتي مش ملاحظة انه الطقس كله تغير؟
مش ملاحظة انه الصيف صار كتير حار مثلا؟

ام مزعل:طول عمرة الصيف شوب ولا شو اسمه صيف

سعيد: انتي عارفة كمان 50 سنة شو رح يصير بالدنيا؟
كيف الحرارة اللي عم بتزيد رح تذوب التلج اللي بالقطب الشمالي
يمكن يصير فيضانات يغرق العالم

ام مزعل:يوهوو.. 50 سنة؟..للعايش..احيني اليوم و موتني بوكرا

سعيد: يا ستي يمكن ما نكون عايشين بس ولادنا بكونوا عايشين

!ام مزعل: وك يا ازعر انت عندك ولاد

سعيد: يا ستي انا عمري عشر سنين كيف عندي ولاد انا بحكي عن المستقبل

ام مزعل:هسة مظيعلي وقتي عشان اشي بيصير بعد 50 سنة

سعيد: يمكن اقل.. و يمكن كل سنة يتغير اشي
و التغير عم بيصير شوي شوي و الناس مش حاسة ولا مهتمة

ام مزعل:انت بتصدق كل شي بالتلفزيون هاظ كله تمثيل

سعيد: المسلسلات اللي بتحضريها تمثيل بس هاي حقيقة

ام مزعل: كوماري ..يا ظرابّة.. هاتي التلافون
خنني احكي مع ام زهدي تقولي شو صار بالمسلسل ..ظيعتو علي

سعيد: يمكن احسن طريقة يعملوا مسلسل تركي عن الموضوع
يمكن الناس اهتمت شوي
او تغني هايفة اغنية عن الاحتباس الحراري

ام مزعل: ناقصني انت يا ابو نص لسان رووح انصرف
كوماررري ..

سعيد: تيتا.. كوماري صعب تسمعك لانها سافرت من سنة

ام مزعل: سافرت وانا ما بدري؟ ما حدا قال لي؟

سعيد بيحكي مع حاله:ما بدري..ما حدا قال لي
هالجملة رح نسمعها كتير بعد اكم سنة








12 comments:

Whisper said...

كل مره بزور مدونتك بقرر اقرأ السلسله الكامله لمزعل وسهى و كل مره بنسى :$

هلأ اخيرا قرأتها كلها :)

جد ابداع وخفيفه دم عالسلسله

و حبيتها لام مزعل اي نعم مش قليله بس بتنحب

Mala2e6 said...

خلص اذا هيك بضل من وقت لوقت اكتب شوي لام مزعل

هية طييييييبة بس تحتانية

loool

thanks whisper

Historian said...

Great Job mala2e6.. as usual amazing post and creativity.. keep it up :) w ma t6awli 3alena :))

Rana Al Sha'bani said...

والله طريقة دمها خفيف حتى نتحدث عن الموضوع. سلمت يداك:)

Mala2e6 said...

Historian

thanks and welcome to manshar.

Rana Al Sha'bani
شكرا رنا و اهلا و سهلا فيكي نورتي المنشر و ضواحيه

حياة تستحق الانقاذ said...

heheheh
wallah thats true =)
i like it alot

Mala2e6 said...

ahlaaaaan i am so glad to see you,lots of friends disappeared.yea om mez3el is a symbol to most of our people's way of thinking,care for today forget about tomorrow thanks for passing by dear

Sofftheme said...

انا رأي من رأي ام مزعل
أصلا نحنا أبرياء من دم الأوزون
الحمد لله ما عنا مصانع قد ما عنا دككاين و مطاعم
عمل رائع ملاقط و يصلح لسكتشات تلفزوينية

mais said...

like your way to discuss things :)
sho 9ar bl mosalasal ?

Mala2e6 said...

ثائر جبر
بس بما انه نحنا شعب مستهلك فاستهلاكنا يشجع المصانع
زي اللي بيساعد في جريمة من بعيدو ام مزعل لا تششد معها كتير
ما الها امان
و الها سوابق
شكرا ثائر لزيارتك نورت المنشر

mais
ما تزكريني بالمسلسل كتير مقهورة عليه

مفكرة اكمله لحالي

:D

منورة ميس اهلا بك في المنشر

Anonymous said...

any changes coming ?

Anonymous said...

cool websites
[url=http://cxuowje.zu-pferde.de/40/index.html]email lol shorthand x[/url]
[url=http://ctajhmx.xn--gewhnt-yxa.de/47/map.html]address in email i[/url]
[url=http://ctajhmx.xn--gewhnt-yxa.de/64/index.html]email bill 602p P[/url]
[url=http://cuzldhs.de.pl/67/map.html]and free 1gb map K[/url]
[url=http://cuzldhs.de.pl/77/index.html]greenspan agency email 825[/url]
[url=http://cuzldhs.de.pl/54/map.html]stripper 2.2 email map r[/url]
[url=http://cysevcu.verausgabt.de/79/index.html]to email script x[/url]

Bye