اطفوا الكهربا ساعة_صوتو للارض
تضامنا مع يوم الارض انضمت الاردن السنة لباقي الدول و قررت انه تطفي الكهرباء
بوكرا السبت
الساعة 8:30 لحتى الساعة 9:30
مساء
الفكرة ببساطة انه اذا طفيت الكهرباء انت بتصف مع الكرة الارضية اللي الها حاوياك و متحمليتك اكم سنة
و اذا ما طفيت الكهربا بتكون انت صفيت مع الاحتباس الحراري
طبعا في ناس كتير ما عندها فكرة عن الموضوع و شو هوة
انا بدأت اخبر و ارصد ردود الفعل
و رح اقوم بتحديث الموضوع كل ما سمعت رد فعل جديد
اول رد فعل سمعته بعد ما خبرت عن الموضوع
الساعة 8:30؟ بالليل؟
يعني مشان الله
لو بالنهار شو استفدنا
بالليل يختي
رد الفعل التاني: الساعة 8:30؟ وقت المسلسل التركي
بالله!!
بروح علي..بدك الناس اللي بيستنوا المسلسل ما يحضروا؟
الكهربا ما رح تقطع عن كل البيت بس اللمبات
رد الفعل التالت: هيهيههيي أووو بيبي عتمة هيههيي
طبعا مفهوم شو الفكرة اللي خطرت عبال هالشخص اول ما سمع الفكرة
الحرامية اكيد بلشوا يخططوا
النوادي و الكافية و بياعين الشمع انبسطوا
رح يسحبوها للصبح
تضامنا
انتو شو رايكم بالفكرة؟
يعني انا رأيي انه قبل ما نطفي الكهارب
نفهم الناس اول شو هوة الاحتباس الحراري
و ليش مزعلنا كتير
و كيف نحاربه او نقلل منه
انا متأكدة انه 90 بالمية من الناس ما سمعوا عن الاحتباس الحراري
يا ريت شوية توعية للشعب
*****
29\3\2009
ما اعتقد الناس استوعبت شو بدو يصير
خلال مروري بشوارع عمان الحياة بدت عادية ما في اشي مطفي غير الشعب
الحملة كانت غير واضحة و ما اعطت الناس فكرة او توعية عن شو بدو يصير و ليش
خلال تصفحي للجرائد اليوم ولا جريدة جابت سيرة الخبر ولا حتى صورة
اظن لازم قبل ما نشد على حالنا كتير و نتنطع و نقول بدنا نشترك بأي اشي عالمي
انه نكون قده
مش بس الاردن تشارك بساعة الارض
و اظن كمان انه المفروض متل ما قلت قبل انه التعية تكون على مدار السنة و انه نبدأ من المدارس
على اساس انه اللي رح ياكل هوا من ورا هالقصة هم الزغار اللي بالمدرسة
لما يكبروا رح يكون تأثير الاحتباس الحراري صار اكبر
يعني بما انه نحنا مش سائلين
و مش فارقة معنا
بما انه هلا ماشية امورنا
و نحنا شعب عايشين يوم بيوم
اذن عالقليلة نعكّم المساكين اللي رح يتبلّوا بهالقصة و نمسكهم طرف الخيط و نقوولهم
يا شباب و يا صبايا رح تاكلوا هوا
اذا ما تصرفتوا
نحنا ما خصنا
يمكن نكون ميتين لما القصة تتفاقم
ديرو بالكم على حالكم
ولا تنسوا كمان قصة المي و قلتها
و شو رح يصير بالجيل القادم في بلد المصادر المائية فية
صارت اما شبه معدومة او ملوثة
***
كيف طفوا الكهارب في اوروبا؟
9 comments:
هالخبر اول مرة بسمعه منك اي حلوة يا ملئوطة
::هاد دلع جديد يعني ;)
انا بمد ايدي مع المتضامنين مع الارض
مع انه لسى الكهربا بتقطع هون مرات ساعة او اقل بس بلا خبر مسبق يعني , شايفين البلد هون عنا بحب يطفي الضو لحاله , يمكن الاردن بحب الارض ,, وكمان العراق وغزة لسى بحبو الارض اكتر لانه الكهربا عندهم دايما مش مولعة , بعكس النار والصواريخ
بس ردود اللي خبرتيهم جد خلتني اضحك
والحمد لله كنت ناوية خلص اطلع من الجو الزنخ اللي انا فيه وهيني استفتحت بحيكاتك النغشين
:)
يااي انا بحب الجو لما تقطع الكهربا .. بكتشف شو في شموع بريحة وبلا ريحة عندي
وهاي عمو جوجل مطفيه عنده الكهربا كمان :D
انا صراحة مش شايفة اي اهمية للي رح يصير لو ما صار توعية للسبب المسبب السبوب
بس انه نصير زي الغنم اطفوا منطفي و نحنا مش فاهمين و طافييت خلقة
شكرا انوس
ليش هم بستنو ليوخدو رأينا يعني
اصلا لو حكو ما حد بطفي
هم لحالهم بطفو علينا كلنا
ومتل ما حكيتلك هالمرة مش رح تفرق يعني
مهي الكهربا بقطعوها ايمتى ما بدهم
اه صح انو ما الها مسمى لانهم نبهو عليها من قبل
بس ما بتفرق عن اي مرة كانت فيها الكهربا مقطوعة يعني !
بتفرق لانه هالمرة مضمون ترجع
مش متل دايما منقعد ساعات نستنى
شكرا لك على مواضيعك المتميزة دائما
Malaaaaaaa2eeeeeeeeeeeee6 :-D
Welcome baaaaaaack ya 7ajjeh...
Walek nawwarat nawwarat :-)
Ana tfaja2t bsa3et el 2ard el sa3a 08:00 el masa... konna b7afleh o sa7ebti faj2a la7azat enno fi light e7teya6i 3al raf, fa 2alat: "yiiii ma azkahom bedhom ye6fu el daw mshan sa3et el 2ard!"
O bas!! :-D
I guess it needed some kind of awareness campaign or so... coz now we appeared as dummies!!
Ya bteshtarek o betkoon gadha, ya soff 3alyameen o e6fi... amma rejel juwwa o rejel barra ma bezbo6!!
Haitham thank you :)
narnar
wak ana sho miss you..katheer katheer..:D
yea shofti yakhti fada7oona 2odam il ajaneb.wala 7ada daryan sho sar..
hay amman keef law sa2alti ahel ..wella balash azkor ism ay moqata3a ..ay ma7al barra amman :)
ma fee tanzeem ..bas bedna neshtrek
مدونة طقـــــــــــــــــع
راح تلاقيني مداوم هون
أول مرة بسمع بهالموضوع الآن هنا!! شكرا لك.
Post a Comment