جديد..جديد.. ترقبوا ..تقسيم الاردن الى اقاليم

اليكم الخبر بالتفصيل

 

اكد وزير الشؤون البلدية الاردني شحادة ابو هديب امس ان العمل يجري على قدم وساق من اجل تقسيم المملكة الى ثلاثة اقاليم

 الشمال والوسط والجنوب بهدف اعطاﺀ المزيد من الصلاحيات واللامركزية للادارات المحلية. 

وبحسب الوزير فان الصيغة المقترحة تقسم المملكة الى ثلاثة اقاليم هي: اقليم اليرموك

ويضم اربع محافظات: اربد وعجلون وجرش والمفرق، ويكون مركزه في اربد.

واقليم رغدان ويضم ثلاث محافظات: مادبا والبلقاﺀ، والزرقاﺀ ويكون مركزه في السلط.

 والاقليم الثالث والاخير هو اقليم موتة ويضم ثلاث محافظات: الكرك والطفيلة ومعان، ويكون مركزه في الكرك.

وبموجب التقسيم الجديد تم استثناﺀ العاصمة الاردنية عمان من اقليم الوسط

 ومنطقة العقبة الاقتصادية الخاصة  والبتراﺀ من اقليم الجنوب"

و الان الى الموجز  و تفسير الخبر

اكد: عندما يؤكد اي مسؤول اي اشي لازم تتأكدو انه مش اكيد

اما اذا المسؤول انكر او استنكر او ادان او شجب ...وقتها الخبر اكيد

التاكيد  هنا انه العمل على قدم و ساق

يعني الانسان العادي اللي ما اله عاللغة العربية بيقولك بشتغلوا نص نص 

كما اوضحت العلامّة نانسي عجرم في اغنيتها اه و نص

طيب لو العمل مش على قدم و ساق 

 على شو بيكون؟

تقسيم المملكة: هية ناقصة تقسيم

هلأ  منخلص  من قصة شمالاتي جنوبي, سلطي و ربداوي و منصير يرموكي 

رغداني مؤتاوي

النتائج و التداعيات

(اموت و اعرف شو معنى تداعيات)

رح تتغير مفاهيم كتيرة اهمها

ما في جميد كركي رح يكون جميد مؤتاوي( انتظروا مظاهرات كركية قادمة)

ما في سمن بلقاوي رح يصير سمن رغداني(و الله الاسم حلو) بس السلطية رح 

يعترضوا

ما في  نكت على الطفايلة..برضه نكت مؤتاوية 

(الطفايلة ما رح يعترضوا رح يكونوا مشغولين بتحويل النكت )

لكن انتظروا المزيد المزيد من التشنجات الكركية

الزرقاوية  رح يحاولو يسيطروا على الوظع(بالطرق الخاصة)

 و يقلبوها على الماداباوية و البلقاوية في الانتخابات النيابية القادمة

اما عمان و العقبة و البتراء المستثنين ( يعني اللي برة المعادلة الاقليمية)

 رح يحسوا  بالانعزال لكن في نفس الوقت رح يكونوا محط الغيرة من باقي الاقاليم انه اشمعنى يعني؟

و اهم  تداعية من التداعيات

 انه عمر العبدلات رح يضطر ينزل البوم جديد اسمه البوم الاقاليم و المشكلة رح يكون في بس تلات اغاني

اغنية  رغداني و يا نيالي

اغنية  على اليرموك وديني

اغنية من  مؤتة انا و ليش نسيتوني

مصيبة