قبل و بعد علم النفس
مرات كتير بسأل حالي
قبل ما يكتشفوا او يعرفوا اشي اسمه علم نفس
كيف كانوا الناس يبرروا تصرفات الغير؟
شو كانوا يقولو؟
علم النفس نشأ بالقرن السابع عشر بس ما صار من العلوم الحديثة الا سنة 1879
قبل هيك شو كان الوضع؟
خلينا نلقي نظرة سريعة على اكم حالة
زمان قبل علم النفس
و الان بعد ما تغلغلنا بعلم النفس
زمان
حرامي سرق من دكانة
بوكل ضرب بوزع على بلد و بيزتوه بالسجن ليعفن
الان
حرامي سرق من سوبرماركت
جلسة تحليل نفسي و النتيجة انه سرق علبة النيدو
لانه امه ما رضعته و هوة زغير
زمان
موظف حكومي ارتشى و اختلس و نهب
بيقولو عنه حرامي و ما حدا بيحكي مع ولاده
و الجارات بقاطعوا مرته
الان
موظف حكومي ارتشى و اختلس و نهب
بيصير محبوب و بكتروا صحابه
و بتنعزم مرته على صبحيات
و بيقولوا بجلسة تحليل نفسي
انه عنده ازمة عاطفية....بيحب المصاري
زمان
طالب غش بالامتحان
بسحبه الاستاذ من دانة
و قدام كل الصف بترفشه و بيقولهم قولولو يا غشاش
و بيوقفه عالحيط
الان
طالب غش بالامتحان بيروح عالمدير
اللي بيحوله على المرشد الاجتماعي
اللي بيطلع بنتيجة انه الولد اضطر يغش لانه نفسيته تعبانة ما درس
و بيحللو نفسية امه و ابوه و جده و بيطلعوا هم الغلطانين
زمان
رجل بيضرب مرته كل يوم اتلة قبل الوجبات
بيقولو عنه زلمة عادي شو يعني
الان
بيرفع الزلمة صوته على مرته
بتضربه
بتتحول لطبيب نفسي
بيطلع بنتيجة انه عندها انفصال بالشخصية
و انها شافت ابوها تبع زمان بيضرب امها
فتشكل لديها تصور انه زوجها هوة ابوها فضربته
زمان
ابو صبحي بوزو شبرين على طول
بيقولو هيبة و مقاعد الرجال ملازم و الضحك بدو سبب قلة ادب
الان
ابو صبحي جونيور بوزو شبرين
بيقولو عندة اكتئاب ارتكازي حاد مزدوج بسبب غلاء الاسعار
زمان
ام نوال بتغسل الاواعي كل ما توسخوا
بيقولو ا اه و ماله ما بتيجيلها ام العبد الغسالة بتساعدها كل اسبوع
شو وراها
الان
ام سوسو بتغسل ايديها مرتين باليوم
بيقولوا عندها وسواس قهري مزمن
زمان
ابو مراد اشترى بنطلون تاني
بيقول متقلط و مصاريه كثيره
الان
ابو مراد جونيور اشترى بورش حمرا
بيقولو معلش هاي ازمة منتصف العمر
و ينصحوا مرته تنفخ شفايفها و تشفط الشحم من بطنها و تلبس له برمودا
زمان
ام خليل بتقول لابو خليل روح اطلع جيب خليل من الشجرة
بيرفض بدون معرفة او اعطاء اسباب
و بيقولها خلية يطلع زلمة بيننزل لحاله زي ما طلع
او بلخمه حجر و بينزله
الان
ام لؤي بتقول لابو لؤي يطلع يجيب لؤي عن الطاولة
بيقولها عندي فوبيا المرتفعات ما بئدر هلا بدوخ
زمان
ابو الوليد مكشر بوجه مرته بدون سبب
..بتسألها جارتها بتقولها عادي شو الغريب؟
ما هو طول عمره هيك
الان
الزلمة بيكشر بوجه مرته بتسألها صاحبتها مالو جوزك؟
بتقولها شو بيعرفني انفصم مرة وحدة
زمان
رسمية بدها جوزها يجيبلها جوز مباريم
اساور ذهب عيار 21 بيلفوا عالايد
بتضل تنق و تبكي و تجوح و تنوح ليجيبهم
الان
نسرين بدها شقة بالعقبة بتقولها صاحبتها
استعملي معه الريفيرس سايكولوجي
بتقوليلو معك حق هلا الشقق بالعقبة غالية ما بدنا وحدة
زمان
الولد بيقرد امه بتروح بتلخمه كف و شلوتين و تلات شحاطات
من هون ليجي ابوه يكمل عليه
الان
الولد بيقرد امه بتقوله لا يا ماما ما بيصير هيك
بيقردها اكتر
بتيجي تضربه
(زي ما هية بالزمانات اكلت اتلة)
بتتزكر علم النفس
و انه ابنها رح بيطلع معقد
و بوكرا بكبر و هوة بيكره الستات
و ممكن كمان ينحرف
يا ورديي
بتوقف و بتسكت
و بيكبر الولد و بيطلع ازعر و ضريب شفرات
****
علم النفس شو قدملنا؟
ساعدنا نفهم نفسنا و غيرنا؟
اعطى مبررات لافعال ما كان لازم تنعمل
اعطى مسميات لجرائم
بدون علم النفس شو منعمل؟
ولا اشي
بقول انا انسانة عادية عايشة عالانترنت لانه اشي طبيعي
مش انسانة مفصولة عن الواقع
و لا استطيع ان اندمج مع المجتمع الخارجي
عشان هيك بلاقي الحياة الافتراضية اسهل
مش انا طبعا بس هادا مثل
بس بحب انوه اني من اشد المعجبين بعلم النفس و الباراسيكولوجي
و انتو كيفكم؟ انا اشتقتلكم
36 comments:
و احنا كتييير اشتقنالك د.ملاقط
زمان عن الريفيرس سيكولوجي تاعك
wallah we miss you too !!
i think el kalka3a maujooda men zaman..el jdeed ino t7a6elha asami
:D
cheers !
اول شي .. Welcome Back
علم النفس،من اهم العلوم البشرية (برايي)لاسباب كثيرة وطويلة وما بدي احكي عنها...
اما بخصوص زمان واليوم فما بدي احكي اليوم احسن من زمان...
لانو زمان ولو كان عندهم مشاكل لكن كلنا بنعرف انهم كانوا مبسوطين في حياتهم،،وعايشين،،يعني ما في شي عندهم يعكر مزاجهم...
يمكن زمان احسن،ويمكن اليوم احسن..
الله اعلم.
تحياتي
هممم يعني بصراحة من خلال قرائتي لهذا المقال يعني من الواضح انك بتعاني من عقدة اضطرابية وسواسية انفصامية متجذرة في العقل اللاواعي وقد ينتج عنها تداعيلت سيكوباتية مصحوبة بفوبيا محورية خطيرة... واضح جدا ...فضروري تراجعي على الأقل تلات اطباء نفسيين وتلتحقيلك بشي برنامجين تلاتة للعلاج الجماعي وحلقتين لمعالجة الغضب والانفعال الزائد والتوتر
واضح يعني
وعايز طرلب.. طرلب طرلب
o ente kef 7alek y3ne? :D missed reading you wallah ya benet.
kter b7b 3elm elnafs wel 5arabe6 hai
كتير حلو الموضوع اليوم...اشتقنا لحكياتك و لتحاليلك اللي كتير فيها حقيقه للوضع العام للمجتمع...كل شي اله سبب و المسببات لازم يكون الها العاد قديمه كتير و جديده كمن...كيف انا بالعربي؟؟ ما تطوّلي الغيبه!
Qwaider
اهلا بقويدر و الله الكم وحشة
مش عارفة الوم الزمن ولا الايام ولا الوم فتحي
مين فتحي؟
sharifo
طبعا
بس الفكرة انه قبل ما الناس تستوعب الفكرة كيف كانو ينظروا للانسان المفصوم المعقد الانبطاحي الانشكاحي ؟
شريفو
رؤيتك تبهجني
شوف كيف مبهوجة؟
mohammed irshid
محمد
و انا كمان ما بدي احكي عنها
هلا ما منقدر نقول زمان احسن او هلا احسن لانه لكل زمن من الازمان مواقف و حالات
و انت بتفكر ما كان في اشي يعكر مزاجهم بس كان في
بيكون اشي مختلف عن الي بيعكر مزاجنا
مثلا انا بتعكر مزاجي لما تكون الانترنت بطيئئة شوي
طبعا هدا التعكير ما رح يفهمة شخص قبل خمسين سنة ما بعرف شو الانترنت
و الحكي هدا بينطبق عليهم
اكيد نحنا ما رح نستوعب انه شخص متعكر مزاجة مثلا لانه طلع له حبة على وجه لانه وقتها ما كان في نيتروجينا التي تقضي على الحبوب السوداء
هدا مثل
اهلا محمد منور يا باشا
bakkouz il 3azeem
بعجبني انك فاهمني
ذبحتني الفوبيا المحورية يا خوي يا بكوز بصحى الصبح و اذاني بطنن و ركبي بشلخن علي
اما الاطباء النفسيين فانا باعتقادي الجازم و الغير قابل للتفاوض انهم اكثر ناس بحاجة لتحليل و علاج نفسي لانهم اكتر ناس مرضى فأظن بدي اروح عند ام حسن الفتاحة تعملي حجاب بكون ازبط
بكوز العظيم ميس يو
wonders
و الله انا منيحة بس مشكلتي عدم تنظيم الوقت و مش عارفة الم حالي
بتلاقيني مبعترة ما بين هنا و هناك لدرجة اني صرت منبوذة و مملة
و اشتقت اليك فعلمني الا اشتاق
بس ابديش بدي اشتاق و اعود
summoorty
انت بالصيني و الياباني بتجنني
و يلبقلك شو ما عملتي
تركتي الحبايب ما ٍسألتي
لا سالتي
بس بغنيلك سمورتي كوز اي ميس يو كثير كثير
Mala2e6
Long time no see : ) great post ! we are just happy to have something to hang our shortcomings on.
walah ahleen ... missed ur posts girl ...Yeah last day spent hours reading 7ayati dot com
Since I'm in my vacation now ....really enjoyed it :)
Reverse psychology ... it seems to be pretty cool scince :P
bs 3njad afkar kteer 7elooa, w bte3kes elly kan welly hala2 be9eer
Bs Any ways todays life much easier although its more complex !
tamtam
ييي شو اشتقتلك شو اخبارك زمان ما عرفت تشي
وين ايام ما كانت ملائط تعمل نشرة الاخبار و تكون عارفة مين اكل فول و مين شرب سوس ..راحت يا طمطم
اتمنى تكوني بخير
enas
ما تزكريني ..كتير بشتاق للمسلسل و رح اكمله لو بعد خمثين ثنة
هيهيهي
هلا يا ايناس الفكرة مش انه حالهم احسن الفكرة انه ما اكنوا يعرفو شو صاير
هلا ما بتعرفي الريفيرس سايكولوجي؟
هدا احسن اشي بالعالم
بتقولي للبنت او الولد الزغير اعطيني بوسة ما بقبل
بتقوليلو ما في تبوسني بيصير جكر بدو يبوس
و طبعا الكبار بتزبط معهم كمان مش بس بالبوس يعني بكل شي
جربيها بس ابدي بأشياء زغير لحد ما تصير ماستر ان ريفيرس سايكولوجي
ايوااا هلا هاد هو الريفيرس والله حلو ,فكرته ريفيرس السيارة:P
بس هاي كتير بعملها مع اخوي الصغير
LOL
والله عنجد ضحكتيني خلص من هون وطالع لا الا للريفيرس سايكولوجي ...
والمسلسل اكتييييير استمتعت فيو
وان شالله بدي اكتبللي حلقة اذا ممكن :)
يلاا سبتكم بعافيه
LOL! This is very funny, very true. I hated psychiatry because everytime I read it I would discover something crazy about myself.
malaaaa2et :) ezayek ???
mm, 3elem el nafs had 7elo ,, lamma tekra2i ketaab 3elem nafs btseeri t2oli ma32oool,,, jad heek !!! w absar shu ,, boooti b matahaat ,bas 7elo el wa7ad yktashef el ensan mn aktar mn zawyeh ,,,
7elo el mawdooo3 :)
أهلين أم بافلوف .. زمان عنك
بتعرفي؟ أنا لازم يعطوني براءة اختراع بالانفيرس سايكولوجي .. لأني بطبقه من و أنا عمري 11 سنه .. يعني كنت اذا ما بدي أروح عالدكانه أجيب غراض .. أنط أول واحد و أقول أني أني أني بدي أروح .. بعدين بصير سباق على مين بده يروح ... بكون صرت ماسك المصاري طبعا .. و بصيروا يترجوني .. خلي أشرف يروح ..
enas
شايفة ..كنتي تستعملية و انتي مش عارفة..بالزبط نفس الموضوع اللي بحكي عنه
لول
المسلسل بس نرجع نلم حالنا اكيد بخبرك عشان تشترك معنا
لانه مش ممكن نرجع بس بحلقة و نقطع لازم نكون جاهزين لنلتزم بالكتابة بشكل دوري
بس انتي انوس اكتبي و اتركيهم عندك و شكرا كتير كتير لاهتمامك هيك بتشجعينا نرجع نكتب
hareega
sometimes ignorance is a bliss..well..always..lol..what you dont know wont hurt you ..its like when someone swears at u in russian for instance and u dont know russian..u dont give a....aywa.hathak
razan
ahlan b a7la roza..thats why i said tha that psychiatrists are the craziest..alla y7ali ayyamek ya razan..great to have u here
amjad
اهلا امجد
و رح اضيف اسمي الروسي ملائطوف بافلوف
الى اسمي الايطالي دونا ملائطونا
و بانتظار الاسم الفرنسي ملائطون غسيلون
و الكركي ملائطكي غسيلكي
و الاسباني ملائطية غثيلا
و الانجليزي ملائط جونز
و الايراني ملائط نشرات غسيلات
و اللبناني ما لائط ابي غسيل
عجبوني
بدي احطهم بالواجهة
اه
نسيت الموضوع الاصلي
انت سباق دائما يا امجد يعني ما بستغرب لو عرفت انك مخترع علكة البس
اتوقع اشرف اخوك؟
امجد و اشرف
الك اخو اسمه ايمن؟
دايما امجد بيجي معه ايمن
متل باكد ديل باي ون غيت ون فري
و الله الك وحشة يا ابو الامجاد
باكيج ديل للتصحيح
بس برضه باكد ديل بتزبط
هييههيي
والله انتي ذكيه .. بس ما بتقريش ... صح .. و لو تركزي معي شوي بتعرفي باقي العيله ... احزري شو فيه كمان الا يطلع معك كمان اسمين صح
و على فكره .. اسم أخوي الكبير أيمن .. وكان المفروض هوه يوخذاسمي و انا اخذ اسمه .. بس أبوي غير رايه لما سماه بالاخر
ما دام بتحبي هيك شغلات ...و كوني مؤلف كتب: البحث في سلوك تزبيط بنات التكنو و اليرموك و كتاب النصائح الجبارة في تزبيط بنات الحارة ... فااا خذي عندك
اربد: ملاقط خشب ملاقط بني غسيل
مخيم اربد: ملاكط أبو غسيل
مصر: ملئط سيد المغسلاوي
السودان: ملاقط عصمان غسيل عصمان
العراق: ملاجط كاضم عباس غسيل
اليمن: ملاقط با غسيل
السعوديه: ملاقط المغسول
hehehe...
شكرا يا امجد على الدعم الانترناشونالي
امجد و ايمن و اشرف
في ماجد؟
ايهم؟
هلا الاهل لما بيسموا اولادهم بتلاقيهم اخدو منحنى معين
يعني
امجد بيلحقه ايمن و اشرف مسكوا حرف الالف مع الهمزة
بس اذا سموا امجد كمان ممكن يستلموا كل الاسماء اللي من نفس الريثم
امجد و ماجد
و ممكن مجدي
بس اذا لقطوا حرف الالف بدهم يكونوا كلهم بالالف
امجد و ايمن و اشرف و ايهم و اسعد ومين
يا ولمة نص اربد غسان و بسام
كل عيلة فيها غسان بتلاقي اخوه بسام
و التالت باسم
ما كانو يغلبوا حالهم كتير ولا يقعدو عالانترنت يدورو على اسم
ابو امجد سمى ايمن حلو سمي يا مرة ايمن
خلص بدي اتشعب بملائط انترناشونال و الم كمان اسماء
الله يا أهلالا وسهلا بملائط..اشقتنالق
انا كمان تركت التدوين بس عم برجع...زهقت وصار بدي مكان أنفس فيه غضبي..حلوة أنفس هاي
يالله ضلك أكتبي...اشتقنا لبوستاتك :)
لوووووووووووووول
غسان و بسام ؟ اولاد عمي اثنين هيك اسماءهم
بس انتي ليش فكرتي باسماء اولاد لو فكرتي بالبنات كنتي احزرتي على طول .. بس هدول ما زبطو معك ..
Abed
شفتك و انت بتنفس ..غضبك
كل واحد فينا بدون لسبب يمكن ما يكون بيعرفه انت بتدون لتنفس انا بدون لافرغ مكان لافكار تانية لانه صار عندي زحمة يا مخي زحمة
منور عبود
amjad
مش عارفة ليش خطر ع بالي اسماء اولاد
على كل مع امجد و ايمن بتيجي ايمان
ظروري
و اذا غلط راجع اهلك يزبطوا الاسم
:D:D
هههههه
والله زمان عنك يا ملاقط وين هالغيبه يا بنت؟؟
مياسي
وا نا بلاكي بقاسي
و بقول وينك يا ناسي
هيك جرحت احساسي
و تركتني اركض ورا البساسي
اهلا مياسي
انا هون
مرات
مرات لا
زي غماز السيارة
انتي كيفك؟
شاطره ... حبة توتو جائزه ....
أصلاً هاي بادهاش شطاره بلاش
يكبر راسك
طيب ... أيمن بيجي معاه ... ???
إسم سهل ... وإذا أعرفتيه بتعرفي إلي بعدو علا طول
... احزري شو فيه كمان ؟
ايش هادا؟ من سيربح التوتو؟
حزازير عالواحدة بالليل؟
انتو ما شاء الل ما شاء الله اكم واحد وواحدة؟ عشان اعمل حساب بالاسامي يعني
تقوليش عندكم احلام و الهام
بس باربد مي ماشي سوقه مع انه م اله دخل بالثيم تبع العيلة
هههه
أنا منيحه كتيير خصوصا بعد ما شفت هالغناوه و فيها بساس كمان
بس فاقدينك وين بتغطسي؟؟
بالشغل يا مياسي
وين بدي اروح
بس لا غنى عنكم اكيد
شكرا يا قمر
mala2et :) mawateeeeni do7ok !!!! mawdoo3 mala2et ghaseel international .. jad 2alabet 3a dahri o ana bad7ak :) ..
been a while :) and God knows how much i miss reading the blogs i love ..
that was one funny/true post about psychology ..:)
take care :)
لوووووووول أحلام والهام ؟ كلامك صح والله .. ما كنت منتبه لهالسولافه .. بس كماتن هدل بمصر فيه 4 مليون منهن
بس احنا متنجرين شوي .. ما عندنا أحلام و الهام .. بعدين كلهم ثنتين ... بك نسميهم أحلام و الهام ؟
أنا كان قصدي أسماء أولاد هالمة :-) أيمن بيجي معه أمين و أمين شو بيجي معه ؟؟؟
بعدين أشرف بيجي معه اسم ثاني .. هوه قبل أشرف بيجي :-)
هيك بتكوني اعرفتي كل اسماء العيله ..
another hit for your video about Irbid,
http://www.irbidnews.com/video/2008/06-shamalat/index.html
hehe miss u too :D
o an akaman bakhaf men el bamya :P
tealover
مش مصدقة عيوني
وينك انتي من زمان
و الله العظيم مي ميس يو
و زماان ما سمعنا اخبارك
طولتي كتير علينا
اتمنى هالمرة تبقي و ام تغيبي
احللى سيربرايز يا دانا
نورتي كل المنشر
amjad
انا زهقت من لعبة الاسامي
تلعب غماية؟
انا بتخبى ب مدونة حدا و انت بتعد لللمليون و خمسمية و تلاتين
:DDDDD
الله يخليكم كلكم و يحميكم ما شاء الله عيلة حلوة كتير الله يزيدكم و تكملوا طقم الاحرف الابجدية كله
..اما الفيديو
ماشي سوقه
بدي اطبعة دي في دي و ابيعة بنص ليرة بالبلد
و بليؤة عند حمودة بعبدون
شكرا امجد عن جد
لا جد شكرا
دايما اخبارك حلوة
sharkooseh
انا البامية بتعمللي هلع ليلي
و تخوف مسائي و انضمام في بحاليق المخ الاوسط ببطل اعرف اعزف بيانو
اكيد بيصيرلك نفس الحالة
بس لل أكمن مليون ؟ موافق .. بعرف وين بلاقيكي ... بموقع طلاسم
خلص إنت بتفوزي باللعبه وبتربحي صحن باميا
فكرتك جدتي وإنت بتدعي
ايران : ملائط نشرت غسيلات
LOOOOOOOOOOOOOL
LOOOOOOOOOOOOOL
الله يقطع شرك وين مارحتي !!! متت ضحك
قال وزير الاتصالات الايراني اسمو تلفنتلوا رأسا جاني !!!
لا بس ملاقط نشرت غسيلات هاهاهاها
amjad
انا جدتك اندر كفر بس انت ما بتعرف
اي ميس مي بلوج
(cry)
abed
يا رب دايما مبسوط عبد
Post a Comment