النكبة 60
النكبة 60
و النكسة 40
و النخزة و النكشة و ال... و ال...و اللي بتحبو تعبوه بالفراغ عبوه
لو سالك ابنك في يوم شو هية النكبة شو بتجاوبه؟
بتقولة يوم ما اسرائيل اخدت فلسطين؟
يوم ما تهجرنا و طلعونا من بيوتنا تحت الرصاص؟
يوم ما كان مسموح للاسرائيلي يحمل سلاح و نحنا كننا ممنوعين نحمل سكين؟
يوم ما العرب نسيوا فلسطين و التهو بهايفة و نانسي ؟
ولا يوم ما رضينا بالوضع و قلنا مستحيل نرجع؟
ووافقنا و سلمنا
و حتى في ناس منا بيعيدوا عليهم بعيد استقلالهم
اللي هوة عيد نكبتنا؟
طيب لو سألك ابنك سؤال محرج
طيب لو سألك ابنك سؤال محرج
انتو شو عملتوا عشان تقلبوا الوضع و ترجعوا؟
بتقوله رفعنا ايدينا و دعينا على اسرائيل على قد ما منقدر
و الله ستك كانت تصحى كل يوم و تقول الله يعدمني اسرائيل
الله ياخدهم و يذلهم و يشتتهم
و امك لهلا بتدعي على اسرائيل
و رح نضل ندعي عليهم
ترى دعوة الولايا مستجابة
و ما تنسى تقوله انه العرب ما قصروا
و ما تنسى تقوله انه العرب ما قصروا
و جامعة الدول العربية عملت اجتماعات كتيرة
و سافروا
و قضوا وقت كويس
و تعشوا عشاء تقشفي
و سهروا للصبح و هم بيحكوا عن فلسطين
يعني عيب الواحد يحكي و الله عيب
ستين سنة
و الشعب مشتت
ستين سنة
و متل ما قال عادل امام :الساعة بعشرة جنية و الحسابة بتحسب
و الحسابة لسة بتحسب
و العداد شغال
اسرائيل اليوم بتحتفل بعيد استقلالها
عن مين استقلت؟
ليكون كننا محتلين فلسطين و طلعنا ؟؟
ولكم بلكي هيك؟
ييي
نحنا المغتصبين المحتلين
و النا سنين مندعي على المغتصب و المحتل؟؟؟؟
نحنا المغتصبين المحتلين
و النا سنين مندعي على المغتصب و المحتل؟؟؟؟
و انا بقول شو الي جايبنا ورا
اتاري الدعاوي بترجع علينا
و قاعدين مندعي ع حالنا
بس هلأ بما انه عرفنا سبب عدم رجوعنا
فأظن لازم نغير نوع الدعاوي
عشان نرجع
سنرجع يوما
حلم جدي و جدك
و حلم ابني و ابنك
و حفيدي و حفيدك
و يستمر الحلم
هذا الموضوع كتب تضامنا مع يوم التدوين لفلسطين
13 comments:
و شراعي في مينا يافا...
و دخلاها مينا يافا
نقول سنرجع يا يافا
just plain sad! nothing has ever been done and nothing will be done! لا العرب نفسهم راح يعملوا اشي لفلسطين و لا حتى الفلسطنيين نفسهم بطلع بأيدهم اشي! خلاص, راحت على هي الأجيال و يمكن بدها كتيييييييييييرررررررررر حتى الأمل يرجع.
it's the first time I hear this song... I love it!
al 2amal mawjood, bas 2ibsar wein mit5abbi.
Summer,
Almost same circumstances as today's were present before Sala7 Eldeen freed Jerusalem from the crusaders, the times during which sala7 eldeen was simply still growing up!
My point is, nobody knows in which part of the world another sala7 el deen may be still going to school now! So hope is always present :)
مش عارف شو عملنا لفلسطيـن
خوفي ليبطلو اولادنا يعرفو شو بدهم يحكو لاولادهم لما يسألوهم عن النكبة ! ما بدي افقد الامل !
خلوها ع الله و دوام الحال من المحال
و الله يا ملاقط فيه امور ما بتنتسى و لا بتروح من الذاكرة مهما تغيرت الدنيا
و منها اللي صار بفلسطين .. بس ما بتوقع احنا بنقدر نغير الوضع لأنه نتيجة تراكمات طويلة الأمد
شكرا لكم كلكم كلكم
قويدر سمر
لولت ادوش عاسف علا امجد
كنت اتمنى ان اقراء كل المواضيع اللي انكتبت و لكن ما قدرت و ما بدي ازهئكم بالاعتذار لانه انو مش مسؤولين عن ظروفي و مش مفروض تتحملوا كل يوم النق
المهم انا لازم انظم وقتي شوي عشان لو بقي الحال هيك
و ضليت احس بالذنب
مش عارفة شو رح يصير
شكرا كتير
والله بنا تكوني موجوده دايما ونقرا مواضيعك الحلوه وتعليقاتك الآحلا >> انتي جد بتعطي نكهة خاصه الكل المواضيع
فنسقي وقتك أحسن بلاش أطلع عصبيتي
ra7 nerja3
bas lama nbatel ne7ki inta ordoni o inta felesteene
lama nbatel ne7ki inta 3arabe o inta sharkasi
lama nkoon kolna moslemeen o tekoon hay hawetna, o kolna nwa2ef ta7et 3alam wa7ad, wa2teeha bnerja3,
yemken mbayen hala2 ka2eno 7aki fade
bas ra7 yeje hada el youm ana met2akdeh, coz iza fe nas be2dro ye3esho o homeh 3m bekhoono baladhom fe nas ma bte2bal ela inha tkoon be karameh
bebty mala2et :*
bas wallah 3ajbatne shaghlet 3eed el esteqlal wallah ma kont 2a3raf feeha :P
amjad
:D
بتمر ايام ما بكون الي نفس اكتب اشي
مع انه اكتر اشي بحبه انه اكون معكم و زهقتكم بالاعتذار
sharkooseh
you are right..but this will never happen coz eveyday we try to look for things that drag up apart from each other instead of finding common grounds we look for differances
thanks a7la sharkooseh
yeah, bas u know what i think,,, we'll reach the bottom before we raise again
ylli ba2dar a7kelek iyah bass
Allah y7ayee asliik
Post a Comment