يوميات عائلة في يوم تلجة
الخطوات المتبعة لما نسمع انه في تلجة جاي
السؤال اللي وراه فكركم بتبني و منعطل؟
نبدا بارسال المسجات للاصحاب و الاصدقاء و تبدا و مشاريع
مين بدوا ينحبس عند مين
الام تحضر للاب ليستة اغراض للتلجة من سكر و رز و طحين (ع اساس قال يعني رح تعجن اذا
تلجت و سكرت تقولوش كندا..و معلبات و معكرونة و عدس و نواشف
اغراض تخزين تقع تحت لائحة اللي ما مناكلو عالتلجة بيظرش و
بيخربش
يذهب الاب للسوبر ماركت و يبدا بتجميع المواد الغذائية
على اتصال دائم مع ام الولاد لانه كل دقيقة بتتذكر اشي و طبعا
السوبرماركت بيتنضف تنضيف
الخطوة القادمة المخبز اللي تعبى ناس و صار طوابير و لا
تنسى القرشلة و الكعك و خبز كماج و خبز حمام و لو في كيك
ابو اليرة و نص بيظرش
يتجه بعدها الاب لتفقد السولار بالتنك ان كان من المحظوظين
اللي عندهم تنك او تدفئة او سولار و تبدا الاتصالات و
المحاولات مع المحطات اللي معظمهم بيعتذر اما غير شبه
المحظوظين فيتجه الاب مع جلن ليعبي كاز للصوبا و بيصف
عالدور مع الباقي اما الغير محظوظين ف خزنوا خشب من الشجر
لمدة كافية ايام الجفاف
تنصف العائلة امام شباك مناسب و عالدور واحد رايح واحد
جاي تلجت؟ لسة تلجت ؟ هيها هيها بلشت تندف و تعلو صرخات
الفرح..و بعدها صرخات خيبات الامل ..يي شتت يعني ما رح
تبني
الكل بيفتح على قناة التلفزيون الاردني مش لانه حلو
بيجنن بس عشان يعرفوا في تعطيل للدوائر الرسمية ولا لأ
يذهب الجميع للنوم على امل انه تصبح بانية و يضلو
نايمين
اليوم التالي _التلجة
بيصحى اول المهتمين بالتعطيل و بما انه هلا المدارس مسكرة
اصلا فالارجح يكون الاب او اي شخص يعمل في البيت يطمئن
انها بَنت خلص يعني ما في شغل و بيرجع للتخت
تصحى بقية العائلة و بينطوا عالشبابيك و تعلو الصرخات
ياي هيها بانية و بعد الاطمئنان انه ما في شغل و انه ما رح
يروح اليوم خصم من الاجازة السنوية بيفتحوا التلفزيون و طبعا
الستالايت بيكون تعبى تلج و ما في محطات شغالة و مين البطل
اللي بدو يطلع يقشط التلج عن الصحن و بعد عدة محاولات يائسة
تقرر العائلة انه يحضروا فيلم عالدي في دي او الفيديو
بعد ما يامنوا مستلزمات القعدة من المأكولات المدحوشة بالتلاجة و الخزانة
تبدا الرحلات باتجاه المطبخ و طبعا الوجبة الاولى الرسمية
الشرعية هي الفطور و بعد ساعة بتطلع الشوكلاتة ثم البسكوت ثم
تبدا مرحلة النق و الزهق و افت شو هادا و ممكن تبدا
بعض المشادات على مين بدو يستحوذ على الكومبيوتر ع اساس انه
الوحيد شغال
وجبة الغذاء و بعدها شو في فواكه و بعدها البزر و البوب
كورن و المزيد من الشوكلاتة
نظرة سريعة على الشارع وولاد الجيران اللي بيلعبوا بالتلج
و الارجح انهم من دولة اخرى و اول مرة بشوفو تلج لانه نحنا
زهقناه و لعبنا كتير
الزغار بتفرفط روحهم و بيبداو بالنق و النطنطنة ع اساس
متعودين يعني عاللعب برة ( بس بلاش)
بنزلوا يلعبوا بيرجعوا بعد تلات دقايق مبلولين و اللي وقع و اللي
لون ازرق و الاواعي تتراكم امام الراديتر لتنشف و بيرجعوا لمواقعهم امام التلفزيون المطفي
محاولة الاب لتشغيل السيارة و الخروج من البيت باي طريقة قبل
ارتكاب جناية اسرية
بعض الافراد بيرجع لتخته و بينام الام تتنقل بين المطبخ و
غرفة الجلوس محملة اكل للالي ما يئسوا من التالفزيون
لفة سريعة اخرى على التلفزيون الاردني ليشوفوا التلجة اديش
بدها تصمد و اذا بوكرا كمان عطلة او لا..يي عطلة بس السبت دوام بدال اليوم
كمان طلعة عالسطوح لتقشيط الستالايت في محاولة يائسة لاكمال
النهار و السهرة
تلفونات من الاقارب و الاصدقاء و انتو شو عاملين والله
خينا قاعدين مناكل شو بدنا نعمل..المزيد من الاكل ما هو لازم
اللي اشتريناه قبل يوم يخلص كله
و كان هذا يوم من ايام التلجات المسقعات
و بما انه صار دوري استحوذ على اللاب توب اللي هو الي اصلا ( بس مش صاححلي استعمله)
فقلت استغل الفرصة و اكتب شوي
و كل تلجة و انتو بخير
اه على فكرة بوكرا عيد ميلادي و شكلو رح اعيد بدون كيك..
30 comments:
كل عام و انتي بألف خير يا احلى ملاقط في العالم .. ينعاد عليكي يا رب و عقبال ال100 سنة
انا و برج الدلو كتير اصحاب :) و الحجة زيّك كمان
و صحيح ... كل تلجة و انتي بخير و سلامة
نيالكم..
في تلج على القليله.. انا بحكم اني بالسعوديه فمن الصبح فاتحه على الاردن و بتحسر على البرد اللي عنا..
لا برد ولا صخام .. و عندكم تلج..
كل سنه و انتي سالمه بالمناسبه.. و تتهنوا بالتلجه.. اللي صاحلكم مو صاح لغيركم..
اول شي كل سنه واءنت سالمه ان شاء الله كل ايامك اعياد في اعياد
تاني شي اعجبتني قصة خروج رب الاءسره من البيت قبل ما يرتكب جريمه اسريه تقريبا كل وييك اند بسيير معي اشي زي هيك بس انا بدال ما اهرب من البيت بنزل تحت على الدور السفلي وطبعا عشان ما في تلفزيون هناك ما في حدا بلحقني وبض ساعه او اكتر حتى ابرد اعصابي من الضجه كنو الواحد لما يكبر ببطل يتحمل الاءزعاج
Happy Birthday! and Happy Snow Day too.
check out my blog at http://sammoura.net/
Enjoy your special day, and you can always bake a cake. :)
هنا (في ألمانيا) لا يعتبر الثلج سبباً كافياً للأجازة
قبل أعوام تعطلت حركة سير القطارات بسبب الثلج
وكانت أيام امتحانات
طلبة المدارس أخذوا إجازة وتأجيل امتحانات
لكن طلبة الجامعات امتحنوا، والموظفين ذهبوا إلى وظائفهم. وكان عليك إذا كنت من سيئي الحظ الذين علقوا بالطريق ولم يستطيعوا الوصول إلى أماكن وظائفهم أن تثبت ذلك لكي تحسب لك إجازة
وفي الصيف هكذا أيضاً، عندما تصل درجة الحرارة إلى 33 درجة مئوية فأكثر (وصلت مرة لواحد وأربعين)، تحسب أجازة لطلاب المدارس فقط، وأحياناً كثيرة لطلاب الابتدائي فقط
ظلم، صح؟ ;-D
أما عن الملل... جربتوا تلعبوا لعبة الأغاني؟
;-P
لعبة ممتازة عند غياب التلفزيون أو عند انطفاء الكهرباء
أو لعبة الحكايات، واحد يبدأ بجملة، والثاني يأتي بجملة بعدها بشرط أن يكرر الجملة الأولى، والثالث يكرر جملة الأول والثاني ويضيف جملة، وهكذا حتى ينسى أحدكم جملة أو يخطئ فتبدأ اللعبة من جديد
...
وكل ثلجة وأنتم طيبين
ملحوظة: أنا أسكن في مدينة الثلج فيها نادر مثل الأردن، أو ربما أندر. لكنها ليست مدينة جبلية، لهذا لا يسبب الثلج مشاكل إلا ناااادراً جداً وحتى في هذه الحالة لا يتوقف العمل
...
Qwaider
شكرا قويدر الله يخليك و يخلي الحجة يا رب
كان نفسي اعمل حفلة متل هديك السنة و نسحج و نرقص بس الوظع متظعظع
smilefirst
شكرا على التهنئة و على وجودك معي اليوم
بعرف الشغور اه برد عافاضي النا حاسيين هالشغور اكتر من شهر و نص و هلا لشفنا تلج بس السعودية صعب جدا تتلج يمكن مستحيل م انه برأيي ما في اشي مستحيل
Hatem
الله يسعدك و شكرا الك
بتعرف مشكلتنا انه نحنا العيل هون لما نجتمع النا تاريخ انتهاء صلاحية يعني ممكن نصمد اكم ساعة(يمكن ببالغ( قبل ما تقلب مشاكل ..مش بقولو اطول من يوم الجمعة؟ ليش الجمعة بالذات ؟ و هالايام كلها جمع
الله يخليلك عيلتك الحلوة
لو نزلت انا عالدور السفلي بزعلو جيراننا
عشان هيك لا مفر
summer
thank you so much for the lovely post and the lovley video which took so much of your time and effort.i was so touched .mwa
ياسمين
اليوم كننا نناقش هالحكي
يعني لو اوروبا بتصرفوا متلنا لما تتلج عندهم كان صار وزن الواحد 700 كيلوا و كان البلد رجعت للعصر الحجري
بلادنا غير مهياة لمتل هيك مواقف
كل شي عنا بيصير ايميرجنسي و كل شي بيلاقوه سبب للتعطيل و القعدة بالبيت
شكرا على اقتراحاتك
انا كنت احب العب لعبة الخيالات لما تقطع الكهربا
بوكرا منلعب لعبة من غير كلام
عشان نستمتع بشوية صمت
شكرا لزيارتك
سلام
أول شي كل سنه و انتي سالمه يا ستي عقبال 100 سنه
تاني شي: الله يخرب فنارك معك حق في كل كلمه احنا من وقت ما بلش هالمنخفض و احنا مشتغلين ف بعض مش عارفين نعمل شي غير نتفشش ف بعض
ثالثا: مع اني بكره التلج بس هايها بلشت تتلج هون ف اربد و أنا مبسوطه شكلو حلو والله
رابعا:
أنا كتير مبسوطه اني لقيت هالمدونه قريتها كلها من اولها لاخرها عن جد انك نهفه و خلص حضل اقراها ع طول بتوخذ العقل تحشييييييييييييييش
خامسا : بكفي حكي لهون بدي اروح انام بما انو بكره عطل اكيد و حنضل بلشانين ف بعض
سلام يا احلى ملاقط هو صحيح هي ملاقط خشب و لا بلاستيك
سلام يا قمر
ميس
حبيبتي ملائط.. لازم تقولي إنه عيد ميلادك على أول سطر وتعطينا مجال نحتفل معك ، انتي مذوقة وما بتنسي حدا ومفضله علينا بالهدايا وما في أطيب منك ، أقل شي إنو نتمنالك نهار سعيد.. انشالله الأيام إلي جايي بتكون أحلى وأحلى ،وتحقق كل أحلامك ، ومن قلبي بتمنالك الصحة ، السعادة وراحة البال.. يعني تخيلي أنا بعمان كنت عزمتك نروح نلعب بالتلج أول شي بعدين كنا رحنا
شربنا hot chocolate
واكلنا Foret Noire
شو رايك بهالمشروع؟
كل عيد وانتي أحلى ملائط وعقبال المية سنة
kol saneh ou inti salmeh:) Amazing post! kal3adeh:D
302bal il mwwt saneh :)
kol saneh o ente salmeh ya rab :)
the post is soooooo funny!! i had a flashback to everything you said.. loool
كل سنة وتلجة و انتي بخير
هالمرة التلفزيون مجاز رسمي سمعنا الوكيل عالراديو و تقارير اجراءات الطوارئ اللي عقدم و ساق:)
يعطيهم العافية جد
بنت جيراننا الصغيرة حتبكي بعد شوي بدها اعملها رجل تلجي
فاجا جارنا النكد سوري بس جد نكد قال قطعنا الارسال بوقفتنا جنب ساتلايته!!!
سيناريو التلجة كاز و سولار و سحلب و خبز و عطلة و تاجيل امتحانات وتسكير طريق المطار وصور التلجة ونجمة الجلسة النشرة الجوية
:)
بدي كمان تلجة لاعطل و اقرأ بلوغات:)
mais
اول اشي اهلا وسهلا يا ميس نورتي المنشر و ضواحية مع مراعاة فروق التوقيت
تانيا انا كمان بكره التلج
تالتا انا مبسوطة انك هون و بحب اشوفك دايما
رابعا اكيد صحيتي ولا لسة نايمة من مبارح؟
خامسا:سلام لاحلى ميس و عن جد انبسطت فيكي
noura
نورا لو تعرفي اديش اشتقتلك
بعدين انا كتبت بالاخر و ما كنت ناوية اكتب بعدين قلت لأ ما بيصير هالحكي
شكرا كتير نورا على امنياتك و على الشوكولاتة السخنة على الغابة السوداء و كل مشاريعك متلك حلوة تسلميلي
ولك يؤبش
nido
nidoo ..thanks you so much for coming by nawarti
wonders
w inti salmeh ya rab
mish ba7ki sa7? mish kol il nas btakol w da2a b ba3ad
? la2 w il yom hajjoo min il byoot..
redrose
manal
و انتي بخير و صحة و سلامة
نعم كلنا في التلج اردنيون
يعني صدقيني انه الاوبشنز محدودة ايام التلج
شكرا منال
awal she kel saneh w enty salmeh, you know something sa7ee7 ana bel2rdn bs ma shoft el talj ella 2 hours... leesh?? 6ab3an l2nny saken bel russaifah... 3la kol 7al el youm el sobo7 kan jarna w elly ho 2stazy el kadeem be7ky ma3y w 7akaly jomleh 3algah la 7d hassa bebally..
الحمد لله اللي أجا الثلج أي الناس ما انبسطت من يوم ما بلشو بدهم يرفعو الأسعار إلا اليوم
and i think his note is so true... sob7an allah 3n jad Alma2 7aya, mo bas 3la el bdan kman 3la el nfoos...
يسلمو عيني و الله انا انبسطت فيكي أكتر
شفتي التلج عنا داب و أنا ما لعبت فيه و لا حتى اتصورت
الحمدلله اللي خلص هالمنخفض كانت روحي قربت تطلع من الحبسه
سلام يا قمر
Marhaba
Happy birthday ... bahdiki hai il oghnyeh specially from me to you ... ma3 kartooonit sirf:
http://www.youtube.com/watch?v=fn0j1vyHck8
looool nahfeh :P
shofi snowwhite ele sawainaha :D
مش عارف شو الموضوع بالزبط
هابي بيرسدي طو يو (راغب علامة ستايل)
بس كيف التلج؟ بكرة بدوب التلج و بروح الهرج و المرج
i love ur sense of humor...like summer said...ur sarcastic way of putting things is so nice and lovely, least to say...
happy birthday...
afaf
bahloul
و انت سالم يا بهلول
بالنسبة للتلج و انبساط الناس
اقولك ليش انبسطو
اولا عطلة
تانيا تغيير
الناس زهقت من البرد عالفاضي
الانبساط كان ليوم واحد بعدين كلوا هج من البيت
الماء حياة و كلامك صح بس بتلاحظ انه مهما شتت او تلجت بالصيف الوضع هوة هوة المي بتيجي مرة بالاسبوع
شكرا بهلول و ان شاء الله دايما تكون مبسوط
mais
لأ اتطمني سمعت في تلجة تانية جاي
يمكن هالمرة لازم نحضر حالنا اكتر
التلج يا ريت يدوب
هلا صار منظرو بيقرف لونة بني على رمادي من وسخ الشوارع و مكوم على جوانب الطريق متل الجبال و السيارات اليائسة بتفعفعط بدها تطلع
شكرا ميس كمان مرة
amjad
hahaha..لافتحلك علبة سردين
ياي
كل هادا الي
شكرا امجد الله يخليك
و شكرا على كرتونة السيرف اكيد بعد ما اكل السردين لازم سيرف عشان الصابون العادي ما اظن بيزيح الريحة
شكرا مرة اخرى و اخرى بضم الالف
firas
تانكس
اليسا ستايل
التلج اي هيت ات
بكرهه بكرهه
ياي
كتير نوتي
بيزحلق و بيخرب البوتس
بدوب التلج و اللي عطل الخميس بيداوم السبت
شكرا فراس اسعدتني بوجودك
جد و الله
afaf
i am glad to see you here afaf,i always see your comments on summer's topics.thank you so much for coming by and for your wishes
sharkooseh
wain wain..hal2 badawer :D
ana jay asabeee7 :D
saba7o ele keber seneh :coffe & cake:
bl2ods kol el6olab d'lo bra elsakan ll 3 o shwi yel3bo blthalej :D o inqe6a3 blmwad eltamweneyeh she akeed l2eno msh mhaya2een :D
yes3dly hal saba7 shat2tillo.
7adri 7alek fee taljeh tanyeh next week.i checked yahoo weather its on friday.thanks mnoshty
happy belated Bday :)
wala belated wala ishi..inti ta3i wa2t ma bedak thanks Gardenia :)
Happy Birthday MALA2E6 :)
enshalla 3o2baaaal 100 saneh ya rab :) ...
el talej 7elo ,, bs zaaaha2 :( !!!
w kol taljeh w enti b5eer :)
شو هل مياصة و الدلع؟
و لا تيجي بالاخت إليسا لو سمحتي
وانا كمان وحشتني مدونتك
وأسعدني التواصل معك من جديد لما فيه مفخرت و رفعت لذه الأمة ولا حول ولا قوى الا بالله
vagueraz
thank you razan kollek zo2 ,the snow was nice forone day now its disgusting and filling the streets.we will have another next friday :D
firas
بتيجي براغب باجي باليسا و بتيجي بشعبولا باجي بهيفا و ماريا و نانسي و قد اعذر من انذر
لله درك و سحقا للزمان الذي فرقنا و هيا بنا نحتسي الشراب في الردهة
ان شاء فرناندو ام لم يشأ
Heyyyyy...
Happy Birthdayyyy :-D
wish u to have the best of your lovely years ya 7abbubeh...
kol saneh o enti salmeh :-)
narnar
thank you so much :) alla ykhaleeli iyaki
Oh my God!! this is the first time for me here and you really cracked me up with this post.. you reminded me of my last time in for me in Amman when it snowed.. thanks for bringing back all the nice memories! funny, amusing, great to read post..
Post a Comment