التحويلة الى قلبه
الطريق الى قلب الرجل بياخد تحويلة و بيلف من عند البنكرياس اذا كنتي داخلة شمال و من الكبد اذا داخلة يمين و بعدين بلف و بيدخل عالمعدة
هلا معقول الحب و الغرام و الاشتياق و الهيام يكون طريقهم مفروش بالبصل و التومة ؟
هلا معقول الحب و الغرام و الاشتياق و الهيام يكون طريقهم مفروش بالبصل و التومة ؟
معقول انه الرجل ما بيقدر يحب الا اذا كان شبعان؟
يعني نظرية ان الحب رفاهية و كمالية للاغنياء صح؟
هل يعني هذا ان الست اذا بدها تاسر قلب الرجل بتكون مصيدتها طنجرة ملوخية او صينية لازانيا؟
طبعا هذه مقولة عالمية و مش عربية
صحيحة؟
يمكن شوي
حكينا عن المظهر الخارجي و اهميته و اللي بيقولك الجوهر اهم و صدقنا
و اللي بيقولك الثقافة و التعليم ماشي
بس بالاخر و في النهاية و عند الجد و لما حبيبة القلب تصير مرته و عنده بالبيت و بيخلص كلام الحب
و حبيتك لقلبك و شخصيتك و ثقافتك و عيونك بلونهم الاصلي و حبيت شعرك حتى بدون الاكستنشن و مناخيرك كانو حلوين قبل ما تعملي العملية و كل هالكلام و حتى لو كنتي جيسيكا البا مع عقل ماري كوري
لو رجع عالبيت و لقى الاكل محروق او الجاجة زي عجل السيارة و الرز هل هو عجين ام حجارة ان عرفت الجواب اتصل كل هالكلام و ما سبقه و تلاه بتلخص باكم جمله
شو غدانا اليوم
ما طبختي؟
انحرق..كالعادة
زهقنا برغر كنج
بدنا نضل نتسلبط على اهلك و اهلي
انتي بدكيش تتعلمي تطبخي
الحق مش عليكي الحق علي الي دلعتك
كمان ما بتعرفي تقلي بطاطا بدون ما تحرقيها
كيف يعني كتاب الشيف رمزي هيك بيقول؟
لو قلتي انه انحرق كان مريت تغديت عند امي
(يعني كلي اكلك المحروق لحالك)
وواع
< و يمكن عشان هيك الرجال صاروا يطبخو
و صار اشهر الطباخين في العالم رجال
بيدي لا بيد عمرو
(مش عمرو دياب
و عشان هيك صارت نص برامج التلفزيون طبيخ
و عشان هيك صارت كتب الطبخ اكتر من الكتب الثقافية
معناتو يا بنات و يا ستات الامر بايدنا و سهل جدا و عشان هيك و لكي تكوني مسلحة عزيزتي باقوى اسلحة لاكتساح القلعة الذكرية
و بما انه المنشر وعدكم بحلقة عن الطبخ
استضفنا اليوم الشيف اللبناني (ميمو)ليخبركم اهم اسرار الطبخ
(لازم شيف او كوافير يكون لبناني ولا ما بيشتغل منيح)
الشيف ميمو: بونجور لالكن و اهلا و سهلا فيكن في حلئة جديدي من الطريئ الى البه
اليوم بدنا نعمول صينية دجاج بالبطاطا
المئادير
دجاجة
بطاطا
صينية
التريئة
بتحطي الدجاج مع البطاطا في الصينية
و هيك منكون تعلمنا كيف نعمل الوجبة الاساسية
المنشر:شكرا شيف ميمو
اعزائي المشاهدين
التحلاية كتير مهمة بتعرفو انة في البطن خلوة لا تملؤها الا الحلوى عشان هيك هلا الشيف ميمو رح تعلمنا كيف نصنع حلوى لذيذة
ننتقل الى المطبخ من جديد
الشيف ميمو: بدنا نعمل حلو كتير طيب اسمه ايس كريم بالصحن
المئادير
ايس كريم
صحن و المفاجاة هون
منحتاج ملعقة
منمسك الملعقة و منحط الايس كريم بالصحن
و بالهنا
و بالهنا
المنشر: و ما تنسو عزيزاتي بعد ما تقدمو الحلو تعملو قهوة
حتى ما يصير معكم متل ما قال المثل "طبخت عشا و تأنيت و يا ريتني قهوة غليت"
و ما تنسي مع القهوة تحطي كباية مي
و صحتين و عافية
و صحتين و عافية
لا سيريسلي
عن جد يعني
سيبكم من شيف ميمو
و خليكم مع
صبونصرنا لحلقة اليوم
في موقع الشيف سمر كتير اكلات
و نتمنى لكم صياما مقبولا و افطارا هنيئا
29 comments:
Ya Salam !!
Jebooli wa7de shabah Jessica Alba we ana msame7ko bel akel kolo !!
We meen ele 7ara2at el ba6a6a...meen hiya...bas 2e7kooli,
we eishi tani el Deserts mesh zab6a ma3i...el Ice cream ma bteje bel sa7en, yareet el Cheff ysa3edne !!
Yes3edko !
يا أخي مهو ما بنفع شو بتحكي انتي!! جيسيكا آلبا وعقل ماري كوري؟ يعني هاي معجزة المعجزات مع انو يمكن يكون في هيك اشي أبصر
بس على كل الراجل مننا تاني اهم اشي عندو بالحياة هوة بطنه وأما فلبه يمكن قلبه ييجي رقم 3 يمكن فهذا اشي مفهوم لأنو الرجل عبارة عن كائن بدائي لا يزال .ما شاء الله علينا وحوالينا
طبعا لا تسأليني شو هوة اول اهم اشي عندو بالحياة لأني ما راح أحكي.
!!ملائط , كلك زوء
!!شكرا على الدعايه اللي ببلاش
i think that the way to love a man is more than cooking for him and looking good all the time!
it is one whole package that has to do a lot about how she treats him, being nice and kind, being sincere and loving, loves him unconditionally, even if he gains weight from all her good or bad cooking, as long as he treats her well too...it is a give and take relationship that has a lot of aspects involved.
if she does not know how to cook very well, she can always order and make good salad on the side!
if he loves her unconditionally, he will forgive her for all the burnt meals and the take out food... life has to go on in a way.
there are many ways to get good food...
الله يخلي المطاعم و الماما
sharifo
اللي حرقت البطاطا هية نفسها اللي طبخت بامية و نسيت تحط البامية بالطبخة
يمكن عشان هيك اشجار البطاطا حزينة؟
بالنسبة لحلو الايس كريم و هو حلو شهير بالبادية الاردنية انا حكيت مع الشيف ميمو
بتقولك عشان يوسع الايس كريم بالصحن لازم و حتما انك تكتفي ب 3 سكوبس يعني اذا ناوي عالعلبة فا الشيف بتقولك ما في داعي للصحن
bakouz
ما راح اسألك
اتطمن
مرة قلت لقريب الي (دقر شوي) انه الرجال حاجاتهم بدائية و سهل ارضائهم زعل و قالي انتو بتعرفوش اشي عننا
بدنا نعمل فيلم
what men want
مدة الفيلم تلات دقائق
summer
ولو يا صبونصري
انت تؤمر يا جميل
بس والله يا سمور كلامك حلو
و يا ريت
بس انا عملت شيرتش عالانترنت
و اعملية
بالعربي و الانجليزي و شوفي الرجال اديش بهمهم الست تكون طباخة ماهرة
و انتي لانك طباخة ماهرة ما بتعرفي شو يعني العكس
مدونتك هايلة بصراحة
كل تدونة اجمل من التانية
كل سنة وانت بخير والجميع بخير
وعايزين مزيد من التدوينات الحلوة دي
و الله إنك رائعة يا ملائط ...
طريقة عرضك للموضوع كتييييييييييييييير حلوة :)
ههههههههههههههههههههههههههههههه
لا كلو كوم و
دجاجة
بطاطا
صينية كوم تاني ..ههههههههههههه
بس فعلا انا عم بكتشف انو اقصر طريق هو انو المرة تكون معدل بالبيت والطبيخ والاولاد .. يعني ما تكون مرة تكون سوبر مرة ... يعني نظرية حضرة عطوفتنا بتحكي انو لما يكون الزلمة زعلان بيتفشش بالأكل فإزا كان الاكل زاكي معناتهاانتي راضيتي وازا ما كان زاكي قامت قيامتك الليلة ..
يعطيكي العافية ورأيي انتي اكيد منيح عارفتيه .. اما موقع سمر مو راضي يفتح عندي هو وكتير مواقع :( انا ما بفطر افطار هنيئا كتير .. لأنها كلها اكلت معروفة انا بدي شي جديد :(
شـو هـالشيـف اللبنـانـي لقطـة و الله ، يعنـي طبخـاتـو و حكيـاتـو حلـويـن
khalas tonight am going to make this dessert recipe ,all I need is a spoon..
mashkoura ya 7elwe :)
bella
اهلا و سهلا فيكي يا بيلا و شكرا على كلماتك اللطيفة و انا مبسوطة ان المدونة عجبتك
و كل سنة و انتي طيبة
vagueraz
الله يسعدك يا رزان دايما بتشجعيني
شكرا
bara2
براء خلص رح انزلك اجدد طبخات من اختراعي و تاليفي و تلحيني
و الله يعافيكي يا رب
noura
نورا منيح انك انتبهتي للملعقة
بس كيف انا باللهجة اللبناني
سلبي
بيخد العئل
ميرسي لالك نورا
والله ياعزيزتي انا متابعة قديمة لمدونتك
والشكر موصول للعزيزة حلم لانها سبب تعريفي بمدونتك الهايلة
واكتر حاجة بتعجبني طريقتك المبتكرة جدا في عرض الموضوعات والصور الجميلة اللى بتختاريها
وبيعجبني كمان روحك المرحة وظلك الخفيف
كل تدويناتك بتعجبني الحقيقة
وشكرا على نصيحتك بخصوص العمل
تحياتي وكل سنة وانت طيبة
أخ من الحب و سنينه
و يقطع المسلسلات السوريه ..شو خربت عقول الشباب و الفتيات ... و يقطع الفليفلة الحارة - فركت عيني بأيدي بعد ما قطعت نص كيلو فليفلة - هاي جملة معترضة .. بس مهمة
يعني أنا لو متجوز .. كان بقعد أقطع فليفلة؟ و أحل طحينية؟ وأشوي بيتجنان؟
أكيد ـنا ما رح اتجوز مشان تطبخلي و تغسلي .. انا بطبخ لعرس و بغسل لحموله - باللاونداري رووم يعني -
بس المبدأ انه الحب مش بس نقعد قبال بعض 33 ساعة و نقعد نتغزل ببعض .. يعني كل واحد بده يشوف مسئولياته بالحياه .. .. بس ما ننسى و نهمل الجانب العاطفي .. اون ذا أوذر هاند ...
يعني معلش هوشه صغيرة على طبخه محروقة .. والا على زيارة دار أخته من غير موعد ... بس مش لدرجة .. يهددها بالطلاق لأنه القميص مش مكوي زي الدراي كلين ... أو تفل عند أمها .. لأنها أمه لجوزها طلبت منه عشرين ليره
أكيد الحب هو اللي بعطي نكهه للحياة الزوجية .. والتعبير عن الحب لازم يستمر على طول .. يمكن تختلف الطرق .. بس فيه دائما طريقه للتعبير و توصيل المشاعر .. يمكن حتى استعمالها بالممارسات اليومية العاديه
و سلميلي عالشيف ميمو يؤبر ألبي شو طبخاته مهزومه
ta7sheeeesh.... i love your ramadani shows:D
w happy ramadan by the way:)
eh! wallah khaletene a7ki neyalo aboy iza haik my mom perfect :P o ma3 haik baba kteer besa3edha o marat howeh botbokh :P
انا مع بكوز ,
بعدين , بتعرفي شو معنى كلامك , انا بعمري مارح اتزوج ! امي طباخة درجة أولى و ما ظنيت انه رح الاقي وحدة تعمل نص ولا حتى عٌشر اكلها, يعني اذا بدي امشي على هاد المقياس مابتزبط , لأني شايف الصبايا عم بصير عمرها 26 سنة و غير قلي بيض و معكرونة مابتعرف و بتألك , طيب يعني شو بدك غير هيك ؟ جيب جاهز كمان مش وضع يعني لا طخو ولا أكسر مخو
بعدين ضيفي إلى كل هاذا انه البنت اذا كان بيتها مرتب , غسيلها نضيف , و ضحكتها حلوة , الأكل المحروق بكون شي بسيط ولا يمكن ان يحدث مشكلة في حالة انه كان من باب التعلم , مو من باب شاييييييييف ما بعرف اطبخ انا ألتلك ضلك جيب جاهز اسهل و ازكى
اما عفوا اتكون فايتة بالحيط بكل شي إله دخل بالأعمال المنزلية و توابعها , ما بزبط , والموضة الجديدة الطالعة انه يطلبو خدامة بتعرف تطبخ ,
واذا عمرك قرئتي كتب الها علاقة بعلم النفس و الأجتماع بتعرفي انه الأكل واحد الأمور يلي بترك انطباع قوي في شخصية الأخر
مشان هيك بئولو عندك نفس بالأكل ف اكتير من الحالات الطبخ الطيب بغطي على عيوب اخرى
زي ما قلت اكتر من مرة
If you know the man Code“Key" , u can Crack it .
و سبحان الله في صديق عزيز علي , تزوج وحدة , بس عشان حب حكيها" البنت سلطية كح" وهي ما بتعرف تطبخ مزبوط بس عم تتعمل , و الشب أكييل , و الحمد لله مبسوطين اكتير مع بعض
انتي فكرك ليش محلات الشاورما شغاله ؟
و فكرك ليش 99.9% من الي تسممو كانو رجال؟
حظ عاثر؟ لا الموضوع موضوع حظ عاثر بالبيت و بالمطعم
dabrelna 7alka mo5asaseh m3 el chef Memo 3shan nes2lo as2eleh, y3ne nestafed men mwahbo :)
el mawdo3 kber ya mala2e6 eza bede abalesh a3ale2 ma r7 a5ales :D
2oltik y3ni?!!! :-S
bella
صباح الخير
و الله الكلام اللي بتقوليه كتير علي يعني مش عارفة اقولك اية غير متشكرة جدا
و الله يديم المودة و شكرا لحلم كمان مني انها عرفتني بيكي و اهلا و سهلا دايما في المنشر
amjad
ولي اب عمي تؤير عضامي يا حء
جبتلي بابور اخرس الله ما يحرمني منك الهي
شفتها ع باب الحارة مبارح
و الله يا امجد الحياة معقدة و ما في نظرية صح مية بالمية و كل اشي اله جوانب تانية ممكن ينشاف منها
هلا انت بتحكي عن اول الزواج لما تكون العروس دلوعة العريس بس اذا الوضع ضل متل ما هو لسنين اكيد الزلمة رح يقز و خصوصا ااذا صار في اولاد و الماما لسة بتعمل ديليفريز
و رح اسلم عالشيف
lubna
y7abeebty lubna thanks..lessa fee kaman bass the time i need time the movie is giving me a hard time(ben3ered 3al 3eed)thaks lubna
sharkooseh
ask ur dad if ur mom was a great cook the day they got married..mmm..maybe she was..but i am sure she is better now alla ykhaleelek iyahom both
qabbani
انت مع بكوز؟
كلكم مع بكوز
هلا شوفيا موفق
اوعى في يوم من الايام تقول هالحكي لمرتك
ما بمزح
والله
كل انسان بالعالم ازكى اكل عندو اكل امه
و ما في اشي بالعالم بيعادلو
بس كمان لازم تشوف الخبرة وين
العروس الجيدية ما رح تكون متل ست الها بتطبخ سنين مع اني بعرف ستات الهم متجوزين 40 سنة و طبيخهم بيخزي
بس برضه المقارنة صعبة و غلط
متلما قلت لامجد ما في اشي بالعالم ممكن نجرده من توابع تانية و الطبخ يا موفق واحد من عدة اشياء انا كنت اسال هل الكلام هدا صحيح يعني انا بشوف انه الاكل لكا يكون زاكي بتشوف السعادة على وجه الرجال
اما الكود الرجالي ف انا قلت انه معروق و كراكد من زمان
و صاحبك لسة اكيد بوال الطريق و معطيها فرصة. بوكرا كمان اكم سنة لو ما تعلمت رح تسمع من تلطيش كلام و شوفي ام فلان ما ازكى اكلها و يسلموا يا ام فلان و الله زمان الواحد ما اكل اكلة زي العالم
jad
بتعرف دمعت لما قرات كلامك
يعني يا حرام الزلام عايشينع الشاورما
طب الشاورما اكل رمرمة مش طبيخ
قول ليش جبري شغال ولا مطاعم الطبيخ التانية ممكن
بعرف وحدة بتجيب مجدرة من جبري
عجبي
wonders
هوة رافض الفكرة بس ممكن نجيبه ياخد اتصالاتكم
الموضوع معقد و مشبك يا وندرز
بس بتقدري تفشي قلبك شوي لو حابة
narnar
اه
ابداي بتعلم الطبيخ منذ الان
LOOOOOOOOOOL
bs jd el akel 2elo 7a2o ! msh 2alel el akel betjwazo mn warah neswan o bet6la2o 2o5ryaat :P
cheif memo: ma 3ajabtne, wenk o wen chief summer :D
sara7a mo bas heek la tensy enno 7amatek 27d aham el2shya2 elly r7 tshayk 3leeha hey 6ab5ek...
by the way sa7by etzawaj sarlo 4 shhoor kol youm emmo btes2lo : "sho 6ab5een yamma.... ma3kroona wella kaly ba6a6a?!" 6ab3an elshab beseer bel2lwan w be7lef mlyon yameen walla 6ab5een eshy tany... allah y3eeno...
w thanks, 3n jd post ta7sheesh... ;-)
:)
مو موضوع طبخ الأم , لأني بإدر احكيلك انه اكل ستي الله يرحمها احسن من اكل امي , و ام صاحبي كمان اكلها متل اكل امي و يمكن احسن شوي لأنها بتعمل غربي كمان,
و عندي خالة بقدر احكي عنها شيف و مبدعة بالأكل
, و انا ما عمري قارنت خاصة بالهشغلة , بس بعتبرها مهمة و جدا كمان, الفكرة انه البنات ما بتحب تطبخ او ابصر كيف ,يعني هي اكبر دليل البلوجز , شوفي البلوجرز يلي تزوجو جديد , او متزوجين , معدودين على الأصابع يلي بحكو عن الطبيخ و بحبو يطبخو و بستمتعو في
بعدين , البنت لما تتعلم الطبخ بكير , بيمشي حالها , ما تجي تحكيلي بدها تتعمل طبخ وعمرها 25-27 سنة و بتشتغل كمان , يعني في شي ناقص بالمعادلة
عرفتي ليه بالأردن بحبو يتزوجو من الشام , الكلفة , و تاني شي الأكل , يعني عنا عادة البنت لما يصير عمرها 18-19 سنة لازم تكون بتعرف تطبخ و شي منيح كمان و اذا ما بتعرف بتتعيب انه مو معأول صبية و ما بتعرف تطبخ
ف بدك تحكيلي انه بنات لح يصيرو 30 سنة و ماعمرهم فاتو على المطبخ لحالن و عملو اكله متل العالم و الناس !!! و بتزعل اذا الها دئما اكل محروق
maybe heyeh better hala2 bas howeh aslan heyeh kanat akbar okht o teta o jedo kano bara jordan so i guess men zaman btotbokh, o 3azemtek ana she youm 3ala sho ma bedek :P meshan tshofi be 3eenek ;op
لووووووووول
ببوور أخرس
:-)
والله أنا صارلي سنين ما بتفرج على التلفزيون الا في المناسبات ولما بروح عال قهوة .. بس السنة جبنا الارت برمضان .. و انا بحظر بس مسلسل باب الحارة
يعني عجبك ؟ كله كوم و أم بدر بدها ببور أخرس؟ مش مكفيها جوز أخرس
بس برأيي انه الأخت سمر - الله يسعدها - اختصرت الموضوط بكم كلمه
يعني لما اثنين يخطبوا و يتجوزوا .. لازم كل واحد يحب الثاني كشوال - از أ بكيج - يعني هوه و اللي فيه .. مليح و عاطل
أهم اشي مشان يستمر الحب انهم ما يخلو حدا يتدخل بحياتهم .. لأنه ثلاث ارباع المشاكل الزوجية من تحت راس أهلهم
mnoshty
يعني اللي فهمتة من كلامك انه الرجال ممكن يتجوز او يطلق بسبب الاكل؟
معقول توصل لهيك
يعني لو صح النظرية بتكون ثبت صحتها بجدارة
اما شيف ميمو ف انتي لسة ما شفتيه لما يعمل مربى فراولة
اعطيكي الطريئة ولا حزرتيها؟
اسوة
برافو
المئادير
سوبرماركت
سيارة او مشي او تاكسي
مصاري
مرتبان مربى لبناني شتورة(تحيز
التريئة
بتروحي عالسوبرماركت و بتشتري مربى
بس كيف؟
bahloul
lool
الحموات الهم طرق عديدة بالتشييك على الكنة المرتقبة
من اول امشي قدامي و اكسريلي هالبندقة بسنانك
لحد اعمليلنا فنجان قهوة
و عشان هيك شيف ميمو بيقول انه القهوة مهمة
يعني يا حرام العروس لو عملت القهوة بلا وش او تكعبلت و دلقت عالصحون بتكون مش معدلة
و صاحبك لازم يعزم امه عالغدا اثبات انه مرته بتطبخ ولا ما راح تصدقه
و شكرا الك بهلول
qabbani
انا بس كنت انبهك لتيجي يوم و تقول هالجملة لمرتك و ما يتخلص بقية عمرك رح تضل تزلك فيها
و الله حلوة طريقة الشوام بترباية البنات هيك كانو هون زمان
يعني ما سمعتش انه ستي عمرها قالت انها ما كانت بتعرف تطبخ
و كانو بتعلموا التطريز و شغل الصوف و الكانفاه و الكروشية و الخياطة
ما كان في اهتمامات تانية متل طلعات الخميس و الفيس بوك و الايميل
يعني كانت البنت اول ما تولد تتهياؤ نفسيا للزواج و في عائلات كانوا يخلو البنت تطرز و تشتغل و تخيط لبيتها من و عمرها 10
الدنيا تغيرت كتير و البنت صارت تتعلم و تشتغل و بطل في مجال او وقت لكل هالقصص مع اني بشوف انه عالقليلة تعرف الوحدة تخيط زر قميص لو انقطع
مش ارمي و اشتري غيرو
sharkooseh
مصدقتك فطومتي و شكرا عالعزومة
بدي شيبس و باسطة
الله يخليلك ماما يا رب
بس انتي عم تتعلمي منها ولا بدك تعملي من جوزك المقبل حقل تجارب؟
amjad
انا ما بحضر باب الحارة هيو شغال و عم بسمع و انا بكتب
وبسمع تعليقات يا باي ما اقوى النسوان
لول
الحب بيجي باكج ديل صح بس الشوال ما يكون كمان مخروم و بينقص
هلا الاهل و التدخل و هالقصص موضوع تاني كبير كتير بتركه لام مزعل الله يزكرها بالخير
(ابصر شو عم تعمل هلا يمكن ع تشوف ميلودي تونز اول انجليش اول زا تايم بعرفها فايعة
Love the metaphors. Its been a while since I've been here. School and stuff :(
saneeeeeeeeeed
bethgeeb kteer..we really missed you around even if we didnt say so..i hope you did fine in ur studies..mal3esh..mar7aleh w betmorr..take care w ma t6awelsh
ummm bede at3alam 3ala jozi :P
o welcome anytime azka ships o pasta :P
Post a Comment