July 10, 2007

صيّف و كيّف 3



مزعل: يعني فكرك لو رحت لحالي بنبسط اكثر؟؟

مهند: طبعا بقولك عصفوووور عصفور طيار

مزعل: كل فكرة الرحلة لسهى و اني ا روح و اتركها مش خاشة مخي بعدين يا اخي بدي انكد ع حالي سنة بعدها؟؟


مهند: اخس عالرجال... ارنننب ..انا لو تشوفني بالبيت اسد..بقولك اسسسسد بفوت البيت بيصير هس ولا صوت الاكل بكون عالطاولة ...المية السخنة بتجهز على طول


مزعل:يا عمي ..ارنب سعيد ولا اسد تعيس


مهند: طيب ع راحتك انا طالع عالكافتريا اجيبلك معي عصير جزر؟؟


و ضحك ضحكة زنخة

**

....خلص الدوام و رجع مزعل عالبيت و مليون فكرة بتاخده و بتجيبه


سهى: وافقولك عالاجازة؟


مزعل ببوز: اه وافقوا

سهى بسعادة شديدة: ايمتى بدنا نروح نحجز

مزعل: هسة بس اتسمم

سهى: و مالك بوزك شبرين؟؟؟


مزعل: ولا اشي


سهى: طيب و بدي اطلع عالسوق كمان


مزعل: و لويش السوق ؟؟


سهى: بدي اشتري شوية اواعي للسفر


مزعل:الناس بتشتري لما تسافر مش قبل لتسافر


سهى: مهو يا زعولتي يا حبيبي انا بشتري قبل و بعد


مزعل: و كل الي معبي الخزانات هاظ؟؟ و الله هالرحلة لتحططنا الي فوقنا و الي تحتنا


سهى:كل هدا عشان بدي اشتري اكمن غرض؟؟


مزعل:اكمن غرظ؟ هاي انا ما رح اشتري اشي


سهى : احنا الستات عننا فلسفة بالشراء .لكل ست في تلات فساتين مهمة فستان للسهرة و فستان للضهرة و فستان للقهرة


مزعل: شو شو؟ السهرة فهمناها و الضهرة و القهرة شو؟


سهى: الضهرة يعني الطلعة و القهرة اللي منغيظ فيه النساوين التانية


مزعل: انتو كل فساتينكم للقهرة .قال فلسفة الشراء..فلسفة البعزقة ياللا قومي نشوف الشركة نحجز و نخلص


سهى: و ليش هيك كانة غصبن عنك و بلا نفس.احنا رايحين ننبسط ولا نتنكد


مزعل بعصبية : امشي امشي قبل اغير رايي و اقعدلك بالبيت




***
فتح مهند باب البيت و دخل عال بيت بترمي فيه الابرة بتسمع رنتها


نفش ريشة و دخل عالمطبخ


المطبخ قايم قاعد عالطاولة كرتونة بيض و علبة تونا وورقة مكتوب عليها" انا معزومة عند ام اشرف عالغدا دبر حالك


وقف بالمطبخ ومسك علبة تونا و فتحها و قعد ياكل متل البسة جنب الحاوية


ولا بعد شوي فتح الباب و نط مهند من محله كانه قرصتة عقربة

Image Hosted by ImageShack.us


دخلت ام جواد مرتة عالمطبخ: ها شو..تغديت؟


مهند : هلا حبيبتي..يسلموا ايديكي.. ان شاء الله انبسطتي


ام جواد: و ليش حتى ما انبسط ..قربت تخلّص؟ اسخنلك المي


مهند: يا ريت عشان الحق اخلص الجلي قبل المباراة


ام جواد: اية مباراة؟ تنساش اجت المي اليوم و في غسيل انسى المباراة


مهند: بس ..


ام جواد بصوت تهديدي: نعم؟؟؟


مهند: يعني كنت بقول


...ام جواد: بتقول؟ بتقول شو؟


مهند ترى العفاريت بتنط بوجهي


مهند: بقول لو كمان من مرة اشطف الدرج


ام جواد: اه ..مش غلط اشطفة


مهند: بدناش نسافر السنة؟هاي صاحبي مزعل طالع قبرص


ام جواد: انا رايحة عايطاليا عند اختي..و انت سافر مثل كل سنة و هاي وصيت اخوي صفوان عليك بالمركز مثل دايما انت عارف كل خطواتك محسوبة هناك يعني نظرة هيك ولا هيك بيوصلني و انت عارف شو بستناك


مهند على حافة البكاء:معقول يا روحي يكون عندي كل هالجمال و النعومة و اتطلع برة اي تنقلع عيني انشاالله

ام جواد: بكفي حكي ..انا رايحة انام بس تخلص لا تنسى تطلع الزبالة

مهند لنفسه: تنامي ما تقومي..نفسي اطلعك بكيس.. قال صفوان بستناك الله يوخذك انتي و اخوكي كسرتوا عظامي

Image Hosted by ImageShack.us


****

مزعل و سهى دخلوا الشركة السياحية و قعدوا عند شاب كان مبين انه مش مشغول زي الباقي

مزعل: بدنا نشوف رحلات قبرص

الموظف يتوجه بالكلام لسهى: تفضلوا هاي النشرة عنا رحلات ..بس شو..بتجنن

مزعل: اكم يوم الرحلة؟

الموظف برضة بحكي لسهى: في خمسة و في ستة و اذا بدكم اكتر ممكن ...بس تؤمروا

مزعل: لد جاي..

الموظف عدل حاله

مزعل:كيف بتحاسبوا ع الاولاد؟

الموظف رجع لسهى: تحت ال 12 اكييييد

سهى: واحد سبعة وواحد خمسة

الموظف: عالبحر.ولا عالجبل

مزعل: و ش بتفرق؟

الموظف لمزعل بقرف: البحر اغلى

سهى: انا حابة عالبحر

الموظف:مبين عليكي رومانسية

مزعل بدا دمه يفور :قديش بتفرق يعني؟

الموظف : لكل شخص حوالي 20 دينار زيادة بالليلة

مزعل: ول البحر خلقة الله بدكو تدفعونا مصاري لنشوفة؟


سهى: انا بدي عالبحر

الموظف: بدي اعطيكي اوضة ترجعي تحكي عنها
مزعل: بدناش عالبحر
..
الموظف:تاخدو سوييت
مزعل: باكم هاظ.اكيد غالي
الموظف: الغالي للغالي
مزعل تطلع بسهى و قالها روحي استنيني بالسيارة
وقفت سهى و اجت تطلع ولا هية واقعة عالارض مغمى عليها
نطوا من محلاتهم و صحوها و شربوها مي
و اخذها مزعل لدكتور قريب و بعد المعاينة طلب منهم فحص دم و رجعولوا و شاف الفحص
قالهم مبرووك المدام حامل و انصح بالراحة التامة لمدة شهرين
اخدها مزعل عالبيت و بالطريق قال مزعل:ا لو بنت بدي اسميها على اسم امي
سهى: و ليش مش ع اسم امي بعدين انا ...اسمي بنتي ام عناد؟
و ابتدا النقاش من جديد
و الى لقاء في حلقات مقبلة

22 comments:

Anonymous said...

y3ne hek ra7t 3leeha elre7leeh w qobroos :O?

mohanned 5arjo allah la y2emo :P

ween bt3'ebe enti :D?

Mala2e6 said...

mnoshtyyy

انا كنت مسافرة سفرةززغيرة (مش ع قبرص)

و رجعت

و اشتقتلك

ان شاء الله تكوني بخير

Naryat said...

y3ni laffe 3ajeebe bel27das!
hala2 suha el7azeene ma r7 troo7!
a2olik shu? 5ali miz3el yeqtare7 3amuhanad yroo7 ma3o 3a qobros mshan yu7shuro belzawye :-p
enno 3a2asaaaaaaas 2asad :-D
wel7amdellah 3lsalameh mala2e6 :-)
enshala tkooni enbasatti...

Mala2e6 said...

نرنر

ما هوة هاي اللفة عشان ما اترك الموضوع معلق و اذا بدي اكمل الرحلة كما كان مخططا بدي كمان حلقتين و هيك بيكون المنشر المسكين تحدد كتير بمواضيعه

هلا الحياة يا نرنر بتسخر منا كتير منكون نخطط و نتمشكل و بعدين بيجيلك حدث غير متوقع بيقلب الموازين

اما مهند ف مزعل ما بعرف عنه اشي عشان يكزبه او يشك بكلامه نحنا بس منعرف هلا لو بعدين بدي اكمل و افقسة بخلي واخد بيعرفة بفسد علية لمزعل

و الله يسلمك يا رب

انبسطتت كتيييييييييييييييررررررر
شكرا نرنر

Me said...

7amel??? lah lah lah....this means no travel and no cyprus for the Mrs.
great read mala2e6 as usual!

Mala2e6 said...

summer

nawarti da manshar

yes shofti ya 7aram..but i think suha didn't mind the new gift..cyprus can wait..

thanks summorty (big hug)

Anonymous said...

Hatha muhanad tele3 gsha6,alah ye3demne eyah.

Qabbani said...

LOOL

nice ,wallah , 7amdelah 3a salameh ;)

Unknown said...

حمد الله على السلامة يل جاي من السفر
واحشاني الابتسامة:)
ولك ليه ما قلتي انك مسافرة بدي اوصيكي على جلاكسي جواهر من الحرة :)

Anonymous said...

great !! 3ajabni keef bel akher 2derti t3'ayri el mawdoo3 neha2yan !!

ballahi ma twa2feelna hal mosalsal, kteer 7ilu o mushaweq !!

Mala2e6 said...

hamede
مهند اللي متلة كتار بيكون قاعد بين الزلم يعرط و ينفش ريشة و بالبيت متل ما انت شايف
و في نوع تاني العن اللي بيقول انا ارنب و ما بزعل المرة و بالبيت بيكون مقردها


شكرا حميدي للزيارة
qabbani
الله يسلمك يا رب
شكرا قباني

nadeen
الله يسلمك نادين و الله السفرة كانت فجائية يعني انا حتى ما عرفت الا لما وصلت تخيلي
اما جالاكسي جواهر ف كأنك معي لاني جبت و طارو
مع شوية سيليبريشنز و ام اند امز و مالتيزرز و كل ما تشتهي نفسك من منصحات و شوكولاتات

شكرا نادين

zika
انا هلا تركت الحلقة بس المسلسل برجعله يعني بس عشان انا ما ازهق ولا اللي بيقراء يزهق
شكرا زيكا على زيارتك و تشجيعك

Anonymous said...

eh eh inha tetla3 7amel ma kan 3al bal wala 3al khater :P absar sho yeseer el 7alqa el jayeh, bas ya 7aram mohannad tele mohanadeh :P

Anonymous said...

Walla za3altini 3ala mouhanad !! it is a surprising turn of events..I can't wait to know um miz3el reaction to the pregnancy ??

Ba3dein keef btrou7i vacation w ma bt2ouli la7ada ?? Who signed the vacation paper for you ?? khalas, ma fee safar, back to work..Don't you know we miss u :)

Anonymous said...

loool la2 jd nahfeh :D thanks mala2et :))

حياة تستحق الانقاذ said...

Mla2e6 hal mosalsal Makseeki mish Ordoni er7meena ya Gomar..
:)
Om El MEeeEs

Mala2e6 said...

fatoom
صباح الخير
بس عشان تعرفي و ما تصدقي كل شي بينحكى
مهند عمل لحاله شخصية بيتمناها مش بالضرورة تكون صح

على فكرة كتير ناس عايشين الدور و بيكزبو الكزبة و بيصدقوها
منورة يا فتومة

noura
ام مزعل اكيد بتنبسط بس لانه شخصيتها و عقدها بتمنعها من انها تورجي انبساطها اكيد رح تسمع سهى اكم كلمة

انا وصلت جرش و رجعت

كان سفر مش عالبال و سريع و طلعت مغادرة ما حدا وقعلي يعني انخصموا من الراتب
و انا كمان نورا بشتاقلكم
بس الصيف بيلهي كتير

شكرا نورا

jano
يسعد صباحك
و شكرا جانو كلك زوء

om il mees
و لسة

رح تطلع سهى اخت ام مزعل

و رح يطلع مهند ابن سهى

ولا شو بتفكري انا بلعب
مكسيكي على هندي

يسعد صباحك يا عسل

Anonymous said...

7amdillah 3l salameh :)

7aram Suha... b3den sho hl esem had 7aram 3leke mala2e6 ma t5ale ysameha hek ;)

Abed. Hamdan said...

ملااااقط


كيف حالك؟؟

والله هاي مشكلة اللي بدو يمشي رأيو على الثاني بتخلصش..يابتلاقي الست نكدة يا الزلمة نكد...شعب متخلف بعز النكد

(اللي بسمع بقول اني مش عصبي(

Abed. Hamdan said...

blog bara2 laish mo radi yefta7 ?? lesh 3emlato private ?? :|

Mala2e6 said...

wonders
صباحك سكر

يعني سهى مش كتير زعلانة لانه جاي عبالها يكون عندها بنوتة حلوة مع القردين اللي مجننينها
اما ام عناد فاسمها شيرين بس لانه سهى بتكرهها بتسميها على اسم ابنها الكبير اخو مزعل

شكرا وندرز لزيارتك

abed
نور المنشر وينك انت

والله يا عبديا خوي الدنيا كلها جكر

يعني لو وقع منك اشي عالارض بتلاقية جاي بمحل ابعد من ايدك بنص سنتي

بدبرهم لسهى و مزعل لا تخاف هدول بالذات تحت ايدي

اما براء والله مش عارفة شو مالها كانت اخر فترة مكتئبة شوي و هلا سكرت الباب بوجهنا

براء

افتحي شوبنا برة

Abed. Hamdan said...

المنشر دايما منور بكاتبته وبزوارو الكرام :)

انا كنت مسافر, في فلسطين..شوفي بلوجي كتبت عن السفرة وحطيت كل الصور

وشو قصة براء ؟؟

على اساس كانت تزعل من اللي بسكرو بلوجاتهم ؟؟ لازم نعمل حملة ضدها الان

يا مدونين العالم..اتحدو

زي اللي عنجد

تحياتي ملاقط :)

Mala2e6 said...

شفت الصور حلوين كتير

حمد الله على سلامتك

براء انا كتبتلها و هية مش مسكرة البلوغ لا بس عندها امتحانات و راجعة قريبا

شكرا عبد