ينصح بإرشاد عائلي PG
ينصح بإرشاد عائلي
و بالانجليزي
PG=parental guidance
عبارة تكتب قبل بعض الافلام الاجنبية حاليا في التلفزيون
و كانهم بقولولنا :ما الناش دخل .احضر على مسؤولية اهلك
الافلام اللي بكون قبلها هيك اعلان بتكون خالية من العنف و من الكلمات الطالعة نازلة
( او هيك المفروض يعني
.اما بقية الافلام فلها تصنيف تاني ببدأ من 13+ و +18
.اما بقية الافلام فلها تصنيف تاني ببدأ من 13+ و +18
و برأيي مفروض يكون في كمان 50+ او +60..
و هي الافلام اللي بتحرض على المراهقة الستينية او الخمسينية و بتصورها كشيء حلو و ممتع و عادي.
بتلاقي الزلمة قاعد و عيونة طالعة من محلها و بقول بعقله: اه و ماله مش غلط .اباييييية.نياللللله
و مرته قاعدة جنبة بتفلفل و كل دقيقة بتقوله اقلب على المسلسل البدوي يا ابو صبحي
اضمن لها طبعا
نرجع للإرشاد العائلي
هلأ شو بيقصدو فيه؟
شو بتوقعو من الاهل يعني؟ يتركو الفيلم و يقعدو يشرحو للاولاد مثلا؟
لما كنا زغار و نحضر افلام مع اهالينا و تطلع بوسة
الارشاد الاول اللي بتزكره كان:هاي مش بوسة عنجد ..هدول بقربو الصور على بعض
الارشاد التاني :فوتي جوة
و على هالمنوال قضيت وقت طويل جوة....
و على ما اظن كلنا بعدنا جوة و ما طلعنا
21 comments:
المشكلة مين بضمن إنو الزغار يضلوا جوة؟؟
مع صرخلت الافلام الجديدة الله يعين الاولاد شو بدهم يضلوا جوة!!
sbaa7 mla2eeeeeeee6:d
y36eke 2l3afye t3bte kter blkawii :p
ya5te 3arfe 2lmathal "2lmmno3 mr3'ob"!! ma test3'rbe 2no she wld 3omro 10 snen msh m5ale filim wla moslsal mdblaj mn sharo!!
2keed ma r7 yd'l jowa wla d2e2a:d
slaam;)
والله يا فراس الموضوع صار اكبر من عبارة تخلي المسؤولية
صار بدنا تحذير وين ما كان
و هي نحنا قاعدين جوة .مالة جوه؟ حماية تامة
ولا لا؟
اهلا فراس
اهلا منى
شطورة بالكوي انتي خلص قررت تسليمك مهام الكوي و الطوي بمرتب عالي بيضل منه 50 قرش بعد خصم الضرائب و الضمان و ما شابه
اذا عالمدبلج مش مشكلة بس وين ما تروحي صار كل شي لايف يعني الاماكن العامة لازمها ارشاد عائلي
اما السينمات فالاولاد بيدخلو على الفيلم جتى لو كان 18
يعني كله بس حماية للشركة المنتجة بدون اي اهتمام حقيقي
5o qersh??!!
wllahe kter ya set mala2e6? ma bestahl 2ktr mn heek ..b3den ma tnse 2jar taxi yo5dne w yjebne l3ndk ymkn bl2a5er ysfele -500 qersh!!! wla sho rayek?:p
kolshe lazem 2ershad 3a2ele .. bs 2za 2l2hel nfshen msh mhtmen lwladhen bdk 2lcinema wla 2lmontjen yehtmo!!
LOOOOL
والله أهلي ماكانو يعطوني أراء سينيمائية هيك..
مع اني شايف الافلام الامريكيةمحترمة اكثر من العربية..بكثير, من ناحية قصة ومشاهد
الإرشاد الثالث:
يمسك الأب الريموت ويقلب المحطة على البرنامج الوثائقي
عن جد الأماكن العامة والفيديو كليب صار بدهم بلوك عائلي مش بس ارشاد
LOL
لأ هدول بتهاوشو أو بلعبو مصارعة :P
مهو المصيبة لمن نفوت الصغار جوا المصيبة بتصير أكبر إحنا بندفعهم يدورا جوا بالطريقة الغلط لو في صراحة وحرية بالتربية العائلية ما حد لجأ لجواوجوا مليان أفكار غلط مو مصدر صحيح للمعلومة الصح أبدا
mona..ma3ek 7a2 lazem il ahel yehtamo aktar w kaman bedek il sara7a il ahel lazemhom shwayet tathqeef..w bema inno btekwee w bet6wi mnee7..khaals wala yehimmek il taxi 3ala 7sabi..ray7e bass.3ashan tdali hon
عبد
طيب شو كانو يقولولك؟ اكيد جوةةةةةةة صح؟
كتير اسهل و ما بدها شرح و لا في وراها اسئلة من اسئلة الاطفال اللي بتحرج
يمكن سمعت فوتي جوة مليون مرة
الافلام الاميريكية بقولك هادا تصنيف عالي بسسبب العنف
نحنا ما بهمنا العنف ولا منفكر فية قد ما منفكر بالممنوع الاكبر
خالدة
قلبك ابيض
بيقلب و نفسة يقولنا اقلبو وجهكم بدنا نعرف نتفرج حرمتونا كل شي
اما نمت هلا نومة بعد ما قرات موضوعك والله اشتهيتلك اياها اكيد الليلة ما رح انام
:]
بكوز
انا كتبت ابسط المناظر
:D
و ادرك ملائط الصباح فسكتت
عن الكلام المباح
رد روز
هدا قصدي.اسهل اشي نهرب من مسؤولية معينة
بروحو الاولاد بسألو الاولاد الاكثر خبرة يرايهم و شوفي نوع الثقافة اللي بيحصلو عليها و نوع الافكار الغلط اللي بتنغرس فيهم و بيكبرو و بيضل جوة المكان الامن
ok 2za hek deal ;)
mzkrtesh 2she 3n 2lshay w 2l2hwi wla ma fe 2stera7et 3'ada?!!
w 2na 2a3dee hon 3la 6ol ma t5afe :d:p
ooop's!! nset 5breek!!!
2lmshro3 2le zkrto mra zba6 m3e w 2l7mdollah :)
mn 7snato 2ne ma r7 2fles w r7 2t3rf 3la nas jdad mnetshark blqeyam bf3aleyat 2jtema3eye w thqafeye w hakaza :d
mn sye2ato 2ne ma r7 2zor 2lblog fe ftrat 2lsba7 :( y3ne r7 ykon 2l comment ta3e mt25er shwi :p
2za shofet 2no bser m3e 2eshya 5arj 2kteb 3nha mnfker ne3ml blog bmosa3dtek set mala2e6 ;)
2d3ele ;)
والله ماكانو يقولو فوت جوة, بجوز لاني شب,
وبيني وبينك انا كنت اسوي حالي حدق واعمل حالي مش منبه على التلفزيون لما يشي مشهد مش منيح,
او اروح اشرب مي او اي اشي..
انا شايف الافلام الاجنبية محترمة أكثر,
على الاقل القصة بتنحضر..
يعني فلم وقح, بكون معروف من اسمه وكل شي واضح..
بس الافلام العربية, لازم يمنعوها من التلفزيون
منى
مبروك و الله يوفقك و اكيد رح تلاقي اشياء تكتبيها بعدين
ياللا بيصير دوامك هون مسائي
خصم 50 بالمية من راتبك
عبد
والله زكرتني..بقصة رايح اشرب
الافلام العربي بتفجأك بالمناظر و خصوصا افلام السبعينات
هديك المرة شفت فيلم لعادل امام و سمير غانم يعني لازمه تصنيف 21 بلس
اكيد لو حضرته مع اهلك و انت زغير رح تقضي وقتك تشرب مي
والله أنا شايف أنه مسلسل المحقق كونان بدو إرشاد أسري وعاطفي أيضا وحتى أفلام الكرتون صارت فاضحة
استاذ باتر
و مش مزح
المحقق كونان بدو زبط وربط
هديك المرة و بالصدفة المحضة(احسن ما يطلع علي اشاعات اني بموت بافلام الكرتون) كان في حلقة واحد منتحر بالبانيو و دم نازل يعني بالله الاطفال شو بدهم يستفيدو من هيك اشي و شو رح يفكروا او يعملوا؟
Post a Comment