لكل انسان من اسمه نصيب
نظرية احاول اثباتها منذ سنين
ما هي اهمية الاسم في تكوين شخصية الانسان و اختياره مجال عمله؟
هلا رح احكي عن العمل لانه الكلام عن الاسم و اهميته موضوع تاني طويل
كنت مرة بشارع الخالدي و صرت احاول احزر شو تخصص الاطباء من خلال الاسم
نجحت بدرجة 70 بالمية
كل ما شخص قال اسمه او اسم عيلتة بلاقي رابط بينها و بين مهنتة طبعا مش دايما بتزبط
للمثال و ليس للحصر
كنت اشوف محل لتصليح التلفزيونات و الستالايت اسمه ابو طبق(دعاية ببلاش ابسط يا عم) و كنت مفكرة انه اسمه هيك للتدليل على المهنة عرفت بعدين انه اسم صاحب المحل
***
طبعا في اسماء عائلات نتجت عن عمل الاجداد بمهة معينة متل عيلة نجار و حداد مثلا اظن _و هذه نظريتي و قد تكون خاطئة_ ان اولاد العيلة عملو العكس و ابتعدو تماما عن الاعمال التي تشابه اسم عائلاتهم
(لن اعيش في دشداشة جدي سيندروم
يعني صار عندهم رد فعل معاكس
*******
طيب لو جينا للمدونين هون و شفنا شو ممكن يشتغل كل واحد حسب اسمه او حسب عنوان مدونته شو بطلع معنا؟
جراحة مخ و اعصاب/طب عام و امراض داخلية
نساء و توليد
جامعة وارسو\امستردام
معتمد من وزارة الداخلية
***
حاصل على شهادة ايزو9005
بادارة المعلم فارس و اولاده
لحام و اكزوزت جديد
كوري ياباني امريكي
يو نيم ايت
***
بادارة الدكتورة حلا طه
جامعة عين شمس\القاهرة\عمان
نظاراتي قانوني
عمان البلد _خلف محمص ابو رعد
***
بصارة براجة
قرأة البخت و فك المربوط
وجلب الغائب حل الكرب
تاروت و قرأة افكار
انترنت و تداول اسهم
عبدون_لندن_نيويورك_باريس
***
تعقيم بالاوزون و الكلور و النفتالين
معبأة اليا و بافضل الايدي المهرة
الجبيهة_مقابل الدوريات الخارجية
توصيل الطلبات للمنازل
شعارنا: لا تشرب من البلدية بتنام نومة هنية
اشرب مياه بكوز ازكى من الجوز و اللوز
***
تزيين صالات افراح و سيارات
توريد ازهار للاشارات
شعارنا: بائع اشارة لكل مواطن
حدائق الملك عبد الله قرب الكازية
***
من السويد و سويسرا و بلجيكا
مع كفالة 3 شهور
البضاعة المباعة لا تسترد و لا تستبدل
امكانية التقسيط عن طريق بنك سوسيتة جنرال
بأدارة الانسة رشا
***
اطقم جاهزة و تفصيل
كراسي مفرد
افضل انواع البامبو المحلي من الغور الى مصانعنا
شعارنا: لا تقولي ميداس ولا دانيني
الحج حمدان هوة اللي بعيني
***
بادارة المعلم موي و شركاه
اصحاب العلامة التجارية المميزة
you hyperventilate..we supply the bags
عمان_المنطقة الصناعية
جملة و مفرق
***
اكلات شرقية و غربية
عود و طرب اصيل
ارجيلة و معسل
بأدارة الشيف التايلندي و بمصاحبة اوركسترا اولاد الحارة
عمان_قرب المطعم اللبناني ما غيرو
***
دراي كلين
غسيل على طريقة ستي و ستك
امكانية الكوي ايضا
بادارة المعلمة ملائط
شعارنا:لا تغسل ولا تنشر لحد ما لاواعي عنك تقشر
*****
سيارة الحج عمر تجوب المناطق
"ياللي عنده تلاجات غسالات ماكينات خياطة غرف نوم ايبودات لابتوبات رامات
ماذربوردات بروسيسرات للبيييييييييييييييييييييييع
قص و صبغة و سشوار ب 5 دنانير لحامل هذا الكوبون
في صالون عمر طلعة الخيام\قرب بوتيك مجحم
24 comments:
hehehe :d wllahe betd'7ek !!!
bs sheklo st3'nete 3n 5dmate blkawi w te6waiet 2l3'asel ??
2za bdk 2yane 2b3tele 3aqed 3amal 2waq3o ,ok??
ma 2lzeeek :d:d
LoL
LOOOOOL !!!
ياخوفي تكوني واحد من اصحابي متخفية بمنشر غسيل نسائي !!
امم
والله من زمان نفسي عربجي او بياع بالسوق..مش عارف ليش بس برتاحش الا فالحواري والبيئات السوقية
...
خليتيني اعيد النظر بشغلات كتير..بالله شو قاعد بضيع وقتي بالجامعة !!
امممممم
فرصة اخلي السيد الوالد (ابوي) يقرا كلامك
LooOoL walla lazem et2lfe ektab enti '3er yenba3 3alla elsare3
كان عندنا دكتور في كلية الزراعة اسم عيلته " ابو البندورة " كما اظن، بس في نفس الوقت في ناس ليس لهم من اسمهم اي نصيب، مثلا يكون اسنه شريف وهو عمره ما شاف الشرف، أو نبيل وهو يستعيذ منه الخبث وهكذا
صباح الخير منى
تم ترفيعك و صرتي مدير فرع المنشر في الضفة الغربية و ضواحيها
ياللا ابدي بالنشر و الكوي
بالله في شغل بالعالم بتترفعي فية بيوم؟
جاد صباحو
بس كيف المطعم الجديد؟
ممكن تعملو بالنهار اراجيل و العصر كوكتيلات و بالليل مطعم و ممكن تأجر الكراسي للافراح كمان
عبد صباح الخير
انت كمل جامعة و جيب شهادتك و بعدين افتح محل تنجيد كراسي سيارات
غود مورنينغ بوكة
كتاب
فكرة
و اعمل حفل توقيع.. و ما يجي ولا حدا ..
و اسمية
الدليل الجامع لمهن الشوارع
ابعتلي ظمة ورد من جنينتا
اخ فراس صباح الخير
بتتزكر شريفة فاضل المطربة؟ كان عندها كازينو الليل بشارع الهرم
بتتزكر الزلمة القصير كتتيير كتير اللي راح يشهد بالمحكمة و بعد ما حلف يقول الحق ساله القاضي شو اسمك
قاله: نخلة
قاله القاضي :بلشنا نكزب؟؟
النظرية قابلة للخطا طبعا بس عم تسليني كتير كل ما اشوف حدا بلبق له اسمة على شغله
good morning :)
ya hek 2lsho3'ol ya blah :d sort moderet fre3 byom wa7d:d lool!!
w 2na blshet blkawi :)
bs ... sorry 2na msh sakne bld'afe, 2na fls6eneye mn da5el 2l5a6 2l25d'r (3rb 48):)
bs msh mohem bl2a5er fls6eneye ;)
mona tayyeb ma howeh ana 2oltelek il deffeh w dawa7eeha..ba3d bokra betseeri modeer fere3 cyprus..sho bte3mali hon hal2? mish 2olti 3endek dwam?
dawami beblesh b 23/9 (yom 2lsabet) w msh 2ked :(
2lsol6a 2l3olya (mama w baba) lissa ma wafa2o l2nd'emame lhad 2lmshro3 :"sebek mino", "md'y3a llw2et"....
b3dne ma rmet kol 2wraqe w 2za ma nef3o b3ml 2nqelab nshalah :)
cyprus mne7a kman ;) 2 promotions in 2 days :D lool
مية بكوز: من الكوز للبوز
:D
hahahahaha
منى اذا الموضوع عاجبك عنجد و حاسة انك بتقدري تستفيدي و تفيدي فاظن بتقدري تقنعي اهلك يعني ممكن تعطي نفسك اكم يوم كتجربة و تشوفي
بالتوفيق انشاء الله
bakkouz
iza 3ajbak mawdoo3 il may ba3teek 7aq il tashgheel..
meoy
alla ydeem 3alik il do7keh ya rab
LOL
Bassarah?????
hehehehehehe
Bassarah khaybeh b3eed 3annek :P
khaildah..
we can do it together.all we need is :
some college girls to spread the word.
some stuff like lights,kharaz azra2 w a7mar,w shwayet bakhour..and someone from the police to cover up.. ;)
اكم تبصيرة ما بتخيب _بتزبط عالكل
قدامك طريق
جاييكم ضيوف
في وحدة بتحسدك(كل وحدة في وحدة بتحسدها)
في وحدة حامل بعيلتك(كل عيلة فيها وحدة حامل
انت قلقانة بس اللي بدك ايه بيصير
و هيك تفنيص
و مننعنش يا خالدة و منصير اشطر من ابتسام
يما
رايحة انام
yiiiiiiiiiiiiiii alla yakhodni inshalla..z3elt minni ya omar?
w hay edit 3ashanak..
:)
hehehehe 6aieb ma7al basareyat w fhemna , 6aieb kamly ma3rofek w khally fi makan 3edel , darory elbalad ya3ny ?!! :-)
bs 3ajbatny azhar w ashtal bukah heheheh
jd ennek mo 6abee3eyyeh :)
7ala..
انا اعطيتك موقع بحلمو فيه اوبتكوس شامي و اوبتكوش الاردن .هناك الشغل
هلا بعمان الغربية يمكن تجيلك بيعة نضارات شانيل باكم مية ليرة بس تحت هنال الناس زي النمل يعني بيع كتير اكسب قليل و الدين ممنوع و العتب مرفوع و الرزق ع الله
والله يا ملائط أكون دكتور مستحيل لأنني بأكره الدم وأنا درست أربع سنوات بكالوريوس تحاليل طبية من غير ما أسترجي اسحب عينة دم واحدة وبعدين درست ماجستير في البيئة علشان أبعد عن الدم تماما ولكن فكرة الدراسة في أمستردام رائعة لأنها أحلى مدينة في العالم وأنا زرتها لمدة 4 ايام لكن بدها 4 سنوات حتى أشبع منها.
استاذ باتر
انا كمان مستحيل اكون بمهنة طبية
الها ناسها و انا مش منهم فا فاهمة قصدك
نفسي اروح على امستردام رحت على محات كتير باوروباو كان حلو كتيييييييير
كاننا عايشيين بكوكب تاني
لون الحشيش هناك عنجد اخضر مش اخضر على بني
وقال شو بقولك: خظرة يا بلادي خظرة
مع هيك عمان بتضل بقلبي احلى من كل العالم
Post a Comment