February 18, 2010

زفة جرة غاز

اللي بينسخ  يذكر المصدر  والا سألاحقه في المحاكم حتى اخر نقطة سولار في دمي
 ==================

اويها يا جرة ما في منك
اويها رفعوا سعرك ما يهمك
اويها بعشرة رح تصيري
اويها ما حدا عارف يلمك

لولولليييييش

اويها يا حامل الجرة على كتافك
اويها و حبك كل من شافك
اويها و تدلل يا ابن الحلال
اويها الصبايا على ضفافك
لولوللييييييش

اويها يا جرة مهرك غالي
اويها كل ماله بطلع بالعالي
اويها و انا عليكي مجبور
اويها بشتريكي بكل مالي

لولولليششششششش

اويها شوي شوي يا حكومة
اويها ما ظل بالجيبة شلومة
اويها و بدي اعملكم مفركة
اويها افركوها بلا عزومة

لولوللولييييييييييش




معاني الكلمات
عشرة: عشر دنانير
دينار: عملة اردنية تسملى مرات ليرة للتقليل من اهميتها
(يعني لوبدك تنزل سعر اشي بتقول بخمس ليرات و لو بدك تضخم اشي بتقول بنص دينار

كتافك: جمع كتف و هو المكان من جسم الانسان اللي بحمل عليه الاشياء
متل الرأس الاكياس و الهموم

ضفافك:جمع ضفة و هنا شبهت الشاعرة بياع الغاز بالنهر الغزير لانه يحمل معه اشي غالي

مهرك: المهر هو المال الذي يدفع للعروس قبل الزفاف
و المهر عادة يكون مبالغ فيه فالعروس يكسد سوقها ما عدا هاي العروس

بالعالي: يعني كل ماله ما بشفط لفوق

مجبور:على وزن مفعول و هي من الجبر و يقولون جبر فلان على الشيء يعني خاوة

حكومة:لا يوجد لها تفسير في المعاجم القديمة لانها لم تكن موجودة
و لكنها على الارجح مجموعة من الناس تتحكم بناس تانية و من هنا اجت كلمة حكومة

شلومة: جمع شلم و هو الخمس قروش عملة منقرضة ايلة الى الزوال

مفركة: طعام مكون من بيض و بطاطا و حيانا بتنجان او بندورة
افركوها:الضمير غير عائد على المفركة


8 comments:

NewRise7 said...

أويها... وبالحنة يا حلوة جيت احنيكي
أويها... يا الراس المشعل والحلى كلو ليكي
أويها... مابتلبق العشرة إلا ليكي
أويها... يا لجرة زينة العرايس للغاز أفكك وأوديكي

لولولليششششششش
وبالنسبة لبياع الغاز

سبل عيونو وماد أيدوا يحنولو
غزال زغير بالمنديل يلفولوا

تسلم ايديكي على الموضوع

Mala2e6 said...

هاهاها حلو كملي

شكرا للاضافة
و اهلا نورتي المنشر

Whisper said...

اويها يا شحارنا يا شحارنا
اويها و الغاز غلي يا جارنا
اويها و...

.
.
ما في امل...ما في موهبه :"(

بطلت العب :$

Mala2e6 said...

الامل دايما موجود بديتي حلو كتير
بس بتيأسي بسرعة

حاولي مرة اخرى

:D

Dino$ said...

zaman ma salamt 3alieeekii!!! :) just wanted to say hi i mentioend u in my last post

Mala2e6 said...

بدون قصد محيت تعليقات كثيرة من هنا
انا بفكر بمحيها على الليست
البلوجر تغير علي و كنت بجرب
بعتذر لاي شخص انا محيت له تعليق

Mala2e6 said...

Dino thank you so much...

:)

Mala2e6 said...

هذه التعليقات تم حذفها بالغلط
طلعتهم من الايميل

اسفة يا جماعة

11/8/2010 غريب الدار

هاهاههاها

مع ارتفاع سعر الطماط
اكيد في أيوييييها

:)

تحياتي

jumana (http://jumana.wordpress.com/)

Ramadan Mubarak mala2et :)


Rana Al Sha'bani

يسلمو إيديك كتير حلوة.. ولا حول ولا قوة إلا بالله.

__________
sharar
ههههه
بس لو سمحتو تعطوني الجره الي زفيتوها " والله بتساوي ثروه "\
ابداع

Haitham Seelawi
Mala2e6? You vanished as well? Sho shklo fe monathama 2rhabea bto56of el bloggers el2odama?!!!

whisper
وينك يا حلوه؟؟؟
اشتقنالك كتير
مر رمضان و خلص العيد و بنحكي هلأ بتطل, هلأ بتبين لكن ما في مجال شكله :(

كل عام وانت والاهل بالف خير و ينعاد عليكم بالصحه والسلامه يا رب

لا تطولي الغيبه
وي مس يووو


NasEr

lol. love it, keep up the good stuff


hi Mala2et ... how are you? 2/11/2010

Jumana


Mohammad Bahloul 2/24/2010
As usual mala2e6 2bda3ty ... really to the point .... 2555 ya jaret el gaz sho saweety feena ... :(


orangee 2/21/2010

لا رفع لأسعار الغاز ....كلها اشاعات ....:))))


Farah Batarneh 2/19/2010

llooooooooooooooooooooooool !!
i liked this !!
wallahi iza kol she byertfe3 se3ro ra7 nzef kteer !
bs el eshi el wa7eed elli mma r7 yrtfe3 se3ro o ma ra7 yenzaf b 7ayato howwe el SHA3B !! :D


sharifo 2/19/2010

إحنا كمان وضع الغاز عنا بالفشنكح !!
بس المنيح بالموضوع إنو ما رفعو شعر الغاز عشان مش موجود من أصلوا !!

و على قولة المثل
أوييييييييها
وين ما بنشوفك على البطاطا ؟