Movie Review 2012 ريفيو فيلم
فيلم 2012 عن نهاية العالم
الفيلم يرتكز على اعتقادات المايا
و حسب روزنامتهم انه العالم سينتهي عام 2012
المخرج عمل اكمن فيلم قبل هيك كلهم كوارث و مصايب
يعني ايدوا ماخده عالوضع
نزل الفيلم من يومين في سينمات عمان
الفيلم من ناحية تقنية سينمائية عالي جدا
مؤثرات اشي رهيب
يعني صارفين عليه
اكيد رح ياخدله شي اوسكارين على القليلة
هلا من ناحية دراما و قصة
ما حسيت انه غريب عني لانه شفنا كتير افلام عن نهاية الكرة الارضية من قبل
الفيلم يبدا في الهند عام 2009
و عالم هندي يكتشف انه حرارة الارض كتير زايدة عن حدها
صفعة على وجه علماء الامريكان
طبعا الخبر بيوصل بسرعة لرؤساء الدول و يبدأ التعتيم الاعلامي
الناس مش لازم تعرف انه العالم سينتهي بعد سنتين
و تبدأ مفاوضات
انت كمتفرج بالاول ما بتعرف لشو بس بعدين بتعرف
انه ثمن التذكرة للشخص مليار
مش دولار متل ما قال الثري الخليجي
مليار يورو
يعني لازم تبداو تحوشو شوي
رئيس الولايات المتحدة المفروض اوباما بس عل اكبر بالعمر
شكله مسكين رح يشيب من هون لسنتين
طبعا فكرة انه الرئيس الامريكي اسود
من تنبؤات نوستراداموس
عن نهاية العالم
***
بطل الفيلم جون كوزاك
كاتب شبه معروف بيشتغل شوفير ليموزين
كالعادة هوة ومرتة مطلقين
و كالعادة مزبطة حالها مع واحد احسن منه
جراح تجميل
العالم بتشوفة قدام عينك بيتشقلب
و جون كوزاك البطل الاسطوري يطير
بالليموزين و ينفذ كل مرة من التدمير
و بيحجز طيارة
و الطيارجي بيستناه
مع انه العالم بيتدمر
بس مش غلط يطلع بقرشين
بس المسكين بيطلعش
و بقدرة قادر جراح التجميل بيصير طيار ماهر
يعني المخرج عشان ينقذ عائلة بطل الفيلم
موّت اكمن الف
و دايما في كل فيلم امريكي بتلاقي وحدة هبلة رح تقتل البشرية عشان تنقذ كلب
مش عارفة ايمتى رح نخلص من هالمشهد المعفن
و مشهد معفن تاني بيذكرك بكابتن ماجد و رابح
لما توقف الطابة على اجره و يتذكر كل حياته
بيكون مش باقي الا ثواني
ولازم البطل يتحرك لانقاذ البشرية
بيوقف
بيبوس مرته
بيقول اكم حكمة لابنه
بيشجع بنته
و انت بتكون بدك تنط جوة الشاشه تترفشه
***
العالم سينتهي
القشرة الارضية ستتحرك
القطب الشمالي بيصير جنوبي و افريقيا بتصير اعلى من الهيملايا
المحيطات بتتجمد
و البحيرات من الحرارة بتنشف
و لاجل انقاذ البشرية او على الاقل جزء من البشرية يتم انتقاء اشخاص معينين لنقلهم في افلاك
و الفلك هو مثل اللي عمله نوح زمان برضه لانقاذ الجنس البشري
على فكرة ابن جون كوزاك بالفيلم اسمه نوح
برايي الشخصي
هيك تلميحات بتكون في افلام غامضة اكتر
هدا الفيلم واضح المعالم
و نحنا مش بحاجة للتذكير انه كارثة مشابهه حدثت قبل الاف السنين
بس افلاك عام 2012 متطورة جدا
فيها كمبيوترات و متصلة بالاقمار الصناعية
عشان هيك بتلاقي اللي معه تلفون ساتلايت بيضل يقدر يستعمله
فما تقولوا يا سلام كل العالم تدمر و التلفونات شغالة
طبعا الاشخاص المختارين هم من العلماء
مش غلط
و من الباحثين
برضه مش غلط
و من اثرياء العالم
عشان يمولوا المشروع لازم يدفعوا مليار يورو لتذكرة الفلك
غلط؟
و طبعا في النهاية الحكومات و رؤساء الدول
اوكي
فكرو بالموضوع شوي
العالم رح يتدمر و يتشقلب
بس نحنا رح نحمل معنا للعالم الجديد
رؤساء و حكومات دول
و اثرياء العالم اللي حاليا مكروهين
ركزوا
هدول الناس اللي بدك انت كناجي من التدمير تعيش معهم
هدول الناس اساس الجينات الادمية اللي رح ترجع تعبي الارض
المهم
الفيلم فيه مشاهد شفناها قبل في افلام نهاية العالم المشابهة
متل فيلم
Deep Impact
برضه رئيس الولايات المتحدة بيكون مورغان فريمان
مشهد ام بتترجى المختارين للنجاة ياخدوا اولادها و يتركوها
يختي يعني يسعدلي جيناتك اللي بدك ترميها للمستقبل
مشهد تاني
اب بيقرر بعد جفاء سنوات معا بنه و بعد ما يعرف انه العالم سينتهي
يقرر يحكي معه تلفون
طيب يا باشا ما انت كان ممكن تموت اي لحظ ولا ي سبب
ليش الانسان يستنى ليتصالح مع ناس بيحبهم
مشهد التسونامي او الموجة الكبيرة تهجم
و الاب يعانق الام و الطفل ليموتو بهدوء
النتيجة الفيلم حلو
بيخوف؟
نعم
بيخوف اكتر من فيلم زومبي
او دراكولا او ابومنشار مصدي
ببساطة
لانه ممكن يصير
في استراحة يمكن عشر دقايق
الناس طلعواكلهم من السينما يدخنوا
مع انه التدخين ممنوع
انصح بمشاهدته؟
نعم بس احجزوا قبل بيوم لانه السينمات معبية على الاخر
و يا ريت اللي بحضره يكتبلنا شو رأيه بالفيلم
15 comments:
بس نفسي اعرف شو بتشتغلي تا كل يوم بالسينما!!!
ما شالله كيف بتلحقي عليهم هادول؟
مش كلهم بالسينما
في اشياء دي في دي
:D
this sounds like a terrible movie..thanks for the review so i do not go and see it.
مرة كنت أحظر فلم يوم الخميس مع ابن عمي ايام عمان القناة الثانية
اول 3 دقائق بالفلم كان مشهد واحد واقف بنص عتمه ... قال ابن عمي: هسا بنضرب على راسه بحديدة و بموت .. وما كمل كلامة والا الزلمة عالأرض .. بعد شوي بمشهد ثاني جابوا الشرطة بحققوا بالجريمة .. فرد ابن عمي قال .. الفلم كله تحقيق بالجريمة و بطلع الضابط هو القاتل
و بعد ساعة و نص مشاهدة صار بالضبط زي ما قال و كله بفعل خبرته بالافلام اللي ما كانت تيجي الا مرة بالاسبوع على عمان الثانية و من قبل 18 سنة
اللي بدي أحكيه انه الافلام الامريكية 99% منها ما فيها اشي جديد .. و بقدر اسميلك 10 افلام مش بس بتحمل نفس الفكرة و فيها تفاصيل نفسها مكررة هون بدون ما اشوف الفلم
the core, the day after tom., Armageddon, .. you can name the rest ..
بكون العالم بكله بصلي للخلاص بينما الامريكان بشتغلوا بالعلم لانقاذ العالم
و بكونوا الاشخاص مختارين بنفسط الطريقة
بالاضافة للتفاصيل المكررة اللي ذكرتيها
يعني اللي بده يشوف هيك افلام يحط بباله التسلية فقط
I watched it yesterday. In the U.S. they don't have a break while the movie plays but since the movie was too long many people took their own break to answer the mother nature.
May be they should start the 10 minutes break in US theaters instead of blocking the screen by passers every 10 minutes. By the way, nice review of the movie. The CGI of the movie was the best.
Summer: the trailer can give you an idea .odrobi b 20 w haik kol il film..bas sara7a mish ghalat tshoufee..
Amjad:
انا اللي بيحضر معي فيلم بيكره حياته
بتصدق بحزر الحوار
مش بس الاحداث
كنت اتمنى انه هدا الفيلم يكون مختلف
يعني بالحياة العادية لو صار ربع اللي بالفيلم
الناس بتعملها تحتها و بتنجلط فوقها
و كالعادة العرب بصورهم بطريقة
يعني صحيح فيه منه
بس بتنقهر
نفسي احضر فيلم يفاجئني
عشان هيك بحب الكوميدي
Jarrad:one day we'll see movie all done on computers,i think they started doing that already.
thanks jarrad for passing by.hope to see you again
Mala2eeeeeeeeeee6 ghaseeeeeeeeeeeeeeeeel :-D
Anti honaaaaaaaaa!!!
Had lessa ma nezel DVD (-.-)
dawwart 3aleeh o 2aluli ma nezel :-S
o elsara7a el sara7a m5abbyeh masreyyati mshan New Moon :-p
Bs wallahi el shetan 3m beda3'de3' afkari enno me7rez 2a7daro!!! fekrek???!!!
nanarrrrrrrrrrrrr miss uuuuuuuuuuuu ..i saw this in the cinema ..mish ghalat tshoofiii..ya3ni read the review,the best thing in the movie is the computer generated images ,u'll enjoy that..ba3dain ibdi 7awshi la new moon :D
(illi besma3 be2ol ray7a te7dari b los angeles)
هلوووز ملائط
اول شي الف سلامة عليكي, انا هلا قرأت بوست ات 1 ان 1, الف سلامة
بالنسبة لريفيو الموضوع, انا قررت احضر الفلم بعد الريفيو تبعك
رحت مبارح حضرت الفلم, السينما معبية ناس والفلم طويل كتير
نيجي للمهم, الفلم متعوب عليه صح, وبصورلك شي ممكن يصير بأي وقت بالنسبة لوجهة نظرنا الدينية, بس انا انتقدت موضوع الفلك ونجاة العلماء ورؤساء الدول والأغنياء كمان والحيوانات, يعني كفكرة ممكن تكون مبالغ فيها كتير
الموضوع زي ما حكيتي فيو غموض, عم بحاولو يعيدو سيناريو سفينة نوح بشكل متطور
طيب سؤال, هلأ كل اللي صار بالعالم غرّق كل القارات ماعدا افريقيا؟ وبعدين خلص هيك كل شي بوقف وبتعطي اشارة لبدء عالم جديد من افريقيا؟
ع كل حال, الفلم حلو كفكرة وسئ كنهاية لانها مش منطقية لا من ناحية عقلية ودينية كمان
تصوير العرب المشين هي الفكرة اللي بشوفوها بدول الخليج, بدو ومصاري وتخلف (من منظور غربي)
طولت كتير
اسكدنيا
يا مليون هلا و شكرا الك
شفت بالله
طيب الارضرايحة و بدها تفقع و نبدا من جديد بيجيبولنا لمم الارض القديمة؟
صراحة انا بفضل اموت بأرضي ولا بروح معهم
هوة مش افريقيا اللي ضلت
افريقيا صارت اعلى منطقة بالعالم بدال الهيمالايا
كل شي ضل بس تغير
i hated this movie soooo much, it's really silly and meaningless, a prefect example for covering bad story with high tech effects.
it's just a waste of thee hours of my previous life :(
helo .. mala2e9 .. wallah ta7leel wake3i lalfelem .. ma3lesh ana met2a'7er shway .. bas besara7a ele shadni lal mowdoo3.. inek olti fe 10 daka2ek break .. which cinema is this ..?
o bakoon mamnoonek o elek 3alai shwayet mala2e6 blastic ..
perfecto..sorry for the late reply..ana sayreh kaslaneh :S
what you said is true 100% w ana ma3ak..i just loved the effects
i am sorry for the late reply the movie was in Prime cinemas barakeh mall but i don;t know if it still running
thank you for passing by zuzikabdo
Post a Comment