ريفيو افلام مشكّل 2009

كما عودكم المنشر اليكم ريفيو اكمن فيلم من افلام 2009

نبدا بفيلم عربي عشان ندعم بس

فيلم الف مبروك لأحمد حلمي

الفيلم مقتبس عن فيلم غراوند هوغ داي

Groundhog Day

مع شحطة من ذا باترفلاي ايفيكت

The butterfly Effect

و هؤلاء من افلامي المفضلة و ما بزهق لو حضرتهم مليون مرة

و عشان هيك قلت احضر العربي

اشوف هل كان الاقتباس جيد او لا

من ناحية انه فيلم مقتبس فهو جيد

اي انه الاقتباس كان للفكرة و المخرج قدر يضفي على الفيلم الروح العربية

فلا تحس انه مقتبس

لكن

لانني بعرف الفيلم الاصلي فهمت العربي بسرعة

يمكن لشخص ما حضر الاجنبي ياخد وقت ليستوعب شو عم بيصير

طبعا بيكون راح نص الفيلم

الفيلم يبدا يوم زفاف احمد حلمي

و تدخل امه بالزغروتة و تتابع الاحداث لينتهي اليوم بوفاة البطل

طبعا لان الفيلم يعطيه فرصه ثانية فهو يحاول تغيير الاحداث حتى لا ينتهي النهاية الماساوية

و من خلال تكرار اليوم في حياته بقدر يتعرف اكثر على نفسه و على المحيطين به

اشياء كتيرة كانت تعتبر من المسلم به في قاموسه

والده و عمله امه واخته و صديقه

ما رح اقول نهاية الفيلم لكنه فيلم جيد جدا

مع انه نزل بنفس وقت فيلم طير انت لاحمد مكي الذي يعتبره الكثيرون منافس لحلمي

( مكي مين جنب حلمي ..يروح يطير)

و اعتبروا ان فيلم طير انت المقتبس ايضا عن فيلم ليزهيرلي "بيدازلد"

Bedazzled

احسن منه

لكن انا اعتقد ان فيلم حلمي ناجح بالمقاييس الانسانية و السينمائية

الفيلم الثاني: زوج الام

The StepFather

بطولة ديلان والش

(تبع مسلسل نيب تاك nip tuck

و سيلا وارد

الفيلم لسة ما نزل عالسينما و هادا الفيلم انتج مرتين قبل هالمرة بنفس الاسم

عن رجل يتزوج من نساء مطلقات او ارامل مع اطفال ليكون العائلة التي في خياله

لكنه دائما يقتلهم و ينتقل للحياة الى ولاية اخرى مع ضحية اخرى

الفيلم ليس به ي نوع من المفاجات

يعني ممكن تتوقع الحدث القادم بسهوله

نظرات الرجل للجارة الفضولية

بتعرفو على طول شو ناويلها

يعني كل احداث الفيلم سهل التنبوء بها

انا صراحة ما عجبني بس طبعا

يمكن يعجب غيري

الفيلم 3

الحقيقة البشعة

The Ugly Truth

فيلم لزيز لكاثرين هيغل و جيرار بتلر

يدور في اجواء التلفزيون و البرامج الصباحية والتصنيفات المتدنية

و كاثرين هي المنتجة تكون ضد تعيين مايك تشادوي(جيرار)

لانه لسانه زفر و اكتر من زفر ونسوانجي

لكن طبعا بيجي عالمحطة و بيحقق نجاح على مختلف الاصعدة

و ما بدي احرق الاحداث

الفيلم غير صالح لمن هم فوق ال 12 و تحت 75 للالفاظ الخارجة

(اللي تحت 12 احتمال ما يفهموها فبحضروا الفيلم عادي

اللي فوق 75 لو فهموها بس بيطلعوا من الفيلم رح ينسوها

الفيلم الرابع:نشاط خارق للطبيعة

Paranormal Activity

مكتوب على بوستر الفيلم انه اكتر فيلم مرعب

هلابتعرفوا ليش

فيلم بيبدأ بشاب بيزبط فيديو كاميرا عشان يتركها تصور لانه

صاحبته بتحس انه في اشياء بتصير بالبيت الجديد و هم نايمين

اول احساس بتحسوه انه رح تنحولوا

لانه التصوير كانه تم بيد طفل عمره 4 سنين

الكاميرا بتضل تطلع و تنزل

لتعطي انطباع انه هدا فيلم تصوير منزلي اصلي

المهم بيضلوا يحطوا الكاميرا بالليل ليعرفوا شو بيصير

و بتصير شغلات غريبة

الحلو بالفيلم انه مش متل الافلام المرعبة

اللي بيطلعولك شبح او شكل مرعب عشان يخوفوك

لا

هدول بيتركوك انت تتخيل شو اللي ممكن يكون موجود

طبعا بتصير اشياء بترعب

بترعب لانه ممكن تصير لاي واحد

مش اسد مثلا او شبح مجدر

او لعبة بتفوت فيها و ما بتطلع

المرعب انه فيلم هاديء بيصور اشي ممكن يصير

اذا بتحبوا هيك افلام و ما بتزهقوا تشوف ناس نايمة و عداد الساعة بيقلب رح يعجبكم الفيلم

****

الفيلم الاخير: حياتي بين الانقاض

My life in ruins

طبعا في هنا لعب بالالفاظ

الفيلم بطولة نيا فاردالوس

بطلة فيلم ماي بيغ فات غريك ويدنغ

my big fat greek wedding

و كوني و كارلا

بتكون تعمل كمرشدة سياحية في اليونان

طريقتها جافة مع السواح

يعني بتسمع الكلام تسميع و كتير حازمة

و من ناحية تانية في مرشد سياحي تاني

بياخد الباص الاجدد و السواح الاحسن (برأيها) لانه محبوب اكتر

طبعا حياتها بتتغير من ورا الرحلة لما يساعدها احد السواح

ريتشارد درايفس

وسائق الباص على تغيير طريقتها

و بتتغير كل حياتها وبتتخلى عن تزمتها

الفيلم لزيز و نغش ومناسبة تقضوا وقت باليونان

و من الافلام اللي بتحضرها عشان تتسلى و ما تشغل مخك ابدا

اتمنى يكون الريفيوعجبكم