موظوع مزوزك جخة
و شو بدكو بطول السولافة
هظول الربداوية هبروني
ف اني قلت اعملهم موظوع ربداوي مزوزك مهندز
الشغلة مش دوشرة
و المنشر يستنكر الاتهام
و اني هسعيات بدي امزط من هالسولافة
مش بسفط راحة
لأ
بفيديو كليب لمطرب الشمال الاول
توفيق النمري
و اخر لعمر العبدلات
***
شملّت و النية اربد
قلبي عليها متعود
و اجبد
34 comments:
كتير حلوين الفيديوهات!! يسلموا أيديكي...
notice the time stamp on this comment!! i hate being jet lagged...i have been up ALL NIGHT...I am going to be a walking Zombie today! :(
ها؟؟ شو بتقولي ؟ لويش الصور مي واظحة
sumoor
ya3ni you were awake w ana awake w ma shoftek?
:(
thanks summorty
qabbani
اني فكرت انك تصتهج
مش قاعد بلب الموظوع و بتقولي الصور مي واظحة
what is the meaning of "2jbed"?
kan lazem toktobi tarjameh lal 7aki :P
gardenia and sharkooseh
i amw aiting for someone to ytarjem.i dont know what ijbed means i just hear them say it..maybe like when u say aywaaa..imza3.hal2 bas yijo il rebdaweyeh we'll know
:)
Ya welli ta7sheesh mn ela5eer :D :D :D...
Ana 9a7 irbdaweh>>>bs aoal marah bsma3 be Tawfeeg elnemri..Allah wakelek s2lt el waled l3reft,,,Thanx coz 3refteni 3la a7ad elm3alem el erbedaweh :P
loool 3la amzo6 w mzozak w emhandaz wala ani ya doop a3refhom
walah ino post coooool
bs bedek testani Mayassi ao Amjad mnshan "Ejbood" hai,,,wala ma b3refha,,,ma bt3'ashman...3njad ma b3refha...Mala2e6 bedna o3'neh teshla5 shale5 la 7seen elsalman>>>ahh ba3jbek walao <3
بتعرفي السنسلة والحنت
hehehe
yeslamooo 3l post el erbdaoyi
اقضب ... شو هاظ المكتوب هون ؟ عن مين بتسولفي؟ والله لألبدلـتش ورى مكة مول وأذربتش دبشه بس تمرقي من هناك
الحصان العاقط .. في شرح مفردات
ملاقط
و شو بدكو بطول السولافة
بدون حكي كثير .. من الاخر
هبروني
هروني .. وجعوا راسي .. عملولي مشاكل مع داد و موم
مزوزك مهندز
يعني مزبط على الايتيكيت ..
مثلا اذا جو ..بوكل ( بياكل) السوشي بايده معناها مش مزوزك
الشغلة مش دوشرة
الامور مش سايبة .. و الاشياء مش فلتانه .. يعني فيه رولز .. مثلا لما ميرا بتروح عستار بكس .. ما بصير تسحب كرسي عن طاولة ثانيه .. لأنه الشغلة مش دوشرة .. والكرسي محجوز لميمو
هسعيات
بالنابلسي: هالأيته يعني
انستانتلي
الآن .. هسع
امزط من هالسولافة
أمصع من المشكله
أطلع منها براني
مثلا .. لما سوسو و فوفو بدهم يروحوا عالدونز كلب و ما بدهم ريكو يروح معهم .. بكون ريكو رابطلهم عالباب بستناهم ..
بيجوا بلفوا من ورى الدونز و بنطوا عن السور مشان يمزطوا من ريكو
.. زي ما كنا نمزط من الحصة الأخيرة بالمدسة
ممكن كمان الواحد يمزط من الشرطة .. لما يكون مخالف
بسفط راحة
الراحة .. نوع من الحلقوم
سفط ما الها جذر .. يقال انها الكلمة الوحيدة الباقية من حضارة الأطلنتيس .. أو في تفسير آخر وقعت مع نيزك و اجت باربد
مثلا: هاي جو .. بليز جيب معك سفط توبليرون عشان الموفي
اجبد
مصلح للتعجب: ياااااااي .. واااو
اوه ماي قود
مش معئوووول
بلّ
لمزيد من المعلومات أطلبوا
1800-any-min-irbid
الله يعطيكي شوال عافيه
ههههههههه حلو ,بس لولا انو في تنكيس لألنا
.......
حضري بوست للمعانية تراهم بحبوش الربداويه
سبقني امجد ... ممم اضيف و على معني
اجبد على فكرة في بلوجر سئل عنها قبل هلمرة معنها
إجبد , يجبد جبدا , فهو جابد , و مجبود به او عليه
يقال : جبده جبدا اي نهال عليه بقوة
و يقال ايضا جبدنالك سدر منسف من الأخر يعني ما خلينا منو شي
و يستخدم لتعجب ايواااا أجبد يا معلم
, و التشجيع في طوشة مثلا
اجبدو تخافش اجبد
للسخرية
شووووو جبدك الإستاز
للتعبير عن الهزيمة
اسكت اليوم البورصة نزلت و انجبدنا فيها صح
شكرا للاضافات قباني ..
بس احنا بنحكيها بضم الألف و الباء .. و بعمان بحكوها بكسر الألف و الباء .. مشان هيك اجبد تبعتهم معناها .. وااااو .. بس أجبد تبعتنا .. معناها أجبده كمـّاد على نيعه
والله يا امجد مشا الله عليك ابدعت
الكومنت طلعت بوست بحاله...بس عنجد شي "بعئد"!!يلاا خلينا نغير الموود شوي
بس انا بعرف انه أجبد كمان للي باكل بسرعة وما بدوش يخلي لحدا اشي
بقولو......جبد الصحن..يعني خلصة بسرعة قصوة
...شكرا الله يعطيكم العافية فتحتولي ذاكرتي
يعني تعليل اربداوي مقنع.
والله انو اشي لايق P:
احلى شمال والله 3>
enas
معقولة ابتعرفيش توفيق النمري؟
و الله اله اغاني اشي من الاخر
لوحي بطرف المنديل مشنشل برباع
مرحى لمدرعاتنا
فتشي علية بتلاقية لابد بلب التينة
قصدي بكون بويب سايت علية اغانية
اما أُجبُد
فانا بعرفها أجبد
بالكسرة
حسين السلمان نزلتله اغنية مرة
لعبر على تركيا و اشرب تتن و اكيف
بس ادور عليها نسيت بأي موضوع نزلت
السنسلة بعرف انها السور الحجري
الحنت ما بعرفه
شكرا ايناس
amjad
looooooool haha..
شكرا كتير عالترجمة العبدونية
هسعيات انستانتلي ؟
يرحم جدك
يمزط بتيجي من يميزيط كمان
و يميزيط بتفرق عن يمزط انها فيها مراوغة اكثر
اما يمزط فبشلّف بسرعة
سفط توبلرون؟
ايييييه..يرحم ايام الناشد
بس بالله عليك مش جاي عبالك راحة مع بسكوت ماري؟
3o6oor
معانية مرة واحدة؟
بستعين بفرقة الدبكة اياها
ما في غيرها تنقذني منهم
qabbani
والله ما عرفتك
انت قباني
لك شو صاير وين كاين؟
تحفر قبري بالابرة و تطمني بالكشتبان شو انك حباب
وين راحت اللهجة السورية
اوعى تقولي بدي بوست سوري رد اعتبار
اكتر من اصابيع البوبو يا خيار ما بعرف
enas
انا بعرف نبط الصحن اي شطب عليه
و زعة مزع جاب اخرته ا خلى فية ولا نتوفة
احلى شمالات والله
مو صاير شي
والله يا خوكي شو بدو يطلع معي اذا اصدقاء الطفولة هم
سلطي , طفيلي ,اربدي , كركي, معاني ,
كيف لو تشوفيني بقعدة شمالات على سدر منسف , او جمعة شباب
ابتميزينيش
صحيح أُجبد اقوى من إجبد
و انا بحكيها بضم
6ayeb mafe post 3n el zarga :'(
يا وردييييييييييييييي
إي بحز غاد يا ولد أني جاي أشوف بوست ملاقط بيقولولك كاتبه عن الربداويه
هاظ للي بينزل يومين عاربد من عمان بيرجع بيلاقي المنشر بلشان بينا !!!
أني بس بدي أقول يسلمو ظحكت من قلبي و لعبر على تركيا و أشرب تتن و أكيف…. كلو من غدر النسوان طلعت من الدنيا مصيف
أمجد: أني و الله هاي أول مره بعرف شو معناة أجبد أما الباقي عارفين شو هو ؛ الترجمه هي كمان "مزوزكه" مع "ظرب" الأمثله كمان
قباني: معقول هاظا إنتا؟؟ تاريك مخبا بثيابك !!!
إيناس: معقول أبتعرفيش توفيق النمري هاظ جنبنا من "الحصن" و لوحي بطرف المنديل غناوه حلوه
أنووس: مالهم المعانيه عالربداويه ؟؟؟
ملاقط: هاي شوية مصطلحات ربداوبه من باب "زيد معلوماتك":
- لد جاي: إطلع لهون
- ذايح: مش نافع و أخلاقو مش مزبوطه
- مفنك: معجب ( مش مخلي اشي الا و مسويه)
- مفبعه معاه: واصله حدها
- عف عني: حل عني
- بحز غاد: وسع المطرح
- طيح: انزل
- رهافيه : هي نفسها رفاهيه
- مجقجق: يعني لما تكون ماسح الأرض و لسا فيها ميه
خلص عاد؛ بيكفي لهون بكملكو كمان مره عخير
مياسي مجقجق كلمة سورية مش اربداويه
بتنحكا بهالسياق
لك ابن عمي تعى شوف الولد جئجئلي الارض
ما قلت اشي عن المعانيه محدش يلزقني ايوااااه
يعني فتت بمية حيط لبين ما خلصت قراءة، منيح ياللي امجد لحقنا وبعتلنا الترجمة، لول
امجد بيك، شو مشان يعني عم تتمألس علينا؟ شو ازا ما كنا من اربد يعني صرنا كتير مايعين؟؟
ملائط، لك من وين هي "تحفر قبري بالابرة و تطمني بالكشتبان" ما بحياتي سمعتا بكل الشام، بكل الاحوال هي بتدل على الحقد والكيد، نحنا لما بنقول "تقبرني" او "تشكل آسي" وهي المصطلحات، بيكون قصدنا انو يجعل عمرو اطول من عمري وببدي على حالي الموت مشان ما يصرلو شي
loooooooooooooooooooooooooooooool..
eash had ya mala2e6 ma 3reftek :)
shu 3an 3la balek ,, bas jad post mn el a5er :)
COOL :) .......
w el comments kaman mn el
a5er :) walek hay entii bt'3eeebi bt'3eeebiii then btal3eeelna post
6age3 :)
مشاالله عليكي مياسي والله اشي روووعة
بس لا خلص صرت اعرفه لتوفيق
ولو مش كاين يشتغل على حدود جابر
يعني أكيد قريب من عنا هون كثير
سألت أمي كمان وفقعت عللي من الضحك
وقالتللي هاي الجامعة طفت دماغك
بس ان شالله لما اتخرج ناوي اوخظللي كم دورة مع المدونيين هون
yasaminatdimashq
لا والله مش قصدي .. بس حبيت "اتمألس" على ملاقط شوي وأذربلها أمثلة من لب البيئة تبعتا
بعدين ما همه دايما بقولوا عنا دفشين و سو فاج و مش عارف شو :-)
لك تئبرني عمان واللي بلب عمان خصوصا اللي جايين من الشام
qabbani
والله يا موفق انت طلعت ملتي ناشونال
و اكيد في بعد مواهب مخبية
بس هاي الايام بتظهر كل يوم شوي
perfecto
الزرقا مرة واحدة؟
طب ما هاي بدها دراسة
يعني لازم اتصل بصديق او ,اصدقاء عشان اجيب خبر الزرقا قصدي اخبار الزرقا
لازم تعطيني نقاط ارتكز عليها
بدأ من الغويرية لحي رمزي لحي معصوم لجبل رحمة مرورا بوادي الحجر
مياسي
عجبتني ذايح
يعني ممكن أقول لواحد : لد جاي بليز ..اخس عليك واحد ذايح؟
و انا بطيح من الطيحة اللي بيطيح منها الطايح
شو جبتيلي معك من اربد؟
dumuro
اخس عليك واحد ذايح بتحط لينكات فايروسات
و اله لاهبدك هبدة اخلي اللي يشوفك رايح يفكرك جاي
(بتدرب لبوست الزرقا)
3o6oor
yes
we use it too
اطلع من الميايا يما
جئجئت الدنيا
yasminetdemashq
انا بعرف انه تحفر قبري بالابرة هاي حقودة لانه شوفي هالغلبة يعني
و ممكن تقوليها بطريقة تانية
تطلع ع قبري بكعب عالي تتفركش و توقع بدالي
برضة حقودة
razan
شفتيني بالربداوي؟
بس كيف؟
استني لما اعمل فيلم عالطريق اشي فروم دا لاست
(من الاخر)
تانكس روزي
enas
نزلو اغاني توفيق
و اعملوها سي دي
و شوفي كيف خلال اسبوع بيصير افيع من تامر حسني
amjad
طب بدنا بوست غزل ربداوي
:D
حبتش بقلبي طاح طيح
لقيت روحي عالارظ سطيح
ya3ni 3ajabik il 7aki ? hada mish ghazal walik :-)
6ab zoorina koll sana marra 3ashan ni3malik a7la post ghazal min al aakhir :D
أنووس : مجقجق بسمعها من جدتي عسان هيك أنا شملتها هون بس احتمال حكيك صح
إيناس: يسلمو كتير و إ1ا بدك أي مصطلح أنا بالخدمه
ملاقط: جبتلك حالي ما بيكفي؟؟
و التركيب اللغوي اللي استخدمتيه ناقص
بيحكو : لد علي جاي؛ صحيح إنك واحد ذايح لوول
بالنسبة لواد الحجر فهو منطقة راقية جدا جدا , و مش اي حدا بسكن هناك (H) lol
و باقي المناطق المذكورة تخيلي اي اشي بدك اياه, ما رح يكون غل
مرحبا
بس حاب أقول انه لبلوق هاظ حلو كثير, أو رايح اصير أقراة دايماً.
أو شكراً علفيديوز.
مياسي: مجقجق برظو من عندنا
amjad
بعرف كتير مقصرة والله اشتقت اقرأ مواضيعك
مياسي
يعني انا لسة بدي تدريب
فكرت حالي صرت ربداوية مقلعة
perfecto
خلص لازم بوست عن الزرقا بس متل ما قلت لك اجمع معلومات و يمكن اجند اكمن واحد ياخدولي صور او فيديو عشان يكون دوكيومنتد و ما يجي واحد يقولي بتتبلي عالزرقا
ولا ما اظن حدا رح يقول
لول
mohammad rasmi
اهلا يا محمد و منور المنشر
و عفوا ات واز ماي بليجر
هلا مجقمجق من عندكم؟
طب انتو وين؟
:)
موقعك جميل وفكرته جميلة يا حجة ملاقط وهيني حطيته فالمفضلة
بس في نقطة بدي تاخذيها بصدر رحب وهي بتيجي انطلاقا من فكرة موجودة عندي قبل لا اشوف موقك
وهي انه الطبقة فوق المتوسطة من الشعب الأردني بتتعامل بطريقة كوميدية زيادة عن اللازم مع اللهجات الأردنية المحلية
بمعنى آخر جماعة عمان الغربية (وانا كنت من سكانها قبل ان اكون مغترب) بتمصخروا على لهجة ناس مثل اهل كفرنجة (وانا منها)
علما اني عارف انه قصدهم مش سيء ومافي استهزاء بالموضوع لكن حبيت اعبر عن شغلة بتستفزني واتوقع الفكرة وصلت
فراس
الأخ فراس
اسمح لي - بعد اذن الأخت ملاقط صاحبة المنشر - بابداء رأيي المتواضع ..
أعتقد أن من حقي التعليق هنا للأسباب التالية:
أولا أنا زبون دائم للمنشر
ثانيا : أنا من نفس البيئة التي تتحدث هنها.
( اذا بزت حجر من قريتنا بيجي بكفرنجة - من زوبــــيا اذا بتعرف وين
)
ثالثا: الموضوع المنشور هنا كان ردا على تعليقي في موضوع
وثيقة عمان الغربية
التعليق هنا
الأخت ملاقط انسانة مثقفة و مرحة و على قدر عال من الأحترام للجميع كما ستلمس هنا و في أي مدونة أخرى .. و ليس في موضوعها أي نوع من السخرية المقصودة أو التعالي
و لديها تقبل للردود الساخرة ضمن نطاق الاحترام المتبادل .. و يمكنك قراءة ردي على هذا الموضوع و مدى السخرية التي ضمنتها للشخصية النمطية لأولاد عمان الغربية .. مع يقيني أنها فقط صورة نمطية ولا يجوز تعميمها .. وانما فقط من باب المرح ..و بدون تجريح أو اساءات شخصية
على فكرة .. أنا مهتم جدا بموضوع - القرية - المدينة و الأفكار المغلوطة لدى كل منهما عن الآخر .. و سبق أن طرحته بمدونتي .. و ان كان لك اهتمام فتفضل بالزيارة و ابداء الرأي
و تفضلوا بقبول فائق الاحترام
طابع 5 قروش
فراس
اولا اهلا بك في المنشر
انك تيجي بفكرة مسبقة و تعممها فهذا يخالف قوانين المنشر
انا لما اخترت اكون ملائط و اخترت ما حدا يعرف عني اشي كان لهذا السبب بالذات
الافكار المسبقة اللي بتحلل للنس يحكموا متل ما بدهم و بيطلعوا في النهاية بافكار مغلوطة
الموضوع ما كتبتة مسخرة على حدا
و ما رح ادافع عن نفسي لاني مش بموقف دفاع اصلا بس عشان انت تكون بالصورة
الموضوع متل ما قاللك امجد كان رد على موضوع سابق
و لمعلوماتك و ضيفها عندك
انا من الناس اللي بيحترم الشخص اللي بيتمس بلغته و ثقافت و ما بحترم الغربان اللي بيحاولو يقلدوا الطواويس
يعني بالعربي اللي بيحكي ربداوي و يجي يحاول يحكي قدامي عماني غرباوي بينزل من عيني
انت افترضت اشياء كتيرة
و كلها غلط
و مرة تانية شكرا لقدومك
amjad
شكرا اخي العزيز ما قصرت و ما بتوقع منك اقل من هيك لاني بعرف شو انت
الله يسعدك
Post a Comment