كمشة افلام _ريفيو
صباح الخير
مجموعة افلام منها لسة بصالات العرض و منها نزل و طلع غيره
منها ما يعتبر افلام رعب _ مع انه ما في اشي بيرعبنا حاليا
و منها مصنف كوميدي _مع انه صار صعب نضحك
بدون مقدمات زيادة خلينا ندخل بالموضوع
نبدا بالكوميدي_عشان ما تقولو المنشر يروج للرعب
license to wed
بالعربي "معه رخصة يزوج
الفيلم لروبين ويليامز من الممثلين اللي بحبهم كتير و طبعا لما تحب ممثل بتتوقع منه كتير
بس الفيلم للاسف ما وصل لحد التوقعات
الفيلم رومانتيك كوميدي عن اتنين بحبوا بعض و بيقررو يتزوجو و العروس (ماندي مور)
تصر ان يتم الزواج في كنيسة اللي تزوجو فيها اهلها و اللي مسؤول عنها القس روبين ويليامز
هلا لهون منيح
بروحو للقس اللي يصر انهم يدخلو اكم امتحان لاثبات انهم قادرين على حياة زوجية و عشان يطلعهم من وهم الحب و الغرام و يورجيهم انه الزواج اشي مختلف تماما
طبعا بيدوخهم و طلباتو ما بتكون سهلة
ما راح اخرب الفيلم و اقول شو بيصير بس طبعا انتو اذكياء و عندكم فكرة هاي الافلام كيف بتنتهي نهايات متوقعة جدا
برايي الفيلم بايخ جدا ولا يليق بمستوى روبين ويليامزولا تاريخه العريق بالكوميدي
ممكن اله رساله :و هو انه الزواج مش لعبة اتنين بحبوا بعض و فية مسؤوليات كتيرة
****
الكوميدي التاني
I now pronounce you chuck and larry
بالعربي
اعلن انكم الان تشاك ولاري اي زوج و زوجة كما هو المفروض بهيك اعلان بعد اتمام الزواج
بس العرسان زلم يعني رجال
تشاك هو ادم ساندلر و لاري هو كيفن جيمس
(اللي بيمثل كنج اوف كوينز و مثل في هيتش)
تشاك و لاري اصدقاء بيشتغلوا سوى في اطفائية
تشاك يعتبر من الشباب الحلوين بالفيلم و البنات حوالية بالكوم و لاري متزوج و عنده طفلين مرته ماتت من سنه
ولانه بحبها اكتر من كل شي بيرفض يتخلى عن اي اشي بيخصها و كمان ما بيفتح اي مكتوب موجه الها و هيك
بيروح علية مكتوب من مكتب التقاعد عشان هية المستفيدة الوحيدة في حال وفاته و بيضل قدامه اما انه يتزوج
عشان مرته الجديدة تحافظ على التقاعد او يخسر كل شي و بما انه رافض لفكرة انه اي ست تحل محل مرته بيعرض على صاحبة تشاك انه يتظاهرو انهم شواذ و يتزوجو و طبعا طول الفيلم بيحاولو يثبتوا هالاشي للحكومة
الفيلم مش حلو ابدا كفكرة
في دفاع عن الشواذ و حقوقهم و بتشوف انه حتل باميريكا مش مقبوله هالفكرة
الفيلم غير منطقي لانه معظم الاحداث بتتم امام اطفال لاري و ما اظن انه حتى باميريكا هالحكي مقبول
الاشي الوحيد الايجابي ومتل ما انا شفت انه لاي درجة ممكن صديق يضحي من اجل صديقه
كفيلم كوميدي ممكن تضحكوا شوي
****
الي بعدو
The simpsons
شفت كتير مدونين كتبوا عنه ما راح اطول عليكم
ممكن تقولو الفيلم عبارة عن حلقة سيمبسون مطولة شوي
ما في اشي جديد
هومر و انانيتة و فجعه و اهمالة يؤدي الى تلويث بحيرة سبرنغفيلد مما يدعو الحكومة و لجنة محافظة البيئة انهم يحطوا قبة كبيرة زجاجية حول سبرنغفيلد لمنع انتشار التلوث و السيمبسونز بيطلعوا بطريقة هبلة و بيصيرو مطاردين
الاشي اللي ممكن يكون ايجابي بالفيلم هوة علاقة بارت ب هومر اللي منعرف انه اساسها الخنق و البهدلة الدائمة و كيف بارت بيحزن بالفيلم بيحاول يعمل من جارهم فلاندرز اب اله
وكيف مارج كزوجة مكن تعمل اي شي عشان زوجها و لو بتعتبره مش صح
***
shrek the third
هدا فيلم انا حبيته كتـــــير
شريك بيموت حماه(الضفدع هارولد
و بيتركله مملكة يحكمها ولانه شريك حفرتلي و مش تبع هالشغلات بيروح يدور على ملك تاني
مرته فيونا بتطلع حامل و منشوف شريك خايف كتير من هالمسؤولية
يعني شريك ما بقدر يتحمل مسؤولية اشي
الفيلم حلو و بيعطيكم فكرة عن الجانب الاخر من القصص الخرافية
جانب الاشرار و شو شعورهم و كيف انه سندريلا و رابونزل و سنووايت و الاميرة النائمة حتى لو كانو بطلات القصص القديمة هم بنات سخيفات بتكرهوهم بالفيلم
بيزبطوا وضعهم بالاخر و بيتخلوا عن فكرة الاعتماد على الامير لانقاذهم
اظن هدا الفيلم مع انه فيلم كرتون فيه عبر و افكار احسن من افلام كتيرة
الفيلم باصوات مايك مايرز,ايدي ميرفي,انتونيو بانديراس ,كاميرون دياز و جولي اندروز
***
نيجي للرعب
الي بيخاف ما يكمل
ولا اقولكم كملو
***
1408
هدا اسم فيلم
البطل جون كوزاك
بتموت بنته بهظاك المرظ
و بيتعقد و بيصير يحاول يتصل بعالم الاشباح و بيكتب كتب عن هالمواضيع
مع انه مش مقتنع انه الاشباح موجودة
بيسمع عن فندق اسمه الدولفين و انه في غرفة ممنوع حدا ينزل فيها
طبعا لانه دقر و بيموت بالجكر بيصرلازم ينام بالغرفة
مع انه سامويل جاكسون(بيكون مدير الفندق و مسكر الغرفة لمدة 20 سنه ) بيقولو يا زلمة بلاش
ولا يمكن... راسه زي الحجر
يا بني ادم ما راح يكون معك وقت لتندم
فيش فايدة
قاله ولك هاي الاوضة مات فيها 56 واحد
طبعا اصر اكتر لانه معتقد انها خرافة
طبعابنزل بالاوضة
اللي رقمها 1408
و طبعا متل ما بتعرفو الاوتيلات بتشائموا يكون عندهم طابق 13 ف بتلاقي الطابق التلاطعش بيسموه رقم اربعطعش بس فعليا هوة تلاطعش و ما تنسوا انه لو جمعتوا رقم الغرفة 1408 بيكون 13..شوفو التشاؤم
و بتبدا معه احداث غريبة عجيبة و بيشوف ناس بينتحروا و بيموتو قدامه و طبعا الخروج من الغرفة مستحيل\الفيلم حلو انا عجبني كتير
الفيلم عن قصة قصيرة لستيفن كينج و قبل هيك كتب هالقصة اتش جي ويلز و كان اسمها ريد رووم او الغرفة الحمراء
انا بتزكر كان في عالنت لعبة اسمها ريد رووم حلوة كتير لو لقيتها بعطيكم لينك تتسلوا
*****
Dead Silence
او بالعربي
الصمت المميت
او اذا بتصيح بطير لسانك..و اللي بيشوف خلقة هالحرمة و ما بيصيح بيكون بطل
فيلم عن اسطورة سيدة كانت زمان تحرك الدمى و بتحكي من بطنها
يعني
ventriloquist
و اسمها ماري شو
بتعمل عرض و بيجي ولد بيقولها: حركتي شفايفك انا شفت
و الله ما يحطكم محله
الحرمة بتبرقلة بعيونها
و اللعبة الي معها و اسمه بيلي بيصير يخترف و يبربر و الولد المسكين بعد اكم يوم بيختفي و ما بيلاقوه
المهم بيتهموها بقتلة و بيروحو بيقطعو لسانها و بيقتلوها
هية بيكون عندها 101 لعبة بيدفنوهم جنبها
بتحلف لترجع و تقتل كل واحد من عيلة الولد مايكل
بعد ستين سنه بترجعلهم
شوفو الحقد..... انا من اول قلت هالولية عندها مشاكل نفسية
بيورجونا بطل الفيلم و هو اخر واحد بالعيلة و بتكون مرته حامل و بيوصلهم هدية اللعبة بيلي
اللي مفروض انه مدفون
و بتموت يا حرام و بيروح لسانها و بيبدا زوجها التحقيق و بيرجع لبلده و هناك بيلاقي البلد مهجورة ما عدا ابوه مرت ابوة العروس الحلوة و الزلمة المسؤول عن الدفن و مرتة الهبلة اللي بتضل تحكي لحالها
طبعا متل كل فيلم امريكي بتلاقي شرطي لاحقة هيك لحاله من راسه عشان يمسكه و ما بيكون مصدق قصة ماري شو و بيتهم الزوج بقتل زجته
الفيلم حلو
ما راح اكمل عشان ما تقولو خربت و حرقت الفيلم
احلى اشي بالفيلم صوت الهدوء
نعم
الهدوء اله صوت
صوت مخيف
بس تزكرو
اذا خفتو
لا تصرخو
لانه اذا صرختو
بينقطع لسانكم
________
beware the stare of mary shaw
******
في افلام كتيرة ما راح اكتبها لانها زنخة متل جورجيا رول لجين فوندا و لينزي لوهان و فيليستي هوفمان
فيلم عائلي ستاتي حريمي ما في اي مفاجات
المخرجين انبسطوا انه جين فوندا رجعت تمثل و بتكون جدة لينزي لوهان البنت اللي كل مشاكل العالم فيها و اللي
امها بترميها عند جدتها و امها فيليستي هوفمان و اللي اصلا ما بتكون تطيق امها حالها متل حال كل الاميركيات
بالافلام
اقول كمان افلام ولا بيكفي
اظن بيكفي
و يعطيكم العافية اذا وصلتوا لهون بالقرأة
24 comments:
لوووووووووووووووووووووووووووووووووول حسيت حالي بحضر ال توب 20 تاع الافلام او الاميريكان ستار بوكس .. ههههههههههه رهيبة من الاخر.. انا الكوميدي قرأتو بس الرعب صراحة طنشتو مو عشان بخاف بس الي كم يوم خايفة ما بعرف ليه.. من ورا هداك الحلم ما بعرف اقعد لحالي ولا بعرف انام والضو مسكر .. مهو لحالو فلم رعب
لكن يعطيكي العافية عليهم حلوين على فكرة بس انا ما عجبني قصة الي بدهم يتزوجو هدول وعجبتني قصة شريك .. يعطيكي العافية :) ما اقصرتي ..
bara2
ما تخافي من الاحلام لانه الاحلام حتى لو بتخوف بكون الها تفسير حلو
انا صراحة بطل اشي يخوفني على د ما شفت افلام يعني صار عندي مناعة
شكرا براء لانك قرأتي لو حتى نص اللي كتبته
اشاركك الرأي ب سمبسون ,
و اخر واحد الرعب الصامت , مابعر عادي
يعني رعب بس مش اوي ....
ميرسي على بريفيو
Nice reviews wallah ya mala2e6 ... I think inno sar lazim aro7 a7darly film ... I vote for 1408 because Samuel is my fav actor :)
Thank you for the heads up
mala2e6...
3njad eno hai el review eli bte3maleeha kol fatra mufeede jedan la 7ada metli matfoos 3la 3eeno o ma besa7ello yub7er fi 3alam al cinema...
el muhem...
filmeen el ro3ob 3ajaboony.. taba3 dead silence sheklo tage3... o 2keed tab3an shrek... nefsi ajeebo halla2 halla2 o ana mraw7a men dawami :-)
thx thx kteer la2aleek enti mlabbaset wurther's origional asleyye ...
aiwaaa ijeena lal 7aki il sa7! ana takhassosi bil 7ayah howeh il aflam.
ok.
-license to wed:
ana bamooot bi robin williams bas hada il filem 3ibara 3an zbaleh.
-I now pronounce you chuck and larry:
fil waqe3 ana hada lissa ma 7dirto bas nawi a7daro.
-The simpsons
azon bti3rafi sho ra2yei fio :P
-shrek the third
Jayyed il filem, 7ilo, bas il ajza2 1+2 amta3 :)
-1408
hada filem jayyed wa ma7book jayyidan. ya3ni nihayat il filem ghair motawaqqa3a naw3an ma. filem mote3.
-Dead Silence
hada bardo lissa ma 7dirto. mish 3aref iza bidi a7daro willa la2.
ana 7aliyan hai list il aflam ili mjahhizha mshan a7darha:
- Blur
- Disturbia
- Final Fantasy VII
- Population
- The Astronaut Farmer
- The Host
- Turistas
- Transformers
- Superbad
qabbani
والله انا سمعت شاب بس طلعت الحرمة هاي صرخ باعلى صوت
يفظح عرظك
طبعا انا ضد مسبات العرض هاي بس الاخ انرعب و ما اظنش كمل الفيلم
و لا ميرسي على واجب
شكرا انك اخدت من وقتك و قرات
khalidah
معقولة يا ناس
(على طريقة مرزوق اله يرحمو)
خالدة هنا؟؟
من زمان هالقمر ما بان
بعرف هالجملة حفرتلية و كليشية بس عنجد زمان عنك
و الفيلم اللي اخترتية بالفعل احلى واحد فيهم
و شكرا لانك قراتي
naryat
حبيبتي نرنر
انتي اي وقت بدك اساليني لو ما كتبت ريفيو انا بقولك
لما تجيبي فيلم ديد سايلنس اعملي بالبيت جو رعب و طفي الضو و امنعي البوب كورن و الحكي الزيادة عشان تسمعي صوت الصمت
ياللا جيبيهم
انا جاي عيالي احضر هير سبراي ل جون ترافولتا
(بتعرفي انه في ناس بفكرو اسمه جونترا فولتا
هاههااههههه
و انك تشبهيني بملبسة التوفي ورثرز اللزيزة الاصلية لهو اكثر مما استحق
شكرا نرنر فور ريدينغ اند كومينتنغ
bakkouzzzon
ارى انك تشاركني الراي في بعض الافلام
و نعم يا بكوزون انا اتذكر ما قلت عن القهقهات الستة في فيلم سيمبسون
انا صراحة يا دوب ابتسمت يعني مرة فكرت اني عم ببتسم طلعت عم بكش ناموسة
الافلام اللي ذكرتها
شكرا لاضافتها
رح اخدها لما اروح عند حمودة
الفيلم الحلو اللي بيحترم ذكاء المشاهد و خبرته صار نادر هالايام
يعني ما في
و شكرا لقراتك الموضوع و تعليقك
nice review, bas mawjooden hadol el aflam 3al bas6a elle janb el manshar?
7amoudeh? meen hada?
thanks 4 sharing :)
ya 3eeny 3leeeki :)
sel3
البسطة اللي جنب المنشر بتبيع بس افلام اصلية
(عشان اذا حدا عم بيقرا ما يقولو قرصنة و اشي بس كله موجود و منعمل ديليفري كمان
bakkouz
شو اسمو هدا اسم سري هيك و هيك عشان ما نضر الزلمة
انت عندك نواحي تشة تشة
vagueraz
alla yes3dek..ana bas ba7eb asa3ed..:)
hehe
laqad tamma tatyeegoka 3azeezi almushtarek...
lemazeed menalma3lumar raje3 2qrab m3ared shabaket NARYAT :-D
Wallah yeslamo asab3ek ele taba3o ya mala2e6 :)
ana kont m5ateta a7dar 1408 o bdon mojamaleh after reading ur post i am very excited to see it!
Did you see the movie, 23?
i think i have been living under a rock for the past few weeks!!
nice reviews...i will stay away from the scary movies, i do not like them, maybe i will watch Shrek...seems to be the best one out this summer. Thanks and have a great evening!
Keefek ya 2ammoura ?
Haven't seen any of those,I was about to see "I pronounce you chuck and larry" then couldn't resist the charm of "Matt damon";) in "the bourn ultimatum" , beautiful ..I highly recommend it but you have to see the first 2 parts first..
yalla ya3tiki el3afieh w naharek ful w yasamine :)
والله انك مزبّطة يا ملائط ,,
شجعتيني كتير انزل فيلك شريك ,, تعرفي انا نزّلته مرة بس طلع مدبلج فرنسي فما حضرته
وكمان قصة 1408 مبينة فيها تشويق !! انا شفت اعلانه مرة وما فهمت اشي ! بلكي قدرت الاقيه هادا كمان
كمان فيلم روبن ويليامز كنت ناوية انزله بس ما لقيت نسخة مرتبة ,, انتي عارفة احنا لسه ما عناش سينيمات وغير ندور على الرابيدشير وعند الناس هادول
طيب شفتي اوشن 13 ؟؟؟ كان حلو على فكرة ومش بطّال
في هالفترة بحاول عم بنزل فيلم هاري بوتر .. شفتيه ؟
mala2e6 i tagged u .. would u answer the tag plz?
:)
You have been tagged on my blog...check it out:
http://summers57.blogspot.com/
naryat
شكرا نرنر
شايفة ما اسرعني جاوبت التاغ قبل ما اقرا
لول
شكرا نرنر
wonders
i am really glad that my review helped u in anyway.thanks ya a7la wonders
summer
i want you to watch an old movie about a couple who receive so many house guests..i cannot remeber the title of the movie now but it is worth watching..
you are welcome 7abeebi
noura
alla y3afeeki and thanks for the tip..i like matt damon too..
علا
اهلا علا والله انا لو عرفت عن اي موقع لتنزيل الافلام رح اقولك عنه اول باول
فيلم روبين ويليامز مش محرز صدقيني
اوشن 13 لسة ما شفته بس سمعت انه حلو
و هاري بوتر كمان لسة
شكرا علا كتير
bara2
thanks alot bara2..tag answered
summer
thanks summor..i will answer it inshalla next week..
مساء الخير
عجبني استعراضك السريع للأفلام والنبذة المختصرة المفيدة عن كل فيلم
وجود عملاقين صمويل ال جاكسون وجون كوساك في فيلم واحد بيعطيني سبب مقنع لمشاهدته بدون تردد ..ولو مو زيارتي لمدونتك كنت ما عرفت بيهم
شكرا لك من جديد
اهلا و سهلا اننيمس
فعلا انا بحب هالعملاقين و الفيلم برضة حلو يعني مش بس اسماء لدعم الشباك
شكرا لزيارتك
ما شاء الله عليك ملاقط سريعة :)
شكراً على الريفيوز المفيدة بالنسبة لي.
وإذا حبيت ريفيو عن تيمور وشفيقة.
اهلا و سهلا بك في المنشر نورت
و شكرا لزيارتك و انا رحت لمدونتك و شفت الريفيو كمان
Post a Comment