بلا وجه ...على كتاب الوجه
***
انا ..ملائط..........بلا وجه
و مع هيك سجلت بكتاب الوجه
Facebook
بس عشان اعرف شو اللي بيحبب ملايين الناس بالاشتراك
قبل الفيس بوك كان الهاي فايف و صار متل ما تقول اللي ما عنده اكاونت عالهاي فايف مطرود من المحافل الانترنتية الفايعة و مطارد من قبل الشلل الشبيحة و مصنف كحفرتلي
و كان هنالك ايضا ماي سبيس
MySpace
و تفنن الجميع باضافة اللوجوهات و الجليتر و الصور
الفيس بوك بدأ عام 2004 و كان مخصصا لطلاب جامعة هارفارد و بعدين قالوا: لا ..انتشروا..و انتشر حتى وصل لنا
اللي لهلا مش قادرة افهمة و عم بحاول
والله العظيم بحاول
انه الثقة الرهيبة بهيك برامج لدرجة انه الكل عم يشارك بالاسم الثلاثي و تاريخ الميلاد و عدد لا يحصى من الصور
ما سمع حدا عن
identity theft
س اسمك و صورك و تاريخ ميلادك و مدرستك شو ضل ناقص؟
انا بتزكر كننا اصلا ما نقبل نبعت صورة لصديقة عشان نخاف انها تسرب عالنت و يروح فلان يلزق وجنا على جسم وحدة لا سمح الله
تزكر لما ما كننا نشارك احد بمعلومة عننا
يعني الانترنت هلا صارت موثوقة؟
الفيس بوك والحقيقة تقال احسن شوي من هاي فايف لانه ممكن التحكم بمين يشوف بروفايلك
بس يا اخي
لما يكون عندك 300 صديق شو فرقت ؟
ثلاثمئة صديق هذا بس مثل
في ناس عندهم اكتر
و كلما زاد عدد الاصدقاء زادت اهميتك و معناتو انت انسان محبوب
هل نطلق كلمة صديق الان على كل شخص بعتلنا فريند ريكويست؟
و شو شعور الشخص اللي ببعتلك ريكويست او طلب للانضمام الى قائمة اصدقائك لما يشوف انه محطوط عالليمتد بروفايل
مش هيك بتكون جرحت احاسيسة المرهفة؟
مين صديق مين و مين بعرف مين..ما في اشي مخبى
عملت كتاب وجه مع اني بلا وجه
و عملت لفة عالشبيبة الطيبة و الشابات الامورات
الصور المعروضة في الحفلات و السهرات.... يعني اللي ما صحله يطلع بليالينا بفش قلبه
و عامل ليالينا لحالو
صور عالبيتش و البركة
بالبكيني؟
نعم
ليش طيب؟
و الله انا مش انسانة عقلي مسكر ولا انسانة غير قابلة للتقدم و التحضر بس كتير .
كتير انه بنت تحط صور بالبكيني
اما الشباب فحدث ولا حرج
طبعا عادي جدا صور البركة و البيتش
لا شيء يعيب الشاب
صح؟
فكرة الفيس بوك كفكرة مشاركة الاهل و الاصدقاء الفعليين بالاحداث و الصور مش غلط
كتير ناس التقوا باصدقاء قدامى و شافوهم بعد سنين من خلال هالبرنامج
انا اللي بيحكي عنه هوة طريقة الاستخدام الخاطئة و اغناء الانترنت بمعلومات شخصية
*****
الفيس بوك غير حياة ناس كتير
اعطيكم امثال
لما صديق ما يتصل او يحكي معك ممكن تعطيةعذر و تقول مشغول
بس لما تشوف انه لغاك من قائمة الاصدقاء او عملك بلوك مثلا بتعرف انك انشطبت من حياته
هلا بالحياة اليومية ممكن نزعل من بعض و نرجع نتصالح ..دايما للصديق في فرصة تانية
بس لما تعصب و تروح شاطب الصديق من قائمتك....ما في فرصة تانية
الطريق تسكرت
لما صديق تقولو ياللا نطلع و يقولك مشغول مش فاضي و تشوف صوره مع اصدقاء تانين بحفلة و انت برة مش معه
اديش في ناس تغيرت فكرتهم عن ناس تانيين من ورا هالبرنامج؟
سؤال كل واحد يسأله لنفسه
*****
من اضافات الفيس بوك عندك صندوق الصدق
Honesty box
بالترجمة الحرفية
هالصندوق بيجيلك علية اشكال و الوان و اللي فلان مش قادر يقولك اياه بوجهك بيكتبلك اياه
طيب اذا انت بتعتبره صديق ليش ما يواجهك اذا في اشي بيدايقة منك؟
اذا فلان معجب بفلانه ليش يخبي؟
بيخاف ترفضة؟
ممكن
الصدق عنا مخبى
و كلمة الصدق ما منقدر نقولها بصوت عالي
لسبب بسيط
اننا ما منعرف نعرّف الصدق و نخلط بينه و بين التجريح
لنفترض انه بيوم هالصندوق شرّت و راح و كشف كل الاسماء اللي مفروض مجهولة
شو بيكون شعور اللي كتب و الي قرا؟
طيب بلاش
سؤال للبنات
لما تحطي صورك عالفيس بوك مع فلان و علان بتفكري بعد عشر سنين شو رح يصير؟
لما تتجوزي
حتى لو جوزك تعرفتي علية من الفيس بوك و كان كتير اوبن مايندد
بتفكري لما تصيري مرتة رح يضل اوبن مايندد؟
ما رح يجي يوم و يقولك اشي عن هالصور
ما رح يجي يوم و تكون ثقتة فيكي اقل و تضل هالصور براسه حتى لو لغيتيها
بتفكروا يا بنات في بوكرا؟
بتفكروا يا شباب؟
اللي انت راضي عنه اليوم بوكرا رح تشوفة غلط
الي بترضاة لصاحبتك ما رح ترضاه لبنتك
انا بعيد و بكرر مش ضد الواحد ينبسط و يتسلى و يعمل اصحاب
مش ضد حا يسهر و يطلع
كل واحد حر بحاله
بس لازم يكون نظرنا بعيد شوي
نفكر لبوكرا و بعده
***
*****
هلأ ممكن تقولو الانترنت كلها ما في اشي اسمه خصوصية
صحيح
بس انت لما تقرر تشارك مجموعة كبيرة جدا بمعلومات عنك بكون الخطأ خطاك
الفيس بوك يحوي على كمية هائلة من المعلومات اللي بتبرع اصحابها فيها لناس ما بعرفهم
ممكن تقولي انا عامل ليميتد بروفايل
اوكي بس للشركة نفسها كل كلمة كل خرف انت كتبتة موجود حتى لو غيرته بعدين
بحب انه تشوفو هالفيلم التوضيحي
***
شوية احصائيات
Users: Over 30 millio
Monthly new user average: 4 million
Daily new user average: 150,000
Page views: Over 15 billion per month
Searches: Over 500 million per month
RAM in memcache servers: 2 TB Search index size: 200GB
Largest network: Toronto, CAN 1,023,085+
Smallest network: Columbia, SA 157+
Traffic rank: 13th
Photos: 1.7 billion
اتمنى ما حدا يزعل مني
بالنهاية القرار قراركم..
بالنهاية القرار قراركم..
اما انا
انا رح ابقى بلا وجه
watch this
55 comments:
loooooooooooooooool ;op
6ayeb forsa te3maleli add wela ma bedek :( ;op
jarabet ala2eeki bas ma 3refet :o(
walla ya fatoom ma ra7 testafeedi minni b shelen..ma howeh ma feesh mala2e6..mamnoo3 il numbers mbayen..
thanks fatoom kollek zo2
I agree with you...I did the same few months ago..I made an account just to understand the idea of it..I didn't like it and I really prefer to stay "faceless".
يا ملاقط
كلامك في منو
بس فكرك فارقة كثير ؟؟
احكيلك شو..بدي اعترفلك اعتراف..
في شغلات كثير بعرف اعملها والمفروض ما اعرف اعملها...من تلفونات موبايل...لتسمع على تفلونات ارضي..وغيرو وغيرو..وهذا كلو من أيام المدرسة
اللي بمنع الواحد من انو يعمل اي ايشي هو الضمير
هلا لو انا بدي اخذ صورتك واعمل فيها اللي بدي اياه (طبعا ممكن اطلع مصاري من وراها)..مابقدري اخليكي طالعة من البيت واصورك بكاميرا موبايل ؟؟؟
وانتي في السوق..فكرك صعب كتير حدا يصورك بكاميرة موبيال ؟؟
وصعب كتير حدا يجيب معلومات عنك؟؟ لاكتير سهل...
الفيسبووك سهل الموضوع كتير...مزبوط كلامك
بس مش كتير فارقة...هي انا حاطط تاريخ حياتي التافه على البلوج..وحاطط كل صوري...ومش فارقة صدقيني..بالعكس, اذا فلان او علان بدهم يعملو تحريات عني...بسهل عليهم الموضوع..
بس طبعا مش هبل...
فكرك أسامة بن لادن وطالبان عاملين اكاونت على الفيس بوك ؟؟
فكرك اللي بدو يعمل ايشي خطير بروح بحط معلماتو على بلوج ؟؟
خلاصة كلامي...الموضوع في خرق خصوصية, بس اللي بفكر انو خصوصيتو ماانخرقت من عشر سنين بكون بحلم...فيس بوك او غير...مش فرق كبير
gardenia
اهلا غاردينيا
بتعرفي اديش بيقضوا الاناس ساعات بس بيتفرجوا على حياة غيرهم بدال ما يعيشوا حياتهم؟
صار نوع من الهوس
بوكرا بيطلع برنامج جديد و بيهاجروا متل ما هاجروا من هاي فايف
منزكر بعض
شكرا غاردينيا
abed
انا كتبت الموضوع يا عبد و بعرف في كتير ناس من المدونين بيستعملوه ما كان قصدي طبعا الا انه انبههم لاني شايفة في كتير منجرفين بون تفكير
انا بعرف انه ما في اشي اسمه حصوصية عالنت و بعرف انه كل التكنلوجيا الحديثة سلاح ذو حدين ممكن تستخدم للفائدة و ممكن للاذى
انا اللي مش قادرة استوعبة انه ما حدا فارقة معه
يعني صرت تعرف اخبار فلان و علان من هناك
كل شيء مباح
طبعا كل واحد حر باختياره او عدمه
انا مش ضد البرنامج و قلت انه ممكن يكون مفيد بس مع حصر المعلومات المباحة
يعني كل واحد ياخد باله من لغاليغو
شكرا عبد لاضافتك
ماهو انا حاولت أقولك ليش مش فارقة
لأنو مافي ايشي اسمو خصوصية هالايام...فا مش رح تفرق كتير فيس بوك او هاي فايف او بلوج..عرفتي شو قصدي ؟؟
وحتى لو بنت حطت صورتها...يعني البنت لما تمشي بالشارع بتكون مغطية وججها ؟؟
كل الناس بشوفوها بالشارع بالشغل..شو فرقت ؟؟
وللعلم..المرأة في الاسلام كانت في الجيش وفي الطب وفي العلم وفي كل شيء...
فقصدي كان انو مش رح يفرق كتير صدقيني...فكري فيها شوي
تحياتي ملاقط:)
ستي...أهو حاجة الواحد يحرق فيها وقت..مهو الواحد خلص دبق بالكمبيوتر..فصار بالمرة حياتو الإجتماعية كمان عليه...الواحد بوفر حق الابتسامات و الإيجار المواصلات...
يالله ماهو كلو بتنجان
عادي ملائط
الموضوع , انه على النت انعدمت الخصوصية من زمان , بتعرفي انه الصورة يلي بتحطيها على المسنجر بتتكيش يعني بنعمل نسخة منها عند ام اس ان , و عادي اذا شبكتي يوم من جهاز مو جهازك و لقيتي صورتك مباشرة عندك , هي صارت مع 3 بعرفهم , سافرو برة و حدة منهم على فرنسا , ولما شبكت مسنجر انصدمت انه صورة هي مصمتها طلعت على المسنجر و كان ما تحطها إلا لما اتكون في بيتها في سعودية , ف عادي
و غير هيك ابل الخصوصية بدك المصداقية
بكرا بروح على الهاي فايف بفوت على اكاونت شب ايطالي و باخد صورة , وبنزلهم على انهم صوري , مين رح يعرف ؟؟ مين بإدر يوثق انه فعلا هاد انا ,
و غير هيك الناس يلي عم تنجرف لعدة اسباب اهمها الفضاوة, و الكذب المباح على النت , يعني للأن و الحمد لله ما عمري صدف و تعرفت على بنت على النت إلا و مشاء الله ملكة جمال و اخلاقها ألف ,.
و كمان ضيفي الفشل في عمل العلاقات على الواقع , و نجحها على النت ,
يعني قلت بنات ما بقدرو يطلعو مع شباب و يحكو معهم , بفوتو على النت و خاصة الهاي 5 و الفيس بووك ,
بشوفو و بتعرفو
وبحكو , و ماحدا بدري عن حدا شي
كلو بين الكي بورد و الشاشة
و السلك
ف عااااادي متل ما قال عبد بطلت تفرق
صحيح , اذا لاحظتي المجتمع صار يتقبل فكرة التعرف على النت اكتر , و صار عادي يعني من وين بتعرف من الانترنت ,ااه حلو
او كان يحكي من وين شو ؟؟ النت كلها همل و و و
هلا ريلكس وكوووول كلو تمام
تحياتي
abed
صباح الخير
بتفرق يا عبد
في فرق لما الخصوصية تنخرق للجميع لانه النت هيك و لما انت تتبرع من عندك
يا سيدي عالقليلة بالحالة الاولى بتقول اللي صار علي صار ع غيري بس بالتانية ممكن تلوم نفسك
انا اذا انتبهت لموضوعي منيح مش ضد الفيس بوك او النت( ما انا هون دايما يعني بكون منافقة لو بهاجم اشي انا بعمله
انا بس انصعقت و ركز على انصعقت من بعض رواد الفيس بوك
المشكلة انه نحنا هون لما سين من الناس يعمل اشي بيروح صاد بيعملو بدون ما يفكر
النقلة الرهيبة في تفكير الشباب و البنات
هاي اللي خلتني احس انهم لاحقين بعض بدون تفكير بدون ما واحد يوقف لحظة و يسال نفسة ليش كل يوم عم بتمادى اكتر بالصور ليش صار اوكي انه اعمل هيك
ليش كل الناس تعرف انا صديق مين و انا بروح وين و شو بعمل يعني بتقدر تقول الفيس بوك صار متل تلفزيون الواقع
ممكن بوكرا ينزلوا لايف كام و تصير تشوف اصدقائك و همة نايمين او بلبسوا او بحلقوا مثلا
بالنسبة لبن لادن بتعليقك الاول
في كتييييير سياسيين اشتركوا بالفيس بوك و منهم هيلاري كلينتون و بعملوا غروبس عشان برضة استغلال الناس للتصويت
اكتر اشي بكرهه حدا يستغلني
صح؟
شكرا عبد اسفة كترت كلام
sharifo
صباح الخير شريفو كيفك
شكلي كتت كل شي بدي اقولو بالرد على عبد
بس بدي اقولك انه اللي قلته انت مهم
في ناس كل حياتهم صارت ديجيتال
يعني لو انت صار هيك معك نحنا عارفين ظروف البلد و فاهمين انه الانترنت يمكن الملاذ الوحيد
بس لما ناس بعمان مثلا تكون كل حياتهم عالنت
صداقاتهم
يعني انلغت حياتهم الاجتماعية
بطّل في تفاعل انساني صار كله عالشاشة
هل تعتقد ان ذلك صحي يا اخي؟
كلا
قلبت مسلسل تاريخي
المهم
الموضوع يطول الحديث عنه
بس ابو الشريف انبسط و تسلى ولا تهتم
و شكرا لمداخلتكم
qabbani
صباح الخير
اللي قلته صح
بتعرف كان في عيب بالهوتميل القديم
من اكم سنة
هلا لو انت ايميلك تركته 3 شهور بيصير غير فعال بيجي مثلا فلان بيسجلو
كان يطلع الكونتاكت ليست ع الم اسن ان اللي الك عنده
تخيل
يعني لما عالفيس بوك يقولك اكتب ايميلك و الباسوورد
انا هاي ما دخلت مخي
ليش طريقة دعوة الاصدقاء ما تكون غير؟
هلا بقولولك نحنا ما منخلي الباسوورد عنا و ابصر شو
اسفة جدا
انا لا اثق بهذا الكلام
كلها معلومات مسجلة عندهم
حتى لوغيرت الباسوورد و كل معلومات الايميل بعدين برضة في طرق
هلا ممكن تقولي على بال مين يالي بترقص بالعتمة و مين قلقان فيكي يا ملائط ليفوت ع ايميلك
مزبوط
بس بلنسبة الي بهمني
الكذب سهل جدا عالنت
عشان هيك متل ما بقولك في ناس حياتهم كلها نت
عشان ياخدوا راحتهم و يبنوا شخصيات و يعيشو بطريقة ما بيقدروا يعيشوها بالواقع
بس لما يصطدم الواقع مع النت
صدقني بيوقعوا بدقيقة
شكرا قباني لمشاركتك و اضافتك
hahhahahah d7ktene mn kol 2lbe :D ur 100% right ana faceless kman ..
aya
Good morning
i will create a group for faceless facebook people
sho ra2yek?
thanks aya for ur comment
I like the idea.."faceless group" :)
il fikra min wara facebook kanat aslan ino la mosharaket il asdiqa2 ili aslan bi3rafo ba3ad bi nasha6athom mish mhsna il wa7ad ye3mal sadaqat jdeedeh, ya3ni nas ana ba3rafhom aslan fil waqa2 o asdiqa2i fi3lan o ba3raf kol ishi 3anhom, mosh il hadaf ino at3arraf 3ana nas jdaad.
fa ya3ni fee ilo faydeh, ya3ni masalan momken il bani adam ino yektashef asdiqa2 ilo inga63at akhbarhom masalan zai s7abo min ayyam il madraseh o kaza.
amma bil nisbeh lal sirriyeh bil usernames/email fa ya3ni maho zayo zay il email address taba3ek, ya3ni keef masalan bidhom ye3malo authentication lal bani adam ghair il password? ba3dain ya3ni inti momken ino ma tista3mili nafs il passwords la kol ishi, ya3ni il email password ishi wil blog password ishi o haika.
ba3dain tara la tfakkri ion 7ata law inhom bi3rafo il passwords inhom momken yesta3miloha bi ayya shakel fio darar, hadol sharkat amereekiyeh o fee 3indhom qawaneen btikhreb baithom iza li3bo bi dailhom haik willa haik.
o ba3dain ya akhi kol wa7ad bit7ammal mas2ooliyet 7alo, ya3ni ma 7ada jaber 7ada ino iy7ot ma3loomato il shakhsiyeh online, iza howeh bido iy7ot o shayef ino mafi moshkileh yenshor ma3loomato online fa wagteeha 3ad howeh 7orr, howeh bit7ammal mas2ooliey nafso. ma3 ino ana mo shayef ya3ni sho il gossa il 3azeemeh bil "online anonymity" ya3ni izano ana ma baktob ishi monafi lal akhlaq aw did (anti ya3ni) government aw min hal 7aki mo shayef moshkileh ya3ni ino il nas y3rafo ino masalan bakkouz ismo m7amad bakez. mish hal ishi il 3azeem, sho bido iyseer masalan? hai fee kteer bloggers min il ordon masalan shabab o banat ma3roof min hommeh o ma3roof 3anhom kol ishi o sowarhom online o 3adi 3aysheen 3adi o la 3omorhom sar ma3ahom mashakel wala bateekh asfar :P
faaa hadol girshaini 7awl il mawdoo3.
gardenia
we can go along with the faceless group but our group should be differant than others..baffaker fee fakri ma3i
bakkouz
قرشيناتك طلعوا تلات ليرات و نص
هلا اللي قلته انا بعرفه و منيح و حلو
بالنسبة لنشاة الفيس بوك و لمة الاصحاب
يمكن انا مش قادرة اوصل الفكرة اللي زاعجيتني
المهم
الباسوورد اللي بحكي عنها مش باسوورد فيسبوك اكيد رح تكون غير باسوورد الايميل و البلوج
انا بقول لما يطلبوامنك تستورد الليست من ايميلك
لازم تحط ايميلك و الباسوورد الي اله
صح؟
بكوز برجع بقول مش ضد البرنامج بس انا ضد الانفتاح الزائد و كانه في مسابقة بين البعض مين بيسهر اكتر و مين بعرف اكتر لدرجة انه كلمة صديق فقدت مصداقيتها
و طبعا كل واحد حر و كل عنزة معلقة من اجريها و كل واحد بيتحملمسؤولية نفسة انا مش حاملة السلم بالعرض و بدافش فيه انا بس شفت انه الناس صارو يتبعوا بعض بدون تفكير و شكرا لمداخلتك و اضافتك دايما بتنور
والله يا ملائط، اذا بدك الصحيح، موضوع الخصوصية و فقد الخصوصية في منو نوعين:
خصوصية نحنا فقدناها غصبن عنا، و اذا قريتي Digital Fortress ل دان براون
رح تفهمي شو قصدي :-)
و جزء نحن تخلينا عنو بمزاجنا...
اللي بتحط صورها عالفيسبوك و هي بالبكيني ولّا عالشطّ هي حرّة! و اللي بتضيف شروي غروي هي حرّة! انا شخصيّاً ما بحط عالفيسبوك اي اشي ممكن اتدايق حدا يعرفو... و صوري عالغالب تعبيرية مو شخصية... و ما بضيف الا يلّي بعرفهم... لأني كبيرة و عاقلة و اسم الله عليّ و بعرف شو اللي بيصير واللي ما بيصير :-D
و اللي بدها تسهّل عالشباب يستغلّوها هيّ 100% حرّة! و تسطفل!
ملائط
النقطة يلي عم تحكي عنها مزبوط
الأيميل و الباسورد ,
بس احط بصور تقنية
هي المعلومات ما بتنقرا يعني الباسورد تبع الإيميل لما اتحطيها مشان يسحبو الكونتكت و يبعتو انفيتيشن , بتتشفر و مو سهل انه اي حدا بدو يعرفها يطلعها حتى لو من جماعة الفيس بوك , يعني انا الورد برس تبعي , مع اني بفتج الداتا بيز بس ما بقدر اعرف الباسورد اذا ضاعت مني , بضطر اعملها ريست , مع انها موجدوة عندي بس مشفرة و الشي الوحيد يلي بقرأها هو نس يلي شفرها ك برنامج
بعدين
عند بديل بتقدر تخزي الكونتكت على اوت لوك و بعدين اكس ام ال و ياخدهم , في اكتر من طريقة و اسهل وحدة انه تحطي الإيميل
و الباسورد تبعو
naryat
مساء الخير
مزبوط كل واحد حر اكيد بس اي واز ونديرينغ يختي يا نرنر
و اللي بيشيل قربة مرومة بتخر على راسه
اما ديحيتال فورترس الها بتستنى فيي سنة كاملة لاقرأها
اذا هيك لازم ابدا
qabbani
شكرا على المعلومات ما هوة الواحد لما يكون بيجهل الاشي اما بيكون مهمل او بيكون اكسترا حريص
لدرجة يمكن هبلة
متلي
شكرا مرة تانية
بلاها كلمة هبلة , مو حلوة , لو كنتي هبلة ما كنت كتبتي عن الموضوع و عرفتي حيثياتو واو حلو حيثياته :)
على العموم , انا ما عمري اعطيتهم الباسورد لأنه عند اكونتكت على الأوت لوك بس متل ما التي ما دخلت مخي , لأنه فيها دعاية
و فيها غشمنة
يعني الكونتك يلي عندك اصلا اصلا مو كلهم صحابك , يمكن ناس تعرفتي عليهم من الشات وهيك ف لما تروحي على فيس بوك بتلاقي اسمهم غير و صورهم غير , و هنن نفس الشي معك احيانا
بتنفضح امور عن غشمنة
يعني الفيس بوك انا بضيف يلي بدي ياه و بعرفو ما رح اعطي لواحد تعرفت عليه من النت من ابل شهر ولا 2 و خلي يفوت يشوف صوري و معارفي , لا هاد الغلط
الأصل انه من البداية يكون اضافة لناس انتي بدك ياهم , يمكن الكونتكت في ناس الك كزا سنة ما بتعرفيهم و طلعو بالفيس بوك و بتنصدمي لما تشوفي معلوماتهم
يعني الموضوع مو بس عبي صحاب , الموضع بده شوية تفكير و عقل و بصير ممتع و مفيد و حلو
على العموم , هي بتزكرني بموضوعك تبع الزواج على لنت , الفكرة بدور بنفس المجال انه الواحد عم يترك الحياة الوهمية على النت تأثر عليه و بعدين بنصدم و بفوت ب 66 حيط و بألك مدري ليه هيك صار معي
و اول شي و اخر شي الواحد بنصح و بوضح و أكتر من هيك ما بإدر يعمل يلي عم بفوت على النت و يكعكش و فوت هون و هون و يزت معلوماته بدون اهتمام و يخبص هاد يلي بياكلها مزبوط
اما يلي عرفان شو عم يعمل و عألو براسو
ف مافي خوف عليه
هون اسمي قياني
وعلى الشات اسمي فايروس
يا بتعرفني بال2 يا واحد منن
تحياتي : )
ما تواخذينا طولت
Nothing posted on the internet is private.. so one should be very carefull..Am against putting everything out there for everyone to see, because it can be used to harm like the case of Miss New Jersey here in the U.S. who posted some silly pictures and when she got her crown someone tried to publish the pics to embarass her... You can read the story here:
http://hollywood.outsidethebeltway.com/2007/07/amy-polumbo-miss-new-jersey-shocking-facebook-photos/
and I agree with you at all points:)
and by the way this story is silly compare to other dangerous things that might happen ..
صباح الخير..
انا قرات الموضوع شوي شوي وقرات جميع التعليقات وحابة اعطي رايي بالموضوع:
كانوا اصدقائي دايما يبعتولي دعوة على الفيس بوك على الهوت ميل وانا بقول شو هاد الي باعتينه. لحد ما مرة صاحبتي قالتلي (انت كيف لسه لهلأ ما عندك اكاونت على الفيس بوك) قمت بحبشت ونبشت لحتى تعرفت على الفيس بوك وعملت اكاونت.اول شي شد انتباهي انه اولاد خالتي وبنات خالتي في لبنان واوروبا الي زمان مش شايفاهم وكنت كتير مشتقالهم وعن طريق الفيس بوك شفتهم وكتبت تعليق على صورهم.
الموضوع بعدين تغير.. صار في ناس يبعتولي (هاي) (كيفك) (سمايلي فيس) ناس انا ما بعرفهم ومعظمهم شباب !!
وبما انه ما عندي خبرة بالموضوع وما بعرف انه في مربع سيرتش بكتب في مثلا (نادين) بطلعوله قائمة بكل اللي اسمهم نادين على الفيس بوك !!
قلت لالالالالالالالالا !! هيك وبس
عملت ليمتيد بروفايل وخليت عندي بالفائمة فقط (قرايبي و 3 صديقات في الاردن) وشطبت الالبوم تبعي وخليت صورة واحدة رئيسية دايرة فيها وجهي :) حفظا لماء الوجه :)
الموضوع مش سهل يا جماعة .. في شب عنا بالشغل بقسم الكمبيوتر كنا عم نحكي عن هاد الموضوع قالي بتعرفي يا نادين انه بقدر افوت من جهاز على الاكاونت تبعك ومنه اشوف كل الابيم اصدقائك وصورهم كاملة !! وفعلا جرب قدامي اخد اسمي على الفيس بوك وعمل سيرتش ومنه شاف قائمة اصدقائي وبكبس على صورة حدا منهم وبفوت منها على كل شي بخصه!!
طبعا انا انصدمت وقلتله جرب العكس..انه من قائمة اصدقائي تقدر تفوت على الاكاونت تبعي وتشوف صوري.. جرب بس ما طلع بنتيجة :) لانه محسوبتكم عاملة حماية على الاكاونت تبعها ولميتد بروفايل .. :)
وانتهت الحكاية :) :)
الخلاصة : كل واحد حر بحاله وبالصور الي بحطها بالنهاية اهم شي لازم ما حدا يقدر يفوت على البروفايل تبعه الا الي عنده بالقائمة .. يعني الي واثق فيهم :)
Very interesting post !!
when you create such an account, this kind of sites try to advertise themselves ( and thats how they get very popular by using your hotmail contact list (msn), so they ask for your permission to contact everyone on your list when you give your email/passwd. Anyway let me just ask you: have you ever read any "privacy policy" when you created any online account/email/ etc... ? Do you know that any email/ document you send through these free services is copy righted for them? thats just an example!!
Forget privacy when you live online!!
BTW I didn't like facebook either, and still have no account there ...
qabanni
كلامك صح هناك بحطوا اسمئهم الحقيقية و صراحة في ناس ما عرفتهم
ممكن تعمل فيس بوك لاصحاب النت وواحد للعيلة يعني متل الايميل
شكرا قباني علىكل ملحوظاتك و مساعدتك
noura
نورا نورا يا نورايا وردة نادية ببنورة
اسمك على رسمك صورة
م القمرة يا قمورة يا نورة يا نورة
اجا عبالي اغنيلك
انا بقول من اول مبارح هالحكي بقولوي ما خصك صفي عاليمين و اطفي
شايفة يا نورة ما حدا بينسى لحدا اشي ولاحتى باميركا
الناس ذاكرتها قوية فيما يتعلق بالفضائح
شكرا نورة على مشاركتك
nadeen
انا الي اكتر من سنة بيوصلني دعوات بس كل البرنامج ما دخل مخي لهلا و لو يوم قررت انزل صور و اشارك متل ما الكل مشارك اكيد رح يكون ضمن نطاق عائلي بس و ضيق جدا
الاصحاب على عيني و راسي و بحبهم بس تعلمت انه في صداقات لا تدوم و في صداقات مؤذية و في ناس بوجك اشي و بضهرك اشي تاني
عم بحاول اعرف كل طرق الفيس بوك و في اله حدود للبرايفسي منيحة يعني ممكن ما حدا يشوف البروفايل حتى انتي
لا بمزح ممكن بس انتي تشوفي و ممكن تحددي مين يشوف الصور و مين يشوف الحيطة اللي بيكتبوا عليها و مين يتطلع من برة و يتحسر و ما يشوف
شكرا نادين للمشاركة وا لاضافة
bos6ar gadeem
اول ااشي اهلا و سهلا بك في المنشر نورت
اما بالنسبة لبرايفسي بوليسي اكيد ما بقراها ..هديك المرة قبت بدي اقرا انا على شو بوقع و بوافق ولا يا عميبيحموا حالهم كتير
انا بس ابدا بالقراة و اشوف انه ممنوع السفالة و قلة الادب و اذا بتطولي لسانك منقصة و هالحكي بقول انا بخي خلص ما هوة انا ما بحكي هيك اشي ولا بنزل صور عيب يعني
ما بكمل قرأة
و هم طبعا بيكتبوا هالبوليسيز عن طريق محامي و من خلال خبراتهم بالقضايا السابقة اللي خلتهم يكعوا دم قلبهم بالمحاكم
هلا ايميلاتي كوبي رايتد الهم؟
حتى النكت و كيف حالك طمنيني عن الولاد؟
خليهم يتهنوا
شكرا للمشاركة بسطار قديم و شرفت
انا اختلف معك في هذا الموضوع يا ملاقط
عني شخصيا التقيت بأصدقاء منذ الطفوله كنافي المدرسه مع بعض وكل منا سافر الى بلد مختلف و التقينا في الفيس بوك
و كذلك أصدقاء الجامعه
و لا استطيع ان اصف شعوري عندما وصلتني رساله من اعز اصدقاء الطفوله كان قد سافر على اميركا وانقطعت اخباره
و قد وجدني هناك
و بنسبه للخصوصيه
فمن الممكن التحكم في الموضوع كما ذكرتي
و بنسبه لي لا توجد مشكله عندي
فا ماذا سوف يحدث ان عرف الاخرون اسمي وتاريخ ميلادي وعنواني
فلستو عميلا سريا حتى اتخفى
بل بالعكس يسعدني ان يعرف الجميع من انا
هذا كان رأي بالموضوع
معقول الصدف؟
هلا في حوراني تاني ولا انت انت اللي انا كنت هلا بمدونتة و كتبت تعليق عن شاف شوف ولا ما بعرف شو اسمه
لو انت يعني عن جد الدنيا كتير غريبة
المهم نرجع لموضوعنا
انا يا حوراني اكتر وحدة بالعالم بتقدس الصداقة و خصوصا الص
اقات القديمة
انا ما كان اعتراضي الا على اساءة استخدام البرنامج
انا كمان قلت لو بدي انا ملائط و بحكي بس عن نفسي اعمل فيس بوك بكامل المحتويات من صور شخصية و احداث يومية اكيد بعرف اختار مين يشوف و يمكن حتى لو عائلة تكون ليمتد مش لسبب الا انه انا بحس انه كل انسان اله خصوصية لزم يحافظ عليها و ما تكون حياتة ملك مشاع لمين ما كان
يمكن انا بس هيك
يمكن الغلط فيي بس مش قادر استطيع اتغير
مجرد خواطر عن التغير اللي حصل بالاردن
شكرا حوراني لاضافتك و لزيارتك
Hi Mala2e6, i want to join the faceless group too :)
I also got a few invitations from friends to join but i didn't do it and now after seeing the link and the clip u added i am more convinced not to.
mo l2ne sha5syeh mohemeh bs jarabet 7ada yet3ada 3la 5sosete bdon tas-heelat facebook fa ma balek m3ha.
لاء انا نفسو الحوراني الي كنت هندوا في المدونه شايفه الصدف بتتزكري
مره صارت بمدونتي كمان كنت عم فكر فيكي ولا انت كتبتي تعليق
نرجع لموضوعنا
الخصوصيه بترجع للشخص نفسه
ومش انت غلط لاء في كتير بفكروا متلك انو لازم يكون عند خصوصيه ومش لازم حد يطلع عيها
و في ناس العكس متل الكتاب المفتوح
بنسبه لي عندي خصوصيه كتير في حياتي
بس انوا يعرف الواحد مين انا و شو اسمي و كم عمري ما بعتبرن خصوصيات عشان اخفيهم هاي معلومات عني و ممكن اي حد يعرفهم
يعني لما اتعرف على حد بخبروا هني واذا حد سأل عني ممكن اي شخص يحكيهون
فا مش خصوصيات ولا اسرار
و بعدين في الواحد يتحكم فيهم
يعني همي في الفيس بوك ما عم يجبروا اي شخص ان يحط المعلومات و كمان مش متضر ان يكونوا مزبوطين بترجع للشخص
و اخيرا شكرا على تعليقك في مدونتي و عجبني الاسم الي اطلقتيه عليه شوف شوفات هههه
ايه والله معك حق بس هالشوفات صرنا نشوفا كل يوم على التلفزيون و الانترنت يعني ما جابوا شي جديد
بس بتضل شي غلط
nice post mala2e6 >>>> 3bbartee 3n el face book btaree2a jedan mantekyyeh ...w kalamek mzboot 100% >>>
e7trna keef bdna netsalaaa
nice post mala2e6 >>>> 3bbartee 3n el face book btaree2a jedan mantekyyeh ...w kalamek mzboot 100% >>>
e7trna keef bdna netsalaaa
nice post mala2e6 >>>> 3bbartee 3n el face book btaree2a jedan mantekyyeh ...w kalamek mzboot 100% >>>
e7trna keef bdna netsalaaa
nice post mala2e6 >>>> 3bbartee 3n el face book btaree2a jedan mantekyyeh ...w kalamek mzboot 100% >>>
e7trna keef bdna netsalaaa
Mademoiselle mala2e6, ayna anti ??
7abeit 2llik mar7aba :) wa mashkoura 3al gheniyeh el 7elweh..
mr7aba :give:
ana 3melet account b3ed naa2 kteer :P msh eshi,, ma 2ele feyo kteer.. 3ade jeedn!
طريقة جميلة طريقتك في الكتابة,
سلسة وتعبر عن جمال أفكارك, لن أقول نفس الشيء لو كان كاتب المقالات هو ذكر ليس لتحيزي لإنثى وإنما لتحيزي للطريقة الأنثوية في الكتابة واللت......
يا بي مزنخ الفلسفة.. كتابتك حلوة بس متأكد إنو في عندك طحشي مشاكل نفسية وإنتي مش دارية. بس أمورة, سلام.
very wise mala2e6, thanks for this article.
Now how can I add you? :) j/k
I have to say that after reading the comments..I have to agree with abd to an extent.
مرحبا و اعتذر عل التاخير
من ثغر الاردن النشفان ريقه العقبة الابية اكتب لكم
و هدا كان سبب تاخيري كنت استمتع بشوبات البلد
wonders
i agree with you maybe men will find it hard to understand why we are defending our privacy beuase it is totaly differant to them..i asked a male facbooker "do u have alimited profile?: you know what was his first reaction and words?:laish howe ana bint akhaf 3ala 7ali..sa3b yefhamo sho asdna..anyway i will see about our nw group and thank you wonders for ur input
vagueraz
we can netsalla razan but we also have to keep in mind that others also 3am betallo..thank you for ur comment
nour
btestahali a7la ya noura u are always welcome
mnoshty
its not bad if you knew how to handl things there..u can join our group when we create it if you like..thanks mnoshtymnawreh
the R
اهلا وسهلا اخ ار
شكرا لمروركو انا بدي اقولك انك غلطان
من ناحية انه عندي طحشة مشاكل نفية و مش دارية
انا دارية
و بعرف مشاكلي النفسية منيح
صدقني انه نصها اذا مش كلها من ورا تعاملات عالانترت انتهت بصدمات
و ما رح اتعالج لانة متسلية هيك بمشاكلي لو حليتهم يعني بصير ملل
شكرا لمرورك
hareega
i dont have a problem with anyone adding me but i want them to understand tht i dont mind if they limited my access i wont complain since they know nothing about me..i didnt add anyone coz my profile is as it is here mala2e6..nothing new and everyone there has something to share..i have nothing so i leave it to those who dont mind my so limited info..
thanks hareega
gardenia
walla ya abed w la6asht zabayen min 3endi
dear gardenia you hav the full right to change ur mind or see things in a differant way..i might some day do that u never know..people change and things change..thanks gardenia
حوراني
انا بالحياة العادية مجلد مفتوح مش كتاب يعني اللي بيعرفني بيعرف عني كل شي بس المشكلة بالانترنت
الانترنت قابلت فها ناس خلوني اغير طريقتي بالحياة السايبرية
و افضل الخصوصية على قد ما بقدر
شكرا حوراني و ما تطول الغيبة
:D
I said to an extent :)
I really think that a sesible conversation is something enjoyable...
و الله كلامك صحيح مية بالمية انا اشتركت من كتر ما بعتولي دعوات على الايميل حكيت يلا بنجرب و لانني ما بعرف هاي فايف (و الله اني جاهلة طلعت)
و ما شاء الله لقيت كل العالم عليه بس كانت صدمتي لما شفت الصور اللي بحطوهم البنات و الشباب كمان ... يعني و الله اشي بخزي .... و حكيت بأكتر من مكان انه ما عجبني عشان هيك لغيت اشتراكي هناك و كمان بتحسي بده فضاوة و ناس بس رايقة لهيك قصص اي و الله اشي ممل ...
gaardenia
tayyeb iza to an extent ..mashi..:D
have a lovley day
simsim
و الله يا سمسم انا مش ضد اي برنامج الواحد يقرب فيه لاصحابه و عيلتة بس متل ما قلتي و انا قلت الصور و المعلومات الزائدة ما الها داعي تكون مفتوحة عالبحري
شكرا سمسم لزيارتك وتعليقك
I have invited you on F.B.
lets make our faceless group..only if you like the idea :)
thanks..i created the group and added you but for some reason you dont appear on my list..ibsar laish ..balki la2enna faceless??
Inti ktheer mkabreh el mawdoo3 b sara7a, plus facebook allows the person or user to maintain full privacy. Plus, your account can be deleted in a matter of 2 minutes. It's not like an irreversible 3'al6a.
OK I agree some might misuse it, bass a lot I don't see anything wrong using it.
يا خوي يا عمر
انا عارفة هالحكي انا اللي قلته انه الناس تغيرت
تغيرت بسرعة كبيرة
الغلطة مش انك تعمل اكاونت عالفيس بوك
طبعا اي شي ممكن تمحية عن النت بس هل ممكن تمحية من هاردرايف اي حدا تاني؟
او من ذاكرة حدا؟
شعبنا ذاكرته قوية جدا
على كل
الشباب تقريبا من رايك
انا ما بحاول اقنع حدا باشي
انا قلت رايي و انت حقك تقول رايك
و نورت امنشر از يوجوال
i have 21 friends on facebook only .. just relatives and close real friends .. bisara7a i dont like it a lot .. bass inno tadyee3 wa2et :)
ahlan abbasito again..i like the applications there..i just spend time playing flixter..
thanks for apssing by
yeah me too i have 1440 points already and going for 2000 today .. im just crazy about music ;)
i have 2280 points.and i am going to play now..:D
well i think that the never ending quiz is very easy anyway that's why i dont play it much .. i prefer ilike music challenge .. im up to 4600 pts .. :) p.s is this like, a competition :D ??...
i would compete on the movies one since i am already ahead :D
the music one is more diffcult sa7?
i dont know .. depends on ur musical knowledge ;) i got to 5000 (music genius) and now taking a break ... movie quiz 3100 :D
are u taking a break from all or just music? ya3ni i just need t know if i have to stay up all nite to beat you..:D
مرحبا ملائط
كلامك جدا رائع وجد انا لما قرأت
الموضوع حسيتك عم تحكي عني وعن صدمتي
بموقع الفيس بوك
وكيف هون الكل عندو عادي بينشر صورو
بيحط خصوصياتوا حتى صور الحفلات
السهرات انا صدمني هيك شي
بس بيرجع كل واحد ادرى بمصلحتوا
قرأت موضوعك وشرفني اعلق عليه
بنت القدس **
Post a Comment