July 02, 2007

صيّف و كيّف 2

الحلقة التانية
***
طلع مزعل من عند حماتو معمي ظوه
طلعوا بالسيارة و طبعا طلع البلى الازرق على سهى

مزعل: من ايمتى امك بتسافر؟ اخر مرة ابوكي طلعها مشوار كانت ع طريق المطار

سهى: مزعل لا تجيب سيرة امي... ها.... ترى امك اللي عملته مش قليل من ايمتى خرفنت و بطلت تعرفنا

مزعل: تقوليش خرفنت لاعزقتش من الشباك بعدين لدي على جاي بدال ما تخافي عليها و تقولي اوخذها ع مستشفى

سهى: لشو المستشفى ما هية ما مالها اشي و انت عارف ولا مر عليك الفيلم اللي عملته؟؟
مزعل: سهى اتقي شري بلاش اقل قيمتك هسة
Image Hosted by ImageShack.us

سهى طبعا قلبت الاسطوانة و بدات بالنحيب و البكاء

سهى: الحق علي انا بس كنت بدي اكون معك شهر عسل تاني هدا جزاي لاني بحبك جزاي اني بدي اكون معك و انت اه اه اه واااع

و بلش مسلسل البكاء و انهمرت الدموع

مزعل: مش قصدي يا سهى يا حبيبتي انا بس عصبت حسيت اننا مثل الشحادين دايريين بهالولاد عالاشارات يا مين يوخذهم اكم يوم

سهى طبعا بعد ما احست انها امسكت بزمام الامورر من جديد

سهى: تحكيش معي..
مزعل: اي خلص... انتي غشيمة عني؟؟ بعصب بسرعة بس برضة انا مزعل حبيبك ...اقولك ؟ بس عشان نتأكد وما نظلم امي ..يمكن عن جد مريظة؟
سهى لفّت وجها عالشباك..مزعل مسك هالموبايل و اتصل

**********
و في مكان اخر اقل كآبة بكتيير
ام مزعل قاعدة تارجل و تشرب قهوة و تتفرج عالتلفزيون

ام مزعل: و الله هالقهوات كايفات و المعسل نظيف ...منو هاظ اللي بيغني..و لويش البنات بنطن و مش مصدقات حالهن؟

و تطلعت ع صورة ابو مزعل عالحيط و هو بيجح بالمصور كانه قاتل اهله

و تنهدت و قالت بحسرة:
اييية ....بس شو جاب لجاب

وينك يا جظعان ووين تامر هاظ..طول بعرظ و الهيبة قدامك مترين يسعدلي هالبوز

اخ بس لو انك هان كان قلت لي قومي ارقصيلي يا شيرين
و ابقى نفسي اه اه اجيلك اقولك انك اه اه
Image Hosted by ImageShack.us

رن التلفون دورت عالريموت ووطت الصوت


ام مزعل: الوو منوو؟
مزعل: ها يما انا مزعل...بس حبيت اقولك انه مرت عمي زيزي رح توخذ الولاد
ام مزعل بقرف: زيزي؟؟؟..قصدك وزنة بنت ام اسعد الحولة... طبعا بتوخذهم و انتة مثل الهبيلة ما بتصدق و بترجع من قبرص حاملها الهدايا اشكل وا لوان
مزعل: يعني كنتي سامعيتني؟؟؟ و انا قلقان عليكي و بدي اوخذك تعملي صورة رنين؟
ام مزعل و بعد ما انفقست
ام مزعل: هو شوف يما انا قبل اشوي اخذت الحبة البردقاني و الحبة الصفرا و قبل انام بوخذ الخظرا..ما كنت داري عن حالي..
مزعل: قصدك حبة الظغط و حبة الدهنيات.. يما.. انا بس كنت حاب اتطمن عليكي... ولادي و رح اوخذهم معي
سهى تشنجت و صارت تبرق له بعيونها
ام مزعل: بتكذب علي يا قاروط ؟ و انا بقوووول.. من وين اجتك الشهامة يا وزنة!! بتعرف وزنة هاظي.. بالزمنات كان خالك عزيز يتنصب لها عند السور و كانت توقفلوا بالحوش.. قال شو... بتشطف

سهى من بعيد: شو في شو بتقول ؟؟

مزعل: يما لويش هالحكي هسة..ما لهوش داعي
ام مزعل: هية ست الحسن بجنبك؟
مزعل: .انتي شو قاعدة بتسوي لهسة ؟ مش مليح السهر الك
ام مزعل في مسكنة: و شو بدي اساوي ؟؟ قاعد ة لحالي..لا انيس ولا ونيس..بكمل نشرة الاخبار و بنام
مزعل :تصبحي على خير
ام مزعل : و انت من اهلو
سهى: شو؟ بدنا ناخد الولاد معنا؟
مزعل: شو بدو يصير يعني؟؟ خليهم ينبسطو
سهى: يعني ما في سهر ولا طلعه مننام مع الجاج
مزعل: اي هو بس نصل هناك بالاول..تاكلي شاورما ؟
سهى : بس من عند كرم
***
في اليوم التالي
طلع مزعل من مكتب مديره بعد ما وقع له على اجازة

مهند: شو ما الك بالعادة تاخد اجازات

مزعل: والله هالسنة ناوي اسافر..مفكر اروح ع قبرص

مهند: قبرص قبرص الله الله و بطلع منك يا مزعل.. قبرص و البحر..اه.. المايوهات و البنات و ال

مزعل بقاطعه: شو بنات و مايوهات؟ انا رايح مع عيلتي

مهند : شوووو؟ ماخد مرتك معك؟
و ضحك ضحكة طويلة شوي و قال:... اي حدا بروح عالمطعم و بوخد معه ساندويش

مزعل: ولا شو اسافر لحالي و اتركهم؟حتى لو انا بدي.. هية ما رح تقبل

مهند: انا مرتي بتقولي رووح لحالك يا مهند و بتدعيلي ارجع بالسلامة كمان ..انا كل سنة مثل ما انت عارف بروح التشيك علاج طبيعي.. عشان عندي ديسك
و قال ديسك مع غمزة

مزعل: بتروح لحالك ما انا عارف ...بس كيف لزبطت معك هيك

مهند: اول مرة رحت اخذت مرتي معي و قضيتها بالمركز ..اخ يا ظهري..اخ يا رجلي.. و خليكي جنبي يا ام جواد.. و هية قضتها قاعدة.... السنة اللي بعدها قلت لها ياللة عشان نطلع عالتشيك سوى قالت لي: بدي اظل عند الولاد روح الله معك

و من يومها و اخوك مهند عصفور طيار

مزعل: يعني فكرك قبرص ما بتنراح مع عيلة؟
و قعد مزعل يفكر

....
في الحلقة القادمة


هل ينجح مهند بان يلعب براس مزعل ؟
هل يذهب مزعل لحاله؟
هل ذهبت ام مزعل لحفلة شون بول؟
و ماذا سيكون رد فعل سهى؟

....

30 comments:

Anonymous said...

ma ykon 3nde wa7d zy mez3el 2ela awadeh 3nd jath3an !

mala2e6, almanshar, kawkab elitharah wa tashweeq :P

morning sweetie :hug:

Mala2e6 said...

mnoooooooosh

missed u..hal2 hal2 kont afaker fiki w a2OL MALHA

yes3ed saba7ek

Anonymous said...

Ya 7aram 3ala el shabab, walahi hal mohannad mesh 2aleel ….
Walahi elek wa7shei ya mala2e6 ya 3asal… jad jad jad … eshta2tellek
Saba7ek ward :)

Mala2e6 said...

maioush

ana kaman ishta2tillek..the summer is a distracting season..its great to see you around..:)

ssba7ek 3asal

Anonymous said...

wlahe el story 7lweh :)
oskoty b3tet el link taba3ek la b3d el mwazafeeen b el company
w bykr2u el story ...
w bytlobo el takmeleh ,,
el yum b3telhum hay el 7alka :)
ma etawli 3leeena

Mrs. Al Ramahi said...

mumken Suha te3mal 7alha enha eblat yeru7 la7alo o ba3dain betbee3 joz el mabareem o betru7 tetnakkar o tel7a2 jozha o tefda7o hnak :) hehehe!

Mala2e6 said...

vagueraz
loool thanks razan thats is so sweet of you.i hope they like this one too

mrs ramahi
مباريم

هاااااااااا هاا شو زمان ما سمعتها

يا الله
بتزكرهم كانوا ذهب احمر و ثقال و في منهم حية و نجاصات

و العصمليات كمان

و شو شو

شكرا على الفكرة بس تخيلي مزعل و عقليته العوجا و تعمل هيك سهى والله ليطلقها
شكرا كتير مسز رمحي

Lina said...

listen, seriously, there's a script writers lab in November, and they are taking submissions until the 15th of July. You'd write a great Jordanian comedy :)

yalla looking forward to the next episode!

Jasmina said...

له له يا ملائط، ما لقيتي إلا مهند يلعب بعقل مزعل؟ ما حبيت هالفصل بنوب

بتعرفي شو؟ بقراءة هالحلقات عم حس أديش لازمني دروس بكيد النسوان، ياللا عم انتظر الحلقات الجايين لإتعلم، لول

Anonymous said...

lah,lah ya mala2e6.. In the next episode مهند should be caught by his wife and please let her teach him a lesson he'll never forget;) and let him be 3ebra li man i3tabar..lol..
هل يذهب مزعل لحاله؟
YES, only to be caught and end up like his friend mouhanad :D

Me said...

Mala2e6, I thought i left you a comment here but i guess it was lost in cyber space!
Just wanted to tell you that i enjoyed reading (as usual)! Next time i am going to write only (as usual)! Because you never fail to deliver very amusing anecdote !

Mala2e6 said...

lina
welcome to the manshar..

and thanks alot for ur visit bas law jebti ma3ek il url maslan lal writers lab :)

jasmina
انا ما بعرف ولا مهند بالدنيا عشان هيك
اخترت هالاسم

كيد النسوان ما بدو دروس

بيجي بالطبيعة

hahahaa

بس خليها بيناتنا

noura

نورا هدا مهند معبي البلد عنا

في منه نسخ كتيرة و على فئات عمرية متعددة
هلا مرتة تروح و تمسكة
ما هية بتقولو روح
يعني الحق عليها
بعدين لو راحت يعني بتضمني تلقطة؟
و الرجال ما بيعتبروا من حدا
كل واحد بيفكر انه هوة غير

مزعل صديقنا احسن من مهند
بس المشكلة يا نورا انه هدا ميني مسلسل او حتى مايكرو مسلسل

يعني يمكن حلقة و يسكر

عشان انا بزهق بسرعة

ممكن اكمل بعدين ممكن لو مش حلقات متتابعة يعني لو كل شهر او اسبوعين

منتسللى بمهند وقتها و الله لاجيبلو ام مزعل تعملو مساج

summer
بتعرفي انتي بعتيلي و قولتي هالحكي و انا دايرة ادور من بلوج للتاني فكرت على بلوج المسلسل السري بعدين ما في قلت يمكن انا فاهمة غلط

المهم و از يوجوال منورة المنشر
و از يوجوال انا مبسوطة انه عجبتك الحلقة
و اكتبي شو ما بدك كلو حلو منك

Anonymous said...

Lol :) loved it, i am looking forward to the next one..
i loved the na2 o boka part this is so typical of us girls to cry when we feel things are not going our way.

Anonymous said...

looool
y3ni had muhanad el be2oolo 3anno 'sadeeq el sooq' :-p

b3den 2om miz3el leh hal2ad bte3mal aflam o kol shwai bet3'ayer 7akeha? :-D
meskeene...

W wazne ana bwarjeeha... kayne tetnassab?!!

Anonymous said...

hehehehehehehehehehehehehe....
wallah gaweya hal story
bas mesh kteer gader agdar astaw3eb...
baloom el e7telal !!

Anonymous said...

waiting for the next episode ..
ma tawli 3laina !!

Anonymous said...

ana ma3 mohannad :P

Anonymous said...

لووووووووووول يا ملائط ... متروحي تشتغلي بالتلفزيون الاردني شوي .. انعشيلنا اياه .. كل طلة احلى من التانية .. قصة واقعية بس المشكلة انو انا صرت اتخيل بيروح مزعل ولا لاء .. بحكم عدم خبرتي بمزعل مش عارفة شو الجواب ... يالله لا تطولي علينا :)

Anonymous said...

hehehe ana kaman 7assaithom zai elsha7adeen 3al2esharat heheh ya maskeen ya mez3el :-)

Anonymous said...

wow 7alowww kteer very intersting cant wait for more to read off this mosalasl ya mala2e6 ,u r style is amazing in writing it's fun and 3amee bass in a nice way it's like the way from back home .salam

Mala2e6 said...

Good morning

wonders
the na2 and the boka are the well known weapons used in fights sometimes they backfire if abused..but always effective

thanks wonders

naryat
ام مزعل فاظية اشغال و لويش ما تتسلى بهالبشر

اما وزنة ف مبين مش قليلة و التار بينها و بين شيرين (ام مزعل)
تار بايت من ايام عزيز
مهند بالحلقة الجاي رح انتقم منه شر انتقام

عشان الجمهور عايز كدة
thanks naryat

sharifoo
و انا كمان بلوم الاحتلال و اعتقد انه في مؤامرة على سهى من اميركا و اسرائيل

اللهجة صعبة عليك يا شريفو؟معلش اسالني و انا بقولك

صعب باخر الحلقة احط معاني الكلمات و جو النص

thanks sharifoo


zak or zika
insahlla soon it is already 3am tentabekh.dal shway spices :)
thanks zika


fatoom

ما تصفي
معه كتير بوكرا بتشوفي شو بيصير
thanks fatoom

bara2
ما رح اقول هلا اذا بروح او لا

بس انتي لازم تحزري

التلفزيون الاردني حتى لو كتبله اسامة انور عكاشة بخرب كل شي بالانتاج و الاخراج

خلينا عالمنشر ننشر

thnaks bara2


7ala
بتعرفي يا حلا هيك شغلات بدها تاسيس يعني سهى و مزعل كان لازم من اول ما تجوزو استعملو الريفيرسد سايكولوجي مع امه و امها
نحنا شعب جكر دقر يعني لو قالو لام مزعل ما بدنا نحط الولاد عندك كان جكر طلبتهم و لو قالو ل زيزي ما بدنا نسافر عشان الولاد كان قالت شوفو جوز بنتي حارمها السفر هاتي الولاد انا باخدهم

thanks 7ala


noor
thanks noor and inshalla soon i will publish the third episode

Unknown said...

انا بوفر عليكي وبقلك شو رح يصير بالحلقة القادمة :
هل ينجح مهند بان يلعب براس مزعل ؟
نعم سينجح نجاحا باهرا وسيقنع مزعل انه يروح قبرص لحاله :) بتعرفي لزوم المساج :) :)
و ماذا سيكون رد فعل سهى؟
مش رح يطلع اشي بايدها يا حبيبتي ..وزي الافلام المصرية :) رح يقلها طالع اسبوع شغل مع الشركة تبعته وبروح بفلت بقبرص
بس الا يكون في اولاد حلال اكتار في قبرص ويشوفوا مزعل هناك ويحكوا لسهى :)
بركي انا فسدت :)

Anonymous said...

sa7 ma3ek 7a2, fursa elwa7ed yet3allam abel ma yen6as fi 3aino w yetzawaj hehehe

Mala2e6 said...

n adeen
انا بقول تتصلي بصديق او تحذفي اجابتين

بس اقتراحاتك حلوة لو انه بدها مسلسل ابو 30 حلقة
بس استني هيني بكتب الحلقة و مفكرة تكون الاخيرة للموسم الصيفي

7ala
المراقبة يا حلا

راقبي الي حواليكي و تعلمي بس بدون ما تخلي مشاكلهم تعملك عقد لانه كل انسان حسب ما عم بشوف اله ظروفه الخاصة

شكرا نادين و حلا

Anonymous said...

I can strongly say that this s the only entertaining thing I had for today...thanks

Mala2e6 said...

Gardenia
good morning

i am glad to know that,there is more tab3an but it will be delayed coz tel3ly faj2a safar..if i had the chance to post the third episode then i will

thanks

Sel3 said...

haha the picture of jath3an! amazing!

Anonymous said...

WE demand a comment about petra ;-)

حياة تستحق الانقاذ said...

enty 3arfe mla2e6 ana shft moslslat bt zay had nooooway ma 7y9eeer!!!
:)
OmElmEeeEs
www.omelmees.blogspot.com

Mala2e6 said...

صباح الخير

sel3
والله الصورة بتقدر تقول اخدتها و اضفت عليها لمسات اردنية بالبينت

هاظ جظعان مش اي حدا

شكرا و اسفة للتاخير في الرد

anonymous
كتبت موضوع طويل عريض هيو بالدرافت ما اجا ع بالي انشره مش عارفة ليش .

بس لو فكرت باشي ما حدا كتب عنه رح اكتب لانه الكل ما قصر

شكرا للزيارة

om el mees

اهلا نورتي وينك من زمان

شكرا كتير لردك و لزيارتك