June 27, 2007

صيف..و كيف

مساء الخير
اشتقتلكم
المهم
قررت اكتب مسلسل زغير من بطولة اصدقائنا مزعل و سهى
و ان شاء الله رح انشر حلقة كل ما تيسرت الامور يعني البث حسب التساهيل
و الان اترككم مع الحلقة الاولى
***
صيّف و كيّف
Image Hosted by ImageShack.us
سهى بتتصفح بالجريدة ولا بدقيقة نطت و صارت جنب مزعل عالكنباية..عبطتة و حطت راسها ع كتفة
مزعل فاهم هالحركات و عرف انه في طلب كبير

سهى:زعولتي حبيبي

مزعل:خير ان شاء االله

سهى:وانا قاعدة بعيدة عنك هيك فجأة اشتقتلك

مزعل: بالله شو؟ ما انا ملطوع قدامك من الظهر ولا عبرتيني ..اعطيني الصافي شو بدك

سهى..:شفت جريدة
مزعل: شفتها..خير

سهى:ما لفت نظرك اشي فيها؟

مزعل: انا بقرا صفحة الاموات و اللي لفت نظري انه ابو صبحي جار جدي مات.راح قطف 95 سنة

سهى: ول ما انكدك..قصدي صفحة الرحلات

مزعل: انا بقراش اشي ما بهمني و شو بدي بصفحة الرحلات

سهى: شفت اديش في رحلات حلوة و رخيصة كمان

مزعل: فيش اشي اسمو رخيص عنا..الرحلة ما بتوقف عاللي بتدفعية هون لسة في بلاوي تانية

سهى: انا ما خصني..انا بدي اسافر.المدارس خلصت و عطلت و بدي اسافر كل صحباتي مسافرين

مزعل: و هو كل ما صحبانك عملوا اشي بدنا نعمله؟ حلو والله

سهى:انت بس شوف.. مش غاليين انت كمان لازمك تغير جو ..ما زهقت من الروتين؟؟

مزعل: هو انا بس زهقت.. انا طلعت روحي هاتي لنشوف...اية والله حلوة رحلة طابا ..رخيصة و كويسة

سهى: طابا بالقارب؟ بكفيش ع شهر العسل اخدتني عالعقبة انا نفسي اركب طيارة

مزعل: وين بدك تروحي يعني؟ ع تركيا ولا شرم الشيخ؟

سهى: لا بدي اروح محل اجاكر فية صحباتي متل قبرص مثلا

مزعل: و انا ادفع عشان تجاكري صحباتك مش عارفة انه الباوند غالي اظربي باربعة

سهى: لا ما هو ما مناخد الولاد منتركهم عند امي

مزعل: بالله؟ و ليش مش عند امي انا

سهى:امك مرة كبيرة ما بتقدر عليهم

مزعل: مرة كبير؟ والله لو سمعتك لتترفشك

سهى :افتت اتركهم وين ما بدك المهم اسافر

مزعل: طب قومي نروح عند امي نشوف شو يتقول

******
Image Hosted by ImageShack.us

دخل مزعل و سهى بيت والدتة ولا هي قاعدة عالبلكونة

مزعل: مرحبا يما...كيفك

سهى: مرحبا مرت عمي كيفك

ام زعل: هزت راسها مبتسمة

مزعل: يما انا و سهى حابيين نسافر و ما منقدر نوخذ الولاد معنا و مفكرين نتركهم عندك اكم يوم

ام مزعل لا تزال مبتسمة و تهز راسها و تابع مزعل الكلام و شرح الرحلة و بعد ربع ساعة من الحكي و اللت و العجن

ام مزعل: يا كوماري هاتي النظارة و السماعة لاشوف مين هظول

مزعل: و انا الي ساعة بحكي مع مين؟

ام مزعل بعد ما حطت السماعة و النظارة: مين ؟؟ مزعل؟ هلا يما حمد الله على سلامنك.. ايمتى جيت من اميركا

مزعل: يما ان جيت من 12 سنة

ام مزعل: تخرجت يما؟؟ جبت الشهادة

مزعل: اه يما تخرجت زمان

سهى تطلعت بمزعل نظرة استغراب

ام مزعل: هسة لازم نجوزك و نلاقيلك عروس محرزة..بنت حلال تهنيك

سهى دزتة بكوعها في خصرتة

مزعل: يما انا متجوز و عندي ولاد

ام مزعل صارت تولول و تنوح: تجوزت من وراي يا مزعل؟؟ يا حوينة تعبي.. يا حوينة سهري..تسع تشهر شايلتك مثل شوال البطاطا ببطني و سنة و ارظع فيك ولا تشبع..تتجوز و ما تقولي

مزعل: يما مشان الله ..انتي اللي جوزتيني

قامت ام مزعل من محلها

مزعل: وين رايحة يما

ام مزعل: خنني اصحي ابوك و اعملة فنجان قهوة

مزعل: يما فنجان قهوة ما بصحي ابوي؟؟ ابوي مات من 20 سنة

ام مزعل: جظعان مات؟ اه هه واه يا جظعان و انا بقول وين راح و فكرتة تجوز علي


مزعل لسهى: قومي قومي نروح عند امك..الوضع هون شكلة تأزم

يما بالاذن برجع بشوفك بكرة

ام مزعل: طريقك اخظر يما ..دير بالك.. بنات الحرام كثار

سهى: شايف تلاطيش امك..سمعت كلامها.شو مالها ؟؟ ليش هيك بتعمل؟؟..جديد هالفيلم هادا

مزعل: انداري عنها

طلعوا من عند ام مزعل

ام مزعل: اية..قال بدو يتركلي ولاده القرود عندي و ياخد ست الحسن يشممها الهوا...اللي عمره ما قاللي يما اوخذك ع جيرار اطعميك ايما

****
راحو عند ام سهى
Image Hosted by ImageShack.us

كانت راجعه من عند الكوافير و مزبطة حالها عالاخر

سهى: مرحبا ماما

مزعل: مرحبا حماتي كيفك

ام سهى: اهلين سهى ..ميزو انت بتعرف ما بحب كلمة حماتي هاي قلت لك ميت مرة قولي يا زيزي

مزعل: وانا كمان اسمي مزعل مش ميزو.. زيزي هيههي.لا حلوة...هسة وزنة صارت زيزي؟؟

ام سهى بتهديد و بصوت عالي ما اله خص بالنعومة السابقة..: مزعل
!!
مزعل: خلص سكتنا.. بمزح معك يا زيزي

سهى: شو ماما شكلك طالعة محل اليوم

ام سهى (رجعت عالناعم ): اه عنا عشا مع اصحابنا

سهى: كنت بدي اطلب منك طلب زغير

سهى: ماما انا و مزعل مفكرين نطلع اكم يوم اجازة

ام سهى: حلو كتير ..فكرة ..يمكن انا اوبوكي كمان نطلع

سهى: ماما يمكن؟؟؟ ولا اكيد؟ و ايمتى طالعين؟

ام سهى: مش عارفة انتي بتعرفينا بدقيقة منكون حجزنا و طلعنا ما بضمن اشي بعدين حبيبتي ماما ولادك على راسي بس ابوكي صاير خلقة ديق و ما بتحمل دوشة الولاد

سهى:يعني وين بدي اتركهم؟

ام سهى: ليش ما تتركيهم عند ام ميزو

مزعل تشنج: حماتي!! امي مريظة بتقدرش عليهم

ام سهى: اه سحيح..كمان امك ست كبيرة ..حرام

مزعل لسهى: سهى..امشي قدامي عالبيت بلاش نأخر زيزي عن العشا..بخاطرك.با...حماتي


طلعوا مزعل و سهى يمشوا بالشارع مش عارفين شو بدهم يعملوا حتى خطرت عبال مزعل فكرة
و الى اللقاء في الحلقة القادمة..

37 comments:

Anonymous said...

loooooooool
baseeta! be7u6oohom 3end 7ares el3amara! :-p
nahfeeeee...
lakan zizi tel3at 'wazneh'???!!!
loooool

Mala2e6 said...

مش عارفة شو رخ يعملوا(عشان الصصبنص ما رح اقول

وزنة بس تغير شرها بتغير اسمها بس عنج الحزة و اللزة بترجع وزنة

منورة نرنر

وين الغرظ؟
بمزخ تيك يور تايم

sweetlikearose said...

looooooooooooool
على مزعل وسهى وامو وامها .. بس امو حماة من الاخر .. الله يعين سهى .. عنجد بيضحك المسلسل بعد هالفصل الي صار فيني كل يوم والله ضحكتيني .... شتفي شو صار معي اليوم؟؟؟؟

Mala2e6 said...

la2 hayni jay,bedek ajeeb il shabab?

Anonymous said...

loooooooooooool 3ajbatny 2al w ana a3deh b3eed 3anak eshta2tellak ... heheh msh bainna :-)

Hatem Abunimeh said...

اطعميك ايما


Oh my God I didn't hear this word for over 30 years.Good dramatization, I like it.

Mala2e6 said...

7alool
yes3dly hal 6alleh..ishta2tillek ya binty and i know is me who is shortening(ya3ni m2asra)
always a pleasure to see u 7ala

hatem
hello hatem..Aima ..some people still use it ,i am sure many who will read this will get the meaning of it when they read the word Gerard..otherwise i would have to explain it as i did once with the word: thorayeh:

hatem welcome and thanks for your visit

Anonymous said...

My family and my wife family bethawashoo meen uo5ed al awlad.

Anonymous said...

hi mala2e6
wow that was very funny inshallah u will write more off this mossalal it was fun , i read ur commite about the aima but i never heared off it and am sure what is ,so really what is it? thank u for making me smile salam

Moey said...

were you right next to me the other day at starbucks?

Anonymous said...

loooooooooooooooooooooool
hehehehehehehehehe
da7ktene .. men elshabab??hehehehe ded meen ?? nahfe

Mala2e6 said...

hamede
you are luckier than mez3el and suha..the poor couple ..alla ykhaeelak iyahom ya hamede

noor
Aima is the jordanian word for ice cream..it was used widely in the past and few still use now(as much as i know)
thamnk you noor ..making oyu smile makes me happy

moey
why would you think so? ma azon coz i know how you look like.and the starbucks i was in lately is the on located in citymall..
OU3AK shi wa7deh t2olak ana mala2e6 w tsade2..lol

bara2
ما هوة انا ما كنت اعرف مين ش=سبب المشكلة و انتي بتعرفيني عصبية و ايدي و الموس( او الجل..الموجود)

لما عرفت..غريمي هو شوفير الياص و الست الئيمة
و الله يا براء طول العصر و بعد ما سمعت قصتك عم بسمع قصص شبيهة
قريب لالي مشي ساعتين و نص ليوصل عالبيت
يا حرام شكلة صار متل الجاجة المحمرة
بس حليوة بجنن( في انه قرأ الكومنتس

Anonymous said...

أهلاً... ايه ده بقى؟

هيهيهيي هي دي اللمسة اللي أنا كنت بقوللك عليها... بجد انا كنت مستمتع جدا بالحلقة دي... الحوار هايل.. و دمك شربات مكرر كالعادة طبعاً

يا ترى إيه اللي هيحصل الحلقة الجاية... أنا مش قادر استنى

Anonymous said...

Good morning 7abibty...
msh bainna had el7aky, kol 7ad fina bensheghel , es2aliny 3n had elmawdo3 :)

Hav a great day :)

Anonymous said...

L0L!! bs ma etawle 3lena bl 7alka al kademe...
i like this mosalsal l2no ma fyo de3ayat kol 5 minutes.

Anonymous said...

Salam .,,, jad 7lweh el story ,,
go on ,,, we r waiting the rest of it :)

Unknown said...

loooooooooooooool :D
ولك بحطهم على راسي من فووق اولاد سهى ومزعل .. همه بس يروحوا يشموا هوا وما علينا :)
برجع بقول ... مجنونة :) :)

Mala2e6 said...

mahgoob
مش هاقول عشان انا لسة مش عارفة
لا عارفة بس بستعبط
و انا مبسوطة انه الحلقة عجبتك
الحلقة القادمة بعد الويك اند

شكرا محجوب

7ala
يعطيكي العافية حلا
و انتي كمان هاف اه غريت ويك اند


wonders
و انا بقول شو ناسية

الدعايات

لازم اشوف راعي رسمي

او راعي غنم

الحلقة الجاي بعد الويك اند عشان اريح و انعنش

نورتي يا وندرز

vagueraz

شكرا كتير يا باش مهندسة

و انا كمان بستنى معكم

lol

nadeen

ما هو انتي لسة ما قابلتي ولادهم

طالعين لستهم ام ابوهم

و قالو عني مجنونة قد ما بحبك يا عيوني و يا ريت كل المجانين جنونم غ قد جنوني

اقولك سر

اكتر كومبليمنت بحبها انه حدا يقول عني مجنونة

لانه انا دايما كنت احب المجانين و احسهم بخلوا الدنيا الها معنى و هم اللي فاهمين شو صاير عشان هيك انجنوا

هلا نادينو

Who-sane! said...

hahahahahahahaha. 3an jad you have to do script writing. this is so good and funny!! :D

Jasmina said...

يا سلام على كيد النسوان وام مزعل، ياللا بانتظار الحلقة القادمة

Anonymous said...

I like his mother a lot.. Her personality is just delightful :P
looooooooool.. very funny, can't wait for part 2..
:D

Anonymous said...

la2aaaaaaaaaaaaaaaaaa hala2 hala2 bede 2a3raf sho el fikra :(((((((

Me said...

very nice episode...i cannot wait to read the next episode. great work as usual!

Anonymous said...

funny and talented.
the best part: all of it.
the worst part: it ended so quickly !!

انتظار مؤقت said...

لالالالا عن جد اكتر ايشي بحبو عندك اني بتذكر لهجتنا عشان انا صارلي سنين بعيد عن الاردن و جو الاردن و لما بنزل بتكون زيارات سريعه كتير عافكره ام مزعل بتشبه ام ابوي و ام سهى بتشبه ام امي هههههه اه لو سمعوني
تحياتي

Anonymous said...

very nice... 7ab a3raf sho asma2hom wlad Mez3el Jath3an?

Mrs. Al Ramahi said...

i love your blog! i miss it! raheebeh..very funny.. khalas yekhalo el wlad yedallo bel shaware3.. 3shan yet3awado la7alhum o yebalsho yet3awado 3al wade3.. hehe!

Mala2e6 said...

who sane
sorry for being late..i am glad you liked it.now alwasy great to have u around

jasmine
اهلا جاز نورتي

كيد النسوان غلب ذكاء الرجال

مش بيقولو المراة نور و نار نور لمن تحب و نار لمن تكره

شكرا جاز عالزيارة

noura
ahlan noura

yes she is nahfeh..ana kaman cant wait..lol..bedi a3raf sho beseer..ah sa7ee7 i should write..wala om mez3el assart 3alay..thanks noura

fatoom
i had around 6 ideas..but i prefere one..inshalla soon..if u have any..share with me.:) thanks fatoom
summortyyyyyy
very nice to se you around 7amedella 3al salmeh sammor thanks

zak
thanks zzak for your visit,i didn't want you to be bored with too much to read i know i should have worked more on zizi bas ma7oo2a

gald u liked it

انتظار مؤقت
طب كان ساعدتني بالاحداث اذا هيك
لو سمعوك مصيبة معناتو بيقرو بلوجز و روحنا فيها
شكرا لزيارتك

sel3
ولاد مزعل ابن جظعان بدو يكون منهم جظعان متل جدو و التاني غضبان
يعني اذا بدنا نمشي على نفس الوتيرة بس بما انه سهى داخلة بالموضوع ف ممكن تكون اسمائهم غير

شو رايك؟

و شكرا لتعليقك و زيارتك

mrs ramahi
العروس هون

لولولولولليششششششششششششششش
حمد اله عالسلامة و الف مبروك
اشتقنالك يا قمر يا رب تكونو قضيتوا شهر عسل حلو

و شكرا كتير لزيارتك الحلوة
ولادهم ممكن نقلبه لفيلم هندي و يضيعو بالشوارع وواحد يطلع شرطي وواحد حرامي

Anonymous said...

zak = zika
"unveiled my real name by mistake!!" ;-)

Mala2e6 said...

ana kont 3arfeh bas bardo 2olt balash o; risk..zika .zak..u r welcomed here under anyname

Unknown said...

حتى لو اولادهم مثل جدتهم انا قابلة :)
المهم يرجعوا يجددوا شهر العسل مزعل وسهى ويرجعوا منعنشين :)
يللا بنستنى الحلقة القادمة على احر من الجمر ...

Mala2e6 said...

nadeen

episode 2 is already published..khals bab3tlek wlado la mez3el wala yehimmek

Moey said...

CITYMALL THEN IT WAS YOU!!! hahahaha I know how you look like, DAMN IT!

Mala2e6 said...

moey..i know how u look like an u were not there,,ba3dain kan kollo wlad zghar w niswan kan fee only one guy and his girlfriend..ma tlakhbtsh il dinya :)

tab keef shekelha illi mfakerha ana?

Moey said...

kan fe 2.. wa7deh m7ajjbeh w wa7deh ma3aha macbook, inte one of them i'm sure :P

Mala2e6 said...

not me wallahi..but i am so curious to know why did you think it was me

Rana Al Sha'bani said...

والله أم مزعل رهييييييييييييييبة.
شكرا لك.