June 04, 2007

امتحانات امتحانات

ماما بتحبي اساعدك؟

اعملك الغبرة
بدك جيبلك اشي من السوبرماركت
انا بروح انا بروح...


بدي اسمع نشرة الاخبار..بقولو في مشاكل بساحل العاج( ويرايفر دات ايز

بتعرف بابا من زمان ما زرت عمتي..بدي اجي معكم ازورها

طبعا هاي الجمل ما منحكيها او منسمعها الا بالسنة مرتين


وقت الامتحانات الفصلية المقرفة


كل شي عالتلفزيون بيصير ممتع

الزيارات العائلية للي منكون رافضين حتى مجرد ينحكى فيها بتصير طلعة


الاعمال المنزلية اللي ما منفكر فيها ابدا بتصير منفذ للتهرب من الدراسة


و هلا فترة امتحانات للكل


Image Hosted by ImageShack.us



و في فترة الامتحانات يحلى السهر و الفرفشة و يحلى الكلام و طء الحنك

الكتاب بيصير العدو الاول
اكتر اشي كنت اكره بحياتي.ما كان الامتحان

كان الموشحات اللي كنت اسمعها قبل الامتحان

من طلب العلى سهر الليالي

(ما هيني سهرانة بتفرج عالتلفزيون

عند الامتحان يكرم المرء او يهان

شو يهان هاي؟
اكتر جملة كانت تمغصني
اتخيل انه اذا جبت علامة ناقصة اني رح اتبهدل من مجلس الجامعة العربية

و كرامتي ينمسح فيها الارض من مجلس الامن و الامم المتحدة
ولا


اللي بيدرس على ضرسه بنفع نفسة

لا هاي كانت لما ما اكل

لخبطت

و بس تخلص امتحانات المدارس بيجي التوجيهي

ولاد الجيران خلصوا امتحانات و بتسمعهم بيلعبوا برة و صوتهم طالع





Image Hosted by ImageShack.us


و انت لازم تدرس
طبعا بتروح بتشكي

بتطلع حامل الكتاب بأيدك (انه عم تدرس


قولولهم يسكتوا مش عارف ادرس


و طبعا مش لازم تكمل عشان الكل يهب لتسكيت الاولاد المساكين


انضب انت وياه في عنا توجيهي


و هيك

بتكون ربحت ربع ساعة شكونة
و كمان نفسيا بترتاح لما ينضبوا و ما يلعبوا

نوع من اللئمنة

و اهم اشي

قدام الاهل انت مسكين بدك تدرس بس مش قادر
طبعا..صرت طالع من الغرفة و طالع
بتكون وصلت عالمطبخ..و مناسبة لساندويشة لانك جعت من كتر الدراسة

(تفشيش..الاهل ما بيقدرو يقولولك ما تاكل طبعا كل وجبة بدها عالاقل ربع ساعة

امك بتقولك روح ادرس انا بعملك ياها

و طبعا بترفض

ما بتحب تغلب الماما
بعد شوي

مش عارف ادرس صوت التلفزيون عالي

ما شاء الله عندك حاسة سمع رهيبة
مين شغل الميكروويف
مش عارف ادرس

انا رح ارسب من وراكم

اما اذا اجا سؤال في الامتحان ما عرفت تجاوبه
فاكيد اكيد بكونوا اخدوه باقي الصف يوم ما سخنت و مرضت و ما رحت عالمدرسة

سبحان الله

بتلاقي المعلمة او الاستاذ مش ماشي بالمادة الا لما تغيب
يا اخي بياخدوا نص الكتاب

و الاشي الغريب لما تتفاجا بالمادة قدامك
شو هدا ؟ داخل معنا؟ خليني اسأل صحابي

طبعا اسأل صحابي تمتد لساعة تلفون
و شو بتعمل يا ولد؟ عم بسأل
كل هدا سؤال؟


م هوة مش عارف بدو يسأل صاحبنا التاني

اما صحاب همل
التلهي بأي اشي بيصير بالبيت

طعميتوا السمكة؟

مين اجا عنا؟ مين
***
بتخلص الامتحانات

و بتيجي الاجازة الصيفية
**




Image Hosted by ImageShack.us



و بتبدا مسلسلات كلمة انا زهئان

مش عارف شو اعمل

اتفرج عالتلفزيون. احضرلك فيلم ما كنت تحضر اخبار ايام الامتحانات؟؟
حضرتهم كلهم (طبعا ايام الامتحانات

زهئت
العب عالكمبيوتر لعبة
خلصتهم كلهم
تروح معنا عند ستك. زمان ما زرتها؟
هلا هاي طلعة؟ حرام عليكم انا متت
زهئئئئاااااااان

البلد عنا ما فيها اماكن يلعبوا فيها الاولاد.ما في ملاعب
بتلاقيهم بلعبوا بنص الطريق كرة قدم

و حاطين اكم حجر عاملينو الجول

و بتوقف بالسيارة انو..زيحوا
بتاكل ضربة طابة عالسيارة

اجا الصيف و بوكرا برجعوا اهلنا المغتربين و اصدقائهم من الدول المجاورة

و ما بضل حتى هالمساحة الزغيرة يلعبوا فيها الاولاد

مش عارفة ايمتى بدنا نغير نظام الامتحانات

ايمتى بدنا نخلي الطلاب يحسوا انه الامتحان مش مكان للاهانة
ايمتى الاسئلة بدها تكون بحدود اللي درسناه مش اسئلة تعجيزية لاثبات اننا حمير و ما منفهم


Image Hosted by ImageShack.us




ايمتى بدهم يلغوا هالتوجيهي
فيلم الرعب اللي ما حدا فينا بنسى ايامة مهما طال فيه العمر

(لحد هلأ بصحى مرات من النوم مفزوعة انو نسيت ادرس اشي
بعدين بتزكر اني خلصت دراسة زمان
بس بلاقي قلبي بيضرب
نفس ايام التوجيهي

لما كنت انام و اضل اتزكر .في اشي نسيت اركز عليه في اشي نسيته
رعب اكتر من فيلم سكريم

و بيسألو
ليش الطالب بيكره الامتحان و ليش بخاف منه

***


Image Hosted by ImageShack.us


الي عندو امتحان بقولو الله يوفقك و ترجعلنا بالسلامة



29 comments:

Anonymous said...

loool
walahi 2na lahal2 3endi had shu3oor eno warai eshi w mesh 3m ba5also...
bs beleive it or not, ana kont a5afmen el2emti7anat 2yam eljam3a kteeeeeeeeeer 2ktar men eltawjihi... twjihi sara7atan 2adeto beno3 men elsaya3a... darast walla ma 2assart, bs ma 3omri s-heret, w kont 3adi atla3 akazder m3 5awati w 2ru7 zyarat, w yom emti7an el wazara eldeen ro7t 3la 3oros... 3aaaadi! wala 2akeno fi eshi...

Me said...

Thank goodness for getting old and out of school!!!
Best wishes for all students in their upcoming exams!!! and God have mercy on the parents!!!

Tamara said...

Mala2e6

you know that almost every one I know still gets tawjihi nightmares ! yayks

I remember I slept the most during the tawjihi year : ) tinziker o ma tin3ad, oh and lol @ meen shagal el microwave : D

Abed. Hamdan said...

waal sho zakkarek fi hal zekrayaat el ta3eesee...sarli 6 months mertaa7 :D

Anonymous said...

loooooool ana bokra bebdo el finals taba3oonio men el sobo7 3al net mashalah ma3 inhom 6 imte7anat o bakhlas bas jad mesh adreh adros :(((

Mala2e6 said...

naryat

ربو فينا الرعب

اد ما تكبري بتضلي تخافي

انا ضليت اشد و ادرس لحد ما وصلت التوجيهي

فجاة كأنخ بتقوليلي تدرسيش

صار الحكي و البرم و القصص

و كل ما تقولي امي ادرسي اتنح اكتر

بس الله ستر بالاخر

Summer

يعطيكي الف عافية
بس بوكرا بتصيري تفكري بأميرة و صوفي

يعي القلق لا ينتهي

tamra
اكيد ما رح تنعاد

بس بوكرا بتصيري بالمركز الاول مركز الماما

يعني اللي عملناه في اهالينا بطلع علينا



Abed

كيف شو زكرني
هية هاي زكريات بتخلص ولا بتروح

و لو نسيت

اللي حواليك بزكروك

كل بيت في دراسة و توجيهي و قرف
و نكد و اهالي قربت تنجلط

يا عمي مناهجنا و طرقنا بالتعامل مع الامتحان غلط بغلط


naturalblu
و قاعدة عالنت

و بتقرأي مناشر

انا ما خصني

مش بوكرا يجيولي اهلك يقولو بتلهي البنت

الله يوفقك فطوم و يا رب بالنجاح الكامل

Qabbani said...

ههههه

بصراحة انا ما كنت سائل اكتير , كنت ايام التوجيهي ادرس من 4 الفجر لل 8 -9 الصبح و بس , وبعدين اطلع من البيت مع صحابي و هون و هون, و يمكن كانت من اكتر السنوات يلي طلعت فيها من البيت , و كنت ادخل الأمتحان بضحك و بطلع عم اضحك اكتر و , حتى ايام الجامعة الامتحان كان عندي متل اي محاضرة عادية , يمكن لأني مو من الناس يلي بهمو العلامة اكتير يعني عندي ال 60 متل ال 80 , بس ما بتزكر عمري انه في امتحان عملي رعب نفسي انه انجح او ارسب في ....

حتى بتذكر كانو يحكو ل امي , والله خايفين موفأ ما ينجح , نجحت و جبت 70 و رحت اراجع بالوزارة لأني متأكد اني بجيب 80 , بس طلعت مشكلة خط , ال يلي ما بيعرف يقرأو بحطو غلط طلع قارئن نص يلي كاتبه هههههه ......ز اخخ بس لو كنت بعرف كنت زبطط خطي اكتر ههههه يلا الحمد لله على كل شي

على كل ما كانت فارقة 55-90 هيك هيك رح ادرس موازي او خاصة لأني مو أردني

Mrs. Al Ramahi said...

yeaaaa.. kul mamnoo3 marghoob especially in tawjihi.. the pressure is on you, and the eyes are on you.. not to forget the comparisons "shufy bent 3am absar meen ma ashtarha kef btudrus la7alha".. hay la7alha sammet badan.. hehe el 7amdulillah eno khallasna o hayna salakna :)

Anonymous said...

Ya wardi ya Mala2e6… you reminded me of Tawjeehi, oqsem bellah enno sar albi ydo2 bsor3a LOOOOOOOOOL
Ana 3ala ad ma kont atfashash bel noom wel akel ayam el tawjeehi hainy sarli 6 sneen la banam wala bakol 3ala as ma nemet bel hal saneh LOOOOOOOOOL
Sort da3faneh aktar mn nossi mn youm ma 5alaset tawjeehi “maho ana bardo sort 7ajem 3a2eli mn kotr el akel ya bent el 7ala, enfajaret”… beside that I always complain that I don’t get enough sleep for more than 6 years now, sheklo ad ma nemet hadeek el saneh jesmi 7awash noom la 10 sneen odam LOOOOOOOOOOOOL

Шαғα said...

:smiley bedo ynt7er: this is just sooo true , add to that , or maybe it's just me , i spend all the day sleeping :| ma ban3as ella fatret el exams :\

allah ywafe2 el jamee3 ya rab :(

Mala2e6 said...

Qabanni
نيالك

يعني ما كان عندك هم لانك كنت عالافانك هيك هيك رح تدرس موازي

بس بتعرف انا لهلا و بعد سنين
و مع اني جبت معدل درست فيه الي كنت بدي اياه
برضة بندم اني ما درست اكتر

مش عارفة ليش

يعني لا كنت بدي طب ولا هندسة

بس شعور

mrsAlramahi
اكتر اشي بكرهة هوة المقارنة بينك و بين اي شخص

بتكرهي الشخص التاني مع انه ما اله دخل

و تاني اكتر اشي بكره سؤال
اه شو اخبار التوجيهي معك
بتدرسي
افت

يعني جكر و دقارة ما بدرس

سلكن مزبوط و نفدنا
بس المساكين اللي لسة ما سلكوا و ما نفدوا

و التنشن و ضرب العصب
و المملكة كلها بتلاقيها انخبطت و الكل بحالة استنفار تقوليش بدنا نحارب

يعني يعملوا امتحان دخول للجامعات
اللي بدو بيقدم

maiuosh
نص اللي بعرفهم زادو اكتر من 6-5 كيلو بس وقت التجريبي و ناس اكتر

و بعدين بيجي الجد و الجامعة و لازم اللي طلع ينزل

اما النوم
اخ
بالله مش احسن مكان للدراسة غرفة النوم
بتخت ناعم

مع كتاب ممل

يا سلام عالكيمياء ولا الفيزياء
ولا الرياضيات
حدا بيدرس رياضيات بالتخت؟
و الاغاني لازم
انا ما بركز بدون اغاني

بس ميوش اكيد الليلة على هالزكريات رح تنامي منيح

wafa
و الله يا وفا نحنا خلصنا زمان و خلصنا
بس بحزن عاللي لسة قدامهم هالتجربة

الله يوفق الكل يا رب

و ينجحوا كلهم جكر بالوزارة بس

انتظار مؤقت said...

نسيتي اهم شي النوووم ايام المتحانات طول السنه بنسهر للفجر و ايام الامتحانات بس نمسك الكتاب اكنو منوم الله لا يعيدها من ايام و الله يوفق الي عندو هالايام

Mala2e6 said...

انتظار مؤقت

النوم

ايه نسيته صحيح

شكلوا انا كنت اكتب و نايمة مع انه ماعندي امتحان

كنت دايما لما ادرس احاول اكتب عشان ما انام

او ما ادرس بغرفة النوم

هدا بعد ما اكتشفت انه الغرفة بتنيم

يعني لحقت حالي بالاخر


فكرك هذا يعني انه دروسنا مملة لدرجة التنويم؟

يعني هلا ممكن اللي عندو ارق يجيب كتاب تاريخ و يحاول يدرس

mohammad alQaq said...

mesh ma32ool hal rawa2an ya mala2et :-))) that was so funny :-)

o mabrook el saneh el jdeedeh :-)))

Anonymous said...

hi mala2e6
how r u honey very intersting subject wallah it's so true about the twjehee and the exams in jordan no matter the grades r ,it so hard and they even make hard even just to think about i still think about till today it's just like u said it's all trheeb for us especially the twjehee it's like film ro3oob from the first day to the last day hell u even think about i think when ur in first grade lol and ya willak if u failed or got a bad mark it's like ur life is over i heard so many bad stories about what happend to those who fail ,all i can say is that am so lucky to a point that i didnet finish tawjehee in amman even though i studiet from first grade in amman but thank god i finshed my senior high school here in the states it was so easy and thank god i past with good marks bec if i was in amman and had twajhee there was no chance i past lol any way good luck to all student .

Mala2e6 said...

khobbeizeh

alaaaaan..wallahi long time ...

when you look at it this way the tawjihi now(coz we are done ) is funny..funny how we used to find ways to evade studying and just hang around the house with books clinging to our hands..but back then,it was scary,our whole future depended on that year..and thaT IS NOT FAIR..some students might pass through some circumstances that might affect their grades(i know someone who lost her father during the exams masalan..others who got really sick..and others who were so scared that they were literally paalized and stayed in bed..and of course failed the exam..

thanks mohammad for coming by and for ur wishes :)

noor
well i heard of some suicides ,that might make you say..what? what for?..thaats it..what for..tawjihi..this gives you an idea how important tawjihi is here..

but noor it came to my knowledge that if you are a jordanian and finished your high school else where and didn't pass their tawjihi you wont be able to work here..i have a relative who studied medicine but was bnaned from work coz she had no tawjihi..

remeber maraya and yaser il 3adem?the proffesor who had to study for tawjihi so that he can work in his own country?..seems like jordan is not the only country suffering from this hoerrendous monster


thanks noor

Saned! said...

I've been criticizing Tawjihi for as long as I can remember, but no one listens to me, 2l bimayez 2al...bimayez my a**...

Anonymous said...

ya reet terj3 elimte7anat 3shan a2ra w a3ml hl aflam :D

wla mra sha3art ene be ftret imte7anat :P i3temad 3la thaka2e al5areeq :P

Anonymous said...

jad senario 7lo :) ....

da7kteeeni :) ....w uslubek 7lo

Anonymous said...

أي... جت ع الجرح دي

أهو أنا رايح امتحن بكرة ... و عندي نفس الشعور.. ولا حول ولا قوة إلا بالله

أما بقى بالنسبة للسؤال بتاعك... في مصر عندنا بيردوا يقولوا... في المشمش

Mala2e6 said...

saned
lool

انا معك
بحارب الانظمة القديمة و نادي بالتجديد

و انادي بدحر قوات الامتحانات الفصلية

مش مستوعبة لهلا انو الطلاب بيدرسو المادة و الاكسبيري ديت او تاريخ انتهاء حفظها في الذاكرة اقل من 24 ساعة يعني لو تاخر الامتحان لسبب ما بتلاقي الطلاب بيقولو يا اله هيك مننسى الي درسناه

اذن الهدف الاسمى من عملية التدريس الا وهو التحفيظ من غير استيعاب لا يتحقق

انت معايا ولا نمت؟

صحصح

انا ما كملتش حكي

اما من ناحية التمييز

بميز مين عن مين الل دارس ولا اللي دافع حق الاسئلة و برضة بيرسب

و يا حبيب الماما لما ينجح::نجح نجح جاب 60

شوف انا شايفة انه لازمنا الحلقة التانية من فيلم الرعب و الاثارة: في بيتنا توجيهي

mnosh

انتي منهم؟

انتي مع التانيين؟

لا نحنا مش التانيين

منوش ما عندي شك بذكائك الخارق و اذا بدك بعملك واسطة تيجي تقدمي توجيهي هون بس مع كل السلطات و المخللات اللي بتيجي معه
يعني شد الاعصاب و التناشن )جمع تنشن)

و كل مخلفات المراحل الدراسية السابقة اللي تهيئك نفسيا للسنة العظملى سنة التوجيهي



vagueraz

بتعرفي يمكن لاننا خلصنا منقدر نضحك


بس عن جد

انه كل اللي كتبتة مشاهدات شخصية

و انا متأكدة انك انتي كمان عندك مشاهدات متلها

و كلنا عننا

يعني لسة في قصص اقوى من هيك

بس بخليها للحلقة القادمة

محجوب عبد الدايم
gOOD LUCK

نحنا منقول لما ينور الملح

يعني لما الملح يطلع له ورد الثمار الزغير

انتو كمان عندكم ساناوية عامة؟

عارفاها

بشوف عبد الحليم و هو يغني الناجح يرفع ايدو هية

شو عندك امتحان؟

يعني ربنا يستر

عشان بس الحلقة الجاية

ما يكونش في اناتومي لتروح فيها هيام


:)

Anonymous said...

لاااااااااء تحشيش انتي يا بنت
الصراحة كلها هاي وسائلي وأساليبي بالتوجيهي حسيتك معي والله :)
كل كلمة صح وكل كلمة بتضحك يسلم ايديكي على هالبوست الرهيب وامنياتي لجميع الطلاب بالنجاح والتوفيق

Ta2e3 said...

fazeeeeeeeee3a sho ennek katabti 3n keef bekoon el wade3 bezabt,,, 3njad
mawhooobeh enti:P

Mala2e6 said...

صباح الخير للبنات الحلوين


bara2
انا كنت عارفة انك منهم

طيب بما انك خبرة في اسايب التطنيش

ما في طرق تانية انا ما بعرفها؟

ta2e3

و الله مبين انه لازمنا طرق جديدة يا تئع

لانه هاي الطرق مبين استهلكت و استنفدت

Anonymous said...

سلامتك غطيتي 99 % من الطرق ... بس ضل المرض الحقيقي وانعماء الضو بسبب انقطاع الكهربا الى الدماغ :)

Anonymous said...

:D LOL!! been there, done that...
my sis is tawjihi this year i wish her all the best and for all the tawjihi victims.

i don't know if anyboy else has the same zana5a but we used to call it tawje3e :)

Life said...

thats was painfully True. :) and so so funny too..

ana sha5syan.. benzal 3alai el na3as..as soon as i decide to start studying .. :) Zamaaan 3an el manshar wallah!

Mala2e6 said...

bara2

انا دا اللي كنت اخاف منه المرض الحقيقي لانه ما في اشي اسمة و الله البنت مرضت عيدولها الامتحان

اما انقطاع الكهربا عن الداغ ف هاي منتركها لساعة الامتحان

wonders
i wish your sister all the best,alla ywafe2ha w yfatte7 mokhha w yeb3ed 3anha il na3as ..

yes tawji3i coz it is bewaje3 kteer ;)

life

hayat..al manshar missed you..i

انا بقول النعس سببه معروف\نقص الاوكسجين الي واصل للدماغ

عشان هيك لازم الدراسة تكون في مكان جيد التهوية

بعيد نسبيا عن الضجة بس مش كتير هادي
الله يوفق كل الطلاب

علا من غزة said...



فظيعة يا بنتي اي كشفتي كل الاعيبنا وخططنا ههههههه


انا بس اتزكر حالي ايام التوجيهي بصير اضحك ,, كنت العب جيمز قبل ما انزل الامتحان ,, وانام من العشرة ما دام مخلصة المنهج ,, ليش اعيد وازيد

وحتى ما حد يحكيلي بتدرسيش كنت ماخدة دور بالجلي وبالتنضيف متل باقي الدار واحضر تلفزيون واقعد عالسوليتير (ما كان لسه راكب النت الله ستر) ومع كل هادا بقول ابصر كيف نجحت والله مشاها

الحمد لله هلأ صرت معيدة وبحكي للطلاب انو يا عمي ايام الدراسة ما في احلى منها ,, بس مش توجيهي

ايييييييه ,, زكرتيني بأيام
الله لا يعيدها

سلامات