كيف قضيت اجازة عيد العمال
صباح الخير
مر وقت كبير و ما كتبت اشي..السبب انه كان اسبوع حافل بالنشاطات الغريبة عن بعضها و بدي احاول الخصّ اللي صار
***
سيارة للبيع
بلشت بلشة بالسيارة ع اساس لازم ابيعها فكان برضة لازم اعرف شو بتسوى
طبعا الجواب كان عالباب
و فتحت الوسيط اشوف اللي زيها شو بيسوا
لقيت اعلانات غريبة عجيبة
سيارة مجنطة(بعدين عرفت شو يعني) مري كهربا (مري طلعت جمع مراية)
سبويلر و اية بي اس و اي اس بي و اشياء غريبة ركايات و..و..و
و كل ما زادت الكلمات زاد السعر
و احلى اشي سيارة استعمال طبيب او استعمال سيدة
لهلا مش فاهمة ليش سيارة الطبيب يعني تعتبر نظيفة ولا سيارة السيدة
يعني لما سيارتي اللي هي مفروض استعمال ناعم ( أل يعني) طلع فيها 4 ضربات شاسية و 14 ضربة بادي و ضربة بوز
معناتو السيارة العادية ماكلة هوا
المهم انباعت اجاها نصيبها لباب البيت بدون اية محاولات و بدون وسيط و بدون اعلان
***
في موقف الباص
الاشي التاني بدأت عطلة عيد العمال اللي لسة ما صار(بس الاردن عطلت بكير)
اهل الاردن صايرين يحبوا الاجازات..ما حدا بدو يشتغل و الحكومة بتشجع الاجازات.. و بتساعد الناس
و الناس هجت عالعقبة
طبعا كانت النية اروح عالعقبة بس قلت بما انه عمان صارت هناك ف خليني بعمان استمتعع فيها و هية فاضية
بس برضة رحت اوصل ناس مسافرة على مواقف تراست(مواقف باصات العقبة عالسابع
ولا الاطافيل قاعدين بكامل لبس البحر بس مع جاكيتات لانه عمان لسة برد
و الطواقي القش و الطابات و كل واحد شنتتة على ضهره منظرهم كان حلو و كتير بريء
الباصات مليانة و مع انه في شركة منافسة فتحت جنب تراست الا انه الناس لسة كابسين على الشركة الاولى
الباصات مليانة و مع انه في شركة منافسة فتحت جنب تراست الا انه الناس لسة كابسين على الشركة الاولى
ارزاق
**
في المطار
بعدها بيوم كان لازم اروح عالمطار
و لا المطار شوشرة عالاخر
كبار على زغار و اللي بيبكي و اللي بينق و اللي قاعد مش سائل و بيبحلق بالناس
المهم
اعلنوا انه طيارة روما نزلت ووراها طيارة شرم ووراها طيارة العقبة و كمان طيارة اظن من ابو ظبي
ووقفت مع الناس
قلت اتسلى و احزر كل واحد بيطلع جاي من وين
المسافرون القادمون بيطلعوا من ورا السور الحجر و كل واحد عينة طالعة لبرة بيدور مين اجا ياخدوا
و اللي واقفين بيفصلوا فيهم من فوق لتحت
ست حاملة بيبي ملفوف بحرام طوله مترين (كتير كبير لبيبي )ووراها بنت 3 سنين بتنط و بتغني أه أه أه
ووراها جوزها بيجر عرباية ...برضة محملة المزيد من الحرمات
قلت اكيد وارد الخليج ...
ولا وراهم 6 اجانب قلت اكيد اهل روما
و المضيفة طلعت تتئصع بالتنورة الحمرا و بتجر وراها الشنتة و مش متطلعة بحدا
و انه يعني انا حلوة و عارفة بتتطلعوا و مش هاممني
طبعا العيون طلعت و نزلت 20 مرة شعب محروم من التنانير
و كل واحد بيقول في سرّه الله يلعن ابو اللي اخترع البنطلون
**
طبعا طيارة العقبة ما بدها شطارة الكل نازل و حامل اكياس تسالي من محمص الشعب
بعد شوي و انا سرحانة ولا زغاريت بتلعلع
نطيت من محلي
قلت اكيد طيارة شرم وصلت
و العرسان نزلوا
العريس مأنكج العروس ووجها احمر من الخجل
و لقطتة امة و هات يا مواه مواه
و اخدته على جنب
و لقطتها امها و مواه مواه
و كمان عبطتها و هات يا جرجر
وقلت الحمد الله خلصنا
ولا كمان زغاريت و نفس الفيلم الاول
اتارية في جوزين عرايس عالطيارة
فجأة المطار رجع هادي واكم واحد ضلوا يتسكعوا و منهم اللي بيبعت بلوتوث و بتطلع حوالة ليشوف مين مسكت موبايلها
المطار حاله بيخزي بالمناسبة
زي كانة موقف باص يعني اللي بياخدوة منا ضريبة بس نسافر يصلحوا فية شوي
**
في المستشفى
و في رحلة لمستشفى المركز العربي
الدكاترة عراقية و الفنين و المرضى و الزوار..
يعني كمان شوي قلت هلا بطلبوا مني فيزا عشان افوت
ولد زغير عمره يمكن 4 سنين فرفطت روحة صار يتحرك من محله ولا امه بتقولة احترم حالك
الولد ضل يتحرك و هية ترجع تقوله احترم حالك
لحد ما سلخته كف و صار يبكي
صراحة كنت بدي اسلخها كف
يعني في كبار ما بيفهموا شو يعني احترم حالك بدها ولد عمره 4 يفهم شو قصدها؟
المهم مشيت الامور بدون وساطة اي سفارات
خلصت المهمة بسلام و طلعت شربت فنجان قهوة و رجعت عالبيت
**
في السينما
ليلة رحت عالسينما و حضرت فيلم مستر بين الجديد
في السينما
ليلة رحت عالسينما و حضرت فيلم مستر بين الجديد
كالعادة الفيلم هبل مستر بين و تخويتاته و الفيلم حواره بسيط جدا
و مستر بين ربح رحلة ل كان و كل اللي بيعرفه بالفرنسي كلمة وي وي
طبعا عجّب عالناس
الفيلم باختصار ممكن جدا يعجب الاطفال اكتر من الكبار بس فيه مواقف مضحكة
اول مرة بحاول اني اشوف مستر بين كشخص او انسان و اكتشفت انه انسان بسيط جدا قلبه طيب جدا و مسكين
طبعا عدا عن انه بيضرب العصب مرات
مقطع حلو من الفيلم
***
في جولة بكوزمو
.لاحظت شغلة انه في تنزيلات بمناسبة عيد العمال
ايه
يعني يا حرام العمال بيروحوا ع كوزمو يشتروا اواعي
الاجازة مناخدها بأسم العمال و منطلع و هم بيضلوا يشتغلوا
التنزيلات ..عشان العمال مش عشان البضاعة مش ماشية لا سمح الله
الكوفي شوبس و المطاعم مليانه ناس بتاكل و بتشرب
و مين بيخدمهم؟
العامل..في عيد العمال
بس بحب اقول
كل عام و كل عامل بخير..
و كل عام و الاردن بخير
***
23 comments:
!!كل عام و كل عامل بخير
very thoughtful post and busy week for you mala2e6!
maybe the 3ommal should request a day off for working on their day!
Beirut was full of people from Amman too...for a while i thought i was in Amman!! But nice to see Ahl Bladi here!
2osbo3 3arabi qoo7 :P
kol labor day w el3ommal b5eer :D
Lol Mala2e6 : ) the post is so full of action that I don't know where to start to comment, but all in all very smart and well written.
I have to say I HATE MR. BEEN !!
اها
طيب ملائط شو نوع السيارة؟؟ و اديش بدك فيها؟؟ بس على كلامك مو انتي الوحيدة يلي بتسوقيها ,
ويلا هيك اكسبتي خبرة , بكرا بتطلعك شغل ترجمة بالحراج :) هههه
والظاهر العطلة كانت مفيدة و تغير شكل في جميع المرافق الأساسية للدولة ,
مستشفى , سلامات
مطار الحمد على سلامتهم
بعدين لاحظتي اني بالمطار بتلاقي 16 جاين يستقبلو واحد , الأم و بناتها و اخوانها وولادهم , بتعرفي طالعين على المطااااار ..
كوزو اديه بمر من جنبه ولا عمري دخلت عليه , يمكن مو مخلي مكان بعمان كلها يعتب علي بس كوزمز ما بعرف ليه لهلأ و لا اجا على بالي روح عليه , رحت على منتجع افرست يلي بشارع المطار ,اكتر من مرة , و مارحت كوزمو , يلي ما بيعرف المنتجع طريقه جدا بايخة و يفضل سيارة دفع رباعي لطريق الطلوع صعب
عيد العمال كان في المنزل ..
:)
بدايةً الحمدلله عالسلامة
بالنسبة لموضوع عمان و هي فاضية الوضع جمعة على سبت على احد كان بيجنن ، اول مرة بشوف عمان هيك كثير فاضية بشكل مش معقول و بجوز الحسنة الوحيدة انو الواحد قعد 3 ايام ما طلع منو كلام طالع نازل و هو سايق
و الناس عنجد صايرة تعبد الاجازات عبادة ، انا بعرف ناس بحبوا الاجازة بشكل مش طبيعي و لو يصحلوا يضل طول عمره مجاز ما بقصر و بكون بقمة انبساطه ، طيب اذا بحكيلك يمكن ما تصدقي قبل حوالي سنتين في صديق الي انكسرت رجل اخوه ، بتعرفي انو اخذ اجازة شهر و عشر ايام على اساس انو رجله المكسورة ، و بعدين بتحكيلي شعب بحب الاجازات ، اي انا صرت اشك انو العلاقة بين بعض الناس و الاجازة علاقة تعدت نطاق الحب و صارت علاقة مشبوهة
و آآآآخ على مطارنا صرنا حاكيين بالموضوع مليون مرة بس لا حياة لمن تنادي ، احلى اشي فيه المخمل الاحمر الي ولا كاينين يغيروه ، مع انو شكلوا صار بخزي ، بس ترا في عمليات توسعة حالياً بدها تصير بمطار الملكة علياء و ان شاء الله انو هالتوسعة تضيف اشي جديد و بالمرة بعملوا صيانة للمباني 1 و 2 ، لانو اذا ما عندك علم احنا بدنا نصير مركز اقليمي لشركة الشحن (دي اتش ال) و هذول الجماعة طياراتهم بدها مبنى لحاله ، و الله يجيب يلي في الخير ، و الف مبروك للعرسان
قبل خمس شهور لما اجتني حلا كانت زوجتي بالمركز العربي و فعلاً المستشفى كلها عراقيين ، و الابيخ من هيك انو في منهم بس تحكي معو بيجاوبك من طراف مناخيره
و تعقيباً على موضوع السينما ، الاسبوع الماضي نزلت على وسط البلد و اشتريت حلقات مستر بين القدام يلي بكون معو فيهم سيارة الميني ، رجعت عالبيت و حضرتهم و متت ضحك
و اما بالنسبة لكوزمو افندي فهذا الزلمة لما يكون عندو تنزيلات ما بقدر الواحد يشتري فكيف بالايام العادية
Hi Mala2e6,
very busy weekend!! :) neyalkom here we don't have labour day. o kol ma teje 3o6leh 7azze betetla3 yom saturday! :( o mo zay Amman b3awdoha..
reading your post i really miss Amman!! i was supposed to come in May bs fe wa7ad mo7taram ma a3tane ejazeh :( i don't know how this is related bs l2ne m2hora.
Kol saneh o kol Amman Salmeh
Summer
و انتي بخير
العمال اخر ناس بعطلوا بهالعيد
و كايد لبنان و سوريا و شرررم مليانة صاير شعبنا بحب يفرج عن نفسة
سبحان الله يا ريت برجعوا عالشغل الهم نفس يشتغلوا
شكرا سمر لزيارتك اللي بتفرحني دايما
mnosh
و انتي بالف خير منوشتي
و الله هدا غيض من فيض
يعني عشان ما اطول البوست اكتر ولا عملت قد هالشغل 10 مرات
منورة منوشتي
Tamara
tamtam
mr bean used to make me laugh a lot and still do..he is so silly and makes me want to hit him sometimes but the movie was ok..it was either this or norbit and i hate it when eddie murphy stars in all the movie..so i went with bean..:)thanks tamtam for ur visit always apleasure to have u around
Qabbani
اه
و الله انا ضربتها اكم مرة بس ولا مرة ضربة شاصي
يعني اخر مرة بس طلعت من المستشفى ما كنت اقدر الف رقبتي لاشوف اذا في وراي سيارة و تطلعت بالمراية ما في حدا و رجعت ولا اشي بدقّر ولا هو بيك اب و مليان ولاد زغار
العرسان كان فية باصات بتستناهم معبيين المطار
كأنة الروحة عالمطار رحلة
و الله يسلمك
و شكرا قباني لزيارتك
na3ouri
الله يسلمك
و الله اللي بتحكية صح
شعبنا صاير هايص زيادة عن اللزوم
و بالنسبة لكوزمو يعني ممكن تقول انه مش هالقد غالي مقارنة بباقي السوق و البضاعة انجليزي
يعني شفت قمصان رجالي ب 15
اذا بتقارنه بالاردني بطلعش غالي
اما المطار فانت ما بتحس اديش قديم الا لما تيجي من مطار جديد و كله بيلمع
التواليتات بدها صيانة و تغيير العفش مخلّع
و الضريبة كما هي
شكرا ناعوري لزيارتك و المرة الجاي خود الكاميرا و انزل عالمطار جيبلنا اكم صورة لدعم البوست
wonders
ان شاء الله ترجعي بالسلامة و تنوري عمان
عمان تغيرت و الناس تغيرو اتمنى للاحسن بس صايرين يركزوا عالكماليات قبل الضروريات
يعني اللي معه اكم ليرة بالبنك بيفضل يسافر فيهم ولا انه يزبط بيته مثلا
شكرا كتير لزيارتك
it's been a very long time since i last checked ur blog 'cos i was busy relocating, that's y u haven't seen my comments.. but now I'm back to read ur blog and i can say that u still make me laugh when reading ur posts !!
kol 3am wel jamee3 bkhair bi munasabet 3eed el 3omal, since i moved to the UAE i have to say that there's no such thing called "labour day", we'r working on 1st of May !!
o bennesbeh lal 3agabeh bel 3otleh - since i lived there most of my life- ba7eb a7ki enno lamma yeeji yom khamees aw a7ad 3otleh ana ba7eb ahrob la 3amman la2enno el 3agabeh betkoon za7meh o ma btenta2 !!
o ma te7rimeena men ibda3atek ya mala2e6
el post kteeeeer mo3aber, 3njad, ettaree2a elli bte7ki feeha o btosefi el umoor feha kteer lazeezeh o bteji 3l waja3 kaman
da7akteni kteeeer:):)
kul 3am o ento b5air
hehehe nice post :P
zikaaaaaaaa
ahlan ahlan..wallahi long time no se..i remebered you when we started posting the new episodes for the mosalsal w 2olt wain zika..
i know about aqaba i have some realtives who are living there now and they hate it when we ,ahel amman have a long week end..everytime they see an accident they say: akeed ahel amman..when someone throws garbage in the street..ahel amman..i admit that aqaba is beautiful and clean,the streets ,the trees..how they respect pedestrians..i think that aqaba people feel a little protective when they see their small city being invaded by ammanis
always great to see you here zika..thanks for stopping by
naturalblu
ftoomty..nawarti il masnahr..inti illy nice yes3dek
ta2e3
thanks alot i am glad that a simple post made u smile..inshala dayman happy ya rab
hi mala2e6:
wow ya3tekee al3fia long week,1)good luck bying other car 2)mabrook la3roseen 3)wa7amdallah 3alslama for any one that went to the makrkez als7ee ,i wasent sure it was u or someone u visited 4)and about al3kaba i went to it one time my whole life even when i used to live in jordan i think it was nice hopefully i will visit it again whe i come back to jordan. 5)about the airport i love it no matter how it lookes now i bretty much lived in as muche i traveld from it but the should keep up the appearance to keep up with the new airports in the world 6) and really kool 3am wal3moal be5eer they r the best lomaha homa , fee lamjtm3 mab3mar. and finelly great post ,and i want to ask u something how often dose the episodes for the musalasal come in bec it seems the take a while for and they r far apart? thank honey (noor)
Masa Masako Jami3an
wallah osbo3 7afel Jad...
e7na 3enna 3eed 3omal we 7andawem...kolshi khelf khlaf
Nice post :D
Noor
welcome again
w alla ysalmek..no this time it wasn't me..but i hate hospitals in any case
i will get the new car tomorrow inshalla..thanks
i am sure you will love aqaba ..it has changed alot and its growing so fast now..many investors are building hotels condos,many projects are evolving so better hurry up before they start charging us for an entry
the mosalsal is due to be published today but since we had some time off,the new episode which is alomst done will be published hopefully by tomorrow
thank you noor and always a great pleasure to see you here and alos on the moslasal blog
Sharifo
yes3d masak
well this holiday is supposed to be a holiday all over the world.i don't know why on ur side it isn't..ma fee 3endkom 3ommal ? :D
ya sharifo 3ayyadto wella dawmto..kol saneh w into salmeen w thanks for ur lovely visit
Kul 3am wa 3umal al 3alam be 5air.
استمتعت كتير بقراءة يومياتك...عنجد الواحد بشوف اشكال الوان بهالبلد
Busy week mala2e6. Bas akeed mosh mot3eb zay mine. Anyway, bahaneeki 3l post el7ilo welwasf elra3e2 lil italian flight attendants :P
"و الحكومة بتشجع الاجازات.. و بتساعد الناس"
ya right...
hamede
wallahi they deserve it..selmat eedeehom w ala y2aweehom
thanks hamede
Abed
اهلا عبد الله يسعدك و نورت متل دايما
شكرا لزيارتك
Saned
ahlan saned..its great to see you around..hope that all your work is fruitful..ya3teek il 3afeyeh
الحكومة لما تجمع السبت مع الجمعة و تضيف الاحد بدال الثلاثاء
بتكون عشان الناس تهيص
ولا العيد اليوم
شكرا سند و كل تعيك ما بروح هدر ان شاء الله
Nobody brings "home" stories like you do..I can imagine every situation happening in Beirut..beautiful:)
I love Mr.Bean especially the old 30 min episodes that somebody mentioned in the comments above.
heheheeeeeeeeeeeeeeeeee
funny post
i liked the one at the airport
why did you go any way??
happy labor day :)
noura
mr bean sed to make me laugh alot but maybe i watched too many episodes that i got immunity againt laughter..but stil his silliness and predictable acts make me laugh..
nawarti as usual ya noura..:)
ام العيال
كل سنة و كل الناس بخير
كل واحد فينا اله عمل و بيعمل
و الامهات كمان اكتر العاملين المهضومة حقوقهم
(مش مهضومة باللبناني)
انا رحت عشان استقبل ناس جايين
شغلوني تشريفات يختي عالويك اند
شكرا يا احلى ام عيال على زيارتك الحلوة
Post a Comment