الملكة
الملكة
***
فيلم عن الملكة اليزابيث الثانية
**
بطولة هيلين ميرين(الملكة
و مايكل شين(توني بلير
و في كمان ام الملكة و تشارلز و برنس فيليب و شيري مرته لتوني
الفيلم من احسن افلام 2006
عجبني كتير لانه خلانا نشوف شو عم بيصير جوة باكنجهام
الفيلم بيركز على فترة وفاة الاميرة ديانا و تاثير موتها على العائلة المالكة
و رد فعلهم
انا انصدمت
لا جد
يعني اول مرة بشوف فيلم عن ملوك احياء و بهالصراحة
ابصر اليزابيث لما شافتة شو قالت
لانه الفيلم صور اليزابيت كانسانة
ولا بلاش انسانة
لانه بالفلم كانت شوي بعيدة عن الانسانية
كشخص متبلد المشاعر
بس هية هيك تربّت و هيك تعودت
انه تخبي مشاعرها
و هيلين ميرين بدعّت صراحة بتعابيرها الرصينة
بتستاهل الاوسكار و كل الجوائز
و كيف بتحرك عيونها و تمها و بدها تبكي بس بتحبس الدمعة
اللي اعطى الفيلم مصداقية هو الجهد اللي قام فية الكاتب والمخرج لتفاصيل الحياة والتقاليد
بتحسو انكم عنجد جوة القصر، حتى روتين الحياة العادية
يعني الملكة لما بفيقوها من النوم بتطلع من اوضتها حاملة قربة مي سخنة
حسيتها ستي والله
بعدين كيف امها بتحكي معها
امها مش قليلة على فكرة _بس ما بدي احكي عنها حرام لانه ماتت
..كان عمرها لما ماتت 101كانت مفكرة تنزل 102 بس ما جابت معدل
امها بتقولها: و احنا شو خصنا ب ديانا هاي وحدة تطلقت
و طلعت من العيلة خدي الولاد على بالمورال خليهم يشمو هوا و يبعدو من هون
و اليزابيث..بتسمع كلام الماما
شايفين يا بنات و يا شباب
ملكة بتسمع كلام امها
و كمان بتناديها بالفيلم :مامي
مبين من الفيلم انه علاقة الملكة ب ديانا و باقي العيلة مش هالقد
يعني
كنو كاين في زعل بيناتهم
حتى لما اجا خبر موتها كان تعليق مارغريت(اخت اليزابيث بس ما بينت بالفلم)
انه ديانا كانت مزعجة بموتها اكتر من حياتها
اما الامير فيليب جوز اليزابيث
هدا حكاية لحاله
هيك جفص و نكدي و لأ..كمان.. بيلبس تنورة سكوتلندية خضرا ..
و بقول لمرته و هية بتقلب قنوات عشان تشوف شو بحكو بالاخبار
بكفي تقلبي قلبتي راسنا انا رايح انام بالاوضة التانية
كان يمكن بدو يحضر باي واتش..الله اعلم
اما تشارلز ابو خد احمر
برضة بالفيلم خدة احمر
و هيك بتحسة لا بكش و لا بنش
دمع شوي لما راح زار ديانا و هية مرمية بالمستشفى
و طبعا صارت حكاية كيف بدو يروح هناك
و الطيارة مع مين اليوم
بالاخر دبرتها سته ام امة
الشعب زعل كتير لوفاة ديانا و زعلو اكتر لانه القصر ما اعلن الحداد
و لا نكس العلم فوق القصر
ما كانو يعرفو انه مش من عادة الويندسورز ينكسو فوق باكنجهام علم حتى لو ماتت اليزابيث نفسها
بس الشعب الانجليزي طلع اتنح مننا
و زعلو لانها ما طلعت قالت لها كلمتين تعزي الشعب
طبعا هون اجا دور مييين؟
ايوة
توني بلير
و هو البطل في هالفيلم
الفيلم بدأ بنجاحة بالانتخابات و كيف بروح هوة و مرته ليقابلو الملكة
و كيف مرته اخدت تعليمات البروتوكول بس هية بتتمسخر و ما بتعرف تنحني بطريقة لائقة
طبعا منشوف اليزابيث بتنمّ عليها مع رئيس التشريفات
و هديك كمان ما قصرت بعدين فيهم و قالت لجوزها: انت عم تخلط بين امك و بين الملكة
لما شافت كيف قتل حاله عشان ينقذ العيلة و صار يقول
يا عمي حدا ينقذ هالناس من نفسهم
ما دبت خناقة و ما قالها ما تجيبي سيرة امي لانه مش فاضيلها
هلا توني صار يوّن على راس اليزابيث انه لازم تحكيلك كلمة
يعني بصيرش تضلي قاعدة في بالمورال بسكوتلندا
والعزى داير بانجلترا و القصر صار مزرعة ورد من الناس
المهم بتقتنع و بتطلع و بتحكي عالتلفزيون و بتمشي بين الناس
و بتتفرج عالورد و بتقرا كلام كاتبينو الناس بتقول لبلير
ما عمري حسيت اني مكروهة متل هلأ
الفيلم في اكم حدث اصلي مش تمثيلي
و اكم مقابلة سريعة لديانا بتقول: من اول يوم تجوزت كننا تلاته مش تنين
(قصدها كاميلا حبيبة تشارلز اللي تجوزها هلا
طبعا اليزابيث ما بتطيق هاي كمان
بلير انقذ العائلة المالكة من مصيبة
بس اليزابيث قالت له: ما تفكر ما راح يجي يوم و يعملو فيك متل ما عملو فيي
و هالحكي صار
المهم ما بدي احكي اكتر
ع اساس ما حكيت كتير
الفيلم عن جد حلو و بيستاهل ينحضر
29 comments:
ما انتي حرقتي الفيلم ما ضل اشي نحضره :)
ملخص حلو يا ملاقط
Mala2e6, This is my sixth try to post a comment on your post...hope it works out!
Thanks for the review...i think i do not need to see the movie after all the details you talked about!
:)
Finally!! it worked!
I add my voice to Summer's..khalas i wont watch it.. i have the full review now, with details and all the side comments i need :)
aha Lucky me am not into such movie ...
اذا بحظرو وما بعجبنيش بدي حق التذكرة نيرة تنطح ليرة :-)
saba7ek sukkar mal2o6a :cute:
mashallah 3leke review kamel mo na2so she ;)
hala2 lesh ana jay 3a esobe7 :D bdna nkamel 7amlet "sawt elaqsa" w bdna menek w mn elshbab yeb3tho elresale elmawjode fe elpost 3nde, 3nd 7ala, w 3nd ktar ll3nawen ele mawjoden hnak :)
w eza btonoshre elresale fe post 3lmanshar aw bte3mleha FW mnkon mamnonen :)
sanx salafan (F)
طارق
هاي وقائع صارت يعني لو انه فيلم اكشن او دراما ما بحكي
بس الفليم حلو برايي
شكرا طارق
المهم عجبك الملخص
Summer
i don't know whats wrong summer i am so sorry on behalf of blogger.com and all of google
and you are welcome,
you need to watch it coz what counts is not the story(this is a real story and everyone is aware of the facts shown in the movie,but acting it in this way is something worth watching
thanks summer :D
Mrs al Ramahi
ya 3ammi hal2 walla bash6obo ma tez3alo
la2 really if u r into such movies you'll like it..
ahlan ya mrs ramahi
qabbani
sometimes qabbani we need to see such movies,I did.khaals i will review somehorror or action movie next time..thanks qabbani
Abu shakush
عندي احساس مش عارفة ليش انه لو عجبك رح تقولي ما عجبني و رح ينطحو النيرات بعظهن
منور يا ابو شاكوش
mnosh
ahlan ahlan..thanks mnosh
tekrami ya mnosh i will check the blogs and forward the msgs
..كان عمرها لما ماتت 101كانت مفكرة تنزل 102 بس ما جابت معدل
LOOOOOOOOOOOOOOOOOOOOOOOOOOL!OL!OLO!LO!
ملخص حلو شكلي ححضروا
بس عندي سؤال
في نهاية الفلم هل المخرج والممثلين والمنتجين والعاملين والمتفرجين حيموتو ولا لسا
:-)
lesh 7ases el summery ta3tik a6wal min el movie nafso ;-p
coooooooooooool i have it on DVD u kont metkasleh a7daro :)
now im gonna watch it :D thnx 7abibti
wallah ana ma kont nawyeh a7daro bas khalas meshanek i will ;)
Ea saba7 el do7ok..
Ea3ni reading some blogs first thing in the morning just makes my day..
I love how good you make me smile.. bas mosh ra7 a7dar el film :D mosh 3shan 7akte 3ano.. bas 3shan ma 3ndi wa2t :D thanks any way
قرأت اول فقرة بس...ماحبيت اعرف تفاصيل أكثر لاني رح أحضرا انشاءالله !!!!
عراسي ملاقط
saned
عجبك كيف حملت المادة؟
عقبالنا يا رب و مستعدة احمل 102
منور يا سند
Rozaa! فاقد الذاكرة
نهاية الفيلم كلنا منحضرها مع بعض
مع مرور الايام
هينا منتفرج و النهاية لايف
اهلا اهلا..شو اخبار ام العيال زمان ما شفناها
anonymous
ما هوة انا بقولك اللي ما انقالش
بس هدا مش سمري
خدا ريفيو
(المفروض
wedz
teslami ta wedz,it is nice ..bass if h have young brothers and sisters don't let them bother you coz u have to pay attention to the language..we are used to american accent and this is british..min il no3 il thgeel
hala wedad
naturalblu
fatoom..yes3dek w y3alli shanek w ykhaleelek 7abaybek..mnawreh
life
7abeebty hayat..u r so kind..:)
ya3teeki il 3afeyeh and u r welcome
abed
اهلا يا كبيير
احضره و بالله تقولي رأيك
القضية شغلت الراي العام سنين و لهلأ و الفيلم متل ما قلت صريح كتير و نفسي اعرف مين اعطى كل هالتفاصيل للمخرج و الكاتب
اكيد رح ينفصل من القصر
فضح الدنيا
منور يا باشا
yjazi yahoodek ya Mala2e6
now u made me wanna see it jad...
preview khateer o mn el a5er :)
thanks
هلا الحجة اليزابيت مع كل احترامي الها، لويش قبلت بهالفلم؟
هسع بقولو المرة خرفت و بدها تعمل دعاية لحالها بجوز يتقدملها ابن حلال
بس يعطيكي الف عافية على الريفيو، ما ضل إلا تقريلنا إل كريدتز و اسم مدير الاظاءة و اسم حامل المقرفونات
على اساس انها مش قوية و جننت ديانا من عمايلها كل شغل القصر عليها
maioush
good morning ..w thank you min il a5er ya 7elw inta ya 7elw
firas
اسفة نسيت
الاضاءة :(واحد حامل لمبة 40 وات) نايجل متعب السميثات
الستنتس: (عشان لما الملكة دمعت)
سو ابو ليب
(دار ابو شفة الامجليز)
الهندسة الصوتية: منصور المناصير
(استوردوا من عندنا ابيش بيه عندهم)
اما عن ديانا المسكينة.زهو لو وقفت على شغل البيت ما كان صار اشي
بس ضلت توّن ع راسها جيبيلنا بنت و سميها على اسمي اليزابيث ام تشارلي
و ديانا ما قبلت
و عينك ما تشوف الا النور
طوشة
و اسلحة خفيفة(شحاطات
و اسلحة ثقيلة(مقالي و طناجر
بعدين اليزابيث لجات للنووي
(كانت ماكلة فول و حمص
thank you firad for remniding me :D
and thanks for ur visit mnawer dayman
Wow!
haaaadlazem a7daro!
Okay okay..
elyom bawassi Seena music yjeebuli yah w ba5zo2 ras-hum w ana bas2al 3anno :-D
bs jad sheklo interesting!
Thx mala2et... ur taste in movies is always outstanding..
مش بس حرقتي الفيلم .... لعنتي ابو ابووو :)
لا عنجد انت بتنفعي تكتبي افلام مش تعملي ملخص :) :)
نانا
نادين
narnar naryota,,narayt
ahlan ahlan nawarti il mante2a
thanks 7abeebty alla yes3dek..i am always glad to see u around :)
nadeeno
و الله و الله الفيلم وقائع تاريخية صارت
طيب
استنو بس اكتب عن فيلم دي اييلوجينست
و الله لاقوول شو بيصيلر بالاخر و كيف انه طلع كزا مزا
مبيبتي نادين
خلص حطيتي الفكرة براسي و بدي اكتب فيلم يكسر الدنيا
(اكيد على راسي)
عنجد انك بتضحكي يا ملائط
يعني معقول انهم يعملو فلم على الملكة بحالها من دون ما ياخذو ازنها او يصير في اشراف ملكي عليه... واتأكدي لو ما عجبها ممكن تغيرو...
اما توني بلير يا ساتر شو بشبهو ... تحفة من وين جايبينو هذا؟؟؟
خلص انا بدي احضر الفلم واعطيكي رأيي
Mala2e6 ya bint im mala2e6
I just passed by to say I missed you and your blog, I've been dead for a while but I'm back now ...I'm planning to see the moive thanks for sharing : )
Oh ..and by the way you hvae been tagged : )
bara2
ما هوة اشي بيقلب الراس
يعني اذا اشرفت علية و هيك طلعوها كيف لو ما اشرفت؟
انا سمعت بالاوسكارز بيسألوا هيلين(انا و هية صاحبات يعني عادي بناديها هيلين و بتناديني ملائط غسيل المحترمة)
هيلين بتقول
i have no idea if the queen saw it
يعني ابتعرفش
please tell me what you think when u watch it
TamTam
wallahi i missed you too..i;'ve been busy for a while and i could rarely be around checking ,b3eed il shar 3annek toffi min bo2ek t2oleesh dead..(tofii b3eed ya tamtam)
thanks tamtam for passing by and for remembering me with the tag i will check it asap
3afikra min waraki I rented "The holiday" looll
i'll go rent this movie too. I'm too curious about it now
lubna
so i gather that u liked the holiday? :)
i wont even trick u into watching a movie..
take my word for it
aa i liked it. I meant inno you give me enough description for the movie that makes it stick in my mind and if i got the chance would rent and watch it.
downloading, renting and watching dvds are three things I RARELY do! 3ashan hek ba7ki;)
Post a Comment