حقا انه عالم افتراضي
ذلك العالم الذي نتواجد فيه يوميا
عالم الانترنت
عالم الافتراض
عالم ممزوج بالحقيقة ولا يمت للحقيقة
صار جزء من واقع يومي لا نستغني عنه
و لكنه للبعض اصبح اكثر من هذا
**
بعد هذه المقدمة
اللي هية احلى من مقدمة ...ابن خلدون
بدي احكي عن عالمنا الافتراضي
كل شي فيه قدامنا بس برضه مش قدامنا
جايتكم بالحكي ليش مستعجلين
مبارح عم بقرأ عن موضوع لسة مش مستوعبتة تماما
موضوع اسمه الزواج الافتراضي
او
virtual marriage
موضة جديدة لحقت باقي موضات الانترنت
اتاريه يا جماعة الخير ولا تهونو
الناس قاعدو تتجوز عالانترنت
و تشتري سيارت
و بيوت
و تخلّف كمان و نحنا مش دريانين
قاعدين ندوّن و نكتب
و اتاريه في شهادات زواج
و ناس بتجوز ناس
و بعدين كمان يتطلقوا
و الموضوع جد
و عامل مشاكل مع الازواج الحقيقين
في واحد متزوج عن جد و تجوز و حده على مبدا
افرض مثلا مثلا يعني
و مرته عرفت
و قامت الدنيا على راسه
و رفعت علية قواضي
***
موضة الزواج الافتراضي نازلة على شكل برامج
تعطيك مجال انك تعمل البوم صور و عرس و ريسيبشن
و العروس لا عمرك قابلتها و العريس ولا شفتي خلقته
الا يمكن عالويب كام
****
المكان:تشات رووم
عبود: اسعد بتقدر تيجي شوي عايزينك
اسعد: شو في
عبود: اليوم انت قاضي و بدك تجوزني
اسعد: فكرت بدك كنافة..بي ار بي يا لوزة
as3ad has joined the conversation
القاضي:هل تقبلين عبود ات هوتميل دوت كوم زوجا لك
هي: نعم
القاضي: و انت يا عبود هل تقبل وظحى ات ياهو دوت كوم زوجة لك
عبود:نعم
القاضي: مبروك
عبود: مواا
وظحى:يي
***
القاضي هاز ليفت دا كنفرزيشن
عبود: اما شفتلك فيلا بهنولولو مع جاكوزي و بركة
وظحى:طب كليك و اشتريها
عبود: وشوفي هالسيارة بدي اشتريلك اياها
وظحى: الله يخليلي اياك مش حارمني من اشي
عبود: ولو.. انتي بس اعملي سيرتش و نقي و لعيونك يا وظحى
***
و بعد فترة
و بعد فترة
اكسبت فايل
داونلود
ام اسعد الداية ات جي ميل دوت كوم: لولولوليش ولد... ولد
***
و بعد اكم جلسة
و من ثم يرد عبود بالأسلحة النووية الثقيلة 
و تطلقو يا ولدااااه
**
هذا تقريبا اللي عم بيصير..و اللي انتشر بالصين و باميريكا و كمان عنا
زواج خفيف لطيف ما في لا مهر ولا شبكة ولا في نفقة ولا من يحزنون
اللي يحزنزن هم الازواج الحقيقيين لما يعرفو
في ناس بتقولك هدا بيعطينا فكرة عن ازواج قبل ما نتدبس عنجد
و ناس بتقلبها جد بعدين و بتقابلو و بتطلع ست الحسن احلى من القرد بشوي
و بيطلع ابو عضلات واحد هامل ما اله شغلة ولا مشغلة
التعارف عن طريق الانترنت مش غلط متل اي تعارف عن اي طريق المهم بعدين شو بيصير
و المهم كمية الكذب ما تكون عالتقيل لانه الكذب حبله قصير
36 comments:
mmm wallahi ma bafham el 3alam elli heik :(
bas kaman to give the internet a chance .. well I met my current husband online :) pure coincidence tab3an bas akeed I didnt marry him online :) it is a mean to meet people and NOT MARRY them there!
ramroom
meeting on the internet is the trend now,coz everyone is there,what is most important is what happens later on..not to take things seriously and to go on with the realtionship without any intention to get more seriuos is not good..
the internet is like any other medium of getting to meet ur other half..like any gathering or wedding or a party..and you decide how it goes from there..mabrook another time ya 3roos..:)
lool ,
yeah what about the SECOND life project?
i type a post about it going to publish soon , it's same what u talking about just it's MORE , u buy things sell do trade and exchange it by real $$, u find ppl change your look hair style dress alot of things ..
Authentication can you guarantee it ?
some ppl like to come online to run away from there miserable life , cuz believe if any one really happy in his/her life in real well not going to such silly thing , just HID the truth
any way 5aleeehom yefee3o : )
walahi azon hai 7eelet eli ma 3ando 7eeleh :-)
w a7la eshi eno fi meno 3njad!
w be3rafu ba3ad w be7ubu ba3ad w hume ma shafu ba3ad, w bs tseer marto 3asonnet Allah w rasulo YEMKEN yshufha...
w yasaaaater eza ma 3ajbato!
walla ayyamsetti w settik lama kanu el5atabat yeshta3'lu badal el internet kan ahwan! :-D
Qabanni
the problem is that people are living virtually all the time now forgetting to live their own real lives..having a virtual wife will not compensate for having the real one..but it can delay the action and maybe ruin everything else
naryat
shoofi..law ma 3ajabha aw 3ajbato..block and delete..lol..very easy..no commitment..nothing to worry about..
hmm ili be3eesh yama yeshoof, well we have an E- mail, Blog, e-friends and we can have an e-hubby and maybe he and the real life hubby can chat and discuss me : ) then we will need an e-therapist to solve all the e-crap we got into : )
e-ma3ek 7a2
e-stupidy 3ala e-lies 3ala e-divoce..mesh ba2olek..we are so wrapped up in our blogging and we had no idea that e marriage is ON..
la7e2o 7alkom abel ma il 3arad yekhlas..
aa sho feha? blshare3 kolo :P
ana ktbet 3n zawaj mn naw3 2a5r :P
kl3ade: FAZE3A ya Mala2e6 ;)
mnosh
الحلو بهالزواج انه اذا تخانقتو لا سمح الله بتعمليله بلوك و بتريحي راسك
ولا بتغلبي حالك بأشي
و اذا زادها بتعمليله ديليت
شوفتي التكنالوجيا يختي
هلا بشوف شو كاتبة هيني جاي
I have to agree..although i know of some cases which were VERY successful
"و بتطلع ست الحسن احلى من القرد بشوي"
HAHAHA!
صباح النور..
فكرة التعارف على الانترنت صارت اكتر من عادية ،، بس اللي مش عادي انه الشب والبنت يقعدوا يحبوا في بعض اشهر وسنين على الانترنت وكل واحد ببلد بكون وبتواعدوا على الاخلاص والوفاء والحب والزواج .. وكل واحد فيهم بتلاقيه معجب ببلده ومش مخلية البنت ولا شب من شرها والشب مش خلي ولا وحدة تعتب عليه من بنات ديرته :)
بعرف كتير كتير ناس كانوا هيك ولما سمحت الفرصة انهم يلتقوا فيس تو فيس صارت الصدمة!!
saned
wainak ya 3ammi..i was checking your blog now and i saw you have been away for awhile
saned..i am not talking about meeting online and then getting married,i am not against that,my sister met her husband online..
i am talking about virtual marriage..marriage done on the net all together without meeting without consumating the marriage in regular ways..did u check the link to the marriage certificate?
this will give u an idea what i am talking about..
also do some search and read..i did that and i found that there are peopel who live their whole lives on the net..
welcome back saned..
نادين
متل ما قلت لسند
الفكرة مش التعارف عالانترنت
التعارف عالنترنت عادي متل اي مكان تاني
المهم وين بروحو من هناك
انا بحكي عن زواج افتراضي بكل ما في الكلمة من معنى
زواج كامل و بيت و اطفال بس مش عن جد
شوفي لينك شهادة الزواج بتعرفي القصد
السؤال اللى يحير هنا ...هل الاشخاص الافتراضيه ح تقضى على حاسة اللمس )اتمنى انك ما تفهميش قصدى غلط) السؤال فعلا علمى...لان احساس اللمس و الشم كمان فى العواطف دايما بيبقى قوى
اتمنى ان قصدى ما يتفهمش غلط...و ناخد الموضوع بعقلية مفتوحه...عموما فكره حلوه يا ملائط
مع تحياتى
اهلا يا محمد
الفكرة مش فكرتي اكيد فكرة تسويقية لبرامج و في ناس يتشتري
اما عن حاسة اللمس و الشم و الذوق
(ما هو ما ينفعش عير خاسة السمع و النظ بس اكيد المبرمجين هيلاقو طريقة بعدين)
الاشخاص المعنيين ممكن يكتفوا بحاستين و يتخيلو الباقي
و الخيال اجمل من الحقيقة اككيد ما فيش لا بصل و لا توم و لا ريحة سنان معفنة
ناس فاضية عاشة بالخيال و سايبة الواقع و بعدين بيقولولك ايه راحت علينا
راحت عليهم و همة قاعدين يتسلوا
الدنيا ما بتستناش حد
شكرا محمد لزيارتك و تعليقك
ملائط عارفه ؟ مو محتاجين لهاي القصة تصير فعليا عشان يكون فعلا في زواج افتراضي على الانترنت ... قصدي من كلامي انه في ناس بعرفوا بعض فعلا من بعيد و بعملوا قصة حب و ببنوا البيت و بخلفوا لولاد و كله بالحكي ، صحيح لا في قاض و لا عقود و لا شهود لكن في أحلام بتنبني على هوا و في صور بتنرسم و كلام بيكتب و كله سراب بالأخر لأنه الصورة الحقيقية غير ...
هاد الشي فعلا موجود ... الزواج الافتراضي مو محتاج لهاي الاشياء عشان يكون موجود لأنه ببدا فعلا مع كل تنين على الانترنت بفكروا انهم بحبوا بعض
بس حلا هالحكي موجود فعلا
و القصة مش تاليف بالعكس خففت كتير من حدتها
في سايت لقيتة واحد كل يوم بكون اشي
يوم قاضي
يوم عريس
و عامل بلوج و البلوج كله عن هالموضوع
هلا موضوع العلاقات عالانترنت اشي تاني
انا هون بحكي عن زواج و شهادة زواج و ناس عايشين الدور
كتير نس بعرفهم حبوا بعض و تزوجوا عن طريق الانترنت..صار اشي عادي جدا و مش مستهجن
بس هدا الزواج اللي مش عادي
اما اللي بيبنوا قصور في الهوا رح يجي يوم و يحاولو يفتحوا الباب و متل افلام الكرتون رح يلاقو حالهم برضة بالهوا
ثانكس حلا
ملاااااااقط
يعني صارلي مدفون ابصر أكم شهر بالدراسة..
اجي على بلوجك ألاقيكي مجوزتيني وحدة عالنت !!!
هاي أخرتها!!
طب يعني عندي أهل!!! تيجي البنت تطلبني من أهلي!!
انا بنفي أي اشاعات اني تجوزت عالمسنجر
بطالب بتغيير الاسم من عبود لمزعل او عفاش و هنوف
بعدين بالنسبة لموضوع زواج الانترنت
او التعارف على الانترنت..مع انو انا طول نهاري وليلي عالانترنت بحكم الدراسة والمشاريع والقرف, والان رح يصير بحكم الوظيفة, الا اني بعارض الفكرة تماما
!!
يعني بصراحة, مابفكر أتعرف على حدا بحكي معو على الانترنت...
يعني هلأ ملحقين على اللي بنعرفهم برا الانترنت لا تنعرف على ناس ثانيين ؟؟
الواحد اللي عندو مش عارف يحلق عليهم, يروح يبلش بناس ثانيين...
لا ياعمي, ملعون أبو التكنولوجيا, ايشي بحفر الراس..
في ناس كثير بعرفهم برا الانترنت وبشوفهم كل ألف سنة مرة, أروح أبلش في ناس ثانيين ؟؟
وزواج كمان !!! قلة نسوان يعني !!
Abed
good morning
w looooooooool
استنى هلا بطلقك منها
هية شو كان اسمها؟
اه وظحى
خلص
هيها راحت
اشوفلك غيرها
(ملائط اليوم ام سعيد الخاطبة)
و الله يا عبد التكنولوجيا حلوة بس كشفت امراض نفسية كتير
لو كان فرويد عايش كان صار مألف كمان 10 كتب عن الدوافع النفسية و الامراض المتفشية على الشبكة العتكبوتية
التعارف متل ما قلت مش غلط بالعكس يمكن بعطي فرصة تقابل ناس لو قعدت 100 سنة ما بتقابلهم
اعمل شوية غوغلينغ و اقرا و شوف انه حتى عنا هالظاهرة موجودة
men ha6'a faroed ?
فرويد واحد كان شوي عقله نص كم كتب اكم كتاب علم نفس كان مفكر انه بفهم النفس البشرية
بس ما لحق الانترنت ولا كان النص المنيح بعقلة طار
walla ana esme3et feha o 3an jad mest'3reb
w lessa ya bukah
ibsar sho kaman fee w ni7na ma mne3raf..
mala2e6... ana m3asbeh !!!!
انا بحترم كتير من نظريات فرويد..هو المشكلة عاش بفترة كان فيها كبت جنسي
طبعا نظريات مش صالحة للجميع, ولكنني بصراحة بشوف فيها منطق كتير
nadeen
laish?
Mala2e6...
go to the musalsal link and you will know
bonjour
please nadeen check ur email
this is very pathetic. and scary..
anyhow offtopic..mala2e6 I decided i wanted to answer the 5 things tag. It's on my blog. please pay me a visit. I wrote you an official apology hehe:)
lubna
really it was ok,but i am glad u answered the tag..i know the feeling,sometimes u r just too bored to do anything..:)
I think people will no more love from first sight…they will love from first post :)
2 "the"s are missing :)
I think I really need to sleep.
jumana
looks like they do,people chose fanatasy over reality,imaginations over real life.they will be in for a big surprise when they land their feet on the floor
nice to see u around jumana..welcome and thanks for passing by..don't worry about mistakes..i do alot of them here..3adi..:D
dohor el5eir Mal2o6a :)
yiiii..ishta2t illek mnoshty..addaish ilek ma saba7ti 3alai?
mwaaaaaaaaaaaaaaaaaaaa..yes3dek ya rab
Post a Comment