رحلات ملونة
اجمل رحلات العيد..صيّف و كيّف..مع اجمل رحلات الصيف
الغردقة,لبنان,سوريا,تركيا,النمسا و سويسرا
ب 129 دينار فقط مع وجبتين الى بيروت
الغردقة,لبنان,سوريا,تركيا,النمسا و سويسرا
ب 129 دينار فقط مع وجبتين الى بيروت
*
*
يا بلاش
*
وجبتين..بلاش التالتة... منّسلك بالفطور يا زلمة
و سجل الاخ و طلع عالباص
**
رحلات متل هاي و مع جروب و بارخص الاسعار شو بتتوقع تلاقي؟
انا بقولك شو بتلاقي
***
عالباص
الرحلة ما بتطلع بوقتها ابدا لانه ابو جاسر نسي انه الرحلة اليوم بفكرها بوكرا و كل الناس قاعدين يستنوه ليصحى و يجي
**
ما حدا بيعجبو مكانه و بيدور على مكان تاني بالباص و اللي قدام بدهم يقعدو ورا و العكس صحيح
*
حظك الحلو بتطلع قاعد جنب عيلة من 8 اشخاص ووراك عيلة من 4 اشخاص الام و لاب و راك وا لاولاد قدامك
*
طول الرحلة : هات يما المي و خود يما هالساندويش
طول الرحلة : هات يما المي و خود يما هالساندويش
*
الاب يقرر انه تعب من كندرته(اجلّكم) و بيشلح و تنتشر رائحة الكلسات و تختلط برائحة ساندويشات
الاب يقرر انه تعب من كندرته(اجلّكم) و بيشلح و تنتشر رائحة الكلسات و تختلط برائحة ساندويشات
السنيورة اللي طلعتهم ام الست اولاد
*
واحد قاعد ورا بقصص بزر و بيرمي عالارض
بزر يعني لب
*
دايما في واحد امه معه و في حالة انه مش متجوز بتضل ورا بنات الرحلة لتزبطة
دايما في واحد امه معه و في حالة انه مش متجوز بتضل ورا بنات الرحلة لتزبطة
و اذا متزوج بتلاقي مرتة قاعدة لحالها مع ولد من الاولاد و بوزها شبرين
*
الباص بيضل يوقف بمحطات لاستعمال التواليت اللي بيكون عادة ب كفيتريا حفرتلية و بيكون مع كترة الاستعمال ماكل روح الخل و ريحتة تضاهي ريحة جرابات اللي قاعد وراك
*
دايما في وحدة مش عاجبها العجب و بتتافف طول الرحلة
*
مرشد الرحلة بيكون مفكر الله خلقه و كسر القالب و بيزودك بمعلومات تلات ارباعها غلط مع ثقة زائدة بالنفس و يا ويلك لو صلحت له معلومة
*
دايما في واحد فصيح بفهم اكتر من الكل و بيشغلو المرشد خز عنده...
خود الجوازات
وزّع الجوازات..يا جماعة لمين هاظ الولد
*
اولاد زغار بيلعبوا بميكروفون الباص لما الشوفير ينزل
*
التدخين ممنوع..الا الشوفير ممكن يدخن
*
دايما في واحد عمره حوالي 15 اول طلعته...
شواربة موبّرين و صوتة متل السيارة لما تتعشق
بيشحط تشحيط و مصّر يغني و يحكي دبشات و هو مقتنع انها نكت
*
دايما في جوز ختايرة قاعدين بيتشكونو
اه اه يا ابو عيسى رجلاي بيظربن علي
و ابو عيسى مطنش
*
بنات قاعدين ورا و بيسمعو اغاني ع الهيدفون ما الهم دخل بالدنيا
*
ام العريس لوحدة منهم: وين جوزك؟
البنت:انا مش متجوزة
ام العريس: وين خطيبك
البنت: انا مش خاطبة
ام العريس: هاظ ابني بيشتغل ب 425 دينار و عندو شقة
و تسمع صوت الضحكات من البنات مع همسات تخويتية
*
بعد الوصول
*
_بتكون حاجز مثلا بالهيلتون بتلاقي حالك بالهيلتوم
..و بيكون المفروض الاوتيل الشيراتون بياخدوك على اوتيل كان زمان الشيراتون
و ضل فيه بقايا لوغو على الارض او على مناشف الحمام
و اذا اعترضت
بقولولك :شو بدك تعمل يعني؟
روح روّح..بتسكت و بتجمطها
*
ما حدا بتعجبه غرفته و دايما التانين غرفهم احسن
*
تبداعمليات الجحر و الجح ببعض(يعني محاولة معرفة مين هاظ و مين هظاك
*
بعد اكم يو من الجح و الجحر ينكسر حاجز الجليد (اكيد من الزهق و تبدا عمليات التعارف
*
انت ابن ابو سفيان؟
يي ... هاظ جار بنت اخت بنت عمتي باللويبدة
بس هسة رحلوا ع دير غبار اشترو شقة بتجنن
بتقربلك ام الوليد اللي ساكنة بالحسين؟
**
يتم تبادل ارقام الهواتف عشان لما يرجعوا يحكو مع بعض
بس لما الرحلة تخلص و على الحدود ما حدا بتعرف ع التاني
*
تسمع الجمل التالية باستمرار
عنا بعمان ارخص..صح؟
انبسطنا كتير..صح؟
يا اخي ما في ازكى من المنسف
فكركو في مطعم اردني؟
جاي عبالي مقلوبة (بكون ما اله يوم تارك عمان
بأديش اشتريتي البلوزة و من وين؟
تبظعتوا؟
(يعني عملتو شوبينغ؟؟
* بعد يومين نص افراد الرحلة بيصيبها اسهال
*
الرحلات الداخلية و سهرة على حساب الرحلة
_الا تلاقي ناس متأخرة و لسة بتتعرف على بعضها
_شو رايكو بلاش نطلع على الارز اليوم منعوظها بسهرة(و بالاخر ما في سهرة
_ ايمتى منوصل؟ لسة مطولين؟..عمليات النق مستمرة بدون اي محاولة للاستمتاع بالرحلة
_معلش توقف..الولد بدو يروح عالحمام..و انا كمان يمااا.. و ابو عيسى كمان....طيب كلكو انزلو
_السهرة حفرتلية بمطعم حفرتلي مع عشاء من بواقي غدا رحلة سابقة و المرشد بيكون مسمسر مع اصحاب المطعم على حسابك طبعا
_ يا جماعة الانطلاق نحو الفندق عالساعة 6 ..بتصير 8 و ما حدا اجا.
.بيتمشو.و لسة بتعرفو على بعض
***
العودة
قبل العودة طبعا تبدا عمليات شلفطة المصاري من قبل الفندق للنزلاء للاستفادة منهم قدر الامكان
مئة دولار مكالمات خارجية
.يا زلمة والله ما حكيت...رنيت لامي بس ما ردت
اه ه ما هوة اكتر من 5 رنات تعتبر مكالمة
طب كيف طلعت دقيقتين؟
ما بعرف..لازم تدفع
استعملتو قنوات الفيديو المدفوعة
اية قتوات.؟ ليش ما حدا قالنا انها بمصاري؟
و هكذا اعزائي يقوم دراكيولا العصر الحديث بمهمته
****
العبرة من الكلام و الشخابيط اعلاه
***
يا مسترخص اللحم عند المرق تندم
يا مسترخص اللحم عند المرق تندم
و
الرحلات الي دعايتها بالالوان
زهر..اصفر..ازرق
بلا منها
**
ديسكليمر
الكلام اعلاه حصل و صار و هو مجموعة تجارب سمعتها اما ابو كلسات و ساندويشات السنيورة فهاي تجربة خاصة تنزكر و ما تنعاد
و اي تشابه بالاسماء..اكيد يعني غير مقصود بس وجب التنويه
32 comments:
LOL .... that's soooooooooo funny ya mala2e6
الحمد لله مهما حاولوا يقنعوني اخلي حد يضحك على هيك .. و ما نجحوا
بس رحت لحالي و ضحكت عحالي لما شبعت!
زهر و اصفر و ازرق... مو دعايات هاي.. هاي ملابس داخلية ولادي و بناتي و سن محيّر :)
جربتها مرة وحدة , و حلفت يمين ما اطلع مرة تانية كان يوم عجيب و المهم اني بهدلتهم مزبوط بس خلصت يلي اسمها رحلة و ما بتشبه اي شي اسمه رحلة ..
يلا ويلكم باك ملائط
Qweider
يعني مريت بهيك تجربة..المشكلة اني بحب اسافر بالبر خصوصا طريق بيروت لانها كتير حلوة
و كل هالقصص صدقني صارت و في اكتر منها
منور يا قويدر و شكرا الك
Qabanni
thanks..its great to be back and running..
في شركات مرتبة و اغلى من غبرها و بتكون حاسس انه نفس الاوتيل بخترمك اكتر لما تنزل باسمهم
مرة وحدة جربت الرحلات الملونة و مش انا اللي حجزت ..طبعا بس وصلت هناك ما قربت ناحية الجروب كله
thanks
hehe so funny, cool blog you have here :)
mala2e6....i am lietraly rolling on the floor!! thanks for sharing...zaman 3annek, missed you tons!
lilly
welcome welcome..nawarti il blog..thanks alot for your vist and your comment..hope to see u here again
Summer
summmeeeeeeeeeeeeeeeer..wa3..miss u too..kteer kteer..miss being here..my vacation was a bit long..i am so glad that this shakhbata made u laugh..mwaaaaaa
laish haik ya binti ur name mish azrag?
WELLA bedkum re7lah be 129-3 teyaam wa shoo kaman,enjawezkum.
la ya hamede..hommeh bejawzo 7alhom b 7alhom..
inta ma3ana wella ma3 il tanyeen?
Anna ma3anna.
لول
بس بيني و بينك الي بدو ينبسط بنبسط, يعني انا بعرف صحاب طلعوا رحلات جماعيةو رجعوا مبسوطين بس قولي هما كانوا الطرف الاخر الي بتخوت و بفلم على الناس
حمدالله على السلامة حجة
hamede
jawabak be2ool innak ma3 il tanyeen..i3teref
jad
صباح الخير حجي جاد
و كل سنة و انت يخير
هوة الانبساط اكيد موجود حتى مع كل هالقصص..اعتبرها نوع من المغامرة
الله يسلمك
دايما في وحدة مش عاجبها العجب و بتتافف طول الرحلة :)
صباحو :)
هاي انا يا ملائط
لوووووول
nadeeeen
yes3d saba7ek..missed you alot..
so next time on a trip i will recognizr u immediatly
Amma shekelha re7leh "ma2lab" ! LOL .. 7aseet 7aleh beljaw .. o babsom bel3ashra 3ala mawdoo3 elmorshed .. ya bay sho enhom zenkheen bekono !
Happy new year .. and welcome back .. bs keef elbardat Mala2e6 ;) ?
و الله ما عارف اقول ايه يا ملائط عندنا مثل مصرى بيقول "الغالى تمنه فيه"... بس على فكره انا اول مره اتعرف على اللغه الاردنيه العاميه...اعتقد انها افرب الى اللغه العربيه من المصريه
:D:D
hhhhhhhh
lma bde ad'7ak 6ab3n baje 3lmenshar!!
al7mdolah wala mra jrabet :)
Have a nice day dear ;)
Tealover
happy new year to u too..shayfeh balla..kollo wala im 3eesa..hay la7alha 2ossa..i was in aqaba and it was very cold at first and got better when we wanted to leave..and now i was out could hardly see the road..rje3t 3al bait..
ishta2tillek ya danah
egyptian in uk
كلامك مزبوط بس احيانا مش كل الناس بتقدر عالغالي و كمان اقولك حاجة الغالي مرات عندنا بيكون مبالغ فيه
اما بالنسبة للهحة الاردنية فهي اقرب للفصحى من اللهجة المصرية بس انا بموت باللهجة المصرية
اتمنى لك سنة جديدة سعيدة
mnoshty
missed you ya bint..hal ayyam ma ma3i kteer wa2t akoon online..beddy aji azoorek..7adry il ahweh w il shaddeh nel3ab tarneeb..barra bard ma fee tal3a..:)
mwaaaaaaa
u too have a great day
والله وانا يا ملائط مشتقالك كتير كتير :) عنجد الكم وحشة يا مدونين :)
يااااااااه ملائط؟؟ و الله زماااااان!!! ههههههههههههههههه
خلقه و كسر القالب؟؟ أنا مش قادر أمسك نفسي من الضحك. أنا فعلاً طلعت رحلات زي دي، بس كلها جوه مصر، دانا حتى طالع واحدة كمان أسبوعين كده ع الاقصر و أسوان. يااااه فكرتيني بالذي مضى
هوه فعلا الحاجات دي بتحصل، بس دايما بتموتني من الضحك، متهيقلي الرحلة ماتحلوش إلا بالمفارقات اللي زي دي.
بزر يعني لب؟؟ الله ، ههههههه. مش قولتلك اللهجة دي بتـ(بلو مِي أواي)
nadeen
شايفة كيف تعودنا عل بعض؟
عن جد بس بعدت شوي حسيت في اشي ناقص
ما يحرمنب من طلتكم يا رب
محجوب
و الله انا كتبت لب عشان تفهمها لانني عارفة انها صعبة شوي
بالسعودية بزر يعني عيل..طفل
شايف لغتنا العربية معقدة اد اية
بس تطلع الرحلة نحنا مستنين تكتبلنا حصل اية معاك..يعني خلي عينيك مفتحة و قلمك معاك
قلم يعني اللي منتكب فية مش قلم اللي بيجي عالوش يلخبطه
هههههه عيل؟؟؟ يلهوي، دي كان لا يمكن اخمنها أبدا بالسعودي.
أنا جاهز من دلوقتي، و قلمي في جيبي، و كراسي في يدي، و...ربنا يستر علينا بقى، الواحد هيبقى على طريق.
لِت مِي ثانك يو ألوت، و الله مانا عارف من غيرك كنت هاعمل إيه! انتي بجد لقطة، انا سعيد جداً اني جيت المنشر هنا، و عمري ما هانسا الجميل ده للأستاذ باتر وردم.
البوست شكلو طقع, بس من النعس مش قادر أقرا...بكرة الصبح انشاءالله
حجا مبرورا وسعيا مشكورا وميلاد مجيد وأضحي جميل
;)
محجوب
صباح الخير
هذا فيض من غيض
لازمنا معجم عربي للهجات العربية
انا مثلا كل اللي اعرفه من اللهجة المغربية(تونس الجزائر ليبا المغرب)
كلمة برشة نحبكم و هي تعلمتها من صابر الرباعي في اغنية برشة برشة يا مدلل
يعني لو تكلمو ممكن ما افهمش حاجة
اما اللهجة الخليجية كمان كنت زمان ما افهمش بيقولو اية بس مع الوقت تعلمت و لقيتها لهجة جميلة
بعدين انا رحت ادور انت بتشكرني على اية و عرفت
شايف يا كوكي انا مبارح قعدت ادور ساعات على حل و كل الحلول طلعت معقدة و صعبة و بعدين لما عرفت انت عايز اية بالظبط..كان الحل سهل اوي
و ده بيعلمنا اننا نبص قدامنا قبل ما نبص لبعيد
abed
منور يا عبد
زمااااااااااااان و الله قلقت عليك بس قلت اكيد انك بعيد لسبب دراسي
الله يوفقك و كل سنة و انت بخير
ويلكم باك
:) wallahe o ana ya Mala2e6 ..
although fog is annoying .. but I loved it yesterday !! and I hope you enjoyed your trip in Aqaba ..
I simply enjoyed relaxing in the home .. and doing all the stuff I feel like doing !
صباح الرحلات
عندك شوية ياسطى ...
اصل..
الواحد مزنوق في كلمتين
:)
انا قلت برضه ملاقط كانت غايبة الفترة اللي فاتت أكيد في شي
اتاريك كنت في رحلة .....!
هممم
والله انك لك عيوني ثاقبة تلاحظي كل تفاصيل الرحلة ..
رغم انه ممكن كل المواقف دي ما تحصلش في رحلة واحدة ....انما ...فعلا..هي دي الحقيقة ....في كل مكان ..!
تحياتي
وهابي نيو يير
واعذريني عن المسلسل بقا
tealover
صباح الخير
بتعرفي مرات الواحد بفكر الاجازة سفر بس مرات مجرد انك تقعدي رايقة بالبيت بيكون احلى اجازة
العقبة حلو كتير و انبسطت فيها لانه لو ضليت بالبيت بتكون الاجازة كتير طويلة علي..يعني كانت كسرة للملل
اكتب بالرصاص
يا 100 اهلا و كل عام و انت و كل حبايبك بخير
طولت علينا الغيبة بس اتمنى تكون قضيت اجازة حلوة
اللي كتبتة كما اوضحت لملمة من تجارب الغير مع بعض تجاربي بس و الله يا تامر ممكن يحصل اكتر من كده
طيب حصل اية بالمسلسل؟
انتظرو الحلق القادمة؟ يعني عن قريب ؟
OMG mala2e6 ..you have describet my trip to beuirut !!lol then I have decided no more group trips
The bad thing is that if you review the contract they made you sign you have no ligal right to complain about change of hotel or schedul !! I learned this the hard way
Can You email me the musalsal info so I can sign in and add, I have added my email on my blog.
Hello Tamara
yes i was the one sitting there in the corner biting my nails and hiting my head against the window..shofteeny?
i registered u at the mosalsal site and i wll send u the info now
on their way
heheheh marrat elnas bekono hobol bs marrat btezba6 ma3hom :)
wala ya mal2e6, marra nzelna anaw sa7bati 3al3a2abe be bas...
w shufi 3ad...
ensi kol elatafeel elli garga3una l2enno kanu a3deen warana w ahelhum oddamna, w imagine just enno walad kan jay 3abalo yel3ab, fa cleverly e5tar enno yel3ab m3 elz3'ar eltanyeen bel sekkeeneh!
yep yep..
knife!
w abuh nayem!
w 2om elwlad elz3'ar ma entabhat beshu 3m y7awel yel3ab ma3hum ella lama ne7n abahdalna elwalad!
looooooooooooool
i think i was on the trip you are talking about....hummmm :-) very very very funny funny funny
7ala
بس هاي الرحلات دايما الا يصير فيها اشي
مهما حاول الانسان
شكرا حلا لمرورك
naryat
بتعرفي صارت معي هاي القصة كزا مرة
الاولاد الي بينط و اللي بتشعلق و الام ولا هية هون ..بخلفو و برمو
مرات بشوف من شباك السيارة ولد نصه برة و الاهل نازلين ببعض طوش ولا مهتمين
و اذا تدحلتي او لفتتي انتباههم بقولولك و انتي مالك
بطلت اقول لحدا
abu shakoosh
مبين انا و انت و نادين و تمارا كننا بنفس الرحلة
Post a Comment