برأة الاطفال في عينيهم

بحب اراقب الاطفال و ردود فعلهم و كيف بتعاملوا مع مواقف معينة

**

الاطفال احسن طريقة لتشوف كل شي اوضح

لانهم ما فقدوا شفافيتهم و برائتهم و ما تلوثوا بمليون مرض نفسي على مدى تقدم العمر

و بلاحظ انه في بعض التصرفات على ما بكبر الواحد بيضل يتصرفها

بدون ما يوعى و كأنه بعده طفل زغير

من احلى المواقف اللي بحبها

**

لما الطفل بدو يتخبى

بغطي وجه و بما انه مش شايف اشي ولا شايف حدا معناتو ما حدا شايفه

في كتير كبار بس بدهم يهربوا من مشكلة او موقف ما عرفوا يتعاملوا معه"بغطوا وجهم"

بعملوا حالهم مش شايفين و مش فاهمين لانه اريح

**

براة شديدة

طفلة عمرها 3 شهور قاعدة بكرسي الاطفال و جنبها اختها اللي عمرها 3 سنوات

فجاة طلع صوت الزغيرة ببكاء عالي جدا

الام بتسال ام 3 سنين: ليش اختك بتبكي

الاخت جاوبت: ما عضيتها

الموقف مضحك جدا

بس كل ما اقرا الجريدة و اشوف الحكومة تنفي شيء معين ما بعرف ليش بتزكره

و بقول ما عضيتها.ما رح ترتفع اسعار المواد الغذائية ..ما رح ترتفع اسعار المحروقات

**

فضايح الاطفال

في مواقف كتيرة سببت مشاكل للناس من ورا الاطفال و برائتهم

الاطفال عندهم ميزة انهم بنقلوا للناس الاشي اللي ما كان مفروض تقولو

بابا بقولك انه مش هون

هدا عمو عماد اللي قلتو عنه قبل شوي يي شو جايبه عنا هدا زنخ؟هيكم بتضحكوا معه

**

صراحة شديدة

عمو : ليش هالقد منخارك كبير؟

**

(امام الضيوف هالحكي

ماما مش قلتي بس يروّحو بنروح عالسوق..ياللا قوموا روحو مش شربتوا القهوة؟

بدي من الشوكولاتة اللي خبيتيها وقلتي ما بدك تضيفيهم منها

**

ام داخلة بعلبة شوكولاتة على بيت ناس

مش هاي علبة الشوكولاته اللي جابها خالو عالمستشفى لبابا؟

****

من مشاركات الزوار

منوش

قعدت بحضن عمها و كان ابوها جنبها قالت:شوخمان كبار..كان قصدها خشمان كبار

تي لفر_دانا

فضايح الاطفال لما يزورا ناس و يضيّفوهم اشي تفاح او شوكولاتة و يقولو ماما شو هادا؟

رد الام دايما:يا حرام مقعددينك بالجوع و حارمينك الاكل

**
موفق قباني بقول: ممكن رشوة الاطفال و تسحيب كلام منهم بحبة شوكولاتة

**
موي

عمل اللي قالته تي لفر

**
ايمان

بالنسبة للزغار الغاز المسيل للدموع سببه انه الجيران بعلو الغاز لما بطبخوا

و كل شي بعملوا للكبار بيدخلهم عالنار حسب درس الدين اللي اخدوه بالمدرسة

**
حلا

لما الاطفال يردو عالتلفون و يقولو بابا بقولك انه مش هون

(انا كتبتها بس ما كتبت انها عالتلفون

**

نريات

اجا عندهم ولد عالعيد و سلم على ابوها

و اتطلع بأمه و فالها: سلمت على هداك الزلمة و ما اعطاني مصاري

**
ارابليدي

اسئلة الاطفال المحرجة: عمتو ليش ما تجوزتي مو انتي من النسوان؟

شكرا للاضافات