عبد الحليم_ العندليب و حكاية شعب
مسلسل العندليب
***
قرّب رمضان يخلص و مش قادرة امنع نفسي و اقول الكلمتين اللي بدي اقولهم عن هالمسلسل
انخنقت
تنويه
مش كلمتين اكتر بكتير لاني كتيرة حكي
المسلسل برايي الخاص و شوية معلومات عالبيعة
***
لما شركة و منتج و مخرج يقررو يعملو مسلسل عن حياة شخص كلنا منعرفة اهم شي الدقة و عدم اضافة الاراء الشخصية و عدم محاولة التأثير لنصرة شخص على الاخر
***
العندليب
كيف كان اداء شادي شامل ؟
التعب اللي تعبتة الام بي سي لحد ما لاقت شبية عبد الحليم
في برنامج خصص لذلك"العندليب من يكون
شادي اختيار الجمهور و المحطة
الشبه قريب جدا بس اللي بيغيظ تركيز شادي شامل على الضحكة و رفع الحواجب بطريقة ليؤكد هالشبه
بعدين حليم بيكبر و شادي لسة بمثل بنفس النطنطة القديمة لحليم لما كان عمرة 18 سنة
بس ك مرة اولى تمثيل كويس
في محاولتهم لأظهار الشبه بين الممثلين و الشخصيات الاصلية
ركزوا بالمسلسل على الشبه اكتر من التركيز على التمثيل نفسه
***
اصدقائه
كمال الطويل,الموجي,مجدي العمروسي المحامي
علاقة حليم و موجي كانت مد و جزر كل ما زعلوا كان الموجي يلحن لمطرب جديد متل محرم فؤاد و التلباني و كمال حسني
بليغ حمدي عمل عملة سودا بحليم و موجي_حسب كلام الموجي الصغير ابن محمد_
بليغ طلب من عرّاف في باريس ان يقول لحليم ان ام امين(زوجة الموجي_تسحر يعني عملت عمل و سحرلعبد الحليم حتى يضل مريض
طبعا كان بليغ مزود العراف بأكم معلومة دقيقة عن حليم
حليم صدق و زعل من الموجي
الشائعات ملئت الصحف و فهم حليم الطبخة صالح الموجي و كذّب الشائعات
طبعا السبب هو انه بليغ كان بدو يستفرد بحليم و يبعد عنه الموجي
بعد وفاة حليم وقع المحامي مجدي العمروسي بأشكالات قضائية مع الورثة بسبب شركة صوت الفن
الفن طلع فيه مكائد اكتر من السياسة
***
السياسيين
اللي بعمل دور انور السادات جابلي جلطة و هوة بحرك حناكه شمال و يمين
بحكي بطريقة بهلوانية مضحكة
انور السادات كان رئيس مصر
مش مهرج بيلعب حناكه(هوة كان يحركهم بس مش هيك
جمال عبد الناصر
نُص المسلسل و هوة عامل لقطة (او بوز بوجهه)
كانك بتشوف سكار عم سيمبا بالفلم الكرتوني "الملك الاسد مش جمال عبد الناصر
والله حزنت عالممثل قد ما دخن..
طيب عبد الناصر كان مدخن بس هدا ممثل رح يعيد لقطات كزا مرة
سحبلوا اكم غروس بكل حلقة
صار رئيس جمهورية و صحابة لس بقوللوو يا جمال و اللي بقوم من غير ما يستأذن و اللي بيصدر قرارات لحالة..
تحية زوجته بتحس انها مؤثر اول مع انه زوجة عبد الحكيم عامر هية اللي كانت مؤثر اول و فعال على كل مصر و لهلا بتبعبع بالجرايد انه جمال هوة اللي قتل المشير و انه المشير ما انتحر
زوجةعبد الحكيم عامر هية ممثلة اغراء قديمة اسمها برلنتي عبد الحميد و زواجة منها كان غير معترف فية من قبله_كان عندة زوجة اولى و اولاد
**
تاريخ مصر في الحقبة ما بعد الثورة بحاجة لمسلسل خاص من غير ان يقحم على قصة حياة العندليب
قصص صلاح نصر و المخابرات المصرية و شمس بدران و غيرهم لازمها وقت اكتر
**
عبد الحكيم عامر او طارق لطفي:
عمل الدور منيح و برأيي ما علية مشاكل
***
العيلة
شحاتة و فردوس :الوجة الكوميدي بالمسلسل لتخفيف الشد
اوفياء و ما تركوا حليم لغاية وفاته ب 30 اذار 1977
وو رثوا ورثة منيحة(3 ملايين بس لحق انتاج المسلسل غير اللي قبضوه من روتانا حوالي 10 ملايين لعرض الافلام و غير شركة صوت الفن اللي قامت من وراها مشاكل مع مجدي العمروسي
علية: عبلة كامل مبدعة و دورها جميل بس ما بعرف اذا كانت علية بقوة شخصيةعبلة
في مسلسل السندريلا علية مسكينة و تايهة(بتمثل دورها عايدة رياض
اسماعيل شبانة او كمال ابو ريا
اسماعيل ربّى حليم بس برضه غار من نجاحة
كمال ابو ريا كان موفق بتجسيد اسماعيل
محمد شبانة او الممثل محمد الشقنقيري
عمل دوره كوبس_او بالاحرى ما بعرف لاني ما بعرف محمد شبانة الاصلي حتى احكم
***
عائلة حليم رفعت قضية ضد المسلسل لانهم ما سمحولهم بقراة السيناريو
و معهم حق يعني كل المسلسل عن عيلتهم
***
حليم و الغرام
سعاد حسني
حليم لم يعترف ابدا بزواجه من سعاد حسني و لحد الان
و حتى بعد ان خرجت سعاد عن صمتها قبل وفاتها
و اعلنت الزواج انكر محمد شبانة ابن اسماعيل هذا الزواج و قال اشاعة و ستين الف اشاعة
يوسف وهبي و محمد شبانة اخو حليم كانو شهود العقد العرفي
مفيد فوزي اعلن الزواج و هوجم من الكثيرين
كمال الطويل انكر الزواج اكراما لرغبة حليم
المخرجة نادية حمزة حلفت انها شافت عقد الزواج بعينها
و مع هيك مسلسل العندليب يا دوب جاب سيرة سعاد حسني
دور سعاد حسني بمسلسل العندليب هامشي جدا ع انه تم التركيز على علاقتهم بمسلسل السندريلا بشكل كبير
***
الحب الاكبر في حياته كانت ديدي(او ليلى)
بنت من عائلة غنية و لكنها كانت متزوجة و لها ولدان و زوجها في السلك الدبلوماسي
و اظن هذا هو السبب بتغيير اسمها في المسلسل الى جيجي
قبل وفاته كانت تزوره في المستشفى فتاه سورية و اظنها كانت اخر علاقاته
طبيا و لانه كان عنده تشمع بالكبد عبد الحليم لم يستطيع الزواج و الانجاب
****
المنافسة الفنية و شوية اخبار من وراء الكواليس الحليمية
الموسيقار عبد الوهاب: ظهر في المسلسل بشكل مهلهل مهمش
صحيح كان عند عبد الوهاب مشكلة بحرف السين بس الممثل زادها شوي
شفنا عبد الوهاب دايما قلق مش عارف شو يعمل
..الدور ظلمه و ما كان المفروض يتقدم بهالطريقة المخزية لاعظم ملحني مصر
**
ام كلثوم: بالفعل كان في صراع بينها و بين عبد الحليم
كانت ام كلثوم سياسية اكتر من مطربة
عبد الناصر رد الاعتبار لحليم و عمل حفلة و حيدة بالاسكندرية
ام كلثوم و حليم تصالحو بعدين
بس كمان كان في خلاف بين عبد الحليم و فريد الاطرش و لهلا ما اجت سيرة فريد بالمسلسل
عبد الحليم ما كان قليل على فكرة,مرة عمل حفلته بنفس الوقت و الزمان اللي كانت فيه حفلة لفريد
شو عملو حبايب فريد اللي ما لاقو تزاكر ؟
راحو لحفلة حليم و فتحوا الراديو على حفلة فريد و قعدو يسمعو
كانت اذاعة القاهرو و صوت العرب ينقلو الحفلتين بنفس الوقت
صار خلاف بس الفنانين انكروه و مشي الحال بعدين بس فريد عمره ما لحن لحليم
الاغاني الشعبية
بوقت عبد الحليم ظهر مطربين كتير و نجحوا لانهم غيرو من الرومنسية للشعبية متل محمد رشدي و ماهر العطار
عبد الحليم ما تركهم و غنى متلهم
ما ننسى هاني شاكر اللي ظهر و نجح ايام عبد الحليم و طلعت علية اشاعات كتيرة خلته يعتزل لفترة من الفترات
شوية غلطات
المكياج : كانه الماكيير ماسك ريشة لون الشعر الابيض و نازل بالضباط الاحرار
ايوةةةةة لف وجك ,ضربة شمال ,و ضربة يمين
كله نفس الشيب سبحان الله
**
في حلقة يظهر انور السادات و الشيب مغطي شواربه و بعد لقطتين و في حفل الثورة تظهر شواربه سوداء كالليل_هوة كان يصبغ يعني؟
**
اما الشامات اللي حولتني :شامة الابنودي و بليغ حمدي كبار زيادة عن اللزوم و يا عيني لما يجتمعوا الاتنين
و تكون تتطلع و عاليمين شامة الابنودي و على الشمال شامة بليغ
**
جرس باب بيت حليم: رنة جرس ديجيتال او ما يسمى جرس البيانو ما كانت موجودة بالخمسينات و اوئل الستينات حتى شوفو الافلام القديمة
**
31 comments:
والله ماشفت مسلسل العندليب..
بس سمعت انهم عاملينو مسكين ومش مبيين انو كان من اوسخ الشخصيات اللي عرفتها الساحةالعربية.
مع اني بحب اغانيه, بس مابنفي انو كان انسان قذر جدا, وخرب جيل كامل معو..
يعني متل ماقلتي, لازم اللي بدو يعمل مسلسل عن شخصية, يبين كل جوانبها, حتى لو قبيحة
قريت كمان انو كان عنجو علاقات مشبوهة كتير مع فنانات غير سعاد حسني
عبد
هوة كان فعلا مسكين لانه كان مريض كتير كان مرات يترك المسرح و هوة بيغني ليشرب وحدة غلوكوز بس قصتة مع سعاد كانت صحيحة زواج عرفي رفض انه يعترف فيه عشان معجباته ما يزعلوا
اما انه يتواسخ فما كان اصلا يقدر يتواسخ لاسباب صحية
كان ابن الثورة و هاي في ناس حطوا علية تقطة فيها لانه غنى حوالي 48 اغنية وطنية و بتعرف انت بس تخلص حقية سياسية في بلد و يجي غيرها اللي كانو يهللو بيصيرو يسبو
هوة ما سب بس غيرو غيرو رايهم وقتها
المشكلة بمصر وقت ناصر كان ارتباط الفن بالسياسة
sheklo 3n jad 2ahrek hada el mosalsal baseeta ;)
anyway akeed ahmad zaki azbat, o ana kaman 3m bastana el filem bas meshan ashoof ahmad zaki :P
i started watching the series on the tenth episode. i hate the make up, too much powder, lipstick and eye make up..on the men!! the acting is exaggerated by showing the personalities too nice, too evil or too weak. the scenario is ok but too much on the politics more than the singer, songs and movies and i was in it for the music only..not getting enough of it!! Nasser's personality portrayed as lame and weak...i really do not know the true story that much, but so far i think personal views of the production company have been inserted..anyway, i am waiting for Haleem the movie, although when the real Haleem died he was in his late 40's and Zaki acted the role when he was in his mid 50's..makes a big difference i think..makes it hard to swallow!!
Thanks for the review, you seem to know a lot of behind the scene gossip!!
ys3ed sba7ek dear ,
ana b7d'r ilmosalsal w ma ahrne she aktr mn eno jmal 3abd elnaser bkol laq6a bed5en aktr mn mara !!! w 7set eno sha5seyto mahzoze :S
shadi shamel ma 7beto :s
elshebe ele bras som3a 7elwe , i like it :)
sha7ata w frdos allah y3enhen 3la 3aleya, kol ma ye7ko kilme btskthen!
..mm w kman ele 7akete 3n lafz elsen 3nd m7emd 3abd elwahab w 7anak anwr elsadat w 3'ero w 3'ero ...bla bla bla
elmohem bl2a5er reb7o blmlayeen $
sorry 6wlet ilcomment... bstna ur mail ;)
Ana kaman besara7a ma shoft elmosalsal ..and I am only watching a series and half .. the half because I only watch scattered episodes of "awlad elshaware3" .. while the other series that I follow is " 3ala 6oal elayam" Siryan ..
the point is .. I can sense from your review Mala2e6 that the series of Abdul7alim was not up to expectations.. for some reason , lately , most Egyptian series' seem to exaggerate in the "act" and "make up & preparations" .. in an attempt to attract the viewer during Ramadan .. they have big and catchy themes of the series' but the actual series is not as good as expected to be ..
Have any other reviews :) ?
naturalblu
هوة مش قاهرني بالمعنى الصحيح بس بكره عدم اتام العمل على اكمل وجه
يعني كان ممكن انه ما يكون فيه هيك اخطاء بعضها متعمد خصوصا انه لسة في شخصيات عايشة بيناتنا و عاصرت اللي صار
بستنى بعد ما يخلص رمضان و تبدى حلقات تناقش المسلسلات
Summer
the make up i ahted so much,but i think it was delibrate to accentuate the cheekbones on shadi coz haleem have them and aslo to make him look older afterwards..now jamal's eyes were kind of dark as if was wearing ko7leh,but the grey hair was too much and not well proportioned
about haleem the movie,ahmad aki did the part when haleem was grown up,he died before the movie was finished so his son haitham did the part when haleem was young
u r welcome summer,well it took me three days of research to gather some info and others i already knew from people who were there during that era
mnosh
w yes3d saba7ek..(yii nseet ab3tlek il email..i was busy with the topic..;))
jamal was a hero at that time and he was not that weak but also egypt was rules by many,sala7 naser for instance 3ajjab b zamanto
wala 6awalti wala ishi..be6la3lek la2enno ana 6awalt il mawdoo3
tealover
i am with u about the make up,too much and annoying
every ramadan i watch the wrong series,it turns out later that others are better..be2olo wlad il shware3 is good w 7ad2eq il shaytan also but i 've never watched them
i think make up artists should learn more about how to apply make up without having it showing so much
betkoon momsleh mareeda w coma ilha 3 ayyam bil mostashfa w lamma tes7a betla2i il ko7leh wil mascara wil lipstick 3aleeha..
about more reviews//yes i am thinking of (cinderlla also la2enno mghasni aktar)
يعطيكي العافية
للأسف أنا ما بقدر أدلي بدلوي المدهش في هذا الموضوع لأني ما تابعت المسلسل هذا من ناحية ومن ناحية أخرى مع إني عبقري زماني فالواقع أن معلوماتي عن عبد الحليم قليلة جدا
فاااا سوري يعني آسف :]
Kul 3am wa antom be 5air.
طب بلاش, بجوز نظلم الزلمة لو قلنا انو عندو علاقات مشبوهة, يمكن اشاعات,
خلينا بالظاهر.
يعني ماشالله كل أفلامو عبارة عن سكر ومشروب وبوس ومش عارف شو, بيصر هالحكي؟؟
وكأنو شيء عادي, غير عن بعض المشاهد اللي ماكان الها داعي.
صحيح انو كان في فساد وجهل كبير في هداك الوقت, ولكنني بعتقد انو عبدالحليم وغيرهم كان لهم دور كبير في الموضوع, اذا ماكان لهم الدور الاساسي, خاصة انو السينما كان لها تأثير قوي جدا في هداك الوقت
يعني, اول عأخر, هو شخصية تاريخية رضينا او مارضينا, وانا بقولك اني بحب أغانيه, من زمان, تربينا عليها..
ولكني بعتقد اننا أحيانا لازم مانعطي المفسد دور البطل ونقلب الادوار, ولازم نحاول نتعلم من أخطائنا, بكفي الشعب العربي بهدلة, تعبنا والله
Bakkouz
الله يعافيك
و الله عارفة انك لو عارف هتقول على طووول
يا سيدي وجودك كفاية منور
hamede
كل عام و انت بخير و ينعاد عليك بالصحة و العافية
Abed
انا ما بدافع عنه انا بقولك حقيقة
هلا انا معاك مليون بالمية انه الفنان علية واجب نحو الجمهور خصوصا انه كتير بتأثرو فيه و باللي بعمله
انت لاحظ الافلام القديمة كلها بتلاقيها هيك و ما بدنا نقول انه الافلام انعكاس لحالة المجتمع لانه مش كل المجتمع هيك بس زمان كانت النسبة عالية
معلش يا عبد المهم كيف نحنا منربي ولادنا و ما نخليهم يفهمو انه كل شي بشوفوه بالسينما مسموح و صح
لسة السينما نعمة جنب التلفزيون و الكليبات اللي بتفوت بيوتنا غصب عننا..السينما بتروحلها و التلفزيون بفرض نفسه عليك
معك حق, هذا الكلام المزبوط..
لازم مانعيد الغلط السابق, ونتجنب أخطاء الماضي
يعني انا صراحة مقاطع كل المسلسلات الرمضانية لانه حشي دماغ وكله كلام فارغ وملوش اي قيمة لا عائلية ولا تاريخية ولا اجتماعية وكله هدفه بس تضيع وقت الناس. واللي جد بجلط مش بس الاداء الركيك للمثليين وكمان الدعايات. يعني كل 10 دقئق بيجيبوا عالاقل 25 دقيقة دعايات. وقال بيزعلوا انه الناس بطلت تتفرج عالتلفزيون. اي اشي بيخزي, نفسي اشوف برنامج عليه القيمة ويكون من انتاج عربي! الحاصلة ونهايته هوه من اشي قليل احنا بهالتخلف مهو كله من هالسم اللي بينشوفوا كل يوم. يعني كأنو الواحد ناقصه قرف يا مسلسلات ساقطة يا قنوات هشك بشك وكلام فاضي يا قنوات الانحراف المطلق تبعون "أتصل انا بنتظارك واللغز بكلمة واحد بينحل" اي ظريب بحل رقبتكي! يا قنوات دينية يا اخبار. اشي بيجنن. وكمان بيقرف لانه احنا على حافة الانهيار الثقافي والادبي. عموما هاظ رأئي الخاص ومش بالظرورة انه يكون رأي الجميع.
abed
tayyeb mnee7 itafa2na..:D
Phoenix
ممكن اقولك نيابة عن مجموعة كبيرة من الجميع انه هدا راينا كمان
مرات بفكر طيب يا ملائط لو انتي بدك تحطي اكم مليون(على اعتبار انه معي ملايين)
و تنتجي مسلسل او فيلم
شو بتعملي
و فكرت بكل المثاليات اللي منحكي عنها و بدنا نطبقها و عن مسلسل هادف و تمثيل راقي و بدون دعايات ولا اعلانات
طلعت خسرانة 5 مليون و نص
هلا انا ما بعطي اي منتج او تلفزيون الحق انه يغرقنا دعايات او قلة حيا عشان يكسب بس حبيت اورجيك كيف بفكرو
الانتاج يعني مصاري و ربح ما حدا بنتج عشان يفيد المجتمع. بقولك يروحو يتعلموا على حساب اهاليهم و احنا مالنا
اذن الربح و المصاري و العملة الصعبة هية الهدف
و لما يكون الهدف مادي بيكون الانتاج مادي
و انا بكتب هلا حسيت اديش وضعنا صعب و اديش نحنا بحاجة لبطل سوبرماني ينقذنا من حالة الضياع
***
? رقبتكي يا فينكس
اهلا بالكرك و اهلها
ما تقولش غلط
فشّيتيلي غلّي... تسلمي!... انا مش فاهم ليش حليم لازم يطلع و لد مسبسب و فافي .. و تقريبا خول للأسف
بالنسبة الى جرس الباب اذا سمحتيلي، فهناك نوع قديم عبارة عن انبوبين مختلفي الطول و مطرقة ميكانيكية تطرق الاول ثم الثاني (من اقدم انواع الاجراس حتى قبل استعماله بالكهرباء كان يرن بحبل صغير) ارجو ان عقلي الهندسي ما ينكّد عليكي.. بحاول اتعالج منه و مش زابط العلاج معي
Check http://en.wikipedia.org/wiki/Tubular_bell (tubular Bell)
قويدر
شوهو صورة عبد الحليم و التشويه الاكبر كان بمسلسل السندريلا لما قام بدور هبد الحليم مدحت صالح يعني لو ما بحب عبد الحليم كتير كان كرهته
هلا بشوف قصة الجرس انا صراحة بنيت كلامي عالي بشوفه بالافلام القديمة انه الجرس كان عبارة عن صوت طويل موعج مش جرس التن تن اللي بسموه بعض الناس جرس البيانو (بعرفش ليش)
اي معلومات جديدة يا قويدر بحب اعرفها و ما بينكد علي ابدا بالعكس بنبسط شكرا الك
All of these people working in singing and acxting have a lot of conflicts between them that we don't know about. Definitely did Haleem have lots of them with others especially Fareed al Atrash but one TV presenter i forgot who brought them together in an interview so they can get along and Haleem apologized for Fareed.
I would only like to listen to their great songs however when it comes to their personal lives things become a bit disturbing. These series portray the character as a god that makes no mistakes and is always right and righteous... starting with abdel naseer and umm kalthoom and now ending with haleem
تحليل حلو والله
أنا كتير مضايقني المسلسل للنواحي اللي انذكرت بس كمان لأنه صار مسلسل عبد الناصر مش مسلسل عبد الحليم
يعني أنا مو فاهمة ليش المسلسلات المصرية لازم ترجع تعيد نفس القصة مع كل مسلسل من نفس الحقبة؟؟ مع اختلافات بسيطة ... ومع هيك ما حد عم يذكر الحقائق مثل ما هي
يعني كلهم كان عندهم اخطاء ... ام كلثوم وعبد الحليم وعبد الناصر والسادات وغيرهم وغيرهم
بعدين كلنا بنعرف إنه عبد الوهاب كان اله دور كتير كبير في حياة حليم الفنية ... ليش هدا ما ظهر في المسلسل؟ حسيت انه حبكة المسلسل فيها ظلم لشخصية ودور عبد الوهاب وهدا شي مؤسف
بعدين وين يوسف وهبه؟ ليش ما اله وجود وهو كما يقال شهد على زواج حليم من السندريلا ... بس جابوا عنه لما ما سمح لحليم يغني في اول ظهور اله
بالنسبة لموضوع سعاد حسني ... يعني حتى لو ما بدهم يحكوا عن قصة زواجهم ... كان لازم على الأقل يعملولها شوية وجود في حياته .. على الأقل عشان تبرير الشائعات ... خاصة انه صلاح جاهين وكمال الطويل كانوا على علاقة وثيقة فيها
كان بدال ما يضيعوا تلات ارباع المسلسل على السياسيين .. انهم يظهروا دور الفنانين والفنانات في حياة حليم ... يعني معقول ما كان يزورهم ولا يزوروه؟ ما كان اله علاقات تربطه فيهم؟ ليش ما ركزوا على كواليس الأفلام والممثلين اللي مشاركين فيها؟ كلهم 16 فلم عملهم طول حياته والفنانين مكررين .. اذن ليش هاي الناحية تهمشت؟
بالنسبة للمكياج ... مبالغ فيه بطريقة تكاد تكون هزلية
اما بالنسبة للموسيقى التصويرية ... يعني اللي حطها ما اله دخل بالموسيقى ... عن جد انها مزعجة ومملة
برلنتي عبد الحميد لعبت دور كتير كبير في نكسة 67 ومع ذلك ما حد بيجيب سيرة .. خاصة انها في هداك الوقت كانت عشيقة المشير ... لكن كل المسلسلات اللي تناولت الحقبة والموضوع .. ما تطرقت لشخصيتها ولدورها .. لا من قريب ولا من بعيد
أحكي كمان والا بيكفي؟؟
LOL
hareega
متل ما قلت قبل انه العمل الدرامي يعكس وجهة نظر المخرج و رؤيته يعني واضح جدا انه في العندليب المخرج صور جمال عبد الناصر بطريقة ما بتناسبه و حاول متل ما شفت انا مبارح انه يحول انتصار اكتوبر و يجيره بام ناصر ع اساس انه اسس الجيش و كان يهتم بالطيران و لاول مرة بتيجي سيرة مبارك
بعدين انتحار المشير كان مضحك يعني انتحر مرتين؟ مرة ببيت جمال و مرة ببيته؟
هلا اللي قالته الست برلنتي انه المشير قتل و ببيت جمال و نقلوه على بيته و قالت انه جمال كمان قتل ما مات بجلطة يعني رئيس جمهورية و انجلط بتركوه بالبيت و بيدخل عندة اكم دكتور ليطلعوا بعد ساعة يعلنوا وفاته
بالنسبة لفريد انا شفت المقابلة قبل اسبوعين في برنامج عن حليم و كان المذيع سوري و سأل فريد و حليم عن الخلاف و قال غريد : لا خلاف و لا حاجة و كان يضحك و حليم كات مبحلقله من بعيد
كان افضل لو تركوا صورة فنانين الكل بحبهم بدون ما تنهز لانه اللي مخغي اعظم
khalida
شفتي صلاح جاهين مثلا شخصية مشتركة بالنسلسلين و صديق لحليم و سعاد و مع هيك بلاقي اختلاف بالشخصية و الاحداث
انا مع اني كرهت كتير مسلسل السندريلا و ما حبيت الطريقة التي تقدم فيها بس كان واقعي اكتر من حليم
حياة حليم ما كانت تدور بس في فلك العائلة و فردوس و علية و شحاتة كان اله اصدقاء و اعداء و هوة على قد ما حاربوه كمان حارب كل موهبة جديدة كانت بدها تغطي علية و بالمسلسل بيعطوة الشرعية و بدافعوا عن حقه
كان صديق لعدة ملوك متل الملك الحسن التاني و الملك حسين و للحبيب بورقيبة علاقاته السياسية ظهرت بس مع جمال
و اللي ما بعرف ناصر بقول شو هالرئيس هدا طول نهاره قلقان وببكي ناصر كان من اهم الشخصيات التاريخية في مصر و العالم العربي
اما عن الاخطاء التي ما زالت تتكرر
مبارح كانت مرته الاسماعيا شبانه لابسة سلسلة فيها قلب اعوج هدا موضة السنة الماضية مش سنة ال 1967
هاي بس غلطة عالماشي و اذا دققتي في اكتر
كل ما فيلم لحليم ينجح بورجونا جوز اخته بولول ..يعني اذا كمان شوي تطلقت علية منكون عارفين ليش
و كله كوم و بليغ حمدي كوم: يا حياتيي
والله اشي بقرف
هوة ملحن موهوب و منيح و اله مشاكلة و فضائحة و اخرها انتحار سميرة المغربية بشقتة و الحكم علية و هروبة لفرنسا و وفاته هناك و طبعا كان زوج وردة و هدا الاشي الوحيد اللي منعني انه افكر للحظة انهم بحاولو يصورو على انه شاذ
برلنتي و صلاح نصر و المخابرات و اللي عملوه بالممثلات . المحترمة منهم تركت التمثيل و طفشت و اللي ضلو مشيو متل ما بده صلاح نصر
مصر مرت باوقات عصيبة جدا هداك الوقت و كانت 3 حكومات داخل وحدة
اما صديقة صلاح نصر و هي اعتماد خورشيد كمان هديك حكاية
عبد الحليم كان بالفعل مريض و كانو الناس يقولو انه يدعي المرض
وفاته ما كانت بسبب اللهارشيا او تشمع الكبد كانت بسبب نقل دم ملوث ب هيباتايتس بي ز ما كان اله داعي ابدا
و مع كل هيك بضل حليم ملك الرومانسية و اغانية بتضل احلى اغاني
شكرا خالدة على الاضافة و اذا بتحبي تقولي كمان قولي
WOW!
Review ra2e3 3ala el musalsal
ana kunt 3anjadd 5ayeff inhomm y5absoo, w Obviously they did.
Bel nesbeh la Umm Kultuhm
ma 7ada yeeji feeha! LOL
Be7eggelha tmaglebo! hehehe bass el soora 3anjadd 7elweh! :D
Meen mathal doorha?
Balee3' 7amdi, regardless to what he did, 3emel al7an a7la la Abd El Halim men shu ismo el Moogi...
HAAAAAAAAAAHAHAHAHAHAHHAHAHA
Tawabel El Rozz El Abyad!
Ya 7aram shu saar feekom hal ramadaneyyeh wel de3ayaat! hehehe
omar
ya oamr a 3ammi ma 7ada ija b om kolthoom..ana bamoot b aghaneeha.
bas men2ool 7a2aye2
w il moogi bejanin w kolhom ra23een bas mitl kol insan 3ayesh ilo la7zat da3f w mashakel
3emlat doorha wa7deh zinkha ma ba3raf meen heyeh hayha tal3a bil soura il 2oula fo2
بصراحة أنا استمتعت بالمسلسل من الحلقة الأولى حتى الأخيرة لسبب واحد وهو أنني حاولت أن أنسى كل الأخطاء في الإخراج وأركز على التسلسل التاريخي للأغاني ومن الذي ألفها ولحنها وما هو الموقف الذي ظهرت فيه الأغنية وقد أدهشني معرفة الصعوبة التي تم فيها عمل رائعة قارئة الفنجان وأن هذه الملحمة الفنية كانت على وشك عدم الظهور بسبب الوضع الصحي السئ لعبد الحليم. الشئ الوحيد الذي أزعجني فعلا في المسلسل أن السياسة في مصر انتهت بعد وفاة عبد الناصر، حيث لم يتم ذكر اي شئ عن عهد السادات وصححي أن السادات زار إسرائيل وكسر الإرادة العربية ولكنه حقق انتصارا عام 1973 وهذا تاريخ كان يجب أن يظهر.
في النهاية المسلسل جيد ولكن مشكلتنا هي في اننا نحب الانتقاد أكثر من الاستمتاع بالعمل ومع ذلك فهناك بعض الانتقادات ومنها أن عبلة كامل يجب أن لا تقوم بدور أية شخصية حقيقية لأن شخصية عبلة كامل تطغى دائما على الكاركتر، والماكياج طبعا كان متخلف وفي بعض الأحيان كان عبد الحليم يضع أحمر الشفاه مثل بوي جورج ولكن تمثيل شادي كان جيدا بالنسبة لأول محاولة.
السؤال الآن، كيف يجدون شخصية تمثل فريد الأطرش في حال أراد المصريون تمثيل حياته؟
Wallahi ana shayfa en Al Andalib series are the best series I saw in Ramadan Shadi's acting is very good and I have never saw a new actor acting like that and I hope he would act again !!!!!ah and something else the series is perfect!!!!!I love it!!!!
The best series ever and shadi was exellent!!!!!!!!!!!
The episodes wre very good but they wre getting scenes about gamal abd el nasser alot thats the only bad thing in the episodes!!!!!but without lying Shadi was the best!!!!!!!
استاذ باتر
انا مشكلتي ما بقدر اشوف مسلسل او فيلم بدون ما انكش و ادور و مرات هالشغلة بتمنعني من الاستمتاع بالمسلسل
بس الواحد بنقهر انه عاملين مسلسل و عاملين يعملو اشي محرز
المخرج بفرض علينا رأية الخاص و كتير همّش دور السادات و ما بين فترة الانقتاح في عصرة و الي عملت نقلة نوعية لحياة المصريين
عبد الخليم ما كان طنط و كانت شخصيتة قوية و عنده شوية نرجسية و شحطة لؤم بس برضة حقة و بدافع عن وجوده و اي واحد محله كان عمل متلة و حارب اي انسان بحاول ياخد مكانه
فريد الاطرش فنان و موسيقار بس للاسف دمة تقيل
و انسب واحد يمثلة ملحم زين
نفس الكسم lol
او محمد ثروت من مصر
و انا بعدني بستنى الفيلم حليم لانه اخمد زكي من ابرع الممثلين رحمه الله
anonymous 2,3
شادي كما قلت منيح منه لانه اول مرة بمثل بس انا حامله همه المسكين شو بجو يمثل بعدين اذا انحط بقالب عبد الحليم
السياسة كانت جزء لا يتجزاأ من حياة حليم و كان ضروري القاء بعض الضوء بس زادوها شوي و حاولو يجيرو نصر اكتوبر لجمال و نسيو السادات
مش مشكلة لساتنا عايشيت و تعايشنا مع الحقيقة و منعرفها
شكرا لمروركم
Hi. Maybe i am a little late posting this but i just watched the series. i think there was a lot of effort into it, we have to give them that much. nothing is perfect. But unfortunately, some of the episodes i watched got cut. if anyone can tell me please what happened to Halim when they wanted to arrest him? and what happened when that new girl Mounira was talking to him at his apartment and then she disappears completely? i would really appreciate the update.
thank you all!
اخ او اخت مجهول او مجهولة
انا بعرف انه حليم كان يتخلص من هيك ورطات عن طريق الرئيس جمال عبد الناصر
الحقيقة انه نسيت التفاصيل بس منيرة طلعت مخطوبة و عرفته على ابن خالتها على ما اطن اللي هوة خطيبها
المسلسل برايي الشخصي شوه عبد الحليم و منع نجاح فيلم حليم اللي ما شفناه لهلا
و اهلا و سهلا فيك و شكرا لمرورك و التعليق
Shokran gedan 3ala el rad. I appreciate you taking the time to answer. My name is gigi.
and you are right, fee 7agat keteer fee el mosalsal, kanet mesh sa7. We just have to wait for the movie, and then we can compare better. Thanks again. keep up the good work!
gigi
u r welcome.anytime
hope to see u here again..have a great day and sorry for the late reply i was away
Post a Comment