شريط الإهداءات
انا ما كنت بدي اكتب عنه لسببين انني مريضة اه مريضة كتير (سلامتي
و السبب التاني اظن انكتب عنه كتير
مش قصدي الشريط الاهبل اللي انا اضفته على المدونة من يومين
قصدي الاشرطة اللي بتقززنا على كل المحطات الفضائية
واللي الواحد بطل يعرف يحضر اشي بدون ما تلاقي عيونة لحقت الشريط
طبعا هدف وجود الشريط ليس خدمة الجمهور
فالجمهور مش بحاجة لهيك خدمات
شكرا للانترنت و ال اس ام اس و البلو توث
كله شغال تمام و الشباب مش مقصرة يعطيهم العافية و الله يعينهم مش عارفين يلحقوا
المسجات اللي بشوفها على الاشرطة كالتالي
ملك التشات: انا جييييييييييت
اميرة الحزن: بحب واحد و مش عارفة اقولة ولا لا ساعدوني
المطلقة الوحيدة:(و انا اكيدة انه هاي شب بدها توقع اكم شاب و يضحك عليهم):
انا سيدة مطلقة وحيدة ابحث عن صديق يفهمني
ملك التشات: هلا بالمطلقة
مالك الحزين:مطلقة انتي من وين
تاج راسكم: مطلقة نبي نتعرف
اميرة الحزن:ردوا علي وايش اساوي
وحداتي: و الوحدات بطل الدوري
فيصلاوي: اسكت وله الازرق و بس
رشا من عمان: بكفي انت و اياة فضحتونا
ملك التشات: مطلقة كام عمرك يا بعد تشبدي
مالك الحزين:مطلقة دزيلي رقمتش
اميرة الاحزان: جاوبوني
وحداتي: و اخدنا الكاس ووووووووووو
فيصلاوي:انطم وله الفيصلي و بس
مالك الحزين:انا بنام تصبحون على خير
مطلقة وحيدة: انا مطلقة عمري 27 سنة
مالك الحزين: مطلقة انتي من وين(بطل ينام
مجنون هنا: صوتو لهنا بستار اكاديمي
( مش عارف انه ستار اكاديمي خلص)
عاشق النجمة:النجمة وبس و الحكمة لاااا
فادي:فشرت ولا ساجيس بئيان غصبن عنكن
ملك التشات: مطلقة وينك ما تردين..اميرة الاحزان شلونتش
( من هون لترد المطلقة بعلق وحدة تانية
و هكذا و كل يوم و كل دقيقة نهار و ليل و ليل و نهار
المسج ب 40 قرش اردني للعلم
يعني تخيلو اديش بصرفو على هالمسجات
و اديش من فلوسكم يا عرب رايحة على كلام فاضي
20 comments:
أنا abed. hamdan
بس متخفي !!
معك حق...يعني الاف بتدفع,وكلو رايح للقنوات الفضائية اللي ماشالله مش مقصرين معانا, كل يوم والثاني رقاصة جديدة..
ليش متخفي؟
بعدين المتخفي ما بقول انه متخفي انا بعرف لحالي
يا عمي والله اني صرت اكره احضر فيلم على روتانا من كتر التعليقات و مبارح بالغلط شفت هالرقاصة المطربة الجديدة اشي بيخزي الله لا يوفقهم
طب ايمتى عبد بيرجع؟
sba7 mala2e6, al7mdollah 3la slamtek.. ma 3ala 2lbek shar :)
hay elzahira bs blqnawat al3rabeye :s!!!
3adatn bekon share6 lla5bar 2w she mofed!
shabab fad'ye ma 3leha she, 5lehen yetsalo :p
a7sn 7al 2eno ma te7d're:D
hahahahahahahahahahahahahahahahahahahaha
we are pathetic for having such tvs, shofi MTV wella VH-1, lazem channels for music and channels for videos.
anyways, MTV arabia is lunching soon from amman on showtime :)
saba7o mala2e6 :) ..... lol hadda e3yonek et3mso min el msgs ta3on melody o mazika ;) wella ya3eni ya3eni lessa hadol el TV walla eshi bensba la el'7ljya o '3erha
o o o wa wa wakana allah belser
ma3 t7yat amer alzalam
mona..alla ysalmek
والله يا منى منغصين علي حياتي بكون احضر بالفلم بتلاقيني بقرا بالمسجات بطلت احضر افلام على روتانا خلص
اللي بقهر انه ايم حرب لبنان كانت المسجات شغالة كمان و انا متأكدة ولا واحد فيهم تبرع نحق مسج للبنان
متل ما بقول المثل و سجلية عندك بيلزم
الناس بالناس و القطة بالنفاس
moey
this is what is supposed to be,tab rotana maslan can have the msgs on some of its channels not all
happy to hear about mtv arabis on showtime..bass emta ra7 tseer..
the good thing about showtime( sometimes bad thing) there are no ads during the movie( we need ads to make a sandwich) and also there are no msgs..
خلا بوكة منور ان شاء الله تكون انبسطت بأجازتك و اكلت منيح
;)
بتشوف سترايك و الامارة؟
تحشيش والله
طريقة حكي المذيعات كانهم مبرمجين على نفس الصوت و النبرة
شفتهم مرة و قعدت فترة الاحق لاشوف شو اهرتها معهم و اول مبارح قلت اطل اشوف لساتهم على هبلهم لقيتهم صارو اهبل
fathyeen ashgaal, walla enhom fathyeen ashgaal yegta3 haik ashkal 3a haik tarbiyeh
saba7o walla hadol abel ma ye6l3o 3alla el TV beshrbo serf
حرزدق
فاضيين و تافهين بعيد عنك
و الله بنقهر مش بأيدي بس بنقهر
بوكة
صباحو
جديد السيرف علي بس شكلة ما بنضف منيح
;)
saba7 el khair
beni o beneek lo ma3i ras mal ba3mel TV channel bs testagbel sha'3lat tafha zai heek
agolek, ba3mal 2wal barizeh men 2wal sa3a
jad
اقولك
اعمل اذاعة ما هية هاي موضة كمان و ما بتكلف
ل تلم حق القناة التلفزيونية
و مين قاللك ما في هيك قنوات
شفت قناة اسمها تشات
و قناة اسمها تيكست
و مسجلي على جادانا
nasset a2olak saba7 il noor ;) ya jad
LOL .. funny post ! someone seems to be spending more time on TV.. hehehe
I don't watch much TV ... but when I do my round up on channels every onece in a blue moon .. i get to see those messages , and I wonder the same as you did .. what's the point of all of that carp going over and over .. as if those lines will provide any valid info .. huh ..
I swear .. world around us seems to get siller by day !
بيني و بينك بيقلبوا المعدة و بتحسي حالك مش عارفة تضحكي و الا تنمغصي و الا تقرفي و الا شو بالزبط ... عن جد عالم فاضية
w Sa7ee7 salamaaaaaaaaat ya 3sl , inshallah ma 3aleke shar ya rb. inshallah Bukah wala inte :-)
Wallahi ma3aki 7agg!
haaaaaaaahahahahaha
tab3an kall 3adeh, intee 7ashasheh! hehehe. 3anjadd heik sar el SMS 3ala el channels...
Don't forget the annoying smilies!
omar
تي لفر
لا والله مش هالقد يعني بشوف برامج بس هالمسجات الها قاعدة على قلبي سنة قلب افضفض و اشيل
حلا
شكرا الليه يسعدك ويبعد عنك كل الامراض ولا حرام بوكة
بستاهلش
مسجات بتجلط و ناس عم تضيع وقت لما باقي العلم بنتج و يتشغل و نحنا نازلين نتهبلن
عمر
مبارح رحت اجدد احقادي على المسجز و شفت السمايليز و بقولك اكبس الهاش اذا ما بدك القلب و اكبس ابصر شو اذا بدك الوجه
بعدين في محطات السمايليز مش مراقبة و شوف التخبيص بالحكي
تصحيح
لرد عمر
بعدين في محطات المسجات مش مراقبة و شوف التخبيص بالحكي
Post a Comment