قالت لي جدتي ملائط

جدة امي ملائط , سيدة تقارب التسعين من عمرها كانت تجلس وحيدة تطالع اخر الاخبار على جهاز امامها

*****

انا: تيتا شو عم تعملي

ملائط: بقرأ اخبار الدقيقة يا ستي

انا: من زمان بدي اسألك شو معنى اسمك..ملائط

ملائط: اييية يا ستي لو قلت لك ما رح تفهمي

انا: طيب جربي

ملائط: زمان على ايامنا كان في اشي اسمه ملابس..او اواعي او ثياب

انا: كيف يعني؟

ملائط: اشياء مصنوعة من اشي اسمة قماش كانو الناس يلبسوها

انا: عنجد زمان كان في هيك اشي؟

ملائط: اه و كانت كمان الها الوان و انواع و موديلات و كان في اشي اسمة مصمم ازياء

انا: غريب كل هالحكي كاني قرأت عنه مرة على السوبرنت

ملائط: هاي الاقمشة كانت تتوسخ و كان المفروض تنغسل

انا: هاهاهاها..شو حلو كملي كملي

ملائط: لما تنغسل بالمي

انا: مي؟شو يعني؟

ملائط: سائل كنا نشربه زمان بس هلا انتو ما بتعرفوه

انا: كان زاكي؟

ملائط: ما كان اله طعم بس كيف بدي اقولك كان مهم كتير

انا: كنتو تشربوه و تغسلو فيه كمان؟ يعني متعدد المهام؟

ملائط: هيك اشي..كننا لما نغسل لازم الاواعي تنشف و عشان تنشف لازم ننشرها عالمنشر

انا: كأنك بتحكي عن كوكب تاني..طب ملائط شو هاي

ملائط: هاي يعني مشابك بتمسك الغسيل احسن ما يطير بالهوا

انا: هوا؟

ملائط: تيتا حبيبتي روحي خلي جدتك دانا تقولك عن الهوا تأخرت انا بدي اروح

انا: وين رايحة؟

ملائط : بدي اغير الكرتونة اللي علي هلا بيجي جدك وائل..حطيلنا اشي نسمعه

انا: اوعي تكوني بدك تسمعي اغاني قديمة متل كل يوم

ملائط: مالها الاغاني القديمة.لسة كان الها معنى..با سلام لما كانت دومنيك تغني عتريس ولا سيدة الغناء قمر العرب ماريا لما تقول العب العب..انتي شو فهمك بالطرب..جيل هامل