افطر بكير هموم الدنيا كتير
الامثال الشعبية
ما بيمر يوم الا بتسمع مثل مدحوش بين الكلام بيكون الواحد يحكي و عشان يؤكد وجهة نظرة يدعمها بمثل شعبي
في امثال كتير صح و بتخدم الموقف و امثال سلبية لا بتزيد ولا بتنقص
***
اللي ما بيحبك حبو و اقعد جنبة كول من اكله و احرق قلبه
مثل لئيم تكتيكي مبرمج
***
عشر مجانين و بنت عمهم زايرة
مثل توضيحي غرافيكي مصور(ممكن تتخيل حالة البيت
***
ظليت اصلي لمن حصل لي و لمن حصل لي بطلت اصلي
و مثل اخر شبيه
مثل العتال ما بعرف ربه الا تحت الحمل
اللي ما بيصلي الا لمصلحة
***
كبوا القهوة من عماهم قالو هذا الخير اجاهم
لما حدا يكب قهوة ويقولو معلش كب القهوة خير
***
قالو للبغل مين ابوك قال الحصان خالي
نفس فكرة المثل: القرعة بتتحالى بشعر بنت خالتها
لا تقل اصلي و فصلي
انما اصل الفتى ما قد حصل
***
لا تضحك بوجه مقبل ولا ورا مقفي
اله مثل داعم:كتر التهلي بيجيب الضيف الزفت
امثال مهمة للتعامل مع الناس اذا ضحكت ورا واحد بفكر بتضحك علية..استنى شوي
***
ما اكذب من شاب تغرب الا ختيار ماتت اجياله
بس تقعد مع ختيار و يبلش يعرط و يقول كنت بزماني اعمل و اسوي
او شاب كان متغرب و يقعد يقولك انا كان عندي فيلا وسيارة و بيكون ساكن مع 15 واحد باوضة
***
ما بتلاقي كبر المنافس الاعالخنافس و الجحاش المدبرة
و مثل شبيه: الكبرة اللي ما هي لايقة متل الحبلى المتدايقة
عن اللي شايفين حالهم و نفسهم محمضة
***
كبرت البتنجانة و اتدندلت جراسها و نسيت الي كان معلق براسها
كبر البصل و اتدور و نسي زمانه الاول
اللي بينسى اصله و شو كان
اللي بينسى اصله و شو كان
***
مسكين يا مرتجي عشاك من دار اخاك يوم بعشيك و عشرة ينساك
واضح جدا و له مثل مشابه:ما بحك جلدك مثل ظفرك
يعني ما تعتمد على غير حالك
ولا بتبات بلا عشا
***
قاعد بحضني و بنتف بدقني
قعدته وراي مد ايده عالخرج
عمل الخير و نتائجه
***
اللحّام : الكلب جليسه و الذبان انيسه و ابليس بكيسه
بس تروح عند اللحام تزكر هالمثل
***
عملت عزيمة و تأنيت *و يا ريت قهوة غليت
لازم نكمل اللي منعمله للاخر عشان ما يروح كل تعبنا عالفاضي
تأنيت من تأني
***
راحت تنتوف و رجعت تنتوف القمل مصفوف و الحمد الله عالسلامة
ما تغير اشي عليها
***
هم براني و هم جواني و هم بالبيت بستناني
يا حرام
***
يا مسترخص اللحم عند المرق تندم
يمكن اكتر مثل متداول و صحيح
***
مين عافك عافه ولا تتغطى بلحافه
الكرامة اولا و اخيرا
***
صار للدبانة خزانة و صارت تسكر بالمفتاح
في مثل شبيه بس بلا منه
***
كل حجّاز و هواته طالعة من الراس
لا بهاوش ولا بيلم حجار
امثال للطوش: مفيدة جدا
***
شو نابك من غربتك غير عوج ضبتك
للي بتغرب و برجع مفلس ما معه اشي او بلا شهادة بس لسانه اعوج
**
الدنيا متل النورية بترقص لكل واحد شوية
يعني كما قالت ذكرى_ مش سميرة سعيد_ في كتابها المشهور
يوم ليك ويوم عليك
***
الحما حمة و بنتها الحية المسمّة و بنت بنتها اللي ما تتسمى
حطني بكمك ولا تخليني عند امك
حماتي بطبريا وصوتها واصل ليا
كناين و حموات
***
الاكل بالشبعان خسارة
اكلة و انحسبت عليك كول و بحلق عينيك
الشبعان اله 40 لقمة
الاكل و اهميته عنا
***
و في امثال لا تعد ولا تحصى(ممكن اكتب لبوكر الصبح )
كلها الها اصل و قصة وسبب و معظمها بيعطي حكمة لا تجدها في اعظم الكتب
18 comments:
طبعا أنا 99 بالمية من الأمثال اللي كتبتيها هاي عمري ما سمعت فيها
من وين جايبتيهم؟؟؟
Yeslm tmk 7aje mla2et!
wllahe mzbo6 !!!
ma 5lo 7ades bla mathal, w kolo sa7 !! ma 5lolna she :p
thanks mla2e6 ;)
mona
bakkouz
fe ktab la dr hani il 3amad kollo amthal 7elweh ,i read it long time ago and i memorised some of them
fee lessa kteer..amthal sa3b aktobha hon :D
yakhleele iyaki 7ajeh rasha..:D
ahlan mona
true and still now we hear new ones..parody to old ones
طب الجرة ع تمها بوقع الفول منها
أحسن مثل في الدنيا:
الشرطة في خدمة الشعب
لا بدي انام بين القبور ولا بدي اشوف منامات وحشة
هدا مثل طبعا
;)
اللي ما بيحبك حبو و اقعد جنبة كول من اكله و احرق قلبه
heheheh jd ta7sheesh min wain jebteehom ya binty ?:-)
هلا حلا اشتقتلك
زمان قرأت كتاب للدكتور هاني العمد بس ما كان الي غ حفظت اكم مثل و كتبت ع دفتر اكم مثل
الكتاب كتير حلو و مسلي اذا وقع تحت ايدك اشترية
LOL ... I lovve Amthal .. although I am lousy when it comes to remember them .. however, I happened to remember elmathal elmoradef for this one :
صار للدبانة خزانة و صارت تسكر بالمفتاح
I think it goes like :
صار لل "***" مرة و صار يحلف بالطلاق
ويلكم تيل لفر
و هاي قهوة الصباح ترحيبا بك
ايوةةةةةةةةةةة
هادا هوة المقل
و في كتير امثال يستعمل فيها هذا اللفظ المشفر
this is amazing!
very nice Mal2oo6a! :D
I liked "El Denya Methl El Nooreyyeh"
it got an english translation to it!
LOL, bass 3eib ne7ki.
W ya sha6oora
"Youm Leek, Youm 3aleik"
mush la Sameera Sa3eed!
it's for ZEKRA! hehehe
ana 3endy shway:
Ya wagef being el basaleh w geshret-ha, ma benoolak ella re7et-ha
6alabat-ha El Mesht-heyyeh
w Akalat-ha El Mest7eyyeh!
El Skafy 7afi
W Bab el Najjar M5alla3
Jamb el 3agrab la tegrab,
w Jamb el 7ayyeh ofrosh w naam
(Hada mathal, walla maqooleh? - LOL)
omar
عمر
انا ضعيفة بالاغاني الخليجي فكرتها سميرة سعيد..اغرش ما حدا انتبه بس افضى ببقى بعدل بس لا تجيب سيرة
..المثل الانجليزي بعرفه شبيه بهدا
كتير امثال بتقبلها نفس الفكرة بالانجليزي بلكي عملت الحلقة الثانية من
Amthal sha'bya..(englizy)
الاسكافي حافي و الحايك عريان
و عريان طاب ع مشلح
(هدا مثل ما اله دخل بالاول بس الكلمة الاخيرة لزقت
اهلك لا تقربهم بقرصك عقربهم
برضة عن العقارب
الاقارب عقارب
شكرا عمر للاضافة و للتنبية (عن الموضوع هداك)
ياهملالي ... كل هذا كانوا جدودنا يحكوه. بتعرفي انا برأيي انو احنا كثير مقصرين بكل اشي اردني اي والله الواحد بشتهي يقرأ خبر بلده او كتاب بحسو بعالج ظواهر موجودة في بلده اي حتى في السياسة احياناً كتاب المقالات بروحوأ شرق وغرب وبمر يومين بنسوا انوا الناس نفسها تقرأ تحاليل عن قضايا في الاردن . وكمان لأزيدك من الشعر بيت حتى الاغنية الاردنية او الشعر الاردني او الاماكن اللي بتعكس روح البلد القديمة مهمله بشكل بخلي الواحد يسأل لمتى يا كل المعنيين؟
اهلا احمد
جدودنا حكو اكتر من هيك بس مين بسمع
والله انا اكتشفت انه جدودنا يمكن ما كانو متعلمين قدنا بس كان عندهم حكمة و خبرة بالحياة تضاهي اللي عنا اذا مش اكتر
الي بتحكيه صح و اللي ما الو ماضي ما اله حاضر ولا مستقبل
شكرا احمد لزيارتك
hehe! very nice, some of i read for the first time!. bas jad very nice.
Phoenix..glad u like it..if u happen to find a book by dr hani il 3amad there is a lot more..welocme nad hope to see you here again
Post a Comment