لماذا عبرت الدجاجة الطريق

اكيد وصلت للكل زمان بالعربي و الانجليزي

عشان هبك الاجابات هنا جديدة لنغ

و من تاليفي

و لي حقوق النشر

و العصر

و الغسيل

لماذا عبرت الدجاجة الطريق؟

اجابات سياسية

**

حسني مبارك: الطريق دة موجود جوة مصر؟

لو برة مصر ما الناش دعوة

بس دي خسارة خسارة كبيرة للفراخ و للبتاع دا

***

حامعة الدول العربية: نشجب و ندين و نستنكر و نطالب هيئة الامم بفرض العقوبات اللازمة

***

مجلس الامن_هيئة الامم

قرار رقم 34543455 بفرض العقوبات على الطريق

و سنرسل لجنة تقصي لايجاد اية مفاعلات نووية دفعت الدجاجة للعبور

**

اولمرت

الطريق لنا و كل دجاجة تعبر تخرق معاهدة السلام
و تدفعنا للدفاع عن حقنا لاسترداد الاجزاء المقطوعة

**

فيصل القاسم

لماذا عبرت الدجاجة الطريق؟

و من المسؤوووول؟
هل كان العبور من ممر المشاة؟

و هل لاميريكا ضلع في هذا الحدث؟

الليلة في الاتحاه المعاكس

**

كلينتون

لا اعرف هذه الدجاجة و لا علاقة لي بها

**

المخابرات

الدجاجة كمان شوي بتعترف لحالها
اعترفت

....

***

احلام مستغانمي

رأته من بعيد فالقت بريشها على جانب الذكريات
و لوحت للحرية بجناحيها و عبرت الطريق
و سالته:كيف حالك
اجاب: اتقصدين كيف حالي من بعدك

**

فهد الفانك

كلفة عبور الدجاجة الطريق ستضع عبأ على الميزانية الحالي
و صندوق النقد الدولي يطالبنا بنصف الديون المستحقة

**

المحقق كونان

يوجد على الطريق اثار اقدام اخرى لعصفور ازرق

مم لا اعتقد انها عبرت الطريق بمفردها

هل كان الطريق خاليا؟سأجد الاجابات حتما و لكن بعد الفاصل

**

امانة عمان

هذا الطريق بحاجة الى جسر جديد و نفق بمسربين لمنع الاختناق المروري وايضا لجسر مشاة كلفة المشروع 500 مليون دينار

**

شعبولا

: انا بكره الفراخ و قلتها كتير بحب الحمام و المحشي و الفطير

هييييييييييييييه

يا عم عربي اصحى الفرخة منك هتطير

لو نمت كمان شوية هتاخدها اسرائيل

هيييييييييييييه

**

هاني شاكر

قاعد على كرسي متحرك و ببكي

لا لاااااا ما تسيبينيش و تقطعي

بوكرا انتي اللي هتندمي

لما الطريق فيك يدور

و الزمان عليكي يدور

هترجعي

هترجعي

**

هايفة وهبي

: هييي ئتعت التريء؟

و ما خدتش بالي اه يا ولى

**

مسلسل اردني

:و شو بتقول؟

المصنع احترق؟

صفية اتطلقت؟

الجاجة عبرت الطريق؟

جاييك جاييك

**

جاجات تمام

اكيد هاي وحدة من جاجات الوطنية نحنا ما منعمل هيك

**

شرطي السير

تم تحرير مخالفة للدجاجة لعبورها الطريق بدون حزام الامان مع استعمال الموبايل

**

:واحد دواوين و صاحبة
اسمعععت؟

قال جاجة طققققع كرت ابيظ وكاااالةةةة.. قطعت الطريق

ابتعرف ليش؟

صاحبه
ابــشرفك؟..... طب جبت الغرظ؟

**

**
الجد و الحفيد
الجد: زمان كنا نروح عالمدرسة مشي

كنا نمشي 10 كيلو بالثلج و البرد
و ما كنا نشتري اواعي الا عالعيد

مش مثلكو هسا مدللين و مش عاجبكو العجب

الحفيد: جدووو و هدا الحكي شو دخلة بالسؤال عن الجاجة؟

الجد: هاااا!!!ا

*****
جوردانين بلوجرز

ما حدا يزعل

***

جاد :

:نّزلت الجاجة على سيرفر جديد بسعة اكبر مع استضافة مواقع و هاي الموقع الياباني الجديد

別のものよりよくない

**
بكوز

الدجاجة عبرت الطريق لسماع اخر المستجدات من الاغاني الشركسية الهيب هوب والراب

داونلود ناو

**
حلا:

الدجاجة وقفت تنتظر و لما الانتظار؟

لن ياتي لتعبري معه الطريق فاعبري وحدك
و دعي ذكريات العبور الاول تمحي من عينيك دمعة الوحدة

**
بوكة:

هذا تصميم جديد للدجاجة و هي تعبر الطريق

**

فراس:

بقووللك الجاجة عبرت الطريق وك هاظ حكي ها؟ لو حطوا ع كل قطعة طريق شلم كان ما قطعت

**
ابو شريك:

(مترجم)

هاي دجاجة ما عمرها دخلت الميلك بار او قعدت بالسكوير و اكيد مش دجاجة رياضية ولا كان قطعت الشارع بدون ما تثير كل هالتساؤلات

**

خالدة:

اكيد كانت في وحدة قليلة ذوق صافة سيارتها جنب سيارة الجاجة

عشان هيك اضطرت تمشي و تقطع الطريق..صح؟

**

عمر

وووووووو

تحشيش هالجاجة هية هية

قطعت الشارع او ما قطعت بعمل فيلم حلوو

كيد رح احضره هلا بكتب عنها ب ويكيبيديا

***