انتــرنت ابيض اســـود

نرجع بالذاكرة سنيين لورا

نرجع كمان

كمان

خلص ضربنا بعمود كهربا

اول مرة كل واحد فينا صار عنده ايميل

اول مرة عملت سيرتش(بحث

اول مرة دخلت تشات

ايام الدايل اب

dial up

ايام ما كانت سرعة الكومبيوتر 266 قبل البنتيوم

ايام ما كانت سعة الهارد ديسك 3 جيجا و كان دحة

*****

الايميل

بتزكر اول مرة استعملت فيها الانترنت و عملت ايميل

بعتت اول ايميل

تاني يوم

فتحت الانبوكس و يا لهول ما رايت

ايميل من

mailer daemon

و لطمت و صرت اقول والله ما بعرفة مين هادا

فكرته واحد بقرب ل مات ديمون

طلع اني كاتبة العنوان غلط فالايميل رجع

:]

****

تشات

كيف كنا نفوت عال ام اي ر سي

الدال نت

لا و الحلو انه الايبي مكشوف للكل بس ما حدا فارقة معه

لانه ما حدا كان فاهم اشي الا اكم واحد صارو بعدين من الهاكرز العتاولة الذين ييشار لهم بالماوس

و كل واحد يترجى عشان ياخد اوب(اوبيريتر)

و اللي ياخد اوب كان يطرد صحابة اول ناس

نوع من المرجلة السايبرية

****

ام اس ان و ياهو مسنجر

ال ام اس ان القديم
ابو التلاتة و نص(هلا وصلنا ل رقم 8 و لايف مسنجر
السمايليز ما كانو سمايليز كانو هيك
:D :S :P
@------- و هاي كانت و ردة
بس كان فية اوبشنز احسن من هلا
يعني كننا نحكي مع اميركا ببلاش مثلا
ما كان فيه صور ولا فيديو ولا صوت
ولا متل هلا اوفلاين مسجز او اوفلاين تشات
كان في نت مييتنغ للفيديو و الصوت
بس كننا مبسوطين علية لانه اصلا ما كان في غيرة هوة و الياهو
الاي سي كيو عمري ما حبيتو

****

ISP

اشبك اشبك

صوت المودم

..اه شو كان حلو(ع القليلة بتعرف انه شغال

و يا ويل اللي برفع سماعة تلفون

اما ليلة الخميس فحدث ولا حرج

الشاطر اللي بقدر يشبك يومها

الخط مشغول مشغول يا ولدي

و لما يشبك تعم الفرحة انحاء البيت و تسمع صراخا و تهليلا و زغاريت

شبك شبك

اما عن الاشتراكات و الاسعار فعلى ما اذكر كان اشتراك الانترنت مع غلوبال ون اللي هية وانادو هلا لمدة سنه و لساعات محدودة يوميا بضعة مئات من الدنانير اما الاشتراك الغيرمحدود ف اظن كان حوالي 600 دينار و طبشة

بالاول كنت اشتري بطاقات نتس

nets

البطاقة كانت ب 10 دنانير و ل 12 ساعة فقط

و بالليل بعد ال 12 كان استعمال الانترنت ببلاش

free ya3ni

بطء تحميل الصفحات و يا عيني لما تكون كاتب ايميل طويل عريض و تعمل سند

send

و من كتر البطء تطلعلك صفحة

this page cannot be displayed

****

الويندوز

من ويندوز95 و مرورا بال98 و انتهاء بالاكس بي و هلا في الويندوز فيستا

لا كان في سيرفس باك ون ولا تو

حتى لو هلا كل شي احسن بس زمان كان كل شي اصعب و كان الحصول علية متعة اكيد ما رح ننساها

التوقيع

نوستالجيك ملائط

Nostalgic mala2e6