Customer service خدمات المشتركين

فاست لنك
اكبس 1234
و اطلب
بطلعلك صوت وحدة
مرحبا بكم بمركز فاست لنك لحدمات المشتركين
للتحدث باللغة العربية اضغط واحد
للتحدث بالانجليزية اضغط 2
و هاي واحد
للمعالومات عن الاسعار و العروض و الخدمات اضغط واحد
جابتلي ضغط
للاستعلام عن الحساب و الفواتير اضغط 2
ارتفع الضغط
المهم
نوصل للتحدث الى موظف خدمة الزبائن اضغط اشارة النجمة

(صوت تسجيل: سيتم تسجيل هذه المكالمة لغاية ضبط الجودة)

موظف:يسعد صباحك معك علاء* كيف بئدر اخدمك
ملائط:معك ملائط
موظف: اهلا ست ملائط تفضلي
ملائط:في ناس بقززوني عالتلفون بئدر اعرف الرقم؟
موظف: للاسف يا ست ملائط ما منقدر نعطي ارقام الا بعد ما تئدمي شكوى
ملائط: يعني ما في طريئة؟
موظف للاسف يا ستي,اي خدمة تانية؟
ملائط: لا شكرا
موظف:يسعد صباحك و اتمنى لك نهار سعيد


اخ بس .....بحكو بطريقة مبرمجة و بصوت بهز البدن و بضرب العصب
المهم خلصنا

اللي بدي احكية قصة ضبط الجودة
زمان (قبل ما تنزل خدمة ضبظ الجودة) كنا نموت قبل ما نقدر نحكي مع خدمات المشتركين دايما الخط مشغول
و بعدين عرفت ليش

اتاريه اللي بكون مناوب يومها بقول لصاحبتة او صاحبة انه مناوبتة الليلة و طبعا بما انه المكالمة لخدمات المشتركين ببلاش كانو ياخدو حريتهم بالحكي و خود يا طء حنك
و المشتركين مرقوعين بستنو فرج الله

فاست لنك بتسجل عشان تضبط..بس اكيد مش الجودة
و اذا كان عنجد قصدهم الجودة

اكيد جودة موظفينهم

________________________________

ديسكليمر*

الاسماء المذكورة لا تمت بصلة للواقع و اي تشابه ما هو الا محض صدفة