January 29, 2011

تمخض الفقر فولد ثورة

ما بعرف شو اشعر
بعرف انه الناس اللي بالشوارع
و تاركة وراها اولادها و امهاتها واباؤها
و مسلسلاتها التركية
وخرجت الى الشارع
لتقمع و تضرب ويداس عليها بالمدرعات
هاي الناس اكيد وصلت لحد من القرف والقهر
وصلت لحد من "اكتر من القرد الله ماسخط
و اللي بده يصير يصير
مش عارفة انبسط انه الشعب خلص فقد القدرةعلى التحمل
ولا ازعل لما ا شوف ناس بتموت؟؟

زمان ايام الانجليز قلنا معلش تحريرمن الاستعمار
وايام الملك فاروق و الضباط الاحرار
قلنا يالله يمكن الوضع يتحسن
طيب الان مبارك ابن الشعب سابقا

ليش
ليش ياحضرة الرئيس مبارك
نسيت انك ابن الشعب
ليش قعدت عالكرسي واقتنعت انه من بين الثمانين مليون لا يصلح غيرك

ليش لما شفت شعبك مبارح مجروح و مقهور وينزف و يموت

ليش طلعت حكيت كلمتين

انا متأكدة ان تلات ارباع الشعب ما استوعب منهم الا كلمة بدي اغير الوزارة
ليش ما حكيت معهم كبشر بيهموك
كأب و اخ

ليش تترك الامورلتوصل لمرحلة يسقط مبارك
و شو شعورك لما الناس اللي اانتخبوك و اعطوك 99%من اصواتهم
قالولك ارحل

سألت شاب مصري يعيش في شارعنا
شاب بسيط جدا
قلت له
شفت شوعم بيصير بمصر
قال لي : اه كويس اوي

قلت له طيب لو مبارك راح مين بدكم بداله ريس
قال لي : جمال ابنه

انا اردنية و الحقيقة ما فهمتش المنطق اللي حكى فيه
يعني الشعب عامل كل هالهليلة عشان يشيل حسني ويحط جمال؟



طب ما همه لو موافقين على جمال كان قالوا
ويعني مبارك مش هيقول لأ
ولا هيقول
؟؟؟؟؟؟
على كل
التاريخ يصنع امامنا الان
ونحن المؤرحون
لنكن امناء
لنكن موضوعيين





Video by Tamer shaaban

5 comments:

Finalway said...

ملائط ...
المصريين بدهم تغيير و بهدم الانتقام من مبارك و شلتو الي نهبوا البلد و ذلوها واهانوها و بشكل اخر دايرين ظهرهم المهم جيوبهم واستثماراتهم ...

لكني بشكل عام ادعوا للمصريين بالانتصار على الطلم و الله يقويهم ...


وزلمتك المصري سيبيه بحالوا شكلوا على باب الله ...
لووول

:)
اما الانتخابات حكي فاااااضي بمصر تزوير بتزوير
والتاريخ رح يكب كل ظالم باقرب مزبلة

Whisper said...

اكيد الشعب المصري ما بده جمال لأنه كله ضد مسأله التوريث اللي بيتخطط الها في الرئاسه
انا فرحانه و بدعي للي توفو بالشهاده و ان ربنا يتقبلهم و يصير تغيير حقيقي حتى يصبرو اهاليهم عوافاتهم

ما يسمى بالخطاب اللي طلع والقاه سيادته بين انه مش فاهم اشي من اللي بصير

ربنا ينصرهم لحتى غيرهم يتشجع
لنوصل بيوم نكون كلنا احرار بأذن الله

Mala2e6 said...

Finalway:الله يقويهم و يحميهم
في كل الثورات هنالك الشهداء الله يرحمهم
في كل الثورات هنالك الخسائر لكن التعويض كبير
اتمنى ان ينالوا مرادهم باقل الخسائر
شعب عظيم يستحق الحياة الكريمة
اما زلمتنا
ف مش عارف الله وين حاطه و اتمنى ما يكون في منه بمصر كتير

Mala2e6 said...

ويسبر و انا بدعي معك و بخاف من اللي بيشوهو الثورات و بيقلبوها لسرقات بس تير حبيت الشباب اللي بيحموا الاملاك و بيجاولو يمنعوا السرقات
الله ينصرهم

بس مش مفروض يكونو محضرين بديل لمبارك؟
طب لنفرض الاخ شلَف و لحق زميله بن علي
مين بياخد مكانه
مجلس؟

Unknown said...

thank you

سعودي اوتو