إذاعة بدون مذيعين

لما بصحى الصبح

(لاني مرات بصحى بالليل فحبيت انوه)

بدي وقت لادخل في عالم البني ادميين الي صحيوا قبلي

ما بحب اسمع اصوات عالية و هاي اهم نقطة

بس ما عندي مشكلة اسمع اغاني

فبكل تفاؤل

بفتح الراديو

بطلعلي وائل كفوري

ببتسم لانه صوت وائل بحبه

ما بغني جملتين الا بلاقي نجوى نطت عالخط

حراااامي

دغري بكبس على محطة تانية

ولا الوكيل

جيت اقلب و لا هوة بقول و هاي اغنية فيروز يا جبل البعيد

و بهديها لابو المعتصم و ابو فراس و ابو وابو

ماشي

ولا فيروز بتغني

هلأ في احلى من صوت فيروز الصبح؟

يا جبل البعيد خلفك حبايبنا

بتموج متل العيد و همك متعبنا

اشتقنا علموااااااعيد

فجأة

هعهعهع

(الوكيل)

بتكمل فيروز لانها مصرة

اشتقنا لمواعيد

بكينا تعذبنا

الوكيل مصر اكتر

هسا كل الشوفيرية عالاشارة الحمرا هادييين هعهعهع

صح اميليوووو

هعهعهع

والله جبتها

هعهعههعع

اسمع عوظ بدي اقوللك

هعههع

طبعا انا كنت لحالي بالسيارة ف

**&*&*(()()^&%#$

(مش ضروري تعرفوا)

رحت لمحطة تانية طلعتلي مذيعة

صباحكن حلو متل البون بون

غيرها

مذيع بصوت شبه نائم

اللي وراها

بونجور لكل المستمتعين

مستمرين معكم و الفكرة

( قصدها الفقرة بس حرف القاف عندها محروقة بوجياته

دلوقتي لتوافك الابراج

و بيلقف المذيع الجملة

معاكن توافء الابراج و صحصح مع روتانا

النتيجة

انا بدي اذاعة ما فيها مذيع او مذيعة

بس بدي اسمع اغاني

ما حدا يقولي حطي سي دي

لاني مكسلة كتير

و لسة نعسانة