رحلة نسائية و اشياء اخرى
طائرة الملكية القادمة من اثينا كانت بقيادة كابتن ست
كابتن كارول الربضي
مبروك
بس مش اشي غريب او عجيب
لانه مش اول مرة ست بتقود طائرة في الاردن
كانت في تغريد العكشة
الكابتن الخاص لجلالة الملك الحسين رحمه الله
المهم انه الخبر تناقلته وكالات الانباء
كأنه عجيبة و صارت انه ست بتسوق طيارة
"العجيب بالموضوع مش" قدرة المراة على عمل اي شيئ
لانه برأيي المرأة كالرجل ان تدربت التدريب الكافي لاي عمل بتقوم فيه
و في اعمال ما بدها تدريب
متل الاعمال السياسية بس مش موضوعنا
العجيب انه الرجل تركها تعمل اشي
***
نشوف ردود الفعل
"تمكنت طائرة أردنية طاقمها كله من النساء الهبوط بسلام "
ركزوا على بسلام
يا عيني
يعني لو مش عارفين انها رح تهبط بسلام بتركوها تطلع بالطيارة؟
كان في اي شك بالموضوع؟
ووحدة بالفيديو بتقول ما حسينا باي اشي و انه ست عم بتسوق
شو بدك تحسي يعني؟
بدها تصف على جنب و تزبط مكياجها؟
ولا بدها تلف عاليمين بدون ما تعطي غماز؟
ولا تصف بالعرض؟
ولا تنزل تجيب علبة بيبسي و تترك الطيارة شغالة؟
و" طبعا لم يتم اعلام الركا ب بذلك الا بعد انتهاء الرحلة
(فكركم لو قالولكم انه الكابتن ست بتطلعوا عالطيارة؟
انا متاكدة انه معظم الركاب ما بطلعوا و اولهم النسوان
(متزكرين قصص الانتخابات النيابية و شو عملوا النسوان؟
ما بدي اكون بس مدافعة عن المراة لمجرد انها امرأة
بس بحب رايكم بدون تعصب
لو
البنت من اول ما تنولد تربت بطريقة صحيحة
بعيدة عن كلمة" لا انتي ما بتقدري تعملي هيك" او هادا شغل للاولاد
مش ممكن تعمل اي عمل بدها اياه؟
احكيلكم سر
انا لما كنت زغيرة كنت اتمنى اكون ولد
لانه في كتير اشياء كنت بدي اعملها و كنت اسمع كلمة لأ
لمجرد اني بنت
هل نحن نطفس البنات؟
نعم
بحجج كثيرة
مش رح اقول واهية
بس معظمها اه
واهية
الناس
والعيب
و ما بيصير
و الى اخره من اشياء منزرعها براس البنت
لما تكبر و تعمل اي انجاز
بيصير كانه عجيبة العجايب
عشان هيك انا برأيي التربية اهم اشي
زرع الثقة بالنفس
التحفيز
تربية الطموح بالطفل
عدم زرع الخوف و الرهبة
عدم الطس
و الطفس
عدم الاستهزاء بأي حلم او موهبة لطفل
على كل حبيت افش قلبي على الصبح
بيضل تساول دايما كان براسي
هل كابتن الطيارة الست معرضة للقيل و القال كزميلتها المضيفة؟
و هذا موضوع اخر
9 comments:
hahaay ! the problem is not in women its in men ..he thinks he he thinks God created everything for him ,,even women ,,so when she do anything spl if she do it better than him then this is the problem dude :)
soooo true..
you know what bugs me? it's when they brag about being the best chefs,the best designers etc..
hai il pilot il tanyeh illi bil filem isimha hadeel o bitkoon bint khalti illazam :D
تحياتي ملاقط
و مرحبا بعودتك
أنا أتفق معك بالموضوع المطروح .. وأختلف مع ملاحظة لأخت ميس وردك عليها
أولا التعميم لا يجوز ..
ثانيا باعترافك في طرحك للموضوع فالمجتمع - ذكورا واناثا - هو وراء ترسيخ فكرة قصور الأنثى عن أداء بعض الأعمال ..
ثالثا .. الأنثى نفسها .. وعندما تتغنى بانجاز من هذا النوع فانها تساهم في ترسيخ فكرة قصورها كأنثى عن القيام بهذا العمل
الصحيح ان ينظر الى الموضوع من زاوية: هل يليق بالأنثى القيام بمثل هذا العمل .. بدل من القول هل تستطيع القيام بمثل هذا العمل .. أي ان المشكلة ليست في قدرة الأنثى .. سواء العقلية أو الجسدية على القيام في معظم الأعمال و انما في مدى ملائمة هذه الأعمال لطبيعة الأنثى
والواجب النظر الى عدم ملائمة بعض الأعمال للأنثى من باب المحافظة عليها و ليس الخوف منها .. على سبيل المثال قيادة الشاحنة على الطرق الخارجية لأيام
من وجهة نظري المرأة نفسها تساهم بقدر مساهمة الرجل في هذه المشكلة .. وبالطبع ليس كل امرأة .. ولا كل رجل
هذه مجرد وجهة نظر مع احترامي لجميع وجهات النظر الأخرى
تحياتي
ملاقط .. يالله حركيلنا هالمدونات شوي
Bakouuuuuuuuuuuuuuuuuuuuuuuuuz ..
el 3azeem tab3an w da2eman
ahla b hal talleh ahla..tab ya bakouz i3malna leqa2 7asri ma3 bint khaltak..please please please..
thanks in advance :D
امجد يا مليون مرحبا و الله المنشر لعلعت انواره
طيب خلينا نناقش اللي صار
اولا_ اللي كتبته ميس
هلأ يمكن انجرفنا شوي و اخدتنا الحمية و سحبنا الحماس و ظلمنا بعض الرجال لكن
للاسف و انت عارف انه المعظم هيك
طبعا الملام هنا ليس الرجل فقط
لانه تزكر انه الرجل ربته امراة
امه
(مرته بتربية بعدين)
و انت لما قلت ان الانثى تتغنى بانجاز
هادا يا امجد السبب الرئيس الي خلاني اكتب الموضوع
انه وكالات انباء و صحف و تلفزيون و هليلة
كان ناقصها شعبولا يضيف لمساته
بتعرف
ما تلومنا
لانه كل شي النا دح
اقولك سر
بس ما تحكي لحدا
انا كانت امنيتي اطلع كابتن طيارة
بس طبعا كان الطس بالنفي
اقصدكان الرد
امجد اهم اشي بالموضوع و كمان سر
انه نحنا مش عارفين شو بدنا
هل بدنا نطير و نحلق و نصير رؤساء دول ولا بدنا بيت و زوج محب و اولاد و بس
يمكن لو ترك لنا حرية الخيار و حسينا انه كل الطرق مفتوحة امامنا متلنا تل الرجال
ساعتها يا امجد بتكون اختيارتنا ناتجة عن خيار و ليس جكر او دقارة لوضع اجتماعي معين
فهمتني؟
لانه انا حاسة اني ضيعت الموضوع
النتيجة
انا مبسوطة كتير لزيارتك
و مبسوطة اكتر لطريقة تفكيرك و الله يكتر من امثالك
اما بالنسبة للمدوناتفانا تفاجات انه معظم اللي بعرفهم صاروا الغائب الحاضر و انا بفكر اني انا بس اللي غبت
اتمنى نرجع نشوف الكل زي زمان
ما في تاغ جديدة ؟
هاهاهاا
mala2e6 zaman 3annek!!! shekli latashet nafs el topic men 3endek lol, anyway thanks for posting about it
الله شعرت حالي حبل لمبات عرس وانتي بتحكي عني
انا يا ملاقط فهمان عليكوا .. ومع انه الجملة قوية بس بعرف انه مش المقصود الكل
طيب انا أحكيلك سر .. انا كان نفسي أطلع رائد فضاء
:)
والعام لما كملت دراسة اجاني عرض اروح أقابل بال
NIA
:) يعني منت يقرب خطة من ال مليون ألف خطوة
بس ما رحت
يعني مش دايما الواحد بمشي بطريق أحلامة حتى لو اجته فرص
يعطيكي العافية .. وشوفيلنا شو عندك أفكار للتاق .. انتي دائما بتجيبي افكار ما حدا بقدر يجيبها
Hareega
mish ra7 a2olak great minds think alike..lol..hehehe but maybe the way the media handled the incident was rediculous
Amjad
يمكن زبطت
انت الان تحلق في فضاء المدونات
بدنا نشوف اشي قريبا ان شاء الله
Post a Comment