وصلنا مرحلة الطفر بالاردن
و لتعريف مرحلة الطفر
الطفر : هو المرحلة اللي بعد معيش احلق و قبل مرحلة عالحديدة
و المرحلة اللي بعد عالحديدة هية لما تبيع الحديدة
و هدا الموضوع مش عن الوضع اللي ب.... ولا عن الاسعار
الموضوع عن المواضيع اللي انكتبت بهالموضوع
انا لاحظت انه كل ما سخرنا من هالموضوع و حكينا عنه عم نتقبله اكتر
و منقبله اكتر
و منقبل نعيشه اكتر
كترت الكارياتيرات
و عالفالنتاين بدّعوا الشبيبة
و نزلت جرة الغاز ملفوفة بشبرة حمرة
و ضحكنا
ضحكنا على حالنا و حالتنا
و لما تضحك على حالك احسن ما حدا يضحك عليك
بس المشكلة انه نوع االتنفيس هدا بالضحك هوة تنفيس
يعني نوع من التقبل للواقع المفروض
فهمتوا علي شو بحكي؟
الطفر اله علاقة وطيدة بخفة الدم و الضحك
لحد هلا الضحك ببلاش ان تواجد
و عشان هيك منشوف انه الشعب المصري اللي هوة اخف دم شعب عربي
اخد هاللقب عن جدارة لانه سبقنا بمراحل في قضية الطفر
و نحنا هلا عم نتنافس عالمركز الاول
اول ما تصير مصيبة بالبلد بتلاقي المسجات عالموبايل هلّت
و النكت
و حجاج بيعمل كرتون
و اخوة اسامة بيلحقه و بيعمل كرتون
و عمك هنداوي كمان
و نحنا هون المدونين منقعد نكتب و نعلق
و نشكي همنا لبعض
و بس
و هادا الاشي اللي عملناه لمحاربة الغلاء المجنون
برافو علينا
الشعب الاردني مشهور بالكشرة
بس انا شايفة العكس تماما
صرنا شعب حبور ضحوك لزيز امور
و طبياَ الدم بيخف مع قلة الاكل
يعني من هون لاكم سنة على هالرشة رح نتصدر اللائحة
بتقوله :ليش بتضحك ؟؟
بيقولك اي هو طفر و قلة كيف؟
شايفين
مش كل شي بيكون سيئ مية بالمية
دايما في جوانب حسنة لاي موضوع
اهنئكم و اهنئ نفسي و اهنئ الشعوب العربية على هالخصلة الجديدة
و اللي عندة موضوع بيضحك عن الاسعار يقولو
و اللي عندة نكته يبعتها قبل ما تغلى المسجات كمان
لانه المسج بدها بنزين
او هيك رح يصير
نفسّوا نفسّوا قبل لا تفقعوا
تنفيس بالضحك
(مش الفول و الحمص و الفلافل
ممنوع استعمال المنشطات مثل النكت اللي ما الها علاقة بالغلاء
او المواضيع اللي لا تتحدث عن البنزين و السولار
والا بتصيرو ديسكوليفايد
kter 3ajbatne wejhet nazarek. lel asaf e7na sha3b t3awadna noskot bs l2emta?
ReplyDeletey3ne ana hl2 b Dubai mo 3ajbne wade3 el as3ar bel Ordon bs sakteh.. marrat bfaker sho momken y3ne ANA a3mel.. ma be6l3 m3e eshe..
كل واحد لحاله ما بيطلع منه اشي بس لو الكل رفض يمكن ما حدا يرد بس علقليلة بالمرات الجاي بينعمل لنا حساب
ReplyDeleteقال يا فرعون شو فرعنك قال ما لقيتش حد يردني
والله يا ملائط معك حق، لازم نعمل شي، لازم يكون إلنا ردة فعل غير الكاريكاتيرات والنكت، بتحكي مع حدا واصل بالحكومة بيقلك رفعنالكم الرواتب، طيب والشركات الخاصة؟ 20 دينار زيادة شو رح يكفّوا؟ لازم نتفق ونكون إيد وحدة ضد الغلاء وبعدين بنلاقي طريقة تضحك الشعب
ReplyDeleteشرّ البلية مايضحك :)
ReplyDeleteإحنا من طول عمرنا شعب مش منظم, وما بطلع معنا شي إلو قيمة.. يعني ع موجة الأسعار الجديدة صارت إضرابات واحتجاجات, بس أشياء فردية ومش منظمة وما بتأثر..
تعال جرّب اعمل إضراب ليوم واحد ع مستوى البلد الكل رح يبلش يتحجج, أنا عندي اولاد بدي أطعميهم, أنا بقدرش أعطل التكسي, صاحب الباص بدّو ضمانه آخر النهار, إذا عطلت بفصلوني... الخ..
فكلو بروح ع الفاضي..
هاوإفر, في إشي إسمو "قوّة الجوع" ولما العالم توصل لمرحلة معينة من الجوع ماحدا بقدر يتنبأ شو ممكن يطلع معهم..
ياسمينة
ReplyDelete20 دينار
بيجيبوا اكم كيس فواكه
منيحة فيتامين
طرق الاحتجاج تتراوح بين احتجاج سلمي
احتجاج بعبعة
احتجاج مكتوب
احتجاج رافض انيميتد (يعني معه اكشن و يتضمن المظاهرات السلمية و الطوشجية
احتجاج منظم
و هذا المفقود
عنا برلمان الله يعافينا
المفروض هدول اللي صرفو ملايين عشان يوصلوا انهم هم يرفضوا و يحكوا باسمنا
adoosh
انا ما بقول نعمل مشاكل او مظاهرات
لسبب بسيط
انه حنا ما منعرف شو يعني مظاهرات او كيف نعمل مظاهرة
بيفكروا انه المظاهرة انك تطلع و تسب عالحكومة و تكسر اكمن شباك و ترمي حجرين
و منطلع بالتلفزيون ووقتها بيقولوا الشعب الاردني مشكلجي
(عالحاتين مش خالصين)
المفروض انه الحكومة اصلا عارفة انه في غلاء
لسة قل يومين ضابط عالدوار بقولو ليش في سيارات اسعاف كتير بقولي الناس انجلطت من الغلا
اذا بما انه الحكومة عارفة فالهف من الاحتجاج مش توصيل معلومة .هو توصيل فكرة رفض الغلاء
و طلب حل وسط يرضي الطرفين
mmm...
ReplyDeletewalla kalam 5ateeeer ya mala2e6...
3njadkalam 5ateer, bs fish wa2t 23alleq :-D
soooo kol taljeh o entu salmeen enshalla :-D
ايههههييي يا ملائط.. خلّي الناس تعبّر عن احوالها.. الضحك الهيستيري وسيلة للدفاع عن النفس على فكرة .. و بتساعد كتير
ReplyDeleteبعدين طفر و قلة كيف كان شعار وحدة مش لاقية تاكل هية و زوجها و جايبيين ماشالله 13 ولد.. فقالولها ليش هالقد.. ردّت بكل فخر .. انها "كيّيفة" خلّينا .. نضحك .. و نكيّف .. انشالله لا حدا حوّش... و اتوقع ما حد رح يحوّش بجميع الأحوال
ملاحظة دقيقة و جديرة بالاهتمام ... بس على فكرة .. زمان ما كنا مريشين .. ولا مليونيرات .. يعني الكشرة مش عارف ليش كانت الكشرة هي السمة الغالبة
ReplyDeleteمصر من زمان بلد المضحكات .. و هينا عالطريق .. بس شكله مثل ما حكى عمك أبو الطيب
" ولكنه ضحك كالبكى" .. و تنفيس بالضحك ولا تنفيس بالهوش
:-)
naryat
ReplyDeleteشو خطير ما خطير
لا انا
ايش
بدك تنحط صورتي جنب فؤاد الفرحان
انا بمزح
نرنر
انا بس بوصف كيف صرنا
مش عارفة شو اسمي وضعنا
مش جاجات ولا خرفان
ولا معيز
بس الناس مكسورة و مهمومة و ساكتة
و بوكرا بتشوفي كيف رح تزيد الجرائم و السرقات و اولاد الحاويات
اما شحادين الاشارات ف هدول من اعيان الشحادين
Qwaider
الله يعدمني اياها
13 ولد
اذا هية مش لاقية تاكل كيف بدها تطعمي هالامة؟
يا اخي لا نافع معهم ساتلايت ولا فيديو
مبين هاي وسيلة الترفية الوحيدة الغير مكلفة مبدئيا
و بتروح السكرة و بتيجي الفكرة و بيسرحوا ولادها عالشوارع و بيطفروا و بتككرر المأساة
اذا اتوقع لو فكر الكل بطريقة هالست رح نتفوق مش بس على مصر و كمان عالصين
amjad
اه
زمان و الكشرة موضوع تاني تماما
زمان كانت الكشرة دليل الهيبة و مقاعد الرجال ملازم
شوف صور زمان الجدود او بالاحرى جدود الجدود
بتلاقي الزلمة قاعد و بوزه شبرين و مرته واقفة وراه و طبعا بوزها شبرين
و هاي بتكون صورة عائلية في لحظة صفا يعني لابسين و مصطهجين و طالعين من البيت في قمة السعادة
انا زمان كنت اخاف من الميتين لما اشوف صورهم بعدين اكتشفت اني بخاف من الصورة مش من الميت
لانه بيجح فيي
الله يعين المصور
نحن كالطير الذبيح يرقص من شدة الالم
اما عن التنفيس ف افضل جملة تنفيس بالضحك و لا تنفيس بالهوا
:D
انا اول مره بزور مدونتك وعجبتني طريقه كتابتك للمواضيع كتير, بتوصلي الي بدك اياه باسلوب بتخلي الواحد ما يزهق من قرايه الموضوع مهما كان طويل.. اسمحيلي اضيف لينك على البلوج عندي
ReplyDeleteردي للموضوع, هو احنا شعب لو عصروه بستخرجو منو بنج للعمليات , لانه احنا مخدّرين , مش مخدرات ما مخدرات لا سمح الله .. مين جاب هالسيرة ههههه
يعني بالعربي وبلا طولة سيره امرك سيدي وبدنا نعيش ,وفي اشاعه انه رح يغلو البنزين كمان مره لانه الشعب لسه ما احتج لهلا...تزكرت نكته بس ما بتنحكى هون هههههههههه
تحياتي الك
ya3ni, this is a very good post about the hard times people are going through...at least el de7ek wel kaif lazem ykoon bi balash!!!
ReplyDeleteتنفيس بالهوا؟ :-) ش قصدك
ReplyDeleteتنفيس اعجال؟
لووووووووووووووول يا ملائط ... على قولة أدوووش :
ReplyDelete"شر البلية ما يضحك " ....
إستني بكرة الناس بتصير تاكل بعضها :) هاهاا .....
و إحنا ساكتين .....
looooooooooool
ReplyDeletemala2e6 mesh 2zdi wallahi el 3azeem :-D
lat5afi ana mu labse naddara shamseyye soda (aslan 3atmeh 5el2a,ban3ames :-p ) o mesh 2zdi eshi heek... bs fi3lan hadi 2osset el nokat sammam aman fazee3 lalshu3oob... o fi3lan law bala nokat el nas btef2a3... o iza 3m tla7zi nesbet el jareemeh kolmalha 3m tzeed -b3'ad elnazar 3n no3ha- bs bardo el tankeet 3aljara2em 3m yzeed!! o efhamha yalli btefham...
el nas iza ma de7kat bet6o2...
o fi3lan wallahi!!! y3ni 6afar o 2ellet keef? walla 7aram!!
hai rgheef il falafel ra7 iyseer bi noss laira wal7amdolillah.
ReplyDeleteishi fakher 3al akher! 7ata il hommos il wa7ad batal yegdar yeshtareeh mo 3aref sho dal lal nas takol... akeed mafi ghairo hadaka illi lono binni o mo shokola6a. allah iykhaleelna il7okoomeh. :D
TAGGED !!
ReplyDeleteBuahahahahaha!!
askadenia
ReplyDeleteاهلا اسكدينيا و شكرا لكلامك الحلو و لاضافتك الي
يعني راحت علينا النكتة
مش عم نقول لازم ننفس بالنكت
نحنا شعب متمسح
مغيّب
عايش عوم على وج المي
محل ما بتسحبنا منمشي
بدنا نقول زهقنا م مناكفة الاوضاع
ما منقدر لانه ما ناكفنا
بدنا نقول زهقنا و تعبنا و استسلمنا
صعب لانه اصلا ما كافحنا لاشي
خلينا بالنكت و شر البلية ما يضحك و اضحك للدنيا بتضحك عليك و بتمد لسانها
نورت المنشر
summoorty
it is b balash up till now,well not all of it,zain sends us jokes but we pay for them and they suck..lol.zaman they used to say ma fee ishi b balash ila il 3ama w il 6rash..and i say those also are not b balash.always a pleasure to see ur name decorationg the comments section
amjad
اه ولا!!
انت شو فكرت؟
;)
vagueraz
ناكل بعض
من ناحية نظرية عم ناكل بعض من هلا
رزان
انتي شو الفليفر؟ عشان بدي اعرف لما اجي اكل كل واحد شو فليفرو
فكرك بنزل ناس على فليفر بلوبيري؟
انا شايفة انه كل الدنيا عم تقرب للتدمير الذاتي
يعني هانت
شكرا رزان
naryat
مش قصدك و كنتي رح توديني بداهية كيف لو كان قصدك
و اهون عليكي يا نرنر
و مين بدو يكمل المسلسل
يالله هينا منتفرج و منضحك
و لو النكتة نحنا
و شيلي هالنضارة تنشوف عيونك
معك جريدة مخزوقة تتخبي وراها؟
bakkouz
مبارح اشتريت فلافل الساندوشة ب 80 قرش
من ايو جبارة
بس الصراحة اكسترا
و المحل اشي مفخرة للفلافل
و لازم يعملوا فلافل درايف ثرو
ليش دخلك ما في فلافلا درايف ثرو؟ هاي الفلافل قرب على سعر الهامبرغر
اما عن البني البني البني
البني مش اكتر مني عليكي محروق
ف هاظ هو اللي ما عبيتو بفراغ فوق بالموضوع
منور بكوز العظيم
sharifo
و مبسوط اوي؟
و منشكح
طيب شكرا يا خوي مردودة بالافراح
looooool
ReplyDeleteana ba6alt afakir min zmaaan :p
والله يا ملائط بدي أستخدم مصطلح فلاحي صميم لهاد الوضع و هو:
ReplyDeleteالله لا يقسنا
و المعنى الله لا يقيمنا
بتلاقينا بنشحد و البيت فيو 5 6 موبايلات
كلو ما معو و الكل عايش أحسن عيشه
لما تصفي تستني باصات العروبه مثلا هون ف اربد بتصيبك صدمه:
الشباب ع اخر موضه
اول ما فتت الماستر كانت موضة MP3
بعد شوي صارت موضة iPOD
ال iMATE اشي بالهبل زي كأنو ببلاش
اللاب توبس يعني كل ما تمشي شوي بتتدعثري بواحد
طبعا هاد غير الشعر و اللبس و الموضات و القضات و الشالات و الشنتات و و و
يعني كل واحد من هادول مش معقول اهلو هالقد مريشين و اكيد الو طحشة اخوان ف الجامعه غيرو
والله يا ملاقط اشي بيحير قال الشعب طفران؟؟!!
طيب يا ربي من وين هالعالم بيجيبو فلوس؟؟
الخلاصه : احنا شعب بنحب الكبره و الفشخره و عشان هيك حنضل ننطس و احنا ساكتين
تحياتي الك و شكرا عالموضوع الحلو
mais
فعلا انا صدقت انكم شعب صاحب كشرة
ReplyDeleteتاعبة قلبها وقاعدة تتحشتف عليكم وعلى الغلاء
وعاملة دعوة عامة بالبنط العريض
بتقول بكل وضوح
اللي عندة موضوع بيضحك عن الاسعار يقولو
و اللي عندة نكته يبعتها قبل ما تغلى المسجات كمان
لانه المسج بدها بنزين
او هيك رح يصير
نفسّوا نفسّوا قبل لا تفقعوا
تنفيس بالضحك
(مش الفول و الحمص و الفلافل
ممنوع استعمال المنشطات مثل النكت اللي ما الها علاقة بالغلاء
او المواضيع اللي لا تتحدث عن البنزين و السولار
والا بتصيرو ديسكوليفايد
وانتم فى وادى تانى خالص
صراحة ربنا يكون فى العون
منذر
خدوا النكتة دى بمناسبة البنزين
ReplyDeleteخطفوا الريس المصرى حسنى مبارك وطلبوا فدية 200 مليون دولار والا هيولعوا فيه بالنزين
راح الشعب كله متبرع
كل واحد اتبرع بلتر بنزين
منذر
ميس
ReplyDeleteانا مرات بفكر متلك
يعني وين ما بتروحي بتلاقي ناس قاعدة بتتعشى بتارجل بتشتري المولات مليانة الكوفي شوبس كمان و بعدين بتلاقي ناس بتمشي 5 كيلو لتوفر 60 قرش تكسي
في هيك
منذر
اهلا ي ا منذر
طب سمعت نكتة اللراجل الي راح للجزار و سأله
كيلو اللحمة بكام
قاله الجزار باربعين جنية
الراجل قال
ربنا ياخدك يا محسن ياللي مغلي علينا الدنيا
و سأل الجزار
طب كيلو الفراخ بكام
قاله ب 30 جنية
الراجل قال
ربنا ياخدك يا محسن ياللي مغلي علينا الدنيا
قام العسكري اخد لراجل للقسم
سالة الظابط: الراجل دا عمل اية؟
قاله العسكري: ما بيعرفش اسم الريس
يا بية
كلنا في الهوا سوى