October 09, 2009

حكاية عمان



حكاية بدت زمان
قبل ما تولدوا يا اخوان
حكاية عمان
قبل البنيان
قبل ما يدخلها حجر معان
قبل ما تطلع جسور الحديد بعمدان

كان في شارع خرفان
و طلعة الشابسوغ
و طلعة المصدار
و الشوبينغ بشارع بسمان
و السينما ما كانت بمكة مول
ولا زارا
ولا برايم
كانت سينما الخيام و الحسين وزهران
بس هادا مش كتير زمان




عمان مش شوارع و طلعات
ولا دواوير و بيادر و نزلات
ولا جبال ولا تلات
ولا كوفي شوبس
ولا مولات

ايمتى منفهم عمان شو بالذات؟

عمان ليست في القلب
عمان هي القلب
وشوارعها الشرايين
عمان حب معبي قلوب الملايين
مشوار طفل زغير بين الدكاكين
زغروتة عرس على البلاكين

يا الله يا عمان شو بحبك
بحب هواك و ارضك
بحب مطرك و شمسك
بعيش حاضرك
و بشتاق لبوكرا معك
و احن الى أمسك
و لما افيز
بتمنى انام بحضنك

الله يحميكي يا عمان من عيون الحاسدين
الله يجعل ايامك معطرة فل و ياسمين
قولوا معي

اميييييييييين


15 comments:

  1. اميييييييييين

    ReplyDelete
  2. امييييييييين يا رب

    اعجبتني جمله
    "عمان ليست في القلب
    عمان هي القلب "

    فعلا معبره و كفّت و وفّت :)


    الحمد لله عالسلامه وكتير طولتي الغيبه :(

    ReplyDelete
  3. Hamede :) kaman ameen

    Whisper
    كل ما طولت كانت الرجعة اصعب

    استحيت كل مرة بغيب و برجع صارت حركة زنخة مني بس و الله ما الى غنى لا عنكم ولا
    عن المنشر
    شكرا همسة

    ReplyDelete
  4. على الرغم من اني ما سكنت بعمان وانا في الجامعة بس هالمدينة الها معزة خاصة بقلبي وبالنسبة الي اجمل مدينة في العالم وبستنا اللحظة اللي اعيش حياتي فيها, فعلا عمان هي القلب

    ReplyDelete
  5. كتير حلو
    اشتقنالك يا ملائط

    ReplyDelete
  6. Ahmad Hamdan
    حاولت احط شاعري بكلمات ما قدرت
    قد ما اقولك بحب عمان بحب كل شي فيها حتى الاشياء اللي بتعصبني مرات
    احلى مدينة بالعالم
    و ان شاء الله يا احمد يتحقق حلمك
    شكرا الك و اهلا منور المنشر

    sumooor
    يعني كان لازم اكتب اشي عشان اشوفك؟
    اشتقتلك كتير
    لف يو
    موا

    ReplyDelete
  7. Kalam kteeer 7ilo!! kal 3adeh :D

    ReplyDelete
  8. nidooooooo..wow it's been so long,how's the little princess ? missed you

    ReplyDelete
  9. The best thing about this post is that you are back :)

    ReplyDelete
  10. Sorry Mala2et bas 3alla2et el mouse.

    ReplyDelete
  11. lol 3ala 7sabek..thanks Gardenia walla sert a5jal minkom,you are all so nice

    ReplyDelete
  12. والله يا ملائط ذكّرتيني بعمّان و عشقي القديم.. اللي ما راح انساه
    اسف على التأخير.. بس جد اشتقنالك كتير كتير

    ReplyDelete
  13. الحمد لله على سلامتك :) منورة

    ReplyDelete
  14. Qwaider

    كل مرة بقول ما رح ارجع اغيب
    و بس اغيب بحس انه جزء كبير مني ضايع
    دايما بشتاقلكم

    تانكس قويدر
    سلام سبيسيال لميوش

    Tamtam

    يا اللههههههههههه ما احسنكم كلكم و الله الكم وحشة طمطم
    كيفك و شو اخبارك
    انا اللي كنت اعملكم جريدة المنشر هلا ما بعرف اشي عنكم
    شايفة الزمن

    شكرا كتير

    ReplyDelete
  15. This comment has been removed by a blog administrator.

    ReplyDelete