December 04, 2006

يا هيك تكون النسوان يا عمرا ما تكون





Image Hosted by ImageShack.us





سهى : بتحبني يا مزعل؟

مزعل : هسة وقت الحكي الفاظي

سهى : شو مش قادر تقولها؟

مزعل : شو حب و ما حب عيب هالحكي

سهى : عيب الواحد يحب مرته؟
مزعل :متعودة حظرتك...حبيّبة من يوم يومك

سهى : شو قصدك؟

مزعل : قصدي حبيب القلب الخطيب القديم

سهى : ولا حبيبي ولا بعرفه. هلأ خطبة اسبوع صار حبيب القلب؟

مزعل :ولا شو..مش خطبك يعني حبيتيه
سهى :كانت خطبة بين الاهل و فرطت..بدناش نخلص من هالموال؟
. كل هدا عشان بدي اسمع منك كلمة حلوة
مزعل : سنحك.. انتي فيش وراكي شغل؟ روحي اعمليلنا اشي ناكله

سهى : افف شو همك ع بطنك!! هلا قمنا عن الغدا

مزعل : غدا؟.. غدا؟.. هاظ بتسميه غدا؟ ..انا ..مزعل.. اتغدى صواني كفتة..هزلت

سهى : مالها الصواني؟ ما انا بشتغل متلك و برجع معك و يا دوب العصر
الحق عالاولاد و تصليح الورق و تنضيف البيت و الغسيل و الكوي و يا ريتك بتساعد

مزعل : هلا والله ..هلا عمي.. حلو كثير..قال اساعد قال.. شو بدك ارظع عنك الولد؟

سهى : انا ما قلت هيك بس لو بتقعد معهم شوي لاخلص طبخ بوكرا

مزعل : الله يا زمن..اخص بس..انا مزعل قعيد ولاد ؟ امي و خواتي حذروني منك قالولي اوعى يا مزعل
بوكرا بتسحبك شوي شوي ولا انت عالمجلى..معاهم حق
سهى: الله يسامحهم هدا اللي طلع منهم؟
مزعل: بتدعي على امي و خواتي..؟
يا ريتني كنت تجوزت ميلاني..ما كان هاظ حالي

سهى : و مين هاي ست ميلاني؟

مزعل : ميلاني ..صاحبتي قلت لك عنها..اللي كانت صاحبة عمار ابن ابو صبحي
اللي كان ساكن معي بشيكاغو و حبتني و تركته و عاشت معي ثلاث سنين

سهى : و بتقولها و مش مستحي..عيب عليك

مزعل : الرجّال ما بعيبه اشي ..ياللا عاد سيبينا من هالحكي الفارط
و روحي حظريلي عشا خفيف..ما بدي اتعبّك..شوية مقالي

***

اخ بس لو اني تجوزت ميلاني. ماتت لاتجوزها . اخخخخ
****


Image Hosted by ImageShack.us

وتدور الدوامة بمزعل و يأخذنا المسلسل الى زمن تزوج فيه مزعل من ميلاني
****

مزعل : ميلاني..هني..ماي كب كيك ( يا عسلي يا شقفة كيك

ميلاني : ياه؟؟ انا هون باللفنغ رووم (غرفة المعيشة

مزعل : موااا موااه اشتقتلك سويتي ( المواه هاي بوسةو سويتي يا حلوتي

ميلاني :اوعى تكون نسيت تاخد كاثي عالبالية و سام عتدريب البيسبول (اي هو بيسترجي

مزعل : معقول انسى بيبي..بعد الشغل طرت عالمدرسة واخدتهم و استنيتهم ليخلصوا

ميلاني :ممتاز..جبت معك عشا؟

مزعل : يعني ما طبحتي؟

ميلاني : شو؟ اطبخ؟ انا من الصبح ما ارتحت..طلعت شوبينغ و كنت بالجيم
و سارة كانت متدايقة لانه صاحبها تركها و كل العصر معها( يا حرام بتتعب الولية

مزعل : اسف حبيبتي ما كنت اعرف يعطيكي العافية (لا اسد بس بتشاطر على سهى

ميلاني :بعدين لسة عالويك اند اكلنا هاي الي طبختها انت...ملقوبة

مزعل : قصدك مقلوبة..ما هو انا طق قلبي على اكل بيت و انتي ما عم تطبخي هني

ميلاني : خلص روح حمّم الاولاد و عشيهم و غيّر لجوي البامبرز و طلّع بوبي يتمشى
و ما تنسى الزبالة و لما ترجع بتحكي مع بيبي سيتر و منطلع نتعشى بره.كيف هيك؟ ؟

مزعل : غريت دارلنغ هيني طالع موااه مواه بحبك ماي بمبكن بس..ال..ال جلي المطبخ قايم قاعد
ميلاني:دونت وري مزئل..بس نرجع بتبقى تجلي (لا تقلق مزعل
مزعل: حنووونة كان يوم سعدي يوم تجوزتك مواااه
****
و اخد مزعل الاولاد و هو مبسوط و بغني..يا هيك تكون النسوان يا عمرا ما تكون
***
**
تنويه
هذه عينّة من بعض الازواج و لا تنطبق عالجميع
هنالك عبر و دروس و كل واحد يلقط اللي بدو اياه
اي اسم ورد هنا و فيه اي تشابه مع اي اسم حدا بتعرفوه..مش هوه
تحديث

النقاط اللي حبيت الكل يشوفها
**
بعد الزواج البعض ينسى الرومانسية و ينظر للزوجة كطباخة و مربية و ينسى انها امراة
**
بعض الازواج لا يرى ولا يسمع ولا يتكلم الا باذن الماما.
الام لها مكانتها و احترامها لكن دورها بعد الزواج يجب ان لا بتعدى ذلك
**
الزوج مسموح ان تتعدد علاقاته قبل الزواج ولا يجد حرجا منا التفاخر بها بينما يعيب على الزوجة مجرد انها تكلمت مع رجل قبل الزواج
**
مساعدة الزوج لزوجته بالاعمال المنزلية..مش عيب و لا تقلل من رجولته
**
عند الزواج من اجنبية تصبح كل العائلة رهن اشارتها..عقدة نقص عننا و عقدة زيادة عند الاجنبي خلقناها نحنا
**
اختيار اسم مزعل كان عن قصد.لم اختر طارق او لؤي ..
مزعل اسم قديم يدل على العقلية القديمة التي اردت ان اعكسها هنا
..بس ما بمنع انه في طارق او لؤي يقومو بدور مزعل..
(قلائل
**
شكرا لاضافاتكم و للقراة و التعقيب

49 comments:

  1. "انا من الصبح ما ارتحت..طلعت شوبينغ و كنت بالجيم
    و سارة كانت متدايقة لانه صاحبها تركها و كل العصر معها( يا حرام بتتعب الولية"

    HAHA...3njad ya3ni bifakro elajnabeya a7san men el3arabeya...Arab mentality!

    ReplyDelete
  2. احد الدروس المستفادة انو سهى بتشتغل معلمة
    لأنها بتصلح الاوراق

    ReplyDelete
  3. saned
    انا شفت كيف العربي بيعامل مرته الاجنبية و بيتغاضى عن كل شي عشان عيونها..دايما بتعاملو معها كانها اعلى من العربية و بيحمدو الله انه اعطاهم فرصة و تجوزو هيك بنت

    حتى اهل الزوج بتلاقيهم مش مصدقين حالهم

    7usam
    هيك قربت توصل
    ما هوة كل وحدة متجوزة لازم تكون تشتغل شغل يقعدهه بالبيت وقت ما بدها و خصوصا ما تنسى فرصة الصيف

    ReplyDelete
  4. ملائط.....!!!! تعي لهون!.... كاينة متجوزة من ورانا و اللا ايه يا رجالة؟

    احتشيلتش الصراحة... مش كل اللي بيتزوج اجنبية هاي حالو... بس انا معك ... و مع العربية .. و ان كانت بطّيخة حمراء... يا عمّي كل واحد ياخظ من جماعته
    تعرفي ... حتى عرب امريتشيا ما بيتاخد منهم..

    ReplyDelete
  5. قويدر

    انا شفت عينات
    صدقني بتكون ابصر من وين جايبها و بتلاقيه قاعد تحت اجريها و واحد بكون متجوز عربية بتسوى عشرة من هديك و بتلاقية بنكّل فيها هوة و عيلته

    طبعا ما في اشي اسمه تعميم بس في اشي اسمه اكثريه

    و الاكثريه بيتصرفو هيك

    ReplyDelete
  6. ah so2al
    leish e5terti esem milani!?

    ReplyDelete
  7. والله جبتيها ... بس على فكره شباب اليوم مو هيك على ما اعتقد ! مش عارفه ... لما انطس في عيني و أتزوج بقلك :)

    صباح الورد يا كتكوتة
    :)

    ReplyDelete
  8. mala2e6,
    great :-)
    wala hal7aki bentabeq 3a kteer nas ;-)
    Yalla!...

    ReplyDelete
  9. 8-) ..

    Its weird how some think this way .. enno bent elajaneb btestahal eldalal aktar men bent el3arab ..

    I kind of believe with the old proverb "Men 6ein bladak , lo6 3a7'dadak" .. but there are always exceptions I suppose !

    Funny post :)

    ReplyDelete
  10. san7oh ma ashna3oh

    ReplyDelete
  11. الواحد بيتعلم

    و بيني وبينك , اذا وحدة بتقلي شقفة كيك بدوووخ , وبدي اسمع الكلمةو أنا بضحك :P

    لوول

    :) الله يسر للكل , و اهم شي انه ايكون صالح واتكون صالحة , و يجيبو مصاليح

    ReplyDelete
  12. saned

    اسم ميلاني سهل و اجنبي و ما بتختلط الامور عاللي بيقرأ

    7ala
    صباح الخير حلا
    في اكم رسالة مخبأة
    يعني اللي مسموح للشب مش مسموح ربعه للبنت
    مثلا
    الشب ممكن يتباهى بغرامياته و البنت اذا حكت مع واحد بتكون مصيبة
    هاي وحدة بس

    ابحث عن فضولي:)

    و ان شاء الله يا حلا بيكون نصيبك واحد غير مزعل

    naryat
    ما هوة شفت بعيني ما حدش قالي
    شفت كيف واحد مشهور جدا و ناجح جدا و ما بيحكي مع مرته الا هني و بمبكن و هية شايفة حالها يا ارض اشتدي ما عليكي قدي
    و يا ريت عاجبها
    هلا نريات
    tealover
    mish inno btestahal aw la2...its the inferiority complex we feel when dealing with foreigners,we try hard to win them to make them feel we are as civilized as they are
    no matter what it takes..even walking the dog seems like a great job for mez3el just to make milany happy

    ola
    ahlain ola..welcome ..yes san7o bil 3ashara..:D

    mqabbani

    اهم شي المصاليح
    و طبعا لازم نضل مفتحين عيونا و نتعلم من غيرنا لانه مش معقول كل واحد فينا يمر بكل تجارب العالم

    و اهلا م. قباني

    ReplyDelete
  13. hehe :)
    hala2 suha btkon shmtane feyo, ma?

    5arjo allah la y2emo :P

    mn na7a tanie, elmr2a heye e5tart tsht3'l dwamen (sho3'ol w beit), msh 3ajebha elwd'e3 tla2e 7al jazre, bs msh eno elrajol ysa3edha 3la sho3'l elbeit!!(bla2eha kbeeere kteer ya5ti)

    t5alof? momkn
    (2esa shoft elmsg, bb3t replay)

    ReplyDelete
  14. mnosh
    في كتير بيوت ما بكفي فيها راتب واحد و مش عيب الواحد يساعد مرته يعني الحياة تعاون عشان الامور تمشي

    المشكلة انه البعض بشوف انه عيب بس العيب انه يقعد يقرا جرايد و هية تايهة بين البيت و الاولاد

    اكيد سهى لو شافته بتتشمت فيه

    كان عامل عليها عنتر و مع ميلاني صار يمشي كلاب

    بس بتصدقي يمكن كمان ما تتشمت و ما يهون عليها مزعل

    ReplyDelete
  15. =))
    يعني حبكت تختاري (ميلاني)؟.. يللا مش مهم. انا لسة برضة مدمع م الضحك. بقوللك، فكرتي تكتبي سيناريوهات قبل كده؟ اقترح انك تجربي.

    اخصصصصصصصصصصصص يا عم (مزعل) خليت رقبتنا قد السمسمة. اروح فين بس يارب، و انا عارف ان فيه ملايين من هذا الـ(مزعل)، و يمكن حتى في يوم يدور بيا الزمن و ابقى منهم.ده الراجل ندل ندالة!!! ايـــــــــه ده؟؟ ندالة تهبل يعني، مش على حد خالص. بيفكرني بالراجل اللي في اعلان رنات الموبايل و مراته (عديلة). بصي يا ملائط، لو في يوم عرفتي اني بقيت (مزعل) احلفك بالغاليين تسميني يسم فيران ولا حاجة. لمصلحتي الخاصة، و الله مش هشتكي، بس بجد الواحد مايستحملش يعيش بالندالة دي.

    هيهيهي عقدة الخواجة، و العنجهية الذكورية المنافقة في اجمل ما قرأت. شكراً جزيلاً. ماتحرمش منك ابداً يا رب!!

    ReplyDelete
  16. Mala2e6

    This is one funny post : ) lol so true.

    يعني مع الأجنبيه بعمل كل شي و مع العربيه و لا بتنازل يعمل لحالو كاسة شاي ، و في بلاده ما بيشتغل الا مدير على مكتب و في بلاد الأجانب بنضف حمامات

    و عجبي ..!!

    تعددت الأشكال و عقدة النقص واحدة

    ReplyDelete
  17. lol ma qara2t.ha kolha be2harne hada el 7aki
    :P

    ReplyDelete
  18. kokiiv
    شو قصة ميلاني؟ مبين في اشي رايح علي
    انا تعمدت اختار اسك كزعل و سهى لاسباب يمكن اعمل ابديت واذكرها بس ميلاني ما اعطيتها كتير وقت
    ..
    انا ما اعتقدتش انه اي واحد فيكم ممكن يبقى مزعل..مش عشان بقى عندكم فكرة اد ايه ممكن بكون مزعل راجل مش ولا بد لأا لانه انتو هنا و بتكيبو و بتعبرو و بتقرو يعني في تواصل و في مجال للنقاش والاخد و الرد
    مزعل راجل مقفل من كل ناحية ما عندوش فكرة عن العلاقة الزوجية غير دي اللي اخدها من امه و اخواته و غالبا الافكار دي بتكون مبنية على افكار قديمة و تجارب فاشلة مروا فيها

    اما عقدة الخواجة ف نحنا بأيدنا نلغيها لما ما نسمحش لاي حد يعاملنا بتعالي و يبصلنا من فوق
    و شكرا يا محجوب عبد الدايم منور الاكزيكيوتيف لاونج

    Tamara
    شفتي بالله!!
    العقدة موجودة حتى بالوظائف يعني الاجنبي بتلاقية بنفس مواصفات العربي بس براتب اعلى ..خبرات اجنبية
    بس من اللي بشوفه اننا نحنا لا نقل عنهم بأي شيء هدا اذا ما كننا احسن كمان و لازم نتزكر هالحكي دايما

    منورة يا تمارا
    Naturalblu
    كملي كملي
    ما انا استديت لسهى بالقسم التاني و خليت مزعل يشتغل خُز عند مرته الاجنبية
    و خٌز(بضم الخاء) كلمة جديدة لكلمة قديمة و اظن انها قطروز
    يعني شغل روح جيب وودي
    تنقهريش يا فطوم ما في اشي بستاهل
    برضة منورة يا فطوم

    ReplyDelete
  19. ههههه..الله ينور عليكي.

    لا أبداً، (ميلاني) كويسة جداً. انا بس حبيت اعمل نكتة بايخة.

    ايه؟ كنت عاوز اقول ايه كمااان؟؟؟؟

    آه.. بجد اللي قرأته هنا النهاردة خلاني افكر في حاجات كتير ماكنتش واخد بالي منها. او ماكنتش باصصلها امن وجهة النظر الجديدة دي. كنت عاوز اقول شكراً.

    ReplyDelete
  20. محجوب 2006

    لأ انا سألت عن ميلاني لانه كمان سند سالني عنها..قلت يمكن دي تطلع حاجة و انا مش عارفة

    المهم ..قلتلي الموضوع طلع بفايدة؟

    طب يا رب

    و انا بقولك..شكرا

    :]

    ReplyDelete
  21. well, it's not about Arabs and foreigners, it's more about, love and control
    ya3ny, elly be 5aly el nas terkabo, el kol berkabo
    Suha tarekto ytmaqta3 feeha o hyeh sakteh, fa rekbha, bas milany, la3nat sansafeeno, o ho kolo 3a ba3do mesh shayfeeto, fa le2ano bemoot feha 5alaha terkabo.
    Law ahel suha tmaqat3o fee shway, o heyeh darbat anfha bel sama, kant rekabat abo.
    examples like this not just only happen between Arabs and foreigners, it also happens between rich and poor, if mza3el married a girl richer than him, mostly she would be like milany.

    ReplyDelete
  22. المشكلة في زلام بكون برة البيت خانس مثل البس, بهز ذنب للي بسوا واللي مابسوا.

    وبرجع عالبيت, بيصير مزعل اللي ماطلعش على شكلو

    هاي الاشكال بدهمش الا وحدة أجنبية, الاجنبيات قويات, بدعسو عراسهم :)

    ReplyDelete
  23. nice! ya 7aram i feel sorry for him

    ReplyDelete
  24. Mala2e6, I am not going to argue about marrying or being an Arab or foreigner...there is a lot of truth to it but i am saying that i should just write one comment and copy it and paste it on your blog...
    PLAIN EBDAAAAA3 ALWAYS!!

    ReplyDelete
  25. Haik kundarah bedu haik mara ... Sorry but I have no respect for those kind of males (note i said males and not Men as they don't qualify for Men)

    ReplyDelete
  26. الحب دايما نهايته الزواج

    نهايته!

    والزواج كورقة اليانصيب

    بس الفرق
    إن ورقة اليناصيب احيانا بتكسب

    والزوجة أو الزوج السعيد سعادة مطلقة
    لاوجود له

    قال نهاية سعيدة قال




    احييك يا ملاقط

    يا ملاقط في الدنيا ياما لاقط

    ReplyDelete
  27. والله يا آنسة ملاقط مزعل حاله من حال كتير من الناس هون بالاردن اللي ايمتا ما حطيتي على الفضائية الاردنية ، بتلاقيهم فاضحينا بمسلسل اردني فيو من شاكلة الاخ مزعل ومرته الهبلة اللي بترد عليه لو قالها كبي حالك من الشباك !!
    يضرب الحب شو بذل :)

    ReplyDelete
  28. ala'a ibrahim
    اهلا و سهلا فيك علاء
    الموضوع هداك موضوع تاني
    التوافق مهم كتير بالزواج
    توافق مادي ثقافي اجتماعي
    و المشكلة انه في بعض الناس من اول يوم زواج بفكرة مين بدو يسيطر على مين و مين بدو يكون الامر الناهي

    عشان هيك بقولو

    الرجل هو الرأس

    ياللا انبسطو

    و المرأة هي العنق


    (و العنق بيحرك الرأس


    ما انبسطتو كتير صح؟

    هاي بس لتلطيف الجو حسيتك مشدود

    ما منعرف شو ظروف سهى
    ممكن تكون بنت ادامية جاي من عيلة متربية على احترام زوجها و بعض الازواج يسيئو فهم الاحترام و بيربطوه بالخوف فبيزيد القمع
    يمكن ما الها اهل يمكن كتير اشياء
    اللي حاولت اركز عليه عدة نقاط
    جزء منها الزواج بالاجنبية
    شكرا لزيارتك

    Abed
    و في العكس كمان
    في بالبيت بس و برة عامل فيها طرزان
    ازدواجية وين ما كان

    في مثل سمعت مرة واحد مقموع بقوله
    ارنب سعيد ولا اسد تعيس
    والله في نسوان عربيات بقمعو شارون
    بس هيك خرجتو عن محور النص

    نرجع للحصة


    moey
    hala moey
    if u mean u feel sorry for him in the first part then i share this with u..but in the second part..bestahal


    Summer
    wallahi ya summer, this blog is giving me the space about many things that bugged me for some time ,i talked about it but no one listened..thanks summer..always a pleasure to have u around


    abdulla
    اهلا و سهلا عبد الله
    المشكلة انه هيك ذكور بكون ترباية اناث
    و كيف تربى
    و شو تعلم
    كله بيظهر بعدين
    تكوين الشخصية يبدأ من اول يوم ناخد فيه اول نفس
    منخلق صفحة بيضا.و الاهل ..و المجتمع و البيئة بيكتبو عليها
    انتبهت لما قال: امي و خواتي

    يعني حافظ ابراهيم لما قال الام مدرسة ما غلط

    اكتب بالرصاص
    لازم تقرا الموضوع التالي

    http://ghasseel.blogspot.com/2006/09/blog-post_26.html
    انا دايما بقول المفروض يكتبو: : و توج حبهم بالزواج

    مش و كانت نهاية حبهم الزواج

    و looool
    على يا ما لاقط
    فكرتني باطباق ولواقط الساتلايت

    ReplyDelete
  29. nadeen

    good morning

    بتعرفي الي سنين ما شفت مسلسلات اردنية

    من ايام ربيعع شهاب و بناتو موزة و المازة

    المفروض المسلسلات تعكس الواقع و يا رب ما يكون هدا واقعنا

    بتلاقي هيك و هيك

    مش الكل متل مزعل

    ولا الكل متل سهى
    و في ناس متفاهمة و عايشة منيح

    ReplyDelete
  30. yeh I agree :)
    Good morning again :-)

    ReplyDelete
  31. يسعد صباحك يا احلى حلا

    ReplyDelete
  32. انا شايف إن الواقع بيقول


    وكانت نهايته الزواج


    ايه حكاية التتويج دي@@@@

    قصدي التكليل
    من اكليل الغار
    اللي بيتحط على القبر

    ReplyDelete
  33. اكتب بالرصاص

    ايه التشاؤم ده

    طيب اكليل بس مش اكليل الميتين

    و شيلو الميتين اللي تحت

    ReplyDelete
  34. شكلو البوي فرند حلقلك و صاحب وحدة اجنبية, مشان هيك حاملة علينا ;-)

    ReplyDelete
  35. loool anonymous

    المزيد من الفرضيات

    و الله يا اح مجهول انا مش متحاملة بالعكس انا بحب تكونو احسن ناس عشان هيك بس بنبهكم

    ReplyDelete
  36. Aukhti mala2e6 la abadan ma ghala6 bas min na7yet elromanciyeh elmafrood tetjadad we takhud ab3ad ukhra lekay la takoon rateebeh... ya3nee mara nazret 7anan min ezalameh 6al3a min albo betkhali elmara 7asa 7alha enha sana oula 7ub...es7o ya 3alam we3rafu anu zawjatkum bashar ma hum7ajar
    welkelmeh e6aybeh zay elbalsam 3ajuru7
    ya umet el7abeeb e2tasu bel7abeeb

    ReplyDelete
  37. ماهو انا خرجت عن النص عمدا..

    لاني مقهور من النسوان و قوهن !!

    اه طبعا العربيات قويات, بس بحس الاجنبيات أقوى, كتير قرايبنا منزوجين اجنبيات اسم الله..عيلتنا فيها نسونجين كتار,,ماعدا انا :)

    بس بحس النسوان قوايا مع اللي بعطيهم عين وبحترمهم, بيصيرو يستغلوا..مش الكل طبعا

    ReplyDelete
  38. abdullah
    اخ عبد الله
    كل الي حكيته صح و بوافقك عليه
    يمكن يوم نحكي بموضوع كمان مهم..اهمال الزوجات للازواج ولانفسهن

    بس اليوم خلينا مع مزعل

    abed
    loooooooool
    شوف من كل شي في عننا
    و في نسوان ما بنعطن عين صح
    و في نسوان مظلومات

    بس الاجنبية لانه بلدها بتسندها و جواز سفرها بأيدها وولادها طبعا معهم جنسيتها بتضل القوة معها اكتر
    نحنا المسكينات اكتر اشي بتعملة الوحدة انه بتروح عند اهلها..طبعا قمة الغلط انه اي ست تترك بيتها لانها راجعة راجعة
    بس كمان هدا خروج عن النص

    ReplyDelete
  39. ميلاني = ملائط؟

    هل هاظا لعب ظكي على الكلام و من هل قصص البنات تبعين الوومينز رايطس؟

    بكدك الصراحة؟ ازا كانت الميلاني في المسلسل هي نفسها
    melani Knauss

    فا بطلعلها و نص!

    اني ويز البوسط تويل أخظتني قرايتو يومين، عنجد ما بطخوط

    ReplyDelete
  40. بلاش يسمعك جوزها و يقولك

    you're fired

    ميلاني از نت ملائط

    اسم بس

    ممكن تكون جيسيكا او هيذر


    بعدين بدك اكتب مسلسل سطرين؟

    و التركيز هون ما كان على اللوكس يا فراس
    شو عرفك انه سهى مش احلى

    sorry to have wasted your time

    ReplyDelete
  41. sorry to have wasted your time

    Apology accepted! Ma3 eni ekteer ekteer za3lan!

    Looks is not the issue? Whaaaaaaaaaaaaat?

    It's all about the looks!


    Ok, bala baradeh,I know what your point was and I agree 100% I was just in a bad mood , bas hal mal3oon Trump sar 80 sanneh o lessa 3enu zaygha zay 3yooni!

    ReplyDelete
  42. i know the feeling firas,i woke up with this mood today..

    trump with his money he can have whatever he wants..hal2 balla law ma kan ma3o masari btetalla3 b khle2to?

    money is the best beautician
    بالعربي
    هدا ما بمشي علية متل يا ماخد القرد ع ماله بروح المال و بيضل القرد ع حاله
    لانه مصارية ما بتخلص

    ReplyDelete
  43. *writes down* " beauuutiician" where do you guys get that stuff?:P.

    ReplyDelete
  44. محجوب
    غود مورنينغ

    والله و ردا على سؤالك..مش عارفة
    اهي حاجات كدة بتطلع لوحديها

    هاف اه نايس داي

    ReplyDelete
  45. hmmm..
    i think jordanians have this remote control then!
    http://hourani.wordpress.com/2006/12/05/its-a-mens-world/

    ReplyDelete
  46. hourani

    welcome welcome

    wouldn't that be amazing for men... unfortunatly..they just can dream onnnnnnn..no batteries to make such remote work..not even the mighty duracell..

    naa don't even think of chargers..

    its nice to day dream sa7? :D

    hada badal ma tsof ma3 suha..:(

    ReplyDelete
  47. mala2e6.. see this :)
    http://hourani.wordpress.com/2006/12/07/%d9%85%d8%b2%d8%a7%d9%8a%d8%a7-%d8%b5%d8%a8%d8%a7%d9%8a%d8%a7%d9%86%d8%a7/
    isnt that real? ;)
    AM JUST KIDDING, and we all know the real fact :)

    ReplyDelete
  48. w kaman law ba3ref asoo2 kan saffet ma3 suha :P

    ReplyDelete
  49. looool u r ta7shesh..hope u can drive soon 3ashan tsof

    ..but as for the first one..mmm..not all girls like this..i assure u..bab2 aji azoorak w a3ale2 3al mawdoo3 akeed

    have a good nite

    ReplyDelete